Tu âs cirût la peraule
bilengâl monolengâl
Tu âs cirût la peraule
scherzare
torne indaûr

bilengâl

scherzare v.intr.
  • 1

    v.intr. mateâ, scherçâ Copie

    [CO] (zuiâ, svagâsi)
    i bambini scherzano tra di loro nel cortile della scuola = i fruts a schercin tra di lôr intal curtîl de scuele
  • 2a

    v.intr. mateâ, scherçâ Copie

    [FO] (compuartâsi, fevelâ, discori cence serietât e impegn, fasint scherçs, cjolint vie cdn. o alc)
    gli piace scherzare anche nei momenti brutti = i plâs di scherçâ ancje intai moments bruts

    v.intr. mateâ Copie

    (in espressions negativis, par pandi serietât)
    non scherzo! = no matei!

    v.intr. scherçâ Copie

    (in espression antifrastiche, par esprimi contrarietât su ce che si dîs o si fâs)
    che scherziamo? = ce, schercìno?
  • 2b

    v.intr. zuiâ Copie

    [CO] (cun denant une negazion, tratâ cun superficialitât, agjî cence impegn)
    è uno che non scherza = al è un che a nol zuie

    v.intr. zuiâ Copie

    (mostrâsi adatevul, sometût)
    impara a non scherzare con la legge = impare a no zuiâ cu la leç
  • 3

    v.intr. mateâ, scherçâ Copie

    [CO] (tant che esclamazion, spec. cun ton di domande, par pandi straneament o alarme scherçôs)
    ma vuoi scherzare? = schercistu?
    non scherzare su queste cose! = no stâ a scherçâ su chestis robis!
  • 4

    v.intr. mateâ, scherçâ Copie

    [FO] (fâ in mût superficiâl cence tignî cont di un pericul)
    con la bronchite non si deve scherzare = cu la bronchite no si à di mateâ

    v.intr. zuiâ, mateâ, scherçâ Copie

    (no rispietâ, no tignî tal cont just)
    scherzare con i sentimenti di uno = scherçâ cui sintiments di un
  • 5

    v.intr. mateâ, scherçâ, fâ fente Copie

    [CO] (in espressions comparativis cun denant une negazion, par dî che no si è di mancul)
    io sarò in ritardo, ma anche tu non scherzi, eh! = jo o sarai tart, ma ancje tu no tu schercis, eh!

locuzions

    scherzare con il fuoco
  • scherçâ cul fûc, zuiâ cul fûc, cirî gnotCopie
    [CO] (frontâ i pericui cun facilitât, olsant masse)
    • scherzare con la morte
  • [CO] (cjale scherzare con il fuoco)

