Tu âs cirût la peraule
bilengâl monolengâl
Tu âs cirût la peraule
scappare
torne indaûr

bilengâl

scappare v.intr.
  • 1a

    v.intr. scjampâ Copie

    (dislontanâsi di un lûc li che si è sierâts o obleâts a stâ)
    l'uccellino è riuscito a scappare dalla gabbia = l'ucielut al è rivât a scjampâ de scjaipule
    scappare da una prigione di massima sicurezza = scjampâ di une preson di sigurece massime

    v.intr. scjampâ Copie

    [FO] (lassâ di corse un puest, soredut par no patî un dam o no cori un pericul)
    il delinquente è scappato dal luogo della rapina = il delincuent al è scjampât dal lûc de rapine
    scappare a gambe levate = scjampâ a gjambis puartaitmi
  • 1b

    v.intr. scjampâ Copie

    [FO] (bandonâ la famee)
    è scappata con l'amante = e je scjampade cul amant
    è stato trovato il ragazzino che era scappato di casa = al è stât cjatât il frut che al jere scjampât di cjase
  • 1c

    v.intr. scjampâ Copie

    [FO] (gjavâsi fûr di une situazion negative, punizion o condane)
    scappare da una condizione di povertà = scjampâ di une cundizion di puaretât

    v.intr. scjampâ Copie

    (in loc.pragm.)
    non si scappa, bisogna fare così = no si scjampe, si scuen fâ cussì
  • 1d

    v.intr. scjampâ Copie

    [FO] (in loc. neg., sparî)
    non avere tanta fretta, la cena non scappa = no stâ a vê tante premure, la cene no scjampe
  • 2

    v.intr. scjampâ Copie

    [FO] (lâ vie di premure)
    scusate, ma adesso devo proprio scappare = scusait, ma cumò o ai propit di scjampâ

    v.intr. scjampâ Copie

    (dal timp, passâ svelt)
    queste due ore sono scappate via in un lampo = chestis dôs oris a son scjampadis vie tun marilamp
  • 3a

    v.intr. scjampâ Copie

    [CO] (lâ di premure intun lûc)
    devo scappare a casa a prendere dei documenti = o ai di scjampâ a cjase a cjoli documents
  • 3b

    v.intr. scjampâ, fâ un scjampon Copie

    [CO] (lâ intun puest par pôc timp)
    scappo un momento a salutare gli amici e poi torno = o scjampi un moment a saludâ i amîs e o torni
  • 4

    v.intr. scjampâ Copie

    [CO] (dislontanâsi di une persone par stufe, fastidi, riviel o pôre)
    quando comincia a raccontare le sue storie fa scappare tutti = cuant che al tache a contâ lis sôs storiis al fâs scjampâ ducj
  • 5

    v.intr. scjampâ Copie

    [CO] (pierdisi dibant)
    lasciarsi scappare una bella occasione = lassâsi scjampâ une biele ocasion
    ti consiglio di non farti scappare quella ragazza = ti consei di no fâti scjampâ chê fantate

    v.intr. scjampâ Copie

    (fâ cence volê)
    è scappato un colpo dalla pistola = al è scjampât un colp de pistole
    non farti scappare di mano quel cristallo = no stâ a fâti scjampâ di man chel cristal

    v.intr. scjampâ Copie

    (vignî fûr cence volê)
    gli è scappata una parola di troppo = i è scjampade une peraule di plui
    scusate, mi è scappata una parolaccia = scusait, mi è scjampade une peraulate
  • 6a

    v.intr. scjampâ fûr Copie

    [CO] (lâ fûr di puest)
    il ripieno è scappato dall'arrosto = il pistum al è scjampât fûr dal rost
    ti scappano fuori i soldi dal portafogli = ti scjampin fûr i bêçs dal tacuin
  • 6b

    v.intr. scjampâ Copie

    [CO] (vignî fûr, lâ fûr)
    queste scarpe mi scappano, sono troppo grandi = chestis scarpis mi scjampin, a son masse grandis
  • 7

    v.intr. saltâ fûr Copie

    [CO] (fâsi viodi tun moment, fasint sorprese)
    e tu da dove scappi fuori? = e tu di dulà saltistu fûr?
  • 8

