Tu âs cirût la peraule
bilengâl monolengâl
Tu âs cirût la peraule
scottare
torne indaûr

bilengâl

scottare v.tr., v.intr.
  • 1

    v.tr. scotâ, sbrovâ Copie

    [AU] (provocâ brusaduris di pôc)
    la minestra mi ha scottato la lingua = la mignestre mi à scotade la lenghe
  • 2

    v.tr. scotâ, sboentâ Copie

    [AU] (meti un moment in aghe di bol)
    devi scottare quei funghi prima di metterli in frigo = tu âs di sboentâ chei foncs prime di metiju in frigo
  • 3

    v.tr. brusâ Copie

    [AU] (fâ inrabiâ o deludi)
    gli scotta la sconfitta = i bruse di vê pierdût
  • 4

    v.intr. brusâ, scotâ, sbrovâ Copie

    [AU] (scotâ di calôr)
    l'acqua scotta = la aghe e sbrove
    la sabbia scotta = il savalon al scote
  • 5

    v.intr. brusâ, scotâ Copie

    [AU] (scotâ di fiere)
    la fronte gli scotta = il cerneli i bruse
  • 6a

    v.intr. brusâ, scotâ Copie

    [AU] (fâ scjas)
    è una vicenda che scotta = al è un fat che al bruse
  • 6b

    v.intr. brusâ Copie

    [AU] (dâ fastidi)
    quelle sono verità che scottano = chês a son veretâts che a brusin
  • 6c

    v.intr. brusâ Copie

    [AU] (jessi di ilegâl)
    quello è denaro che scotta = chei a son bêçs che a brusin

locuzions

    scottare la terra sotto i piedi
  • brusâ la tiere sot dai pîtsCopie
    [CO] (sintîsi in pericul)
    • scottare le labbra
  • [CO] (cjale bruciare le labbra)

monolengâl

scotâ v.tr.
(sco-tâ)
Fâ une lesion, soredut ae piel o a une part dal cuarp, par vie de temperadure une vore alte
sinonims
brusâ, sbrovâ
esemplis
"no son muarts, no! Chel zovin al jere su lis undis e trê cuarts par lâ. Un trâf in bore dal puiûl i veve colâti jù su la schene, lu à scotât tun mût, Diu nus judi!"
gjavât fûr di "No je plui vive" di Dolfo Zorzut
scotâ v.tr.
(sco-tâ)
Cuei a temperadure alte e par pôc timp, ancje in maniere incomplete, dome in mût di sigjilâ la superficie de robe di mangjâ
esemplis
"strissinâts de fam, subit fûr dal lager i internâts a jerin jentrâts tes coloniis a domandâ e gafâ cui un purcit, cui une gjaline, une raze, polam in sorte di trai il cuel, splumâ, scotâ in premure e parâ jù"
gjavât fûr di "Storie di Min" di Ivano Urli
"meti intune cite cjalde vueli e cuant che al è cjalt scotâ il poleç taiât a tocs e po gjavâlu e tignîlu in bande. Tal stes vueli scotâ i gjambars e po gjavâju e tignîju in bande"
gjavât fûr di "Mar i muntanya" di Sandri Carrozzo
scotâ v.tr.
(sco-tâ)
Tratâ un cualsisei materiâl cun temperadure alte e par pôc timp
esemplis
"al deventà un barbîr di fâ tremâ. / L'ere po bon di petenâ lis sioris, / di cuinçâ la piruche cu la code / bon di scotâ i cjavei cul tireboris"
gjavât fûr di "Lis gloriis di Tambûr" di Pieri Çorut
scotâ v.tr.
(sco-tâ)
Dâ une sensazion di cjalt une vore fuart (ancje ass.)
sinonims
brusâ, sbrovâ, boli
esemplis
""Ma cemût fasêso a disfredâ chê mignestre? E devi scotâ dal diaul." "Noaltris fruçonìn dentri un bocon di pan. Cussì po! A la buine di Diu""
gjavât fûr di "Sant Martin" di Luigi Gortani
"el soreli al scote. Si fermìn difûr, a ripâr de ombrenone"
gjavât fûr di "Viaç a Vignesie" di Arturo Feruglio
scotâ v.intr.
(sco-tâ)
Vê la temperadure une vore alte, soredut par vie de fiere o sim. (fig.)
sinonims
brusâ, ardi, boli
esemplis
"denant dai voi mi ven come une tele, mi scotin i timplis, no sai plui ce che fasi"
gjavât fûr di "Se la prime mi cjoleve" di Dolfo Zorzut
"Eliseo si tirà jù il cjapiel e si metè une man sul cerneli. Al scotave. L'om al veve pôre di cjapâ un colp di soreli"
gjavât fûr di "Prime di sere" di Carlo Sgorlon
scotâ v.tr., v.intr.
(sco-tâ)
Di cualsisei sintiment o sensazion che si puedi paragonâ cul fûc, fâsi sintî a fuart (fig.)
sinonims
brusâ, ardi, infogâ, inflamâ
esemplis
"zovenots di prin svol, che amôr us scote / induvinait mo ce che us puarte in dote / Minighine la biele del Friûl?"
gjavât fûr di "Il Strolic furlan par l'an 1824" di Pieri Çorut
scotâ v.tr.
(sco-tâ)
Causâ une sensazion di dolôr, delusion, umiliazion, emozion e v.i. (fig.)
sinonims
brusâ, sbrovâ, fâ mâl
esemplis
"il ros che i veve imboreçade la muse, al palesave trop che lis peraulis di jê lu vevin scotât"
gjavât fûr di "Îr e doman" di Gianni Gregoricchio
"a jerin ancje lis gnots cu lis pôris di simpri e il visâsi di Maliute, un visâsi che i scotave"
gjavât fûr di "La ultime partence" di Alan Brusini
scotâ v.intr.
(sco-tâ)
Jessi dûr, discomut o fintremai pericolôs di tignî, di fâ, di sopuartâ e v.i. (fig.)
sinonims
brusâ
esemplis
"il puar de Fazio al à scugnût stâ sentât sun chê cjadree che i scotave, massime dopo che il Procuradôr i veve sunât pal timp sîs dîs di preson e 51 francs di multe"
gjavât fûr di "Florean dal Palaç, I, 1" di Guido Antoniali
"i partesans a lavin a cjatâ i fassiscj in cjase par fâur paiâ lis lôr malefatis, [il podestât] al jere dut tun dafâ par cirî un che lu rimplaçàs ta chê sô incariche che e scotave ogni dì di plui"
gjavât fûr di "Il muc" di Roberto Ongaro
scotâ v.intr.
(sco-tâ)
Di argoment, notizie, novitât o sim., clamâ atenzion, fâ scjas, fâ scandul (fig.)
esemplis
"cualchidun al veve ancje vût cûr di dî: "Vevino di vê dome ben lôr?" … La invidie! … E intant la robe no si contignive plui e e scomençave a scotâ"
gjavât fûr di "Il tei" di Maria Forte
detulis
"la bore o che e bruse o che e scote"
torne sù
torne sù