monolengâl

zuiâ v.intr.
(zu-iâ)
Passâ il timp in ativitâts che a fasin divertî, ancje rispietant regulis precisis
sinonims
discjolisi, disvagâsi, divertîsi, pierdisi vie, ricreâsi, stravagâsi, svagâsi, svariâsi, zuiatolâ
esemplis
"i fruts a son a zuiâ, ma cumò che e je ore di cene a vignaran sù"
gjavât fûr di "Braùre" di Spirt Anonim
"lis frutis a zuiavin ancjemò cu lis pipinis di peçot tal curtîl, o disore sul puiûl"
gjavât fûr di "La fie çuete" di Maria Forte
"par zuiâ di scacs si doprin trentedoi tocs che a formin dôs scuadris, chê dal Blanc e chê dal Neri"
gjavât fûr di "Zuìn di scacs" di Nilde Teresa Negro
"se a zuiavin di scuele, lui al jere il mestri, al faseve lis domandis e al tratave di mus il so compagn"
gjavât fûr di "Il signorino" di Alan Brusini
Viôt ancje: zueâ
zuiâ v.intr.
(zu-iâ)
[TS] (venat.) Dai uciei, svicinâsi al riclam
esemplis
"no je zornade vuê, l'è dut dibant. / Lis odulis no zuein, chês malandretis!"
gjavât fûr di "A odulis in buse" di Nino Sormani
zuiâ v.intr.
(zu-iâ)
Tocjâ e movi, in gjenar cence finalitât pratiche, par divertîsi o ancje cence visâsi, par costum, pal gnervôs e v.i.
sinonims
fufignâ, mateâ, pierdisi, pierdisi vie, zugulâ, zuiatolâ
esemplis
""Lu siguri di no. Anzit". E lu diseve plui voltis zuiant cuntun lapis sul scritori"
gjavât fûr di "I forescj" di Alan Brusini, Gian Paolo Linda
zuiâ v.intr.
(zu-iâ)
Fâ un sport, par gust o ancje cun impegn, di diletant o di professionist
esemplis
"miei fradis plui grancj a zuiavin di tenis"
gjavât fûr di "Come tai romançs" di Alan Brusini
"il Nino al zuiave cun La Rovente, la scuadre di balon dal Sante Marie"
gjavât fûr di "Veruska" di Ivano Urli
""Ce sintial un furlan a zuiâ cu la maie dal Udin?""
gjavât fûr di "Interviste a Dino Zoff" di Christian Romanin
zuiâ v.intr., v.tr.
(zu-iâ)
Fâ zûc di azart, riscjâ bêçs in scomessis o zûcs (ancje ass.)
esemplis
"si stracin bêçs, stant che si mangje e che si bêf, si fasin bai e spetacui e si zuie fuart di cjartis"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"al començà a bevi, a zuiâ, a trascurâ la famee"
gjavât fûr di "Barzalete" di Giuseppe Rupil
"la int si intassarà a Percût, no par lâ in prucission, ma par zuiâ la pescje"
gjavât fûr di "Il Strolic de anade - Març 1976" di Riedo Pup
zuiâ v.tr.
(zu-iâ)
Fâ une gare, une sfide, une partide e v.i.
esemplis
"Elena Schiavo [...] e à zuiât in dut tresinte e sedis partidis e e à segnât dusinte vincjesîs goi"
gjavât fûr di "Il balon tal cjâf - Elena Schiavo" di Dorino Minigutti
zuiâ v.intr.
(zu-iâ)
Fâ alc che al domande abilitât
esemplis
"il poete al zuie cu la peraule cussì come il pitôr cui colôrs e il scultôr cu la materie"
gjavât fûr di "Interviste a Pierluigi Cappello" di Walter Tomada
zuiâ v.intr.
(zu-iâ)
Profitâsi di une situazion par vê un ciert risultât (fig.)
esemplis
"[il cont Cecon di Pielunc] al zuiave sul fat de consegne; al diseve: «se us e consegni dopo o pai une penalitât jo; se us e consegni prin, me paiais voaltris»"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
"in chei agns si podeve almancul contâ di zuiâ su lis contradizions che a podevin nassi tra la diestre pseudoliberâl di Forza Italia e la Lega Nord"
gjavât fûr di "Memoriis di politiche linguistiche" di Adrian Cescje
zuiâ v.intr.
(zu-iâ)
Zovâsi di alc o di cdn. tant che poie, fonde, riferiment e v.i. (fig.)
esemplis
"La muart cui çucui di Giorgio Milocco e Andrea Nardon (1999), un film che, zuiant suntun torgul blanc e neri, al da fûr une fuarce espressive straordenarie"
gjavât fûr di "Il cine furlan" di Fabian Ros
zuiâ v.tr.
(zu-iâ)
Vê un pês, un efiet, une funzion e v.i.
esemplis
"il dolôr e je la cundizion dulà che l'efiet placebo al è stât plui studiât, parcè che la componente psicologjiche e zuie une part impuartante"
gjavât fûr di "Neurosiencis dal dolôr" di Franc Fari
zuiâ v.intr.
(zu-iâ)
Produsi efiets particolârs, spec. di moviment, di lûs, di sun, di contrast e v.i. (fig.)
esemplis
"il soreli zuie cui soi cjavei blancs indorantju tun gorc di lûs"
gjavât fûr di "Ah! la provincie" di Sandri Di Suald
"la scove lungje di sanzit e fâs di parone; e e pare dongje lis cjartatis che a zuin tal aiar dal asfalt"
gjavât fûr di "Fadie come ale" di Maria Forte
"son lis gotis tantis perlis / co cu la aghe al zuie il vint"
gjavât fûr di "Fontanute" di Maria Gioitti del Monaco
zuiâ v.intr.
(zu-iâ)
Di toc mecanic e sim., movisi dentri di une sede di un mecanisim, vê une cierte libertât tal moviment
esemplis
"la cengle no à di sei masse a stret tal canâl de cidule, ma e à di zuiâ un pocut"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
zuiâ v.intr.
(zu-iâ)
In domandis retorichis, in espressions par domandâ cont, par riclamâ a un compuartament plui coret e sim.
esemplis
"«Ohe sindacât, a ce cjartis zuìno? son vincj dîs che o stin spietant»"
gjavât fûr di "Un pugn di moscjis" di Pieri Somede dai Marcs
"zuìno a buinis o a matis?"
zuiâ v.tr.
(zu-iâ)
Imbroiâ
esemplis
""E brave la inconsolabile: us à zuiâts ducj e cuatri e cumò al sarà un afâr mostro cjapâle…""
gjavât fûr di "Ah! la provincie" di Sandri Di Suald
detulis
"cui che al zuie par dibisugne al piert par necessitât"
"cui che nol vûl pierdi che al fasi di mancul di zuiâ"
torne sù
torne sù