Tu âs cirût la peraule
bilengâl monolengâl
Tu âs cirût la peraule
risolversi
torne indaûr

bilengâl

risolversi v.pronom.intr.
  • 1

    v.pronom.intr. decidisi Copie

    [CO] (cjapâ une decision, massime çoncjant ogni cencenament)
    finalmente si è risolto a partire = ae fin si è decidût a partî
  • 2a

    v.pronom.intr. sierâsi, risolvisi, concludisi, lâ a finî Copie

    [CO] (finî, vê une conclusion di un ciert gjenar, vê tant che risultât)
    tutta questa storia potrebbe risolversi in una grande perdita di tempo = dute cheste storie e podarès lâ a finî intune grande pierdite di timp
  • 2b

    v.pronom.intr. risolvisi, sistemâsi Copie

    [CO] (sclarîsi, davuelzisi di mût di superâ lis dificoltâts e i problemis)
    il problema si è poi risolto da solo = il probleme si è po sistemât di bessôl
  • 3

    v.pronom.intr. risolvisi Copie

    [CO], [TS] med. (di patologjie, rivâ al vuariment complet)
    l'influenza si risolve in pochi giorni = la influence si risolf in pôcs dîs
  • 4a

    v.pronom.intr. tramudâsi Copie

    [LE], [OB] (di alc, trasformâsi)

    v.pronom.intr. mudâsi Copie

    (cambiâ stât cuntune evaporazion o cuntune licuefazion)
  • 4b

    v.pronom.intr. lâ in piês Copie

    [LE] (di cundizion atmosferiche, cambiâ in piês)

monolengâl

sierâsi v.pron.intr.
(sie-râ-si)
Di un element, ancje mobil, metisi o ancje jessi metût intune posizion che e impedìs la comunicazion, il passaç e v.i.
esemplis
"dopo une ultime braçolade, lis puartis de veture si sieravin cun fracàs e dut al finive li"
gjavât fûr di "Come tai romançs" di Alan Brusini
Viôt ancje: serâsi, sarâsi, sirâsi
sierâsi v.pron.intr.
(sie-râ-si)
Di alc formât di plui parts, cjapâ une posizion li che chês parts a son dongje o tacadis une di chê altre
esemplis
"ancje lis rosis, denant dal frêt e dal scûr, si sierin"
gjavât fûr di "Il ferâl - Malatie" di Antoni Beline
"al jere partît cualchi ore prime che si fos sierade la tanaie che po e veve di strenzisi ator dai nestris soldâts"
gjavât fûr di "Zilugne" di Pieri Menis
sierâsi v.pron.intr.
(sie-râ-si)
Saldâsi, cicatrizâsi
sinonims
cicatrizâsi
esemplis
"li mans di Mariacina [...] a erin dut un fis di crituri picinini che a na si seravin mai, forsit parcè che a mateava simpri ta la aga"
gjavât fûr di "Il bal da li fati" di Novella Cantarutti
"lis plaiis dal so cuarp a scomençarin alore a sierâsi"
gjavât fûr di "I viers di sant Jop" di Catarine Percude
sierâsi v.pron.intr.
(sie-râ-si)
Des viis dal respîr, jessi impedidis par colpe di une inflamazion
sinonims
stropâsi, costipâsi
esemplis
"o ai di vê cjapât frêt, mi si è sierât il nâs"
sierâsi v.pron.intr.
(sie-râ-si)
Restâ dentri intun lûc o intun edifici, ancje cence permeti a altris di jentrâ
sinonims
imbusâsi, inclostrâsi, infossâsi, intanâsi
esemplis
"me soi serât in cjamera, / ai metût doi armarons / e un comodin / denant la puarta. / Po me soi metût sul liet / coma un astronauta"
gjavât fûr di "La nâf spaziâl" di Federico Tavan
"i venezians si sierin tes lôr fortificazions sul Lusinç e a lassin che i Turcs si gjavin dutis lis voiis"
gjavât fûr di "Cuintristorie dal Friûl fin sot la Italie" di Josef Marchet
sierâsi v.pron.intr.
(sie-râ-si)
Finî, rivâ insom
sinonims
cludisi, concludisi, distrigâsi, rivâ insom
esemplis
"lis matinadis dal Cjar mat a tacavin cu la leture dai gjornâi e po dopo a lavin indenant coinvolzint i scoltadôrs par sierâsi cul intervent di un ospit"
gjavât fûr di "Un Friûl difarent: i 90 mhz di Onde Furlane" di Max Mauro
"la Cjarte europeane si siere, dopo cualchi disposizion sui scambis transfrontalîrs, cuntune part dedicade ae sô aplicazion"
gjavât fûr di "Minorancis linguistichis" di Marc Stolf
sierâsi v.pron.tr.
(sie-râ-si)
Sierâ alc di se stes, par se stes, intor di se stes e v.i. o in maniere reciproche
esemplis
"siore Marceline si veve sierât tai braçs la picinine che e ardeve di fiere"
gjavât fûr di "Cjase di Dalban" di Maria Forte
"cuant che al le vie e che al si ve siarât il puarton daûr, tun lampin e ses viôt dutis cuatri te strade"
gjavât fûr di "Lis aganis di Borgnan" di Catarine Percude
"sieriti ben il capot, che al è frêt"
torne sù
torne sù