Tu âs cirût la peraule
bilengâl monolengâl
Tu âs cirût la peraule
scoppiare
torne indaûr

bilengâl

scoppiare v.intr.
  • 1

    v.intr. tonâ, sclopâ Copie

    [FO] (rompisi di bot, cun violence e sunsûr, par vie de masse pression)
    è scoppiata una gomma dell'auto = une gome de machine e à tonât
    il palloncino è scoppiato mentre lo stavano gonfiando = il balonut al à sclopât intant che lu sglonfavin
  • 2

    v.intr. tonâ, sclopâ Copie

    [FO] (produsi une esplosion)
    la bomba è scoppiata = la bombe e je sclopade
  • 3a

    v.intr. trai, sclopâ, scrocâ fûr Copie

    [CO] (di un fenomen atmosferic)
    il temporale è scoppiato in piena notte = il burlaç al è scrocât fûr intal cûr de gnot
    il tuono è scoppiato poco lontano = il ton al à trat pôc lontan

    v.intr. rompi fûr Copie

    (di stagjon, pandisi in dute la sô plenece)
    la primavera sta per scoppiare = la Vierte e je li li par rompi fûr
  • 3b

    v.intr. tacâ Copie

    [CO] (svampâ)
    è scoppiato un incendio = al è tacât un fûc

    v.intr. tacâ Copie

    (di un acjadiment, spec. seri, vignût fûr bot e sclop)
    la guerra è scoppiata senza che molti riuscissero a capirne le cause = la vuere e je tacade cence che tancj a rivassin a capî lis causis
  • 4

    v.intr. sclopâ, scrocâ fûr Copie

    [CO] (di alc che si manifeste a colp e in maniere vierte)
    a quelle parole in platea scoppiò un applauso = a sintî chês peraulis in platee al sclopà un sbatimans
  • 5a

    v.intr. sbrocâsi, sclopâ, sbrocâ Copie

    [CO] (no rivâ plui a tignîsi)
    ha perso la pazienza ed è scoppiato = al à pierdude la pazience e si è sbrocât
  • 5b

    v.intr. sclopâ, spreçâsi Copie

    (manifestâ une emozion tant a fuart di someâ di esplodi)
    scoppiava di amore per lei = al sclopave di amôr par jê

    v.intr. sclopâ, spreçâ fûr Copie

    [CO] (cun daûr il verp tal infinît o un complement, pandi a bot un sintiment o une emozion)
    è scoppiato a piangere = i à sclopât di vaî
    scoppiò a ridere = al spreçà fûr a ridi
  • 6a

    v.intr. sclopâ, spreçâsi Copie

    [CO] (pandi al grât plui alt un sintiment, un desideri, une emozion e v.i.)
    scoppiare di gioia = spreçâsi di gjonde
    scoppiava dalla voglia di dirmelo = al sclopave pe voie di dîmal
  • 6b

    v.intr. sclopâ Copie

    [CO] (di cûr, bati plui fuart in cause di une emozion, o di un dolôr, o di un sintiment che no si rivin a sopuartâ)
    ogni volta che mi guarda, mi scoppia il cuore = ogni volte che mi cjale, il cûr mi sclope
  • 7a

    v.intr. sclopâ Copie

    [CO] (no rivâ a sopuartâ une cundizion fisiche par causis atmosferichis, massime di cjalt)
    scoppiare dal caldo = sclopâ di cjalt

    v.intr. sclopâ Copie

    (spec. intal lengaç sportîf, no vê plui flât, no fâje plui)
    è scoppiato a un chilometro dal traguardo = al è sclopât a un chilometri dal travuart
  • 7b

    v.intr. sclopâ, crepâ Copie

    [CO] (cun enfasi, murî)
    lavorando a questo ritmo scoppierai = lavorant di cheste ande tu creparâs
  • 8

    v.intr. sclopâ, dâ un ton Copie

    [CO] (in espressions che a pandin plenece)
    se mi dai ancora qualcosa da mangiare scoppio! = se tu mi dâs ancjemò alc di mangjâ o doi un ton!
  • 9

    v.intr. sclopâ, sbrocâ Copie

    [CO] (di bufule, brusc e v.i., vierzisi, spec. lassant vignî fûr materie)
  • 10

    v.intr. sclopâ Copie

    [CO] (di un ambient, jessi masse plen di int)
    la piazza scoppiava di gente = la place e sclopave di int

locuzions

    scoppiare di salute
  • spreçâ di salût, sclopâ di salût, crepâ di salûtCopie
    [CO] (stâ tant ben che mai)

