Hai cercato la parola
bilingue monolingue
Hai cercato la parola
scottante
Torna indietro

bilingue

scottante ,
  • 2a

    adi.

    [CO] (che al da une reazion emotive fuarte, soredut negative)
    un insulto scottante = une ofese che e bruse

    adi.

    (che al è plen di ironie)
    ha fatto una battuta scottante = al à fat une batude che e beche
  • 2b

    adi. bulint Copia

    [CO] (che al da imbaraç)
    un tema scottante = un teme bulint
  • 3

    adi. cjalt, bulint Copia

    [CO] (di argoment, situazion e simii, che al è al centri de atenzion gjenerâl pe sô atualitât o pe sô gravitât)
    la crisi economica è uno degli argomenti più scottanti del momento = la crisi economiche e je un dai argoments plui cjalts dal moment

monolingue

cjalt adi.
Che al à temperadure alte o plui alte di chê ambientâl o corporâl, che al da une sensazion di calôr
esempi
"al sintive la bisugne di parâ jù alc di cjalt che i comedàs il stomi ancjemò savoltât"
da "Tal ospedâl" di Amedeo Giacomini
"une fetute di polente cuntune slepute di formadi e une scudiele di mignestre cjalde cuntune taçute di vin lis cjatave simpri"
da "Caritât" di Pieri Somede dai Marcs
"e implenave la vascje di aghe cjalde, di sâl profumât, e e faseve il bagn"
da "Ombris tal infinît" di Carlo Sgorlon
"anidride carboniche, che invezit e contribuìs a stratignî la lûs dal Soreli, fasint deventâ la atmosfere plui cjalde come se e fos une cuvierte trasparente"
da "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
"a paritât di cuote o di pression l'aiar frêt al è plui fis, ven a stâi plui pesant, di chel cjalt"
da "Notis di meteorologjie pal Friûl - Vignesie Julie" di Stefano Micheletti, Marcellino Salvador
cjalt adi.
Di vistiari, che al pare ben dal frêt
esempi
"un capot cjalt"
"un pâr di cjalçuts cjalts di lane"
cjalt adi.
Di persone, che e à un temperament vîf, massime tes manifestazions di afiet
sinonimi
afetuôs, apassionât, cordiâl, espansîf, fiestôs, franc, ninin, viert, vîf
esempi
"si vin fats une vorute di nemîs, ma ancje di amîs cjalts e sigûrs"
da "Alo, indenant!" di Josef Marchet
cjalt adi.
Plen di voie, ancje di presse par alc
sinonimi
bramôs, seneôs
esempi
""Si sposìn subit e o decidìn di lâ vie." "Ma ce ti esal vignût tal cjâf, ah, Rine, cuant che tu tu jeris cjalde di stâ ca a ogni cost?""
da "La cjase" di Alviero Negro
"i sfuarçs par distudâ la lenghe a son vignûts dopo. A son vignûts di ogni bande: [...] de bande de stampe nazionaliste che e jere cjalde di netâ ducj i cincuante mil dialets talians"
da "La nestre lenghe" di Josef Marchet
cjalt adi.
Fat cun partecipazion, cun convinzion
sinonimi
animât, vîf, vivarôs
esempi
"il dibatiment al fo cjalt e scombatût, fra ostruzionisims, iniziativis di lobbying inviadis di associazions e moviments des minorancis"
da "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf
"il Bide al doveve vê une preiere cussì cjalde e cussì fuarte tai voi che il vecjo Mucjin nol olsâ a dîi di no"
da "Il Bide di Miot" di Maria Forte
cjalt adi.
Di un puest o di un timp, caraterizâts di tante ativitât o ancje di lotis, vueris, di tensions sociâls, di contrast politic, e v.i. (fig.)
sinonimi
critic
esempi
"lis zonis plui cjaldis dal front"
"al sucedeve che magari o jerin impegnâts a prontâ lis notiziis par lâ in onde e, massime la sabide, che al jere il dì plui cjalt, e fos altre int che e vignive li par discuti di alc o nome par fâ un zîr"
da "Un Friûl difarent: i 90 mhz di Onde Furlane" di Max Mauro
cjalt adi.
Di argoment, situazion e simii, che al è sintût pe sô atualitât o pe sô gravitât (fig.)
sinonimi
urgjent
esempi
