Tu âs cirût la peraule
bilengâl monolengâl
Tu âs cirût la peraule
ruspante
torne indaûr

bilengâl

ruspante s.m., p.pres., adi.
  • 2a

    adi.

    [CO] (di polam, tirat sù daûr dal sisteme tradizionâl e cressût cun gran, che al à la pussibilitât di sgjarpedâ e di stâ difûr tal viert)
    pollo ruspante = poleç di cort
  • 2b

    adi.

    [CO] (di polam, tignût libar dongje di cjase)
    galline ruspanti = gjalinis di cjase
  • 3

    s.m. gjenuin, di cjase, fat in cjase Copie

    [CO] (di prodot, naturâl, no artificiâl)
    una salsiccia ruspante = une luianie di cjase

    s.m. sclet, a la buine Copie

    (di cdn., che al à manieris diretis e semplicis)
    una persona ruspante = une persone sclete oppure a la buine

monolengâl

sclet adi., s.m.
Che, cui che nol dîs bausiis, che nol plate intenzions sintiments, che si mostre par ce che al è, che al acete e al mostre la veretât e v.i
sinonims
franc, onest, sincîr, spontani, viert, clâr
esemplis
""Scusait se o soi sclete, ma bisugne che us disi dut ce che o pensi, aromai""
gjavât fûr di "Prime di sere" di Carlo Sgorlon
"a cjalâ cuntun voli sclet e net si inacuarzisi che cuant che a fevelin di comunitât locâl, no san ben di ce che a vuelin fevelâ"
gjavât fûr di "Pe unitât di glesie in Friûl" di Francesc Placerean
"a mi, mi plasin lis cjossis scletis, che a si puedin cognossi pene si lis viôt"
gjavât fûr di "Vieri e gnûf" di Pieri Piçul
sclet adi.
Sempliç, cence masse elaborazions, ornaments e sim.
sinonims
cast, sempliç, a la buine
esemplis
"un vistît sclet, cui colôrs suturnôs de puare nuvice che e jere stade"
gjavât fûr di "La tiere di Lansing" di Maria Forte
"i gustâs a jerin sclets ma boins che Mirco si lecave i dêts"
gjavât fûr di "Par stradis lungjis" di Alan Brusini
"a nassevin, si maridavin, a murivin tal lavôr, jenfri lis lôr fiestis scletis, tes lôr piçulis ligriis e grancj dolôrs"
gjavât fûr di "La aghe da pît la cleve" di Dino Virgili
sclet adi.
Che nol è stât messedât o mudât, che al à lis sôs cualitâts origjinâls o che nol à nuie altre dongje o in plui
sinonims
pûr, rût
esemplis
"al bêf un cafè sclet"
gjavât fûr di "Pronostic del 1828" di Pieri Çorut
"o vin mangjât une mignestrine di fidelins, mieze ale di poleç, un panetin fof, che culì a clamin montassù, ma bevude aghe sclete"
gjavât fûr di "Viaç a Vignesie" di Arturo Feruglio
"voi che a passavin in cuatri e cuatri vot de ligrie plui sclete a la fumate plui penze"
gjavât fûr di "Pre Pitin" di Antoni Beline
sclet adi.
Di azion, moviment e sim., svelt, fuart, sigûr
sinonims
franc, svelt, sfrancjât
esemplis
"o viodevi Martin che al cjaminave daûr di me cul so pas sigûr e sclet di montagnâr"
gjavât fûr di "Il dolfin" di Carlo Sgorlon
sclet av.
In mût naturâl, spontani, cence dî bausiis e cence platâ nuie
sinonims
clâr
esemplis
"o vin simpri fevelât clâr e sclet, o vin cirût di smascarâ lis manovris pôc netis"
gjavât fûr di "Esam di cussience" di Josef Marchet
sclet av.
Cun comoditât, facilitât, sveltece
esemplis
"anzi, che par podê cjaminâ sclet, / jo foi vignût vistût cul urmisin"
gjavât fûr di "I, 42" di Ermes di Colorêt
torne sù
torne sù