Hai cercato la parola
bilingue monolingue
Hai cercato la parola
schifo
Torna indietro

bilingue

schifo ,
  • 1

    s.m. riviel, stomi, volt di stomi Copia

    [FO] (sens di ingomeament o disgust par cdn. o par alc, che al è repelent, soç, puçolent o ben imorâl, disonest, ossen e v.i.)
    che schifo! = ce stomi!
    provare schifo = vê riviel
    quel film fa schifo = chel cine al fâs vignî volt di stomi

    s.m. riviel, stomi, volt di stomi Copia

    (prove une vore negative des propriis capacitâts)
    nell'ultima partita i ragazzi hanno fatto schifo = te ultime partide i fantats a àn fat voltâ il stomi
  • 2a

    s.m. cragne, porcarie Copia

    [FO] (ce che al fâs vignî volt di stomi)
    questa casa è uno schifo = cheste cjase e je une cragne

    s.m. cragne, porcarie Copia

    (robe di mangjâ, di bevi e v.i., che e fâs vignî volt di stomi)
    questa pasta è davvero uno schifo = cheste paste e je pardabon une porcarie
  • 2b

    s.m. cragne, porcarie, orôr Copia

    [FO] (ce che al è brut, mâl fat, mâl vignût, secont un criteri artistic o daûr dal gust personâl)
    questo quadro è uno schifo = chest cuadri al è une porcarie
  • 2c

    s.m. cragne, porcarie Copia

    [FO] (ategjament, azion o compuartament imorâl, disonest, blasmevul, ossen e v.i.)
    il suo modo di fare non mi è piaciuto per niente, è stato uno schifo = il so mût di fâ no mi à plasût par nuie, al è stât une cragne

    s.m. carogne, cragne Copia

    (persone infame, vîl, che e merete blasim)
    sei uno schifo di persona! = tu sês un une cragne di persone!

monolingue

stomi s.m.
(sto-mi)
Orghin dal cuarp uman, e di diviers animâi, jenfri l'esofac e l'intestin destinât aes primis fasis de digjestion
sinonimi
bultric, gradoan
esempi
"al jere tant velen pal so stomi chel mangjâ gras e impeverât"
da "Tal ospedâl" di Amedeo Giacomini
Vedi anche: stomit
stomi s.m.
(sto-mi)
Part centrâl e anteriôr dal bust che e je in corispondence di chel orghin
esempi
"cjaminant come impicotît sul so baston - la barbone blancje fin sul stomi - i lave daûr ben planchin"
da "Il Bide di Miot" di Maria Forte
"si tignive il cjâf cu lis mans che la cjamare i zirave. «Il verduç» al diseve, «nome dôs tacis e lu ai dut ca» e si bateve il stomi"
da "Par stradis lungjis" di Alan Brusini
stomi s.m.
(sto-mi)
Capacitât di sopuartâ personis o situazions (fig.)
sinonimi
cûr, fiât
esempi
" e je vignude in cjase une brût, une buine fantate, tant cristiane e di sest. «Cemût jentrâ intune cjase cussì? [cuntune cugnade ritardade] Al vûl bon stomi…» e diseve la int"
da "Pascute" di Pieri Menis
"dute la leterature taliane dal "Risorziment" e finìs cul fâ nausie ancje a cui che al à il stomi di lamarin"
da "Cui nus liberaraial des liberazions?" di Josef Marchet
stomi s.m.
(sto-mi)
Sensazion di riviel, di refudament istintîf fisic o psicologjic e robe o persone che e prodûs chê sensazion (fig.)
sinonimi
ingomit, riviel, sens, volt di stomi, rivoc
esempi
""[...] a cjapin lis ranis e i crots, lis fasin frizi impanadis e lis mangjin tantis che a 'nd è", e dîs une. "Jesus ce stomi! [...]""
da "Storie di Vera" di Ivano Urli
stomi s.m.
(sto-mi)
Dut il devant dal bust, in particolâr la part plui alte
sinonimi
pet
esempi
"in place, co la int a saltavin fûr di messe, artiscj a stomi crot a mangjavin stope e a spudavin fûc, a spacavin cjadenis cul stomi, a tiravin curtìs cuintri une bree e cjans amaestrâts a balavin su dôs gjambis"
da "Come tai romançs" di Alan Brusini
"no sin noaltris che o vin di batisi il stomi e dî: mea culpa!"
da "Esam di cussience" di Josef Marchet
"sint ca, Pauli, sint ca tal stomi, sint se al ghi bat il cour"
da "I Turcs tal Friûl" di Pier Paolo Pasolini
"une frutate che e veve dome i pomuluts sul stomi"
da "La aghe da pît la cleve" di Dino Virgili
stomi s.m.
(sto-mi)
Chê part dal cuarp tant che puest li che al sta il cûr e duncje i sintiments, lis emozions, la cussience e v.i. (fig.)
sinonimi
pet, cûr
esempi
"il vecjo si invie e lôr daûr, cidins, cuntune passion tal stomi che ju pleave"
da "Si disarès che e je inventade" di Pieri Menis
"a disin che il furlan [...] nol fâs mostre o spetacul dai siei displasês, che al ten tal stomi la sô passion e il so dolôr"
da "Lis predicjis dal muini" di Josef Marchet
proverbi
"cjantâ no si po ben cuant che il stomi nol è plen"
"l'om si misure dal stomi insù"
"o di stranc o di fen, il stomi al à di sei plen"
"une buine polente e je un bon tapon pal stomi"
Torna in Cima
Torna in Cima