Tu âs cirût la peraule
bilengâl monolengâl
Tu âs cirût la peraule
rivolgere
torne indaûr

bilengâl

rivolgere v.tr.
  • 1a

    v.tr. dreçâ, voltâ Copie

    [FO] (indreçâ viers di un lûc o di une persone)
    rivolgere un'occhiata verso qcn. = dreçâ une voglade viers di cdn.

    v.tr. indreçâ, voltâ Copie

    (instradâ, direzi un discors, une domande, e v.i.)
    rivolgere una domanda a qcn. = indreçâ une domande a cdn.

    v.tr. indreçâ Copie

    (direzi un pinsîr, un sintiment, e v.i. viers cdn. o alc)
    rivolgeva il pensiero ai tempi passati = al indreçave il pinsîr ai timps passâts
  • 1b

    v.tr. voltâ, rivoltâ Copie

    [FO] (voltâ plui voltis)
    rivolgere la chiave nella serratura senza riuscir ad aprire la porta = rivoltâ la clâf te clavarie cence rivâ a vierzi la puarte

    v.tr. remenâ Copie

    (esaminâ, scrutinâ cun atenzion)
    rivolgere un pensiero nella mente = remenâ un pinsîr tal cjâf

    v.tr. mulinâ Copie

    (machinâ, cumbinâ, tramaiâ)
    rivolgeva progetti di vendetta = al mulinave progjets di svindic
  • 2

    v.tr. dreçâ, voltâ Copie

    [CO] (voltâ intune altre bande)
    rivolgersi altrove = voltâ strade
    rivolse gli occhi dall'altra parte per non vedermi = al voltà i voi di chê altre bande par no viodimi

monolengâl

indreçâ v.tr.
(in-dre-çâ)
Fâ stâ dret o intune cierte posizion o fâ lâ intune cierte direzion
sinonims
dreçâ
esemplis
"al cjolè sù il cuadri, al indreçà il cavalet e al tornà a meti dut tal puest di prime"
gjavât fûr di "La Madalene" di Zuan Lurinçon
"no si sa cui che al vuide la barcje, se l'om che al indrece la vele o l'aiar e lis corentiis che a oblein a sbrissâ di une bande "
gjavât fûr di "La tiere di Lansing" di Maria Forte
indreçâ v.tr.
(in-dre-çâ)
Segnâ a cdn. la strade juste par rivâ di cualchi bande
esemplis
"e cjalà in fonts la strade sierade e, alore, e domandà alc a un che al passave [...] un altri, suntune puarte, i disè «Eh, anime, par chi no si va in nissun puest…» e le indreçà"
gjavât fûr di "La tiere di Lansing" di Maria Forte
indreçâ v.tr.
(in-dre-çâ)
Judâ cdn. a cjapâ une sielte o a tacâ a fâ une cierte ativitât (fig.)
sinonims
instradâ, inviâ, insegnâ
esemplis
"al cirive di indreçâlu tai lavôrs juste scomençâts e Mondo [il famei] ancje si ofindeve"
gjavât fûr di "La tiere di Lansing" di Maria Forte
"fevele, alore; contimi dut, che di ce che o sai, jo ti indreçarai"
gjavât fûr di "Cretevierte" di Roberto Ongaro
indreçâ v.tr.
(in-dre-çâ)
Fâ lâ in miôr (fig.)
sinonims
dreçâ, justâ, comedâ
esemplis
"ur dîs di no pierdi lis sperancis, il timp al indrece tantis robis"
gjavât fûr di "Deventâ nono? Al è un lus." di Nello Malisano
indreçâ v.tr.
(in-dre-çâ)
Mandâ a un destinatari
esemplis
"un invît che al jere stât indreçât ancje a mi"
gjavât fûr di "Il dolfin" di Carlo Sgorlon
"il difensôr civic al pues indreçâ istancis scritis, segnalazions e racomandazions al consei comunâl"
gjavât fûr di "Statût dal Comun di Udin" di AAVV
indreçâ v.tr.
(in-dre-çâ)
Fâ in mût che alc al ledi di une cierte bande
sinonims
butâ, concentrâ, convoiâ, dâ dongje, deviâ, meti, puartâ, inviâ, instradâ, mandâ, menâ
esemplis
"al incuarne perfet e potent, indreçant la bale viers de puarte aversarie"
gjavât fûr di "Vincjedoi" di Laurin Zuan Nardin
torne sù
torne sù