monolengâl

sclopâ v.intr.
(sclo-pâ)
Rompisi di bot, spec. cun violence e sunsûr, par vie de masse pression
sinonims
dâ un sclop, dâ un ton, molâ un ton, petâ un ton, rompi fûr, spreçâ, spreçâsi, trai
esemplis
"prime si à di fâ un taiut su la scusse [des cjastinis], par che no sclopin"
gjavât fûr di "Maman! 11-10-2019" di Arlef
"oh se il teremot / a fos dome la crosta da cjera / che a si môf / sutila ingrispada / pieluta sclapada / strâts che a si sbruntin / e si pochin / fintramai che a sclopin"
gjavât fûr di "La crosta da cjera..." di Leonardo Zanier
sclopâ v.intr.
(sclo-pâ)
Fâ une esplosion
sinonims
dâ un sclop, dâ un ton, esplodi, molâ un ton, petâ un ton, tonâ
esemplis
"parsore dai nestris cjâfs lis granadis a passavin ciulant rabiosis, lant a sclopâ abàs jù pai crets"
gjavât fûr di "Cemût che o soi restât caporâl" di Pieri Menis
"e sclopavin bombis dut ator, e là jù al jere dut un saetâ di flamis"
gjavât fûr di ""Nocent"" di Maria Forte
sclopâ v.intr.
(sclo-pâ)
Di cûr, bati plui fuart in cause di un grant sfuarç o di une emozion, di un dolôr, di un sintiment che no si rivin a sopuartâ (iperb.)
sinonims
dâ un sclop, dâ un ton, molâ un ton, petâ un ton, scampanotâ, scrocâ, scrocâ fûr, spreçâ, spreçâsi, trai
esemplis
"o volarès, jo, che tu vessis provât, cuant che i fîs a son malâts e che si scuen puartâ la sô cjar tal cimitieri, e il cûr al sclope!"
gjavât fûr di "La fie çuete" di Maria Forte
sclopâ v.intr.
(sclo-pâ)
Murî (iperb.)
sinonims
cracâ, dâ un sclop, dâ un ton, murî, molâ un ton, petâ un ton, scrocâ, scrocâ fûr, spreçâ, spreçâsi, crepâ, trai un ton
esemplis
""Linde, Linde… ce âstu fat, se no tu le finissis, jo o sclopi!" "Finissile tu, une volte… e sclope!""
gjavât fûr di "Barbane" di Pieri Somede dai Marcs
"Une volte tant amâsi, / propi amâsi di biel cûr: / e cumò nancje cjalâsi, / se si sclope, se si mûr!"
gjavât fûr di "Une volte tant amâsi" di Popolâr
sclopâ v.intr.
(sclo-pâ)
Sucedi o manifestâsi a colp, ancje in maniere fûr di control o violente (fig.)
sinonims
scrocâ, spreçâ, spreçâsi
esemplis
"la novitât e sclopà une dì che la Dele, tornade de buteghe, e contà ae parone che doi siôrs, mai viodûts, a vevin cjacarât robis di fâ balinâ il stomi"
gjavât fûr di "Cjase di Dalban" di Maria Forte
"cuant che e sclopà la vuere, cundut che al ves dîs fis e un so frut al fos za stât riclamât, al domandà di lâ sot, volontari"
gjavât fûr di "Vigji il vuardian" di Lucio Perès
"une dì, cuissà mai par ce reson, e sclopà une barufe tra i viei"
gjavât fûr di "Sot il puarti" di Pieri Menis
"pe campagne dulintor Tresesin a jerin sclopadis epidemiis curiosis tai nemâi"
gjavât fûr di "Come tai romançs" di Alan Brusini
sclopâ v.intr.
(sclo-pâ)
No stratignîsi, vê une manifestazion o une reazion no moderade (fig.)
sinonims
dâ sù, saltâ sù, scrocâ, scrocâ fûr, spreçâ, spreçâsi
esemplis
"e jere dome biele, e lu saveve tant, che dibot e sclopave di braùre"
gjavât fûr di "Lis predicjis dal muini" di Josef Marchet
"e sclopà di vaî a fuart come une scoreade"
gjavât fûr di "La aghe da pît la cleve" di Dino Virgili
"a fasevin, ducj i doi, muse dure, ma a pene fat un zîr a sclopavin di ridi"
gjavât fûr di "Doro" di Pieri Menis
"dopo un pôc, Rico al sclope: «Cale chel trê, mondo can! Ce spietistu?»"
gjavât fûr di "Mondo birbo" di Meni Ucel
sclopâ v.intr.
(sclo-pâ)
Jessi plen o straplen di alc, sedi materiâl che imateriâl, o ancje di int (fig.)
sinonims
jessi plen, spreçâsi
esemplis
"i Istitûts scolastics a sclopin di iscrits e a son in cantîr continuis ampliaments des struturis"
gjavât fûr di "EMAS: gnûf regolament european sul ambient" di Isidoro Zuliani
"[i componiments di Minut] a sclopin di realisim, cuant che a scrivin da vuera provada ta trinceis"
gjavât fûr di "La puisia gnova di Gjovanin Minut" di Ferruccio Tassin
detulis
"a sglonfâ masse il balon, al sclope"
"o striçâ o sclopâ"
"panze sclopâ ma robe no vanzâ"
torne sù
torne sù