Hai cercato la parola
bilingue monolingue
Hai cercato la parola
saltare
Torna indietro

bilingue

saltare ,
  • 1a

    v.intr. saltâ Copia

    [FO] (petâ un salt)
    i canguri si muovono saltando = i cangûrs si movin saltant
    saltare come un grillo = saltâ tant che un zupet
  • 1b

    v.intr. saltâ, petâ un salt Copia

    [FO] (movisi cuntun salt, tes diviersis direzions)
    il gatto è saltato sul letto = il gjat al è saltât sul jet

    v.intr. saltâ Copia

    (montâ di premure, spec. su di un mieç di traspuart)
    il ladro è saltato in macchina ed è corso via = il lari al è saltât in machine e al è scjampât vie
  • 2a

    v.intr. saltâ Copia

    [FO] (di alc, distacâsi di colp)
    la pressione ha fatto saltare un chiodo = la pression e à fat saltâ un claut
    le parti incollate sono saltate = i tocs tacâts a cole a son saltâts vie

    v.intr. saltâ vie Copia

    (di alc che al siere, lâ vie a colp)
    è saltato il tappo della bottiglia = al è saltât vie il stropul de butilie

    v.intr. saltâ Copia

    (passâ sore di un ostacul)
    il pallone è saltato oltre il muro = il balon al è saltât là di là dal mûr
  • 2b

    v.intr. saltâ, sclopâ Copia

    [FO] (di alc che al sclope o che al è fat sclopâ)
    i ladri hanno fatto saltare la cassaforte con una carica = i laris a àn fat saltâ la cassefuart cuntune cjarie
  • 2c

    v.intr. saltâ Copia

    [FO] (soredut di mecanisim eletric, no funzionâ plui)
    il fulmine ha fatto saltare il telefono = il fulmin al à fat saltâ il telefon
    la radio è saltata = la radio e je saltade
  • 3a

    v.intr. saltâ Copia

    [FO] (di cdn., jessi destituît)
    il ministro è saltato a causa dello scandalo = il ministri al è saltât par vie dal scandul
  • 3b

    v.intr. saltâ Copia

    [FO] (di program, progjet e v.i., finî tal nuie, jessi sospindût o scancelât)
    mi sono ammalato e la gita è saltata = mi soi inmalât e la gjite e je saltade
  • 4

    v.intr. saltâ Copia

    [FO] (te leture, passâ di colp di un pont a di un altri di un libri)
    saltiamo dal capitolo 3 al 5 e passiamo a pagina 86 = saltìn dal cjapitul 3 al 5 e passìn a pagjine 86
  • 5a

    v.intr. saltâ Copia

    [FO] (fâ l'esercizi gjinic o atletic dal salt)
    saltare con l'asta = saltâ cu la aste
    saltare in lungo = saltâ in lunc
  • 5b

    v.tr. saltâ Copia

    [FO] (passâ parsore o di là cuntun salt)
    saltare una pozzanghera = saltâ une poce
    saltare una siepe = saltâ une cise
  • 5c

    v.tr. saltâ Copia

    [FO] (rivâ a di une cierte misure tes dissiplinis sportivis dai salts)
    per qualificarsi alla finale si deve saltare un metro e novantadue = par cualificâsi ae finâl bisugne saltâ un metri e novantedoi
  • 5d

    v.tr. saltâ Copia

    [FO] (tai sport ecuestris, passâ cul cjaval un dai ostacui fissâts par tiere)
    il cavaliere ha saltato il muro senza penalità = il cavalîr al à saltât il mûr cence penalitâts
  • 6

    v.tr. saltâ, lassâ fûr Copia

    [FO] (lassâ di bande, volint o cence volê)
    saltiamo le presentazioni e passiamo ai problemi = saltìn lis presentazions e passìn ai problemis
    state attenti a non saltare le lettere = stait atents di no saltâ lis letaris

    v.tr. saltâ Copia

    (no fâ une robe che e jere programade)
    la distorsione gli farà saltare almeno quattro incontri = chel discuinç i fasarà saltâ almancul cuatri incuintris
    saltare la cena = saltâ la cene
    saltare un appuntamento dal dentista = saltâ un apontament dal dentist
  • 7

    v.intr. passâ Copia

    [CO] (fâ fridi a fûc vîf cun vueli o spongje)
    saltare la carne in padella = passâ la cjar in padiele
  • 8

    v.intr. scartâ, saltâ Copia

    [TS] (tal balon, superâ i aversaris tignint la bale)

