Tu âs cirût la peraule
bilengâl monolengâl
Tu âs cirût la peraule
scossa
torne indaûr

bilengâl

scossa s.f.
  • 1

    s.f. scjas, scjassade, scosse Copie

    [AD] (spacade secje)
    gli ho dato una scossa perché si svegliasse = i ai dât une scjassade che si sveàs
  • 2

    s.f. scosse Copie

    [AD] (scosse di taramot)
    una scossa del quarto grado della scala Richter = une scosse dal cuart grât de scjale Richter
  • 3

    s.f. strabalç, scjas, scjassade Copie

    [AD] (sbalç brusc)
    le scosse della corriera non ci facevano dormire = i strabalçs de coriere no nus lassavin durmî

    s.f. strabalç, scossade Copie

    (suston che si à par une emozion fuarte)
  • 4a

    s.f. scosse Copie

    [AD] (scosse eletriche)
    stai attento a non prendere la scossa = stâ atent di no cjapâ la scosse
  • 4b

    s.f. scosse Copie

    [AD] (dolôr fuart e imburît tal comedon cuant che si lu bat in fal cuintri di alc)
  • 5a

    s.f. colp Copie

    [AD] (turbament profont)
    la morte del padre è stata una grande scossa = la muart dal pari e je stade un colp no di pôc
  • 5b

    s.f. scjassade, spacade, scosse Copie

    [AD] (ribalton dal ordin, dal ecuilibri spec. economic o politic di une istituzion, di un stât, di une organizazion e v.i.)
    l'attentato al presidente diede una scossa alla stabilità interna = l'atentât al president al de une scjassade ae stabilitât interne

locuzions

    scossa elettrica
  • scosse eletriche, scosseCopie
    [CO], [TS] eletr. (efiet produsût sui gnerfs di bande di une scjarie eletriche)
    è stato ucciso da una scossa elettrica = al è stât copât di une scosse eletriche
    • scossa sismica
  • scosse sismicheCopie
    [CO], [TS] gjeol. (moviment de croste de tiere causionât dal scjariament de tension di energjie di pression ingrumade)
    una scossa sismica del terzo grado della scala Richter = une scosse sismiche dal tierç grât de scjale Richter
    • tavola a scossa
  • taule a scosseCopie
    [TS] tecn. (taule di inricjiment, che e va indenant planc e e torne indaûr svelte)

