Hai cercato la parola
bilingue monolingue
Hai cercato la parola
riportare
Torna indietro

bilingue

riportare
  • 1a

    v.tr. tornâ a menâ, tornâ a puartâ, puartâ indaûr Copia

    [FO] (puartâ une altre volte intun lûc alc o cdn., ancje fig.)
    deve riportare i libri = al à di puartâ indaûr i libris
    l'hanno riportato a casa = lu àn tornât a menâ a cjase
    vederlo mi ha riportato indietro di dieci anni = a viodilu mi à puartât indaûr di dîs agns
  • 1b

    v.tr. tornâ, dâ indaûr, puartâ indaûr Copia

    [FO] (restituî)
    riportare la bicicletta al proprietario = puartâ indaûr la biciclete al paron
  • 1c

    v.tr. ripuartâ, puartâ indaûr Copia

    [TS] (de bande dal cjan, il puartâ al paron il salvadi cjapât, ancje ass.)
  • 2

    v.tr. puartâ, riferî, ripuartâ Copia

    [CO] (testâ, citâ, riferî robis ditis o scritis di altris)
    una notizia riportata dal giornale = une gnove ripuartade oppure riferide dal gjornâl

    v.tr. puartâ, riferî, pandi, ripuartâ Copia

    (di cjacaris, segrets o sim., contâ, riferî)
    ascolta, mi hanno riportato questo fatto = scolte, mi àn pandude cheste
  • 3

    v.tr. puartâ, ripuartâ Copia

    [CO] (riprodusi spec. dissens, formis, misuris o sim., daûr criteris esats o cun imprescj di pueste)
    riportare il disegno del progetto sulla carta millimetrata = puartâ il dissen dal progjet su la cjarte milimetrade
  • 4

    v.tr. riferî Copia

    [CO] (leâ alc o esplicâlu in forme ideâl o concetuâl cun alc altri)
    Marx riportava i comportamenti sociali agli interessi della classe di appartenenza = Marx al riferive i compuartaments sociâi ai interès de classe che si aparten
  • 5

    v.tr. otignî, ripuartâ Copia

    [CO] (fâ in maniere di rivâ a vê un risultât)
    riportare un buon risultato in una gara = ripuartâ oppure gjavâ fûr un bon risultât intune gare
    riportare una vittoria = otignî une vitorie

    v.tr. vê, ripuartâ Copia

    (di alc di negatîf, ricevi)
    ha riportato molte ferite = al à vudis tantis feridis
    riportare danni = vê dams
  • 6

    v.tr. ripuartâ Copia

    [TS] (tal calcul, fâ il ripuart di desenis, o di centenârs, o di miârs e v.i.)
  • 7

    v.tr. ripuartâ Copia

    [TS] (passâ la sume des cifris di une pagjine ta chê sucessive daûr)
  • 8

    v.tr. ripuartâ Copia

    [TS] (cedi titui a ripuart)