"une des cuistions plui cjaldis, ven a stâi chê dal scuintri jenfri proprietaris e contadins sul valôr dai lavôrs fats dai fituâi par miorâ i cjamps, e ven sierade intal 1503 cuntune sentence a pro dai possidents"
da "Il Friûl de Joibe Grasse dal 1511" di Carli Pup
"e su la gjestion de sanitât tal teritori, di ce si isal discutût? Al è un teme cjalt ancje pal Friûl: ise vignude fûr cualchi formule gnove?"
da "Interviste a Fabio Pizzul" di Dree Venier
cjalt adi.
Une vore resint o che si riferìs a alc sucedût di pôc (fig.)
sinonimi
crei, fresc, gnûf
esempi
"lis dimissions dal sindic a son une notizie cjalde di vuê"
"ricuarts ancjemò cjalts"
da "Cjase di Dalban" di Maria Forte
cjalt adi.
Di colôr, che al fâs part de serie dal ros e dal zâl o che ju à come components predominants
esempi
"lis fueis de vît che si rimpinave pal mûr e si slungjave vie pal fîl di fier parsore la scjale, a colavin sgrosolant, zalis, rossis, nosele. Al svariave tal ultin colôr cjalt, Otubar"
da "Varc di confin" di Maria Forte
cjalt adi.
Di sun e spec. de vôs, bas ma vîf
sinonimi
pastôs, profont
esempi
"chê vôs cjalde i cresseve la confusion, ma al saveve di cedi, … di volê cedi"
da "La tiere di Lansing" di Maria Forte
cjalt adi.
Di mascje di animâl, in calôr
esempi
"la cjice e je cjalde"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"la cjice e va cjalde"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
cjalt s.m.
Temperadure alte
sinonimi
canicule, fogaç, scjafoiaç, scjaldadice, scotôr, stofaç
esempi
"no si durmive nie parcè che tes casermutis di Cjaurêt di dì a saran stâts cuarante grâts di cjalt"
da "I ribei" di Alan Brusini
"ducj a scoltavin cence mot di cei, tal cjalt de flame che e sclopetave dal çoc di agacie"
da "Cjase Basse" di Maria Forte
"di Istât i vûl il cjalt e di Invier il frêt. A ogni stagjon il so"
da "Prime di sere" di Carlo Sgorlon
cjalt s.m.
Puest, situazion dulà che la temperadure e je avonde alte o alte
esempi
"ma jentrait, vignît tal cjalt"
da "Ombris tal infinît" di Carlo Sgorlon
"dopo cene, mandade la mularie a durmî, tes lungjis gnots di Invier, i grancj in file, tal cjalt des stalis plenis di bestiis che a polsin rumiant…"
da "Sul agâr" di Pieri Menis
cjalt s.m.
Sensazion di calôr
esempi
"vê un cjalt di scjafoiâsi"
"murî di cjalt"
cjalt s.m.
Voie, brame, ancje capriçose e irazionâl o sensuâl
sinonimi
voie, brame, gri, pice, sbisie, gole
esempi
"chê altre dì, tu sês stade ferme cun lui su la place, ce confidencis… [...] ce cjalts ti vegnino sù a la to etât…?"
da "La buteghe dal barbîr" di Pieri Somede dai Marcs
cjalt s.m.
Partecipazion emotive, sensazion, atmosfere di stâ ben cun chei altris (fig.)
esempi
"i fîs di siôr Simon no vevin nissun dafâ cun chê braide, che no jere mai jentrade tal lôr sanc cu la fadie o cul cjalt di un afiet"
da "La tiere di Lansing" di Maria Forte
proverbi
"bisugne bati il fier cuant che al è cjalt"
"ce che al pare il frêt al pare ancje il cjalt"
"che al sedi cjalt che al sedi frêt, cui che al à di bevi al à simpri sêt"
"cuant che al è cjalt a vegnin lis moscjis"
"cui che al è scotât ta la aghe cjalde al à pôre di chê frede"
"cul cjalt dai bleons no si fâs boli la cite"
"cul cjalt dal jet no si scjalde la cite"
"il cjalt dai bleons nol fâs boli il pignat"
"il cjalt dai bleons nol fâs boli la cite"
"il jet cjalt al fâs la mignestre frede"
"man frede, cûr cjalt"
"ni il cjalt ni il frêt il lôf no ju à mangjâts"
"ni il cjalt ni il frêt nissun no ju à mangjâts"
"ni il frêt ni il cjalt nissun no ju à mangjâts"
"si nas cjalts e si mûr frêts"
"tal cjalt dut fûr che la glace"
Torna in Cima
Torna in Cima