locuzioni

    far saltare il banco
  • fâ saltâ il bancCopia
    [CO] (in zûcs di azart vinci dute la pueste)
    con quella fortuna è capace di far saltare il banco = cun chê fortune al è bon di fâ saltâ il banc
    • far saltare le cervella
  • trai pal cjâfCopia
    [CO] (copâ un cuntun colp di arme di fûc tal cjâf)
    alza le mani o ti faccio saltare le cervella! = sù lis mans o ti trai pal cjâf!
    • farsi saltare le cervella
  • traisi pal cjâfCopia
    [CO] (copâsi cuntun colp di arme di fûc tal cjâf)
    • saltare a piè pari
  • saltâ di plante fûrCopia
    [CO] (lassâ di bande di pueste)
    saltare a piè pari gli schemi e passare agli esercizi = saltâ di plante fûr i schemis e passâ ai esercizis
    • saltare addosso
  • saltâ intorCopia
    [CO] (lâ cuintri di cdn., spec. cun intenzions sessuâls, o a peraulis)
    anche se ho sbagliato non dovevi saltarmi addosso così! = ancje se o ai falât no tu vevis di saltâmi intor cussì! il cane è saltato addosso al rapinatore = il cjan i è saltât intor al rapinadôr quella ragazza gli piace tanto che le salterebbe addosso = chê fantate i plâs tant che i saltarès intor
    • saltare agli occhi
  • dâ tal voli, saltâ al voliCopia
    (jessi clâr e evident)
    qui c'è una incongruenza che salta agli occhi = chi e je une incongruence che e salte al voli
  • saltâ tai voi, sbilfâCopia
    [CO] (fâ cuintri a cdn., spec. a peraulis)
    è bastata una minima critica e mi è saltato agli occhi = e je bastade une criticute e mi è saltât tai voi
    • saltare al collo
  • butâsi a bracecuelCopia
    (abraçâ cdn.)
    gli è saltata al collo e lo ha baciato = i si è butade a bracecuel e lu à bussât
  • saltâ intor, saltâ cuintri, saltâ tai voi, sbilfâCopia
    [CO] (lâ cuintri di cdn.)
    • saltare di palo in frasca
  • lâ di barîl in butaç, saltâ di ram in frascjeCopia
    [CO] (passâ di un argoment a di un altri che nol jentre nuie)
    quando racconta le vecchie storie salta di palo in frasca e non si capisce più niente = cuant che al conte lis storiis vieris al va di barîl in butaç e no si capìs plui un dret
    • saltare fuori
  • saltâ fûrCopia
    (vignî indenant)
    appena si è saputo della vincita sono saltati fuori un sacco di amici = a pene che si à savût de vincite a son saltâts fûr un grum di amîs
  • saltâ fûrCopia
    (risultâ)
    è saltato fuori che aveva ragione lui = al è saltât fûr che al veve reson lui
  • saltâ fûrCopia
    (vignî in discors cun ideis no spietadis)
    mi pareva che dovevi saltare fuori con una delle tue pazzie! = mi pareve che tu vevis di saltâ fûr cuntune des tôs matadis!
  • saltâ fûrCopia
    [TS] (di cdn. fâsi viodi tun moment)
    e tu da dove salti fuori? = e tu di dulà saltistu fûr? quando è arrivato il momento giusto è saltato fuori dall'ombra e si è fatto riconoscere = cuant che al è stât il moment just al è saltât fûr dal scûr e si è fat cognossi
  • saltâ fûrCopia
    [CO] (di alc, pandisi a colp, jessi cjatât daspò di sei stât cirût)
    per fortuna le chiavi della macchina sono saltate fuori = par fortune lis clâfs de machine a son saltadis fûr
    • saltare i nervi
  • lâ fûr dai semenâts, lâ fûr di sintiment, saltâ i gnerfsCopia
    [CO] (pierdi il control)
    c'era troppa tensione e a qualcuno sono saltati i nervi = e jere masse tension e cualchidun al è lât fûr dai semenâts
    • saltare il fosso
  • saltâ il fossâlCopia
    [CO] (cjapâ di bot une decision impuartante)
    ha saltato il fosso e ha cambiato mestiere = al à saltât il fossâl e al à cambiât mistîr
    • saltare in capo
    saltare in mente
  • vignî sù, vignî pal cjâf, saltâ pal cjâf, saltâ tal cjâfCopia
    [CO] (di pinsîr, vignî sù)
    meno male che mi è saltato per la mente di chiamarti = mancul mâl che mi è vignût sù di clamâti
    • saltare in, per aria
  • saltâ par aiarCopia
    [CO] (sclopâ)
    è saltato in aria il deposito di munizioni = al è saltât par aiar il dipuesit di munizions
    • saltare in, per la testa
  • saltâ sù, vignî sù, passâ pal cjâfCopia
    [CO] (passâ pal cjâf dal moment)
    gli è saltato in testa di telefonarmi a mezzanotte = i è saltade sù chê di telefonâmi a miezegnot
    • saltare la mosca al naso
  • saltâ sù la tarme, montâ sù la moscje, vignî sù la moscje, vignî sù la tarme, saltâ sù la moscje, vignî sù la fote, saltâ l'umôr, montâ il fum, montâ il futar, vignî sù il futar, saltâ la rabieCopia
    [CO] (vignî la fote a colp par alc)
    guai a te se mi salta la mosca al naso = Diu ti vuardi se mi salte sù la tarme
    • saltare per la mente
  • [CO] (vedi saltare in mente)
    • saltare su
  • saltâ sùCopia
    (sustâsi)
    è così nervoso che salta su appena gli dici qualcosa = al è cussì gnervôs che al salte sù a pene che tu i disis cic
  • saltâ sùCopia
    [CO] (tacâ a fevelâ o compuartâsi in mût agressîf o malcreançôs)
    è saltato su a rinfacciarmi tutti i torti che aveva subito = al è saltât sù a butâmi in muse ducj i tuarts che al veve patît
    • saltare sul carro del vincitore

