Tu âs cirût la peraule
bilengâl monolengâl
Tu âs cirût la peraule
scattare
torne indaûr

bilengâl

scattare v.intr., v.tr.
  • 1

    v.intr. saltâ Copie

    [FO] (di un aparât mecanic, liberâsi dut intun colp de posizion che al jere tignût)
    la molla è scattata al momento giusto = la suste e je saltade tal moment just

    v.intr. partî Copie

    (començâ a funzionâ)
    il congegno è scattato con un'ora di ritardo = l'argagn al è partît cuntune ore di ritart

    v.intr. saltâ Copie

    (di cric, disativâ l'implant eletric)
    l'interruttore scatta quando attacchi la lavatrice = il cric al salte cuant che tu tachis la machine di lavâ
  • 2a

    v.intr. partî, tacâ Copie

    [FO] (tacâ dut intun moment, començâ di buride)
    è scattata l'ora x = e je partide la ore x
    l'attacco delle forze dell'ordine è scattato con il buio = l'atac des fuarcis dal ordin al è partît cul scûr
  • 2b

    v.intr. saltâ sù Copie

    [FO] (di sintiment, istint o sim., manifestâsi dut intun colp)
    dentro di lui è scattata la leva dell'orgoglio = dentri di lui e je saltade sù la jeve dal orgoi
  • 2c

    v.intr. passâ, saltâ sù, dâ sù Copie

    [FO] (passâ a di un nivel superiôr intune scjale di valôrs)
    la settimana prossima scatterò al settimo livello = la setemane che e ven o passarai al nivel setim
  • 3

    v.intr. saltâ, saltâ sù, petâ sù Copie

    [FO] (saltâ in pîts o intune direzion)
    scattare in posizione = scatâ in posizion

    v.intr. saltâ sù, dâ sù, petâ sù Copie

    (fâ un moviment sec e subitani)
    a sentire quelle parole non ho potuto non scattare = a sintî chês peraulis no ai podût no saltâ sù
  • 4

    v.intr.

    [FO] (aumentâ une vore in curt la velocitât)
    il ciclista era scattato all'inizio della scalata del passo alpino = il ciclist al veve slungjât a pene scomençade la scjalade dal pas alpin
  • 5

    v.intr. saltâ sù Copie

    [FO] (metisi dibot sot, dâi dentri daurman)
    quando vi chiamo dovete scattare immediatamente! = cuant che us clami o vês di saltâ sù a colp!
  • 6

    v.intr. saltâ sù, dâ sù Copie

    [FO] (reagjî mâl, a butinton, rabiantsi)
    non ti si può dire niente che scatti! = no si pues dîti nuie che tu saltis sù!
  • 7

    v.tr.

    [FO] (fâ une fotografie)
    scattare una fotografia di nascosto = fâ une fotografie di scuindon

    v.tr.

    (ancje ass.)
    scatta adesso che c'è la luce giusta = fâs cumò la foto che e je la lûs juste