monolingue

tornâ v.intr.
(tor-nâ)
Lâ une altre volte tal lûc di dontri che si jere partîts o di li che si vevisi dislontanât
sinonimi
tornâ incà, tornâ indaûr
esempi
"e partive in biciclete a buinore, e e tornave a cjase la sere"
da "Otavari a Madone" di Meni Ucel
""Bisugne propit che o vadi. O torni subit""
da "A passe la scalmane" di Anute Fabris
tornâ v.intr.
(tor-nâ)
Lâ une altre volte intun puest li che si jere za stâts
esempi
"«Milie o torni jù in Afriche… lunis o martars ae plui lungje… »"
da "Si disarès che e je inventade" di Pieri Menis
"une volte al motivà che i sarès plasût tornâ in Tiere Sante e restâ par simpri lenti jù"
da "Il dolfin" di Carlo Sgorlon
tornâ v.intr.
(tor-nâ)
Jessi di gnûf intune cierte cundizion, situazion, compagnie, relazion e v.i.
esempi
"cussì, la sô famee, la sô grande famee e tornà insiemi e chel al jere dut pal moment"
da "Cjase di Dalban" di Maria Forte
"Cino al è tornât inte mê vite dopo trentecuatri agns"
da "Trê feminis" di Gianni Gregoricchio
tornâ v.intr.
(tor-nâ)
Meti une altre volte atenzion su alc, cjapâ une altre volte in esam
sinonimi
lâ
esempi
"dopo cene, tal cuiet dal fogolâr, intant che la vecje e gucjave, la Ulive e tornà sul discors di prime"
da "La tiere di Lansing" di Maria Forte
"no mi plâs di tornâ cu la memorie a chê prime volte"
da "Trê feminis" di Gianni Gregoricchio
"Tornìn in argoment: / l'an al sarà abondant / di siale e di forment"
da "Pronostic del 1833" di Pieri Çorut
tornâ v.intr.
(tor-nâ)
Puartâsi, pensâ, fâ, vivi e v.i. une altre volte intune maniere che si le veve lassade
esempi
"il timp da lis decisions si faseve simpri plui dongje: tornâ a la vite di prime, a la sô buteghe, al drandran di ogni dì cence storie e cence glorie [in France], o restâ in Friûl"
da "Il sium di Lissandri" di Franca Mainardis
tornâ v.intr.
(tor-nâ)
Sucedi une altre volte
esempi
"i lens a butin fûr une altre volte e al torne il timp dai lavôrs tai vignâi"
da "Par stradis lungjis" di Alan Brusini
tornâ v.tr.
(tor-nâ)
Jessi une altre volte intune cierte cundizion, vê di gnûf une cierte carateristiche
esempi
"i bastave di viodi la muse di Ane, chê muse cence ingredeis di pinsîrs sbaliâts par tornâ legri"
da ""Nocent"" di Maria Forte
"al començave a visâsi di jessi leât a chê tiere cun dute la fuarce di un istint rabiôs che lu faseve tornâ zovin"
da "Sul agâr" di Pieri Menis
"dome cuant che la ore di gnot, cu la piçule, e srarì la place, dut al tornà cuiet"
da "Varc di confin" di Maria Forte
tornâ v.intr., v.tr.
(tor-nâ)
Cun "a" plui infinît, ripeti une cierte azion
esempi
"al veve let che la Kaiserpfalz le vevin slargjade, brusade, comedade, ruvinade, tornade a fâ sù un grum di voltis"
da "Un cidinôr todesc" di Agnul di Spere
"par dute la zornade, Annibale, al pensà e al tornà a pensâ cemût che al varès vût di svoluçâle e, a la fin, al decidè di contâje a la scletes"
da "Il muc" di Roberto Ongaro
"ce brut timp! al torne a plovi…"
da "Resurezion a Pontinie" di Pieri Somede dai Marcs
tornâ v.intr.
(tor-nâ)
Cuntun complement predicatîf, risultâ
sinonimi
vignî, jessi, risultâ
esempi
"vuê, intune clime culturâl dute diferente, la lôr leture [dai simbui dai mosaics] no torne nuie facile"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
tornâ v.intr.
(tor-nâ)
Di calcul, resonament, jessi just
sinonimi
cuadrâ, bati
esempi
"fâ cori la pene sui libris contabii e fâ tornâ i conts"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
tornâ v.tr.
(tor-nâ)
Dâ o fâ vê di gnûf al paron o possessôr di prime alc che al jere stât dât o prestât
esempi
""Sint, Romeo, o sai che o ai di tornâti inmò chei bêçs che tu mi âs prestât [...]""
da "Cretevierte" di Roberto Ongaro
"lâ a tornâ un libri in biblioteche"
tornâ v.tr.
(tor-nâ)
Butâ fûr ce che si à mangjât o bevût
esempi
"no une peraule pai siei strabalçs in ostarie, e no vevin di dâ sù se lu viodevin a tornâ il vin pai cjantons"
da "La tiere di Lansing" di Maria Forte
tornâ v.tr.
(tor-nâ)
Cuintricambiâ (fig.)
sinonimi
cuintricambiâ, dâ indaûr, restituî, ricambiâ, rindi, ripaiâ, tornâ indaûr
esempi
"cualchidun i butave la botonade e jê le tornave biel sclete"
da "La fie çuete" di Maria Forte
"Casanova al mangje là che lu invidin, e al torne il plasê contant ai ospits di cuant che al jere scjampât dai Plomps o dal duel in Polonie"
da "Friûl e furlans te Histoire de ma vie di Giacomo Casanova" di Pierluigi Visintin
"a ti torni lis legnadis, e cul interès"
da "Il muc" di Roberto Ongaro
tornâ v.tr.
(tor-nâ)
[BF] Fâ jessi di gnûf intune cierte situazion, cundizion e v.i.
esempi
"se atrai lu fiar virtût di calamite, / cussì di biele bocje un sôl suspîr / si tornâmi è bastant, di muart a vite"
da "I, 20" di Ermes di Colorêt
tornâ s.m.
(tor-nâ)
Viaç fat par jessi di gnûf intun ciert puest
sinonimi
tornade
esempi
"i capitarin denant cun chel pac di libris che al varès fat un viaç dibant, tant tal lâ che tal tornâ"
da "La tiere di Lansing" di Maria Forte
"il soreli al jere calât daûr la mont e la int e impià lis falis, prin di scomençâ a incjaminâsi su la vie dal tornâ"
da "Cretevierte" di Roberto Ongaro
proverbi
"al pâr che la sô crôs a sedi la plui grande ma se si cjale chê di chei altris si torne a cjoli sù la sô"
"bisugne cjoli l'abûs e tornâ l'ûs"
"ce che al è stât al po tornâ"
"cjoli l'abûs al è tornâ l'ûs"
"cjolimi di grant e tornimi di piçul"
"cuant che lis vacjis a van e a tornin di mont, un montanon al è pront"
"cui che al da al torne a cjapâ"
"cui che al è di biele forme in avrîl al torne"
"cui che al va e torne al fâs bon viaç"
"daspò dal bon timp e torne la ploie"
"daspò de ploie al torne il bontimp"
"daspò tancj agns e tant timp la aghe a torne al so mulin"
"dulà che si è stâts si po tornâ"
"i viei a tornin fruts"
"in cent agns e cent dîs la aghe a torne ai siei paîs"
"l'ingjan al torne a cjase dal ingjanadôr"
"la aghe dulà che e je stade e po tornâ"
"la aghe dulà che e jere, e torne"
"la blesteme a va ator siet agns e po e torne a colâ su par cui che le da"
"la bramazion e ven, e va; po e torne su la schene di cui che le da"
"la caritât e jes pe puarte e e torne pai barcons"
"no je mai stade ploie che il bontimp nol sei tornât"
"passade la doie, tornade la voie"
"passâts i sessante agns si torne fruts"
"robe cjatade e no tornade e je tant che robade"
"robe cjatade, simpri tornade"
"robe dade mai tornade, cul curtìs insanganade"
"robe dade, mai plui tornade"
"se o lin a puartâ la nestre crôs in place, o tornìn a cjase cu la nestre"
"se si file dal nâs a la bocje, no torne su la rocje"
"se si file mai tant che al rivi dal nâs a la bocje, e je une glagn che no torne su la rocje"
"si sa di lâ ma no di tornâ"
"vite e stime scjampadis, no tornin sul vergon"
Torna in Cima
Torna in Cima