Hai cercato la parola
bilingue monolingue
Hai cercato la parola
scrollata
Torna indietro

bilingue

scrollata
  • 1

    s.f. scjassade, spacade Copia

    [CO] (il movi o il movisi cun fuarce, massime par fâ colâ alc, e il lôr risultât)
    dare una scrollata all'albero perché cadano le ciliegie mature = dâi une scjassade al arbul par che a colin lis cjariesis maduris
  • 2

    s.f. scjassade, spacade Copia

    [CO] (solecitazion, stimul a liberâsi di un stât di avilizion o di apatie)
    necessitare di una scrollata per rimettersi in moto = vê dibisugne di une scjassade par tornâ a partî
  • 3

    s.f. scravaç, scjas, sglavin, scjassade, spacade Copia

    [RE] (plote intense e curte)
    ha dato appena una scrollata di pioggia e poi è tornato il sole = al à dât juste une scjassade di ploie e dopo al è tornât biel

locuzioni

    scrollata di spalle
  • scjassade di spalisCopia
    [CO] (moviments des spalis par segnâ insoference o indiference)
    ha dato una scrollata di spalle e se n'è andato senza salutare = al à dât une scjassade di spalis e al è lât vie cence saludâ

monolingue

scjassade s.f.
(scja-ssa-de)
Moviment imburît e curt, ancje ripetût
sinonimi
spacade, sdrondenade, sdrondenon, sgorlade, sgorlon, sacodade, scjas, scosse, scossade, scosseade
esempi
"la man che strinzeva un piçul crucifìs e cercjava di avicinâlu a la bocja, tremava a scjassadis continuis, come la fueia di un poul"
da "Il me paîs" di Federigo Comelli
"il Friûl al jere batût di une altre tremende scjassade, dal taramot dai 15 di Setembar"
da "Memoriis di politiche linguistiche" di Adrian Cescje
"e tire sù lis maniis, e da une scjassade al vestît plen di seadure"
da "Vieris usancis in Val di Arzin" di Pupi Marin
scjassade s.f.
(scja-ssa-de)
Mudament o turbament improvîs (fig.)
sinonimi
spacade, sdrondenade, sdrondenon, sgorlade, sgorlon, sacodade, scjas, scosse, scossade, scosseade, ribalton, ribaltament, savoltament, savolton, voltament
esempi
"ancje a Rensidis cualchidun di lôr al crodeve che une buine scjassade no varès fat trop mâl al paîs"
da "Microrivoluzions" di Stiefin Morat
scjassade s.f.
(scja-ssa-de)
Solecitazion, stimul a vignî fûr di une inerzie (fig.)
sinonimi
pocade, sburt, spacade, sdrondenade, sdrondenon, sgorlade, sgorlon, sacodade, scjas, scosse, scossade, scosseade, stiçade
esempi
"i volaran dîs agns, e la scjassade puartade dal moviment di Usmis, par fâ capî ai zovins e ai creatîfs che il furlan al pues lâ adun ancje cu lis produzions di avanvuardie artistiche"
da "Un Friûl difarent: i 90 mhz di Onde Furlane" di Max Mauro
"cognossint ben il zovin, nus pâr che, fasintlu ripeti [l'an di scuele], i daressín une scjassade salutâr, che i fasarès dome ben"
da "La fabriche dai predis" di Antoni Beline
Torna in Cima
Torna in Cima