Tu âs cirût la peraule
bilengâl monolengâl
Tu âs cirût la peraule
ritirarsi
torne indaûr

bilengâl

ritirarsi v.pronom.intr.
  • 1

    v.pronom.intr. lâ vie, lâ fûr Copie

    [CO] (tirâsi indaûr, slontanâsi di un ambient, jessî)
    ritirarsi dalla cucina = lâ fûr de cusine

    v.pronom.intr. zirucâ, ritirâsi Copie

    (tornâ indaûr impen di avanzâ)
    ritirarsi dal fronte = ritirâsi dal front
  • 2a

    v.pronom.intr. tornâ dentri Copie

    [CO] (tornâ in cjase)
    ci siamo ritirati perché ha iniziato a piovere = o sin tornâts dentri parcè che al veve scomençât a plovi

    v.pronom.intr. butâsi, pognisi Copie

    (lâ intal jet)
    buonanotte, io mi ritiro = buine gnot, o voi a pognimi oppure a butâmi
  • 2b

    v.pronom.intr. sierâsi, ritirâsi Copie

    [CO] (lâ a a vivi o a stâ par pôc timp intun puest solitari e isolât)
    ritirarsi in convento = ritirâsi in convent
    ritirarsi in montagna = ritirâsi in mont

    v.pronom.intr. sierâsi, ritirâsi Copie

    (concentrâsi dentri di se)
    ritirarsi in se stessi = ritirâsi in se stes

    v.pronom.intr. ritirâsi Copie

    (jessî de aule dal tribunâl e lâ intun lûc separât par deliberâ)
    la Corte si ritira = la Cort si ritire
  • 3a

    v.pronom.intr. ritirâsi Copie

    [CO] (rinunziâ a finî un impegn, une competizion, une gare e v.i.)
    ha sostenuto l'esame o si è ritirato? = aial fat l'esam o si isal ritirât?
    ritirarsi da un concorso = ritirâsi di un concors
  • 3b

    v.pronom.intr. ritirâsi Copie

    [CO] (bandonâ di proprie volontât un ativitât, un lavôr e sim.)
    ritirarsi a vita privata = ritirâsi a vite privade
    ritirarsi dall'agonismo = ritirâsi dal agonisim
  • 4

    v.pronom.intr. strenzisi Copie

    [CO] (di un tiessût, deventâ plui curt, plui strent)
    ha lavato i pantaloni nuovi e si sono ritirati = al à lavât i bregons gnûfs e si son strenzûts
  • 5

    v.pronom.intr. sbassâsi, ritirâsi Copie

    [CO] (di aghis, tornâ a un nivel plui bas)
    dopo l'alluvione le acque si ritirano = daspò de diluvion lis aghis si ritirin

locuzions

    ritirarsi dalle scene
  • ritirâsi des senis, ritirâsiCopie
    [CO] (bandonâ la cariere teatrâl)
  • ritirâsiCopie
    [CO] (ritirâsi di une cjarie publiche)
    il presidente, scaduto il suo mandato, si è ritirato dalle scene = il president, vignût a scjadi il so mandât, si à ritirât
    • ritirarsi in buon ordine
  • metile vieCopie
    [CO] (ricessâ, lassant di fâ ce che si veve pensât)
    mi mancano ancora i soldi per realizzare il mio sogno, è meglio che per il momento mi ritiri in buon ordine = mi mancjin ancjemò i bêçs par realizâ il gno sium, al è miôr che pal moment le meti vie

monolengâl

sierâsi v.pron.intr.
(sie-râ-si)
Di un element, ancje mobil, metisi o ancje jessi metût intune posizion che e impedìs la comunicazion, il passaç e v.i.
esemplis
"dopo une ultime braçolade, lis puartis de veture si sieravin cun fracàs e dut al finive li"
gjavât fûr di "Come tai romançs" di Alan Brusini
Viôt ancje: serâsi, sarâsi, sirâsi
sierâsi v.pron.intr.
(sie-râ-si)
Di alc formât di plui parts, cjapâ une posizion li che chês parts a son dongje o tacadis une di chê altre
esemplis
"ancje lis rosis, denant dal frêt e dal scûr, si sierin"
gjavât fûr di "Il ferâl - Malatie" di Antoni Beline
"al jere partît cualchi ore prime che si fos sierade la tanaie che po e veve di strenzisi ator dai nestris soldâts"
gjavât fûr di "Zilugne" di Pieri Menis
sierâsi v.pron.intr.
(sie-râ-si)
Saldâsi, cicatrizâsi
sinonims
cicatrizâsi
esemplis
"li mans di Mariacina [...] a erin dut un fis di crituri picinini che a na si seravin mai, forsit parcè che a mateava simpri ta la aga"
gjavât fûr di "Il bal da li fati" di Novella Cantarutti
"lis plaiis dal so cuarp a scomençarin alore a sierâsi"
gjavât fûr di "I viers di sant Jop" di Catarine Percude
sierâsi v.pron.intr.
(sie-râ-si)
Des viis dal respîr, jessi impedidis par colpe di une inflamazion
sinonims
stropâsi, costipâsi
esemplis
"o ai di vê cjapât frêt, mi si è sierât il nâs"
sierâsi v.pron.intr.
(sie-râ-si)
Restâ dentri intun lûc o intun edifici, ancje cence permeti a altris di jentrâ
sinonims
imbusâsi, inclostrâsi, infossâsi, intanâsi
esemplis
"me soi serât in cjamera, / ai metût doi armarons / e un comodin / denant la puarta. / Po me soi metût sul liet / coma un astronauta"
gjavât fûr di "La nâf spaziâl" di Federico Tavan
"i venezians si sierin tes lôr fortificazions sul Lusinç e a lassin che i Turcs si gjavin dutis lis voiis"
gjavât fûr di "Cuintristorie dal Friûl fin sot la Italie" di Josef Marchet
sierâsi v.pron.intr.
(sie-râ-si)
Finî, rivâ insom
sinonims
cludisi, concludisi, distrigâsi, rivâ insom
esemplis
"lis matinadis dal Cjar mat a tacavin cu la leture dai gjornâi e po dopo a lavin indenant coinvolzint i scoltadôrs par sierâsi cul intervent di un ospit"
gjavât fûr di "Un Friûl difarent: i 90 mhz di Onde Furlane" di Max Mauro
"la Cjarte europeane si siere, dopo cualchi disposizion sui scambis transfrontalîrs, cuntune part dedicade ae sô aplicazion"
gjavât fûr di "Minorancis linguistichis" di Marc Stolf
sierâsi v.pron.tr.
(sie-râ-si)
Sierâ alc di se stes, par se stes, intor di se stes e v.i. o in maniere reciproche
esemplis
"siore Marceline si veve sierât tai braçs la picinine che e ardeve di fiere"
gjavât fûr di "Cjase di Dalban" di Maria Forte
"cuant che al le vie e che al si ve siarât il puarton daûr, tun lampin e ses viôt dutis cuatri te strade"
gjavât fûr di "Lis aganis di Borgnan" di Catarine Percude
"sieriti ben il capot, che al è frêt"
torne sù
torne sù