Hai cercato la parola
bilingue monolingue cognomi
Hai cercato la parola
seme
Torna indietro

bilingue

seme
  • 1a

    s.m. semence Copia

    [AU] (te plante o te pome, cuarp riprodutîf che al prodûs un gnûf individui cu la sô gjerminazion)
    spargere i semi sul prato = butâ la semence pal prât
    un'arancia con pochi semi = un naranç cun pocjis semencis

    s.m. gran, grignel, semence Copia

    (part che si mangje des graminaciis)
    un mucchietto di semi di miglio = un grumut di grignei di mei

    s.m. semence Copia

    (ancje cun valôr coletîf)
    un sacco di seme = un sac di semence
  • 1b

    s.m. semence Copia

    [TS] (tes Spermatofitis, orghin vegjetâl riprodutîf derivât dal ûf fecondât, cun dentri l'embrion, l'endosperme e sostancis nutritivis di risierve)
  • 2

    s.m. semence Copia

    [CO] (licuit seminâl masculin)
  • 3

    s.m. semence Copia

    [CO] (origjin, principi)
    la loro rivalità è stata seme di disgrazia per tutti e due = la lôr rivalitât e je stade semence di disgracie par ducj i doi
  • 4

    s.m. pâl Copia

    [CO], [TS] (ognidun dai cuatri simbui des cjartis di zuiâ)
    i semi delle carte dal briscola sono bastoni, denari, coppe e spade = i pâi des cjartis di briscule a son baston, denâr, cope e spade
  • 5

    s.m. sepe Copia

    [CO] (sorte di paste minude di fâ mignestre)

locuzioni

    banca del seme
  • bancje dal spermeCopia
    [CO] (istituzion o centri che al cjape sù e al ten di cont semence umane o animâl pe fecondazion artificiâl)
    una banca del seme equino = une bancje dal sperme ecuin
    • seme di zucca
  • sepe di coceCopia
    [CO] (spec. tal pl., la semence buine di mangjâ, brustulade e salade)
    • tramoggia del seme
  • tramuele semenadore, tramuele de semenceCopia
    [TS] (part des machinis di semenâ che e distribuìs lis semencis)

monolingue

semence s.f.
(se-men-ce)
Te plante o te pome, cuarp riprodutîf fecondât, plui o mancul piçul e di forme divierse daûr des speciis, che al prodûs un gnûf individui cu la sô gjerminazion
esempi
"[te stagjon frede] la vite vegjetâl e polse tes lidrîs e tes semencis che planc a planc si trasformin"
da "Dicembar" di Mario Martinis
Vedi anche: samence
semence s.f.
(se-men-ce)
Licuit organic gjenitâl masculin, che al conten spermatozous
sinonimi
sboradure, sbore
esempi
"ogni mascje, gjate o vacje che e fos, e parturive un fi dopo vêlu puartât par un timp plui o mancul lunc te sô panze. Martin però mi pandè che chest al sucedeve dome cuant che e veve vude la semence dal mascli"
da "Il dolfin" di Carlo Sgorlon
""Nus covente dome la tô semence. Le metarìn intune bancje a pueste! Cuant che nus coventarà… le doprarìn pe inseminazion artificiâl.""
da "Sense" di Checo Tam
semence s.f.
(se-men-ce)
[TS] (zoot.) Dai cavalîrs, cuantitât di ûfs
esempi
"tal 1857 e rivà la atrofie dal cavalîr, che e distruzè la produzion di galete par putrops agns. Bisugnà fâ rivâ la semence dal Gjapon, che e costave une vore di plui"
da "Liniis di storie sociâl e economiche dal Friûl 1500 – 1800" di Adrian Cescje
semence s.f.
(se-men-ce)
Complès di individuis che a vegnin o che a vignaran di un progjenitôr comun
sinonimi
gjernazie, raze, famee
esempi
"me muîr nas Cjampanîl [di cognon], in conseguence / nasseran Campanîi de sô semence"
da "L'avîs pe fondarie" di Pieri Çorut
semence s.f.
(se-men-ce)
Element che al prodûs un efiet, ancje dopo passât timp (fig.)
esempi
"al è inamissibil, come oms, come cristians, come int razionâl, pensâ che la vuere, cu la sô semence di violence e di ostilitât, e puedi risolvi alc"
da "De bello balcanico" di Antoni Beline
semence s.f.
(se-men-ce)
Piçule cuantitât vanzade (fig.)
esempi
"di sclâfs e restà e ancjemò e reste juste la semence tal cjanton rimit de Resie, sot la mont Cjanine"
da "Cuintristorie dal Friûl fin sot la Italie" di Josef Marchet
proverbi
"a semenâ pe glerie si strachin i bûs e si piert la semence"
"cui che al mangje la semence al cjie la paie"
"de semence si cognòs la plante"
"ogni jerbe e fâs la sô semence e ogni len la sô pome"
Torna in Cima

cognomi

Semeraro
È cognome diffuso nel Meridione d’Italia. Da un soprannome foggiato sul meridionale someràro “guidatore, conduttore di bestie da soma" (Rapelli, 1995). Si trova a Monfalcone e Pordenone.
Torna in Cima