Hai cercato la parola
bilingue monolingue
Hai cercato la parola
scivolare
Torna indietro

bilingue

scivolare
  • 1

    v.intr. sbrissâ Copia

    [FO] (movisi cuntun moviment continui, volontari o no, parsore di un plan orizontâl o di rive jù)
    il peso scivola su un piano inclinato = il pês al sbrisse jù par un plan inclinât
  • 2

    v.intr. sbrissâ Copia

    [FO] (pierdi l'ecuilibri o l'asset, colâ o riscjâ di colâ)
    l'auto è scivolata su una macchia d'olio = la machine e je sbrissade su di une magle di vueli
  • 3

    v.intr. cori, sbrissâ Copia

    [FO] (lâ indenant in mût regolâr, spec. su la aghe)
    la barca scivolava leggera sul pelo dell'acqua = la barcje e coreve lizere sul pêl de aghe

    v.intr. sbrissâ Copia

    (movisi a cidin)
    un'ombra scivolava lungo il muro = une ombre e sbrissave dilunc il mûr

    v.intr. smuçâ, sbrissâ Copia

    (di cdn., lâ vie di scuindon, cence fâsi viodi)
    approfittando del buio il prigioniero scivolò via dall'accampamento = improfitant dal scûr il presonîr al sbrissà vie dal cjamp
  • 4

    v.intr. smuçâ, sbrissâ Copia

    [FO] (scjampâ des mans, colâ)
    mi è scivolato di mano il sapone = mi à sbrissât di man il savon
  • 5

    v.intr. sbrissâ Copia

    [FO] (colâ un pôc a la volte intune cundizion psicologjiche e morâl negative)
    scivolare nel vizio = sbrissâ intal vizi
  • 6

    v.intr. sbrissâ Copia

    [FO] (di alc, finî di scuindon o di premure in borse, in sachete, e v.i.)
    gli ha fatto scivolare in tasca due banconote = i à fat sbrissâ in sachete doi biliets di bancje
  • 7

    v.intr. lassâ di bande, passâ parsore Copia

    [FO] (lassâ pierdi)
    abbiamo preferito scivolare sulla questione = o vin vût miôr lassâ di bande la cuistion
    scivolare sull'argomento = passâ parsore dal argoment
  • 8

    v.intr. sbrissâ Copia

    [FO] (intune discussion, passâ un pôc a la volte di un argoment a di un altri)
    con te si finisce sempre per scivolare sulla politica = cun te e va a finîle simpri che si sbrisse su la politiche
  • 9

    v.intr. sbrissâ Copia

    [FO] (jessi rimandât, jessi tirât dilunc)
    l'esame è scivolato a domani = l'esam al è sbrissât oppure al è lât a doman

monolingue

sbrissâ v.intr.
(sbri-ssâ)
Movisi cuntun moviment continui, cence pierdi il contat cu la superficie, parsore di un plan orizontâl o di rive jù
esempi
"dôs lagrimonis i sbrissarin jù pe muse rusine"
da "Sot il puarti" di Pieri Menis
"aghis lentis di ledruts e di roiis a sbrissavin vie sot i pôi, incidinis e lustris"
da "La strade come un destin" di Dino Virgili
Vedi anche: sbrissiâ
sbrissâ v.intr.
(sbri-ssâ)
Pierdi l'ecuilibri, pierdi la prese e colâ o riscjâ di colâ
esempi
"si volte a cjalâ par viodi di chel frut forest, cuant che lu viôt sbrissâ di un clap e colâ"
da "Neveade" di Marisa Moretti
"i cjavai cundut che a jerin ben glacinâts a sbrissavin te nêf"
da "11 di Fevrâr 1929" di Pieri Somede dai Marcs
sbrissâ v.intr.
(sbri-ssâ)
Lâ fûr di control par mancjance di prese
sinonimi
slicâ, slichiâ
esempi
"la machine e sbrissà indenant cence nancje strabalçâ, dome une sgliciade lizere"
da "Light my Fire" di Franco Marchetta
sbrissâ v.intr.
(sbri-ssâ)
Movisi a planc, o cun prudence, o cence fâsi viodi o sim.
esempi
"al slizerì e indolcì i siei moviments, al sbrissà jù dal cjar ben planchin, al slungjà il pas e al rivà une vore lontan dai nemâi"
da "L'avôt" di Maria Forte
"une sere, une ombre nere e sbrisse di scuindon vie pai inclustris, un pas spaurôs al vergole l'aiar cidin sot i mûrs de cente"
da "La Çucule" di Dino Virgili
sbrissâ v.intr.
(sbri-ssâ)
Colâ un pôc a la volte intune cundizion psicologjiche o morâl negative (fig.)
sinonimi
colâ
esempi
"proviodiments imperiâi indreçâts a prevignî il sbrissâ dal cult te idolatrie des iconis"
da "Viaç aes origjins dal Logos" di Adrian Cescje
"si lassìn sbrissâ, cence inacuarzisi, tal tuessin di un nazionalisim garp"
da "Jentrade a Sacheburache" di Celso Macôr
sbrissâ v.intr.
(sbri-ssâ)
Di alc, finî di scuindon o di premure in cualchi alc di sierât strent, tant che une borse, une sachete, e v.i. (fig.)
sinonimi
colâ, finî
esempi
"ogni volte che al viodeve un puaret [...] al rivave adore di fâi sbrissâ te sachete cualchi franc, cence che al si visàs"
da "Trê parabulis" di Alan Brusini
sbrissâ v.intr.
(sbri-ssâ)
Intune conversazion, intun resonament e v.i., passâ un pôc a la volte di un argoment a di un altri (fig.)
sinonimi
colâ, finî, lâ a finîle
esempi
"al veve menât masse il cjar pal agâr in cuistions dal borc prime di sbrissâ sul argoment che in realtât lu lambicave"
da "Madalene" di Franco Marchetta
sbrissâ v.intr.
(sbri-ssâ)
Jessi rimandât, jessi tirât dilunc (fig.)
sinonimi
finî, lâ, passâ, slitâ
esempi
"la riunion e je sbrissade ae setemane che e ven"
sbrissâ v.intr.
(sbri-ssâ)
Vignî dit o scrit, ancje se nol è il câs, nol va ben, nol è just, nol è creançôs e v.i.
sinonimi
sbrissâ fûr, scjampâ
esempi
"se mancje mai e ves di sbrissâti une mieze peraule, a son ancje culì pachis di vueli sant"
da "Storie di Min" di Ivano Urli
""O cjacararai ben cun lui: o ai za pensât ce che o dovarai dî." "No copari, jo no lu farès, al podarès sbrissâi alc e comprometi la situazion""
da "Co l'amôr al cimie" di Costantino Smaniotto
proverbi
"al è miôr sbrissâ cul pît che no cu la lenghe"
"ce che al sbrisse nol va in cont"
"miôr sbrissâ cul pît che no cu la lenghe"
Torna in Cima
Torna in Cima