    v.intr. scjampâ Copie

    [CO] (di espression emotive, vignî sù cuntun sburt di no rivâ a stratignîsi)
    mi scappava da ridere = mi scjampave di ridi

    v.intr. scjampâ, vê sen Copie

    (di stimul fisiologjic)
    fermiamoci da qualche parte, che mi scappa = fermìnsi di cualchi bande che o ai sen
    mi scappa la pipì = mi scjampe di fâ 'sisin oppure o ai sen di fâ 'sisin
  • 9a

    v.intr. sclopâ Copie

    [CO] (sclopâ tun moment)
    scappare in una risata = sclopâ a ridi
  • 9b

    v.intr. vignî fûr Copie

    [CO] (vignî fûr cun alc di no spietât)
    è scappato fuori con una delle sue pensate = al è vignût fûr cuntune des sôs pensadis

locuzions

    far scappare la pazienza a un santo
  • fâ pierdi la pazience a un santCopie
    [CO] (fâ pierdi la pazience ancje a cui che ind à di plui)
    quel bambino farebbe scappare la pazienza a un santo = chel frut i fasarès pierdi la pazience a un sant
    • scappare di bocca
  • jessî di bocje, scjampâ, scjampâ di dîCopie
    [CO] (jessi pronunziât cence volê, sore pinsîr)
    l'esclamazione le scappò di bocca = la esclamazion i jessì di bocje mi è scappato di bocca il fatto di tuo fratello = mi è scjampade di dî la vicende di to fradi
    • scappare di mente
  • [CO] (cjale uscire di mente)
    • scappare la pazienza
  • pierdi la pazienceCopie
    [CO] (-)
    guarda che mi sta per scappare la pazienza = cjale che o soi li li par pierdi la pazience