monolengâl

colp s.m.
Azion e efiet dal bati alc cun fuarce o dal lâ a sbati
sinonims
ceve, copete, crac, crufule, çocade, çonderade, fotecje, pache, poc, proietil, repeton, ruf, sburt, sburton, scroc, sdramassade, slepe, slocje, stocade, stos, stossade, tamburade, toful, ton, tonade, trus, trussade, vene, vuadule, vueche
esemplis
"inte farie, Pauli al lavorave gobit tal sun net dal incuin; come simpri. Un colp daûr chel altri, e ogni tant une fermade par cjalâ la batude sul imprest"
gjavât fûr di "Cjase di Dalban" di Maria Forte
"une lungje procession di colps, e la manarie simpri plui indentri te feride, a coni, blancje e precise"
gjavât fûr di "La tiere di Lansing" di Maria Forte
"si romp l'eternit, jo o coli sot, o cjapi un colp tal cjâf, mi svei tal ospedâl dopo jessi stât operât"
gjavât fûr di "Jo e Graziella" di Mario Beltramini
"al jere tornât a Cjassà, cence pensâ a nuie, dome al svindic, e lu veve maçât cuntun colp di forcje"
gjavât fûr di "Prime di sere" di Carlo Sgorlon
colp s.m.
Rumôr fat de azion di bati
sinonims
bote, crac, çocade, sclop, scroc, tamburade, tonade, bot
esemplis
"fûr dai colps secs dal so massanc, dut il mont ator di lui al taseve, e al pareve indurmidît e inmagât"
gjavât fûr di "La liende dal riûl" di Franca Mainardis
"lis cjampanis a lassavin colâ ancjemò i lôr colps secs come clapadadis"
gjavât fûr di "Sflamiadis" di Pieri Menis
"doi colps su la puarte: al si svee, al impie il lampion e il ferâl e cloteant al va a vierzi: sul scjalin de puarte, te spere di lûs dal ferâl, al viôt une musute intabarade"
gjavât fûr di "Nadâl" di Pieri Somede dai Marcs
colp s.m.
Sbâr di une arme di fûc
esemplis
"un colp di canon"
"un colp di pistole"
colp s.m.
Moviment svelt fat cuntune part dal cuarp
esemplis
"al ste minûts intîrs a cjalâ i lôr zîrs a larc [di doi falcuçs], parsore boscs e crets, cence dâ un colp di ale"
gjavât fûr di "Il dolfin" di Carlo Sgorlon
colp s.m.
(sport) Tai sports di contat o intun combatiment, ancje no sportîf, moviment par cirî di tocjâ, cun plui o mancul fuarce, l'aversari
esemplis
"un colp di karate"
"rivâ a parâ i colps dal aversari"
colp s.m.
Il pandisi imburît di une emozion, di un sintiment e v.i.
sinonims
sclop, sbroc
esemplis
"al veve lassât di scombati. Dopo la fiere di chel colp di rabie si sintive scomât"
gjavât fûr di "Mabile la Lunghine" di Maria Forte
"si dreçà intun colp di amôr propri, declarant cu lis lagrimis intal cuel che e varès frontât il pari di bessole"
gjavât fûr di "Trê feminis" di Gianni Gregoricchio
"il re si è spaventât e, intun colp di pôre e di zelosie, i à fat çoncjâ il cjâf"
gjavât fûr di "Sant Jacum, là che al finìs il mont" di Antoni Beline
colp s.m.
Azion svelte fate cun cualsisei imprest
esemplis
"Eliseo al le prime dal marangon par dâi un colp di smerilio [ae manarie], e po dopo te cantine di cjase sô, par uçâle cu la muele"
gjavât fûr di "Prime di sere" di Carlo Sgorlon
"al podarès dâ il vueli di lin ai sieraments; dâur un colp di sponzarole là che al covente, onzi i cancars"
gjavât fûr di "Cretevierte" di Roberto Ongaro
colp s.m.
Azion svelte par rivâ a un obietîf, cun furbetât o ancje in maniere violente e ilegâl o iregolâr
sinonims
assalt, ladrarie, ladroneç, rambe, rapine, robarie, svalisade
esemplis
"la organizazion dai partesans e jere fate di oms che a jerin in montagne e che pal plui a fasevin i colps grues e plui impuartants e di oms che a vivevin in paîs"
gjavât fûr di "Il muc" di Roberto Ongaro
"bessôi e sfladâts: intant che a Rome si rumie un colpat çamp che par une trate al tornarà a cjolinus il flât"
gjavât fûr di "Legnadis e pidadis" di Josef Marchet
colp s.m.
Lavorazion dade a une paste jevade par che e pierdi gas e dopo e torni a jevâ cun plui fuarce
esemplis
"par vie de mangjative, mi àn metût intune intimele: un fiasc di ramandul, mieç chilo di polente cuinçade, une poleçute rustide, un pâr di slepis di formadi bausâr, un chilo bondant di pomacis, sîs fetonis di panzete e un pan di siet colps cu la ue calabrie"
gjavât fûr di "Viaç a Vignesie" di Arturo Feruglio
colp s.m.
Rapuart sessuâl (volg.)
sinonims
bote, spente, uçade
esemplis
"no je une maravee, ma un colp jal darès"
colp s.m.
Manifestazion imburide e dispès fulminante di un mâl, massime tal cerviel o tal cûr (coloc.)
sinonims
acident, ton
esemplis
"une volte si murive di un colp, di un gastric, di une ponte"
gjavât fûr di "La fantasie de muart" di Alan Brusini
"la vilie de sagre di Vile Disore, e mancjà di un colp la mari dal ostîr: e restà secje tal jet - che e jere za malade - cence podê dî nancje un Jesus"
gjavât fûr di "Disore e disot" di Pieri Menis
"daspò un colp (ictus) tal cerviel, cui malâts bilengâi bisugne viodi cemût che a van dutis dôs lis lenghis (furlan e talian)"
gjavât fûr di "Il cjâf dai furlans" di Franc Fari
colp s.m.
Fat negatîf o dolorôs, spec. improvîs
sinonims
bote, petenade, sacodade, scjassade, scjasson, scopule, sgnesule, sgorlade, sgorlon, spacade, vene
esemplis
"cu la muart di Pierluigi Visintin, il mont de culture furlane al patìs un altri colp dûr"
gjavât fûr di "Corot pe muart di Pierluigi Visintin" di Redazion Radio Onde Furlane
colp s.m.
Moment che alc al sucêt
sinonims
volte, viaç, pache
esemplis
"la ombre nere de Incuisizion e tornave come une manarie sul paîs, ma chest colp no nome par fâ pôre"
gjavât fûr di "Come tai romançs" di Alan Brusini
"daûr dal prin frut, al jere rivât un altri, e po un altri, e infin ancje dôs frutis tun colp"
gjavât fûr di "Aiar di cjase" di Franca Mainardis
"il predi ogni colp che lu cjatave al veve saldo di dîi di mendâsi, di fâ judizi"
gjavât fûr di "Amîs come prime" di Alan Brusini
colp s.m.
In frasis negativis, nuie (coloc.)
sinonims
ache, bighe, clostri, ostie, osti, porco
esemplis
"la maestre lu tignive come il prin de scuele ancje se lui nol saveve un colp di nie"
gjavât fûr di "Par stradis lungjis" di Alan Brusini
detulis
"al prin colp nol cole l'arbul"
"cuntun colp nol cole l'arbul"
"dai colps si vuarìs di ducj, fûr che dal prin"
"no si taie mai l'arbul cuntun sôl colp"
"par un colp nol cole il len"
torne sù
torne sù