Tu âs cirût la peraule
bilengâl monolengâl
Tu âs cirût la peraule
segno di rinvio
torne indaûr

bilengâl

segno di rinvio
  • 1

    loc.s.m. segn di rimant, rimant, riclam Copie

    [TS] tipogr. (segn par mandâ a alc che al è scrit prin o daspò)

monolengâl

riclam s.m.
(ri-clam)
At di clamâ cdn., soredut a vôs o a mots
sinonims
clamade
esemplis
"e je stade une vecjute che si è fermade a chel riclam de man che si vicinave"
gjavât fûr di "Lis leiendis di Buie" di Pieri Menis
Viôt ancje: reclam
riclam s.m.
(ri-clam)
Ordin di presentâsi, di metisi a disposizion, soredut di une autoritât publiche o militâr
esemplis
"daspò i acjadiments dai 8 di Setembar dal 1943 [...] si ve in Sud Tirôl il riclam “volontari” aes armis di ducj i oms valents"
gjavât fûr di "Vuere e opzions tes valadis ladinis" di Renzo Balzan
riclam s.m.
(ri-clam)
Domande o solecitazion a fâ alc intune cierte maniere
sinonims
domande, pocade, stimul
esemplis
"dut chest a front no dome di oblics di leçs e di apei de Comission di Vigjilance su la RAI, ma ancje di plui di un riclam di bande dal Consei de Europe"
gjavât fûr di "Furlan in RAI la situazion a vuê" di William Cisilino
riclam s.m.
(ri-clam)
Comunicazion di proteste, soredut par un servizi che nol va ben, par une situazion negative e v.i.
sinonims
proteste, reclamazion
esemplis
"fâ un riclam a la Deputazion / cuintri i purcits che van a termenon"
gjavât fûr di "Lis mês gloriis nel 1847" di Pieri Çorut
riclam s.m.
(ri-clam)
Element che al fâs nassi interès, capacitât di fâ nassi interès
sinonims
atrat, atrazion, invît, atrative
esemplis
"cheste fieste, agn indaur, e veve un ciart riclam, massime tra la int de montagne"
gjavât fûr di "Lis antighis sagris di Tarcint" di Osiride Secco Dai Juris
"la nestre identitât e pues jessi un riclam turistic fuart"
gjavât fûr di "La presidente di Federalberghi dal Friûl-V.J. Schneider: «No valorizìn la nestre unicitât culturâl»" di Roberto Pensa
riclam s.m.
(ri-clam)
Azion, promozion, dimostrazion e v.i. che e clame la atenzion di pussibii clients
esemplis
"la int [...] e cjalave cun amirazion chel cjasament e i plui siôrs a scomençarin a clamâ l' "artist" no plui par sblancjâ, ma par decorâ a specjets ancje lis lôr cjasis, a mût di "Venecia". La façade de cjase e veve fat di riclam par Pieri!"
gjavât fûr di "Il mâl dal mûr" di Lucio Perès
riclam s.m.
(ri-clam)
[TS] (venat.) Uciel tignût in scjaipule par che al cjanti di maniere di fâ rivâ dongje altris uciei
esemplis
"sot il vergon al meteve la scjaipule di scjanusse dal riclam, scrufuiât tune cise, al spietave il poiâsi di un parussat, un scriç, un scodaròs"
gjavât fûr di "Come tai romançs" di Alan Brusini
"un grispin di om, saltarin come un zupet, al judave, par pôcs carantans, a picjâ tai ramaçs lis scjaipulis cui riclams, e a distirâ alte la rêt, ator, ator"
gjavât fûr di "Cjase di Dalban" di Maria Forte
riclam s.m.
(ri-clam)
Il fâ riferiment a alc, soredut a un test, a un concet, a une nozion e v.i.
sinonims
citazion, riferiment, rimant
esemplis
"une biele letare di protestis, di spiegazions, di lezions, di riclams a la storie, di declarazions di fedeltât a la Patrie"
gjavât fûr di "Rispueste: cjalâ e tasê" di Riedo Pup
"la leture no je simpri facile, i vûl fat cualchi acrobazie inteletuâl, i vûl sgarfât inte memorie par capî lis alusions, i riclams, lis cimiadis dal autôr"
gjavât fûr di "Franco Marchetta, “U-”, Udin 2013" di Laurin Zuan Nardin
riclam s.m.
(ri-clam)
[TS] (med.) Il tornâ a fâ une vacine daspò de prime volte par mantignî une imunitât
esemplis
"al à fat il riclam de antitetaniche"
torne sù
torne sù