monolengâl

tacâ v.tr.
(ta-câ)
Fâ che un element al resti a contat o intor di un altri doprant leaduris, cole, cusiduris e sim.
sinonims
fermâ, fissâ, incolâ, leâ, meti, peâ, saldâ
esemplis
" doi fruts dal Fogolâr a vevin tacât cul scotch sfueis di cjarte celestine cun poesiis scritis cu la machine"
gjavât fûr di "Visâsi di chel puint radio" di Agnul di Spere
"vignît ca, che i us tachi chel boton! Ju pierdês simpri, come i fruts"
gjavât fûr di "A passe la scalmane" di Anute Fabris
tacâ v.tr.
(ta-câ)
In riferiment a animâi, preparâju par tirâ un mieç di traspuart
sinonims
meti sot
esemplis
"a vevin tacât i bûs par lâ a forment lontan, jù pe Basse, di là da la Aghe"
gjavât fûr di "La aghe da pît la cleve" di Dino Virgili
tacâ v.tr.
(ta-câ)
Fâ passâ energjie eletriche
sinonims
ativâ, azionâ, molâ, dâ
esemplis
"tacâ la corint"
tacâ v.tr.
(ta-câ)
Passâ une infezion, un mâl, un parasit e v.i.
sinonims
passâ
esemplis
"tal gjalinâr dôs polecis a stavin li fermis, cui voi sierâts, e di sigûr a tacavin la malatie ancje a chês altris"
gjavât fûr di "Prime di sere" di Carlo Sgorlon
"no vuei che tu vadis su la rive dai Meus, là di cjase sô, capît? Doi agn fa us à tacât i pedoi a ti e a to fradi, ti visistu?"
gjavât fûr di "La salamandrie tal fûc" di Carlo Tolazzi
tacâ v.tr.
(ta-câ)
Butâsi cuintri, assaltâ
esemplis
"Matie al veve sintude la gnove de sô radio in cjase. La Italie e veve tacade la France"
gjavât fûr di "Sul agâr" di Pieri Menis
"intant che nô ju tacavin cu lis balis di arzile, lôr, sburtâts dal Traibar, di Gramigna e Caisel, nus àn tacâts di ogni bande cun claps e bastons e pugns"
gjavât fûr di "Amîs come prime" di Alan Brusini
Viôt ancje: atacâ
tacâ v.tr.
(ta-câ)
Ruvinâ, fâ un dam a cdn., a alc, a une part, a un materiâl e v.i.
sinonims
mangjâ, roseâ, brusâ, vuastâ, ruvinâ, intacâ, cjapâ, tocjâ
esemplis
"peronospore e foncs che a tachin fueis e raps"
gjavât fûr di "Storie curte de vît in Friûl" di Enrico Peterlunger
Viôt ancje: atacâ
tacâ v.tr.
(ta-câ)
Criticâ, fâ cuintri a cdn., a alc, a une sielte, a une idee e v.i.
sinonims
contrastâ, criticâ, tarizâ, vituperâ, combati
esemplis
"dilunc vie dal lavôr, dispès il progjet al è stât tacât cun polemichis"
gjavât fûr di "La elaborazion resinte di imprescj lessicografics furlans" di Sandri Carrozzo
Viôt ancje: atacâ
tacâ v.tr.
(ta-câ)
Scomençâ, in sens une vore larc e in diviers contescj, ancje sotintindint une azion (ancje ass.)
sinonims
començâ, disniçâ, inmaneâ, inviâ, scomençâ, tacâ sot
esemplis
"al lave sù pe stradelute che e menave a cjase des dôs feminis, pensant al mût miôr di tacâ il discors"
gjavât fûr di "Cretevierte" di Roberto Ongaro
"al jere lât dal avocat par tacâ lis pratichis de separazion"
gjavât fûr di "Amîs come prime" di Alan Brusini
"in chê Vierte, Massimo al tacà la cjase gnove"
gjavât fûr di "La tiere di Lansing" di Maria Forte
"propit cuant che o soi daûr a tacâ la butilie de sgnape par dismenteâ, al comparìs pre Nocent"
gjavât fûr di "Viaç a Vignesie" di Arturo Feruglio
"a sîs o vevi di tacâ a vore"
gjavât fûr di "Jo e Graziella" di Mario Beltramini
tacâ v.tr., v.intr.
(ta-câ)
Une vore dispès cun infinitivis, sedi cun verps transitîfs che intransitîfs, par segnâ il principi de azion
sinonims
començâ, scomençâ, tacâsi
esemplis