monolingue

saltâ v.intr.
(sal-tâ)
Fâ fuarce e distacâsi dal dut de tiere par tornâ a vignî jù tal stes puest o intun altri
esempi
"tal zîr di trê minûts i parons di cjase a rivin a segnâ: cross di Pezzella e Cornelius che al salte plui indalt di ducj chei altris e le bute dentri."
da "Parma – Udinese 2-2" di Marc Stolf
"di ca e di là de strade e un esercit di cjanis di palût e 'savis e crots che a saltavin ta la aghe"
da "Come tai romançs" di Alan Brusini
"[i fruts] saltavin dentri ta la aghe a «marinare», zigant; a jessevin là di là scjassant il cjâf, si suiavin la muse tes mans"
da "La aghe da pît la cleve" di Dino Virgili
saltâ v.intr.
(sal-tâ)
Movisi svelt, lâ une vore svelt
sinonimi
butâsi
esempi
"sant Pieri sbarlufît [par vie che al veve cjapât cuatri legnadis] al saltà di strade fûr dal fen [...] al corè jù in curtîl a cjapâ il batali e a scomençâ [a bati] la prime vie [di forment]"
da "Il prin sarasin" di Catarine Percude
"i voi a saltavin mo su Berto e Nedo e mo sul pari"
da "Trê feminis" di Gianni Gregoricchio
saltâ v.intr.
(sal-tâ)
Movisi a scjassadis, tremant
esempi
"rivât dongje dai lavôrs, Ricardo al dismontà par lâ indenant a pît, cu la biciclete che i saltave sui claps"
da "Prime di sere" di Carlo Sgorlon
saltâ v.intr.
(sal-tâ)
Dal cûr, tacâ bati a fuart cuasi che al volès jessî fûr (fig.)
sinonimi
sbalçâ
esempi
"a ogni cricâ di un stec pescjât, a ogni svolt fra i ramaçs, a ogni bave di aiar che e ves businât tes pontis dai pins, il cûr i saltave in bocje e al tremave come une vuiscje"
da "Tal bosc di Kebespok" di Pieri Menis
saltâ v.intr.
(sal-tâ)
Di alc, distacâsi di colp
sinonimi
saltâ vie
esempi
"la pression e à fat saltâ il stropul"
"la esplosion e à fat saltâ il cuviert dal fabricât de unitât 1"
da "Il disastri de centrâl nucleâr di Fukushima Dai-ichi" di Alessandro Pascolini
saltâ v.intr.
(sal-tâ)
Sclopâ
sinonimi
saltâ par aiar, tonâ, sclopâ
esempi
" i partesans a vevin fat saltâ il dipuesit di benzine e copâts chei mucs"
da "Il muc" di Roberto Ongaro
"a Pinçan a jerin juste rivâts a passâ il puint che i soldâts lu àn fat saltâ cun dut ce che al veve parsore: int cu la cosse, cjaruçs cjamâts di fruts e di viei, soldâts, vacjis, cjavai, ducj un salt tal Tiliment in plene"
da "Amîs come prime" di Alan Brusini
saltâ v.intr.
(sal-tâ)
Soredut di mecanisim eletric, no funzionâ plui (fig.)
sinonimi
lâ, lâ vie
esempi
"il contat al fâs saltâ l'eletric, al sune l'alarme"
da "Storie di Min" di Ivano Urli
"la int, usade a lavorâ cuant che al jere inmò scûr, no si faseve plui di tancj fastidis se une lampadine i saltave"
da "Soreli jevât a mont" di Raffaele Serafini
saltâ v.intr.
(sal-tâ)
Vignî tant che istint, umôr, voie e v.i. (fig.)
sinonimi
saltâ sù, vignî sù, saltâ la moscje, saltâ il gri
esempi