monolengâl

scjampâ v.intr.
(scjam-pâ)
Lassâ di corse un puest, soredut par no patî un dam o par slontanâsi di un pericul
sinonims
batise, brusâ il paion, filâ, filâse, filâ vie, fuî, lâ vie, mocâ, mocâle, mocâle vie, mocâse, mocâse vie, niçâse, niçâse vie, sbignâle, sbignâse
esemplis
"Lise lu cjape e ti comence a pestâlu, ma il frut al rive a scjampâi des mans e si met a cori jù pal curtîl"
gjavât fûr di "Tinut di Libro" di Pieri Menis
"i sin rivâts a pena a scjampà. Dal solâr al lun di luna i ai jodût i Turcs rivâ ta la grava"
gjavât fûr di "I Turcs tal Friûl" di Pier Paolo Pasolini
scjampâ v.intr.
(scjam-pâ)
Rivâ a salvâsi, ancje cence une azion di slontanâsi o par câs
esemplis
"di dute chê int, tresinte e plui personis, no scjamparin de ruvine che la vedue cul so fi e doi altris fruts"
gjavât fûr di "La fuiace de Madone" di Catarine Percude
scjampâ v.intr.
(scjam-pâ)
Gjavâsi fûr di une situazion negative (fig.)
sinonims
lâ vie, slontanâsi
esemplis
"li che o voi, la int e à bisugne di nô: a 'nd è lavôr par dutis chês che come me a scjampin de miserie"
gjavât fûr di "Se Diu al vûl" di Antescûr
scjampâ v.intr.
(scjam-pâ)
Lâ vie di premure (iperb.)
sinonims
cori, cori vie, lâ, lâ vie
esemplis
"cumò o scuen scjampâ che o ai un che mi spiete"
gjavât fûr di "Cretevierte" di Roberto Ongaro
scjampâ v.intr.
(scjam-pâ)
Dal timp, passâ svelt (fig.)
sinonims
cori, filâ, lâ, lâ vie
esemplis
"i agns a scjampin"
scjampâ v.intr.
(scjam-pâ)
Lâ vie, lâ al mancul, sparî (fig.)
sinonims
passâ
esemplis
"a pensâ dulà che [il vin] al jere stât par tant timp [tune tombe], la gole e scjampave"
gjavât fûr di "Doi pizighets e un lari" di Pieri Menis
scjampâ v.intr.
(scjam-pâ)
Colâ di man o no jessi plui controlât
sinonims
sbrissâ
esemplis
"un reful i fe scjampâ un moment il rem da lis mans: si pleià la barcja sot chel impit del vint"
gjavât fûr di "Il me paîs" di Federigo Comelli
scjampâ v.intr.
(scjam-pâ)
Vignî dit o scrit, ancje se nol pâr bon, se nol è just, coret e v.i.
sinonims
sbrissâ
esemplis
"dineâ di vê viodût e sintût, cul terôr di lassâsi scjampâ une mieze peraule, un suspîr, une esitance"
gjavât fûr di "Madalene" di Franco Marchetta
"bon, va ben, e scjampe ancje cualchi blesteme…"
gjavât fûr di "Sul florî" di AAVV
scjampâ v.intr.
(scjam-pâ)
Di espression, azion e sim., no podê jessi stratignude
esemplis
"Catine e fasè muse contegnose, ma i scjampave di ridi"
gjavât fûr di "Trê feminis" di Gianni Gregoricchio
"i scjampà un berli, sigûr plui di sorprese che di pôre"
gjavât fûr di "L'om misteriôs" di Antescûr
scjampâ v.intr.
(scjam-pâ)
Ancje cun subiet sotintindût, di stimul fisiologjic, fâsi sintî
esemplis
"mi scjampe di fâ 'sisin"
"cumò i scjampave une biele cagade"
gjavât fûr di "La invasion" di Checo Tam
scjampâ v.intr.
(scjam-pâ)
No jessi viodut, notât o capît (fig.)
sinonims
cori vie, passâ vie, sbrissâ
esemplis
"agne Ursule, e veve di viodi dut ce che al jentrave e ce che al jessive [...] no i scjampave nuie di ce che al sucedeve in chê cjase"
gjavât fûr di "Agne Ursule" di Pieri Menis
"a mê mari no i jere scjampade la ande di cjoli vie di lui"
gjavât fûr di "Trê feminis" di Gianni Gregoricchio
scjampâ v.intr.
(scjam-pâ)
Lâ fûr di cjâf, no jessi ricuardât (fig.)
esemplis
"i scjampave de memorie ancje il so non di Rite"
gjavât fûr di "Come tai romançs" di Alan Brusini
scjampâ v.intr.
(scjam-pâ)
Refudâsi di cognossi o di frontâ alc (fig.)
esemplis
"il pelegrinaç nol à mai di jessi un scjampâ de realtât, ma une fuarce par tornâ te realtât"
gjavât fûr di "Sant Jacum, là che al finìs il mont" di Antoni Beline
scjampâ v.tr.
(scjam-pâ)
Evitâ
esemplis
"Zuan lu cirive e lu scjampave tal stes timp. Alc i faseve pôre e alc lu tirave in chel om"
gjavât fûr di "La tiere di Lansing" di Maria Forte
detulis
"a messe là che al sune, a scjaldâsi là che al fume, a mangjâ là che al è pan e scjampâ là che si dan"
"cui che al cor al cor e cui che al scjampe al svole"
"cui che al scjampe al à lis alis"
"cui che al scjampe un pont, ind scjampe mil"
"dai al cjan cuant che al scjampe"
"dal destin no si scjampe"
"de man di Diu no si scjampe"
"ducj a àn coraç cuant che il lôf al scjampe"
"il diaul co al viôt la crôs al scjampe"
"il trist al scjampe ancje se nissun no i cor daûr"
"la peraule che e scjampe e sa indulà che e va"
"no bisugne lassâ scjampâ il jeur par pôre di ruvinâi la piel"
"no si à di sierâ la chebe co l'uciel al è scjampât"
"no stâ corii daûr a cui che al scjampe"
"no stâ spietâ di sierâ il cjôt daspò scjampade la purcite"
"par salvâ la piel no stâ lassâ scjampâ il jeur"
"par scjampâ de miserie si à di lâ là che a son cjamins che a fumin e no cjampanii che a sunin"
"trê robis a fasin scjampâ la int di cjase: il fum, la triste muîr e la cjase discuvierte"
"trê robis a fasin scjampâ la int di cjase: la cusine fumose, la femine rabiose e la cjase discuvierte"
torne sù
torne sù