Hai cercato la parola
bilingue monolingue
Hai cercato la parola
sbavare
Torna indietro

bilingue

sbavare ,
  • 1

    v.intr. bavâ, sbavâ, sbavacjâ Copia

    [CO] (fâ vignî fûr o pierdi salive de bocje)
    il mastino napoletano è un cane che sbava molto = il mastin napoletan al è un cjan che al sbave une vore
  • 2a

    v.intr. slargjâsi, sbavâ Copia

    [CO] (di colôr e sim., difondisi, slargjâsi suntune superficie di là de linie de sacume)
    il colore troppo annacquato ha sbavato ed ha rovinato il disegno = il colôr masse slungjât al à sbavât e al à ruvinât il dissen
  • 2b

    v.intr. falâ, sbavâ Copia

    [CO] (di stîl, colâ in imprecisions, pierdi elegance)
    i padroni di casa hanno sbavato nell'organizzazione del ricevimento = i parons di cjase a àn falât te organizazion dal riceviment
  • 3

    v.intr. smaniâ, sbavâ Copia

    [CO] (sintî o mostrâ un desideri fuart par alc o par cdn.)
    è da mesi che sbava dietro quella nuova auto! = a son mês che al smanie daûr di chê machine gnove!
  • 4

    v.intr. sbavâ Copia

    [TS] (lassâ bavis lizeris su la cjarte, intant de stampe)
  • 5

    v.tr. bavâ, sbavâ, sbavacjâ Copia

    [CO] (sporcjâ di salive)
    il piccolo ha sbavato la spalla della mamma = il piçul al à sbavât la spale de mame

    v.tr. bavâ, sbavâ, sbavacjâ Copia

    (butâ fûr de bocje licuits fisiologjics o glotûts e no tratignûts, dutune cu la salive)
    il colpo alla bocca gli fece sbavare sangue = il colp te bocje i à fat sbavâ sanc
  • 6

    v.tr. disbavâ Copia

    [TS] (netâ des bavis tocs, massime di metal, otignûts par fusion o midiant di stamps)

monolingue

slargjâsi v.pron.intr.
(slar-gjâ-si)
Deventâ plui larc
sinonimi
vierzisi
esempi
"a si jodeva la Miduna slargjâsi e deventâ fonda sot il pic di Grimau"
da "Il Bolp" di Novella Cantarutti
"cori ad ôr da la aghe, discolç, cjapâ sù un clap e tirâlu dentri par viodi chei cerclis che si slargjin slusignant"
da "Il cîl sot aghe" di Dino Virgili
"Temul e Biso a cjaminavin come simpri, ma il cercli dai pôi al pareve che si slargjàs di plui"
da "L'avôt" di Maria Forte
slargjâsi v.pron.intr.
(slar-gjâ-si)
Vê une cierte estension
esempi
"denant vie, fin dulà che al rivave il voli, si slargjave il parc"
da "Tal ospedâl" di Amedeo Giacomini
"ve ca, o soi rivade. Plaza de Mayo si slargje come simpri pegre e supierbeose denant di nô"
da "Ninin" di Antescûr
slargjâsi v.pron.intr.
(slar-gjâ-si)
Di une percezion o di un orghin di percezion, spec. dal cjalâ e dai voi, vê la pussibilitât di indreçâsi a larc (fig.)
esempi
"sot vie il voli si slargje content su la plane di Pordenon"
da "La basiliche di arint" di Michele Nadalini
"i siei pîts a son ben pontâts su la sô tiere furlane, ma il so voli si slargje par tant larc che al è l'orizont"
da "Josef Marchet: un furlan difarent" di Antoni Beline
slargjâsi v.pron.intr.
(slar-gjâ-si)
Deventâ plui grant, profont, partecipât, condividût, difondût e v.i.
sinonimi
cjapâ pît, imponisi, difondisi, spampanâsi
esempi
"il progrès tecnologjic (come la invenzion de television) al à fat in mût che il model culturâl american si slargjàs dapardut"
da "Autonomie e democrazie, i numars de Socializazion umane" di Franc Fari, Eric Pascul
slargjâsi v.pron.intr.
(slar-gjâ-si)
Fâ o vê un moviment che al puarte lontan, a larc
esempi
"lis vongulis dal sun si slargjavin su la valade deserte"
da "Cuel Valâr" di Dino Virgili
"aromai e montave sù la sere, e in cîl si slargjavin a planc nûi grîs e lizêrs"
da "Prime di sere" di Carlo Sgorlon
slargjâsi v.pron.intr.
(slar-gjâ-si)
Lâ de bande esterne
sinonimi
vierzisi, slargjâ
esempi
"svoltant no si à di slargjâsi masse"
slargjâsi v.pron.intr.
(slar-gjâ-si)
Ancje impers., dal cîl o dal timp, deventâ seren
sinonimi
slargjâ, vierzisi
esempi
"la ploie e doventà mancul fisse, si slargjà e si viodè soreli"
da "Fûr di timp" di Jolanda Mazzon
slargjâsi v.pron.intr.
(slar-gjâ-si)
Cjacarâ o scrivi tant (fig.)
sinonimi
slungjâsi, slungjâle, lâ in lunc, fâle lungje, slumbriâsi, cincuantâ, cincuantâle
esempi
"no intint slargjâmi su argoments di specialiscj, ma mi limiti a fâ cualchi considerazion "
da "Il turisim in Cjargne al è di passaç" di Marino Plazzotta
slargjâsi v.pron.intr.
(slar-gjâ-si)
Cjapâ sù masse confidence o masse braùre (coloc.)
esempi
"no stâ a slargjâti tant, sta tal to"
slargjâsi v.pron.tr.
(slar-gjâ-si)
Slargjâ alc di se stes, par se stes, alc che si à intor, alc in maniere reciproche e v.i. (ancje fig.)
sinonimi
slargjâ
esempi
"[sù tal decim plan] almancul tu rivis a stâ un tic parsore al rodolâsi dal aiar impolverât. E a slargjâti i voi. Ogni dì mi plaseve di slargjâmiju cjalant inlà"
da "Kebar krossè" di Stiefin Morat
Torna in Cima
Torna in Cima