"a fasevin finte di no viodilu di tant antipatic che al jere, e sporc e vilan. E ancje viliac, che se i saltave di barufâ, al si sielzeve une frute"
da "Amîs come prime" di Alan Brusini
"di là a cualchi timp a sant Pieri i tornà a saltâ di lâ a spas, ma cheste volte si tirà invezit tal paîs dai Malcontents"
da "Contents e malcontents" di Catarine Percude
saltâ v.intr.
(sal-tâ)
Di cdn., jessi destituît (fig.)
sinonimi
colâ
esempi
"cul Comissari De Gregoris o jeri rivât ancje a concludi, ma chel lu àn fat saltâ, parcè che al jere masse vecjo"
da "Int di masnade" di Alviero Negro
saltâ v.intr.
(sal-tâ)
Di program, progjet e v.i., finî tal nuie, jessi sospindût o scancelât (fig.)
sinonimi
lâ sù pal stec, lâ strucj
esempi
"no savìn se il progjet dal autodrom bordanês al sedi saltât propit in gracie de oposizion de popolazion e dai siei rapresentants politics, o se a sedin stadis altris lis resons"
da "Paveis al puest des machinis" di Linda Picco
saltâ v.intr.
(sal-tâ)
Intun resonament, intun discors, intune leture e v.i., passâ di colp di un pont a di un altri (fig.)
sinonimi
passâ, lâ
esempi
"al è impussibil fâ culì une ispezion dai centenârs di pagjinis de vore di Citolini; e sarès, come che al dîs il cont Collaltino, une «lungje navigazion» che nus stracarès nô come i siei amîs; e alore saltìn subite al setim dì, al colp di sene finâl"
da "Il brevet" di Mario Turello
saltâ v.intr.
(sal-tâ)
Fâ un moviment di une o di plui posizions intun ordin
sinonimi
lâ, movisi
esempi
"il cjaval [dai scacs] al salte simpri di une casele nere a une blancje o di une blancje a une nere"
da "Zuìn di scacs" di Nilde Teresa Negro
saltâ v.intr.
(sal-tâ)
[TS] (zûcs) Tai zûcs di azart, dal banc, pierdi dute la sume che si à a disposizion
saltâ v.tr.
(sal-tâ)
Passâ cuntun salt
esempi
"Febo al coreve come un mat intes braidis, saltant i riui come un zupet"
da "Domenie di cjace" di Checo Tam
" se al scrupulave alc [...] se svuincave pai curtîi, saltant i mûrs di confin [par no sei cjapât dai todescs]"
da "La Madone de Pâs" di Maria Forte
saltâ v.tr.
(sal-tâ)
Lassâ di bande, volint o cence volê (fig.)
esempi
"il CJS al svilupe contats direts cui grops di produtôrs dal Sud, saltant i mecanisims ordenaris de intermediazion"
da "Guide par un consum just e solidâl" di Buteghe dal Mont, Luche Nazzi
"tai siei zîrs ator pai paîs, nol saltave mai Bertiûl, là che al jere bon vin e che al veve tantis cognossincis"
da "Pre Pitin" di Antoni Beline
""[...] Contimi dut, cence saltâ nancje une virgule""
da "Ombris tal infinît" di Carlo Sgorlon
proverbi
"cuant che nol è a cjase il gjat, a saltin lis surîs"
"fumate basse, bon timp e lasse; fumate alte, al plûf cuant che i salte"
"la mierde che e salte in scagn o che e puce o che e fâs dam"
"no stâ saltâ vidiel se no gno pari ti maride"
Torna in Cima
Torna in Cima