Tu âs cirût la peraule
bilengâl monolengâl
Tu âs cirût la peraule
schifo
torne indaûr

bilengâl

schifo adi., s.m.
  • 1

    s.m. riviel, stomi, volt di stomi Copie

    [FO] (sens di ingomeament o disgust par cdn. o par alc, che al è repelent, soç, puçolent o ben imorâl, disonest, ossen e v.i.)
    che schifo! = ce stomi!
    provare schifo = vê riviel
    quel film fa schifo = chel cine al fâs vignî volt di stomi

    s.m. riviel, stomi, volt di stomi Copie

    (prove une vore negative des propriis capacitâts)
    nell'ultima partita i ragazzi hanno fatto schifo = te ultime partide i fantats a àn fat voltâ il stomi
  • 2a

    s.m. cragne, porcarie Copie

    [FO] (ce che al fâs vignî volt di stomi)
    questa casa è uno schifo = cheste cjase e je une cragne

    s.m. cragne, porcarie Copie

    (robe di mangjâ, di bevi e v.i., che e fâs vignî volt di stomi)
    questa pasta è davvero uno schifo = cheste paste e je pardabon une porcarie
  • 2b

    s.m. cragne, porcarie, orôr Copie

    [FO] (ce che al è brut, mâl fat, mâl vignût, secont un criteri artistic o daûr dal gust personâl)
    questo quadro è uno schifo = chest cuadri al è une porcarie
  • 2c

    s.m. cragne, porcarie Copie

    [FO] (ategjament, azion o compuartament imorâl, disonest, blasmevul, ossen e v.i.)
    il suo modo di fare non mi è piaciuto per niente, è stato uno schifo = il so mût di fâ no mi à plasût par nuie, al è stât une cragne

    s.m. carogne, cragne Copie

    (persone infame, vîl, che e merete blasim)
    sei uno schifo di persona! = tu sês un une cragne di persone!

monolengâl

stomi s.m.
(sto-mi)
Orghin dal cuarp uman, e di diviers animâi, jenfri l'esofac e l'intestin destinât aes primis fasis de digjestion
sinonims
bultric, gradoan
esemplis
"al jere tant velen pal so stomi chel mangjâ gras e impeverât"
gjavât fûr di "Tal ospedâl" di Amedeo Giacomini
Viôt ancje: stomit
stomi s.m.
(sto-mi)
Part centrâl e anteriôr dal bust che e je in corispondence di chel orghin
esemplis
"cjaminant come impicotît sul so baston - la barbone blancje fin sul stomi - i lave daûr ben planchin"
gjavât fûr di "Il Bide di Miot" di Maria Forte
"si tignive il cjâf cu lis mans che la cjamare i zirave. «Il verduç» al diseve, «nome dôs tacis e lu ai dut ca» e si bateve il stomi"
gjavât fûr di "Par stradis lungjis" di Alan Brusini
stomi s.m.
(sto-mi)
Capacitât di sopuartâ personis o situazions (fig.)
sinonims
cûr, fiât
esemplis
" e je vignude in cjase une brût, une buine fantate, tant cristiane e di sest. «Cemût jentrâ intune cjase cussì? [cuntune cugnade ritardade] Al vûl bon stomi…» e diseve la int"
gjavât fûr di "Pascute" di Pieri Menis
"dute la leterature taliane dal "Risorziment" e finìs cul fâ nausie ancje a cui che al à il stomi di lamarin"
gjavât fûr di "Cui nus liberaraial des liberazions?" di Josef Marchet
stomi s.m.
(sto-mi)
Sensazion di riviel, di refudament istintîf fisic o psicologjic e robe o persone che e prodûs chê sensazion (fig.)
sinonims
ingomit, riviel, sens, volt di stomi, rivoc
esemplis
""[...] a cjapin lis ranis e i crots, lis fasin frizi impanadis e lis mangjin tantis che a 'nd è", e dîs une. "Jesus ce stomi! [...]""
gjavât fûr di "Storie di Vera" di Ivano Urli
stomi s.m.
(sto-mi)
Dut il devant dal bust, in particolâr la part plui alte
sinonims
pet
esemplis
"in place, co la int a saltavin fûr di messe, artiscj a stomi crot a mangjavin stope e a spudavin fûc, a spacavin cjadenis cul stomi, a tiravin curtìs cuintri une bree e cjans amaestrâts a balavin su dôs gjambis"
gjavât fûr di "Come tai romançs" di Alan Brusini
"no sin noaltris che o vin di batisi il stomi e dî: mea culpa!"
gjavât fûr di "Esam di cussience" di Josef Marchet
"sint ca, Pauli, sint ca tal stomi, sint se al ghi bat il cour"
gjavât fûr di "I Turcs tal Friûl" di Pier Paolo Pasolini
"une frutate che e veve dome i pomuluts sul stomi"
gjavât fûr di "La aghe da pît la cleve" di Dino Virgili
stomi s.m.
(sto-mi)
Chê part dal cuarp tant che puest li che al sta il cûr e duncje i sintiments, lis emozions, la cussience e v.i. (fig.)
sinonims
pet, cûr
esemplis
"il vecjo si invie e lôr daûr, cidins, cuntune passion tal stomi che ju pleave"
gjavât fûr di "Si disarès che e je inventade" di Pieri Menis
"a disin che il furlan [...] nol fâs mostre o spetacul dai siei displasês, che al ten tal stomi la sô passion e il so dolôr"
gjavât fûr di "Lis predicjis dal muini" di Josef Marchet
detulis
"cjantâ no si po ben cuant che il stomi nol è plen"
"l'om si misure dal stomi insù"
"o di stranc o di fen, il stomi al à di sei plen"
"une buine polente e je un bon tapon pal stomi"
torne sù
torne sù