"jo e un pâr di lôr si tacà a dâ fûr cartulinis di Nadâl cui auguris par furlan"
gjavât fûr di "Visâsi di chel puint radio" di Agnul di Spere
"Jacum al tacà a mangjâ e a bevi cence fonts"
gjavât fûr di "Fradi dal plevan" di Angelo Covazzi
"si studiavin l'un cul altri, seneôs di savê e tal stes timp spaurôs di tacâ a fevelâ"
gjavât fûr di "Il sium di Lissandri" di Franca Mainardis
"al veve tacât a plovi, e la frute e jere stade tant buine di imprestâi une ombrene par che al ves podût tornâ a cjase cence bagnâsi"
gjavât fûr di "La ombrene" di Meni Ucel
tacâ v.intr.
(ta-câ)
Vê principi tal timp, tal spazi, tal ordin logjic e v.i.
sinonims
començâ, scomençâ, tacâsi
esemplis
"frut, domenie al tache il campionât, il to prin campionât in prime scuadre"
gjavât fûr di "Donald dal Tiliment" di Stiefin Morat
"un grop i vignî sù in gole, e i tacà un baticûr di sclopâ"
gjavât fûr di "La tiere di Lansing" di Maria Forte
"di chê altre bande a tacavin lis cjasis plui bassis di Tresesin"
gjavât fûr di "Prime di sere" di Carlo Sgorlon
tacâ v.intr.
(ta-câ)
Fâ prese, scomençâ a jessi, a cressi, a viodisi
sinonims
cjapâ
esemplis
"par tiere al è bagnât, la nêf no tache"
"ancje su la lûs [in salot], grande atenzion: no masse scûr, se no e tache la mufe; e nancje masse soreli, se no i colôrs si smamissin"
gjavât fûr di "I furlans e il camarin" di Riedo Pup
"la muse ruane / di Toni di Place / dimostri che ai Piombi / no tache la glace"
gjavât fûr di "Ai Piombi" di Romeo Battistig (?)
tacâ v.intr.
(ta-câ)
Corispuindi in ogni pont (ancje fig.)
sinonims
corispuindi
esemplis
"si à di cjatâ il toc dal puzzle che al tache"
tacâ v.intr.
(ta-câ)
Jessi in conession logjiche, vê un sens logjic (fig.)
sinonims
concuardâ, concuardâsi, cumbinâsi, leâsi, tacâsi
esemplis
"“Su, ghemars, môf chês cjarculis” i zigave daûr, o pûr “Jobul” ancje se chê peraule no tacave gran, in chel moment"
gjavât fûr di "Cjase di Dalban" di Maria Forte
"une liende biade che no ten e no tache"
gjavât fûr di "Memoriis di politiche linguistiche" di Adrian Cescje
tacâ v.intr.
(ta-câ)
Jentrâ in buine relazion, spec. sentimentâl
sinonims
fâ tele, cumbinâ, triscâ, intindisi, capîsi
esemplis
"intant che nô ju tacavin cu lis balis di arzile, lôr, sburtâts dal Traibar, di Gramigna e Caisel, nus àn tacâts di ogni bande cun claps e bastons e pugns"
gjavât fûr di "Lassait che mi sbrochi!" di Pieri Somede dai Marcs
"e tacave cun ducj: talians, todescs, cravuats, e fintremai cui cosacs"
gjavât fûr di "Lis predicjis dal muini" di Josef Marchet
tacâ v.tr.
(ta-câ)
Fâ che si impii il fûc
sinonims
piâ, impiâ
esemplis
"po dâsi che a vebin za tacât il fûc ancje tal puarti di cjase"
gjavât fûr di "La salamandrie tal fûc" di Carlo Tolazzi
tacâ v.intr.
(ta-câ)
Jessi viscôs
sinonims
impeolâ, tacâsi
esemplis
"sintî cemût che e tache la peule de trade"
gjavât fûr di "La aghe da pît la cleve" di Dino Virgili
detulis
"cuant che no si vûl finî si fâs di mancul di tacâ"
"il Signôr nol paie ogni sabide, al va ben planc ben planc, e vie pal timp al va tacant"
"il vier al tache simpri il miluç plui bon"
"il vier al tache simpri il pom plui bon"
"ogni scuse e je buine par tant che e tache"
"Sant Antoni, la ocje dal bonparon e tache a pogni, a Sant Valantin chê dal puarin"
"sborf, là che si tache no si distache"
torne sù
torne sù