Tu âs cirût la peraule
bilengâl monolengâl
Tu âs cirût la peraule
semente
torne indaûr

bilengâl

semente s.f.
  • 1

    s.f. semence Copie

    [CO] (sepis di semenâ)
    un venditore di piante e sementi = un vendidôr di plantis e di semencis

monolengâl

semence s.f.
(se-men-ce)
Te plante o te pome, cuarp riprodutîf fecondât, plui o mancul piçul e di forme divierse daûr des speciis, che al prodûs un gnûf individui cu la sô gjerminazion
esemplis
"[te stagjon frede] la vite vegjetâl e polse tes lidrîs e tes semencis che planc a planc si trasformin"
gjavât fûr di "Dicembar" di Mario Martinis
Viôt ancje: samence
semence s.f.
(se-men-ce)
Licuit organic gjenitâl masculin, che al conten spermatozous
sinonims
sboradure, sbore
esemplis
"ogni mascje, gjate o vacje che e fos, e parturive un fi dopo vêlu puartât par un timp plui o mancul lunc te sô panze. Martin però mi pandè che chest al sucedeve dome cuant che e veve vude la semence dal mascli"
gjavât fûr di "Il dolfin" di Carlo Sgorlon
""Nus covente dome la tô semence. Le metarìn intune bancje a pueste! Cuant che nus coventarà… le doprarìn pe inseminazion artificiâl.""
gjavât fûr di "Sense" di Checo Tam
semence s.f.
(se-men-ce)
[TS] (zoot.) Dai cavalîrs, cuantitât di ûfs
esemplis
"tal 1857 e rivà la atrofie dal cavalîr, che e distruzè la produzion di galete par putrops agns. Bisugnà fâ rivâ la semence dal Gjapon, che e costave une vore di plui"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
semence s.f.
(se-men-ce)
Complès di individuis che a vegnin o che a vignaran di un progjenitôr comun
sinonims
gjernazie, raze, famee
esemplis
"me muîr nas Cjampanîl [di cognon], in conseguence / nasseran Campanîi de sô semence"
gjavât fûr di "L'avîs pe fondarie" di Pieri Çorut
semence s.f.
(se-men-ce)
Element che al prodûs un efiet, ancje dopo passât timp (fig.)
esemplis
"al è inamissibil, come oms, come cristians, come int razionâl, pensâ che la vuere, cu la sô semence di violence e di ostilitât, e puedi risolvi alc"
gjavât fûr di "De bello balcanico" di Antoni Beline
semence s.f.
(se-men-ce)
Piçule cuantitât vanzade (fig.)
esemplis
"di sclâfs e restà e ancjemò e reste juste la semence tal cjanton rimit de Resie, sot la mont Cjanine"
gjavât fûr di "Cuintristorie dal Friûl fin sot la Italie" di Josef Marchet
detulis
"a semenâ pe glerie si strachin i bûs e si piert la semence"
"cui che al mangje la semence al cjie la paie"
"de semence si cognòs la plante"
"ogni jerbe e fâs la sô semence e ogni len la sô pome"
torne sù
torne sù