Tu âs cirût la peraule
bilengâl monolengâl
Tu âs cirût la peraule
scampare
torne indaûr

bilengâl

scampare v.intr., v.tr.
  • 1

    v.intr. scjampâ, scjuvî, salvâsi, svuincâsi Copie

    [AU] (rivâ a no fâsi brincâ di un pericul, di un mâl e v.i.)
    è scampato alla morte = al è scjampât ae muart
    sono scampato al pericolo = mi soi salvât dal pericul oppure o ai scjuvît il pericul
  • 2

    v.tr. scjampâ Copie

    [CO] (rivâ a salvâsi di ce che al è un dam)
    il ladro ha scampato i carabinieri = il lari al à scjampât i carabinîrs

monolengâl

salvâsi v.pron.intr., v.pron.tr.
(sal-vâ-si)
Rivâ a tignîsi fûr dai efiets di un pericul o a vignî fûr di une situazion di pericul
sinonims
scjampâ, scapolâle, svuincâle
esemplis
"dopo vot dîs di ploie la aghe de Sfueime e jere cressude di fâ pôre: ur jere rivade fin ai cops. Alore la int a vevin scugnût lâ a finîle sul cuviert par salvâsi"
gjavât fûr di "Amîs come prime" di Alan Brusini
"si cjatave ancje lui a jessi su la «Galilea» cuant che e fo silurade e si jere salvât juste par miracul"
gjavât fûr di "Sul agâr" di Pieri Menis
"scjampâ vie su cjars e tratôrs par salvâsi la vite"
gjavât fûr di "Cuintristorie dal Nûfcent 1990-2000" di Angelo Floramo
salvâsi v.pron.intr.
(sal-vâ-si)
Rivâ a evitâ alc di fastidiôs, ma no propit pericolôs (ancje iperb.)
sinonims
parâsi, scjampâ, scapolâle, svuincâle
esemplis
"cui che al comande nol po mai salvâsi des critichis par svelt e galantom che al sedi"
gjavât fûr di "Chê di cope cun trê rês!" di Josef Marchet
salvâsi v.pron.intr.
(sal-vâ-si)
Di alc, restâ intat, scjampâ de distruzion
sinonims
restâ, vanzâ, scjampâ, scapolâle, svuincâle
esemplis
"boscs e prâts a jerin nets e in ordin, tignûts cont ancje parcè che a jerin i ultins ratais di campagne rude, dut ce che si jere salvât da lis sgrifis di un "riordenament fondiari""
gjavât fûr di "Il sium di Lissandri" di Franca Mainardis
salvâsi v.pron.intr., v.pron.tr.
(sal-vâ-si)
Scjampâ de danazion eterne, rivâ ae salvece de anime
esemplis
"Teodôr al à volût che e fossin indicâts tal compart de resurezion i stes animâi che a jerin di ca, siet, e doi jeurs. Chest al vûl dî che il messaç al è viert a ducj e che ducj a puedin salvâsi"
gjavât fûr di ""Tata, ma chês a son stelis"" di Sandri Carrozzo
"al sperave di salvâsi la anime"
gjavât fûr di "Ricuarts e inlusions" di Enrico Martina
salvâsi v.pron.intr.
(sal-vâ-si)
[TS] (sport) Tai capionâts a plui nivei di categorie, rivâ a no colâ te categorie plui basse ae fin de stagjon
esemplis
"sodisfazion pal ex blanc e neri Nicola, che cu la vitorie vuadagnade ai Riçs al da ancjemò ae sô scuadre e ai siei tifôs une pocje di sperance di rivâ a salvâsi"
gjavât fûr di "Udinese – Salernitana 0-1" di Marc Stolf
detulis
"a vuelin trê robis par salvâsi: bon voli, buine gjambe e puarte vierte"
"cui che si po salvâ che si salvi"
"par salvâsi a vuelin trê robis: bon voli, buine gjambe e puarte vierte"
torne sù
torne sù