Hai cercato la parola
bilingue monolingue
Hai cercato la parola
sentire
Torna indietro

bilingue

sentire
  • 1a

    v.tr. vê, sintî Copia

    [FO] (vê sensazions fisichis)
    sentire caldo = sintî cjalt
    sentire freddo = sintî frêt
    sentire un brivido lungo la schiena = vê i sgrisui jù pe schene
    sentire un formicolio = sintî la furmie
  • 1b

    v.tr. induvinâ, capî, sintî Copia

    [FO] (cognossi, judicâ alc cerçant, nasant, tocjant, uldint)
    si sente al tatto che questa pera è matura = cul tocjâlu si sint che chest piruç al è madûr

    v.tr. provâ, sintî, cercjâ Copia

    (provâ il gust)
    vuoi sentire un cucchiaio del nostro miele? = vuelistu cerçâ une sedon de nestre mîl?
  • 1c

    v.tr. sintîsi Copia

    [FO] (vê sensibilitât intune part dal cuarp)
    ho dormito storto e quasi non sento una gamba = o ai durmît stuart e scuasi no mi sint une gjambe
  • 2a

    v.tr. scoltâ, sintî, uldî Copia

    [FO] (percepî un sun)
    sentire il canto degli uccelli = sintî a cjantâ i uciei

    v.tr. sintî Copia

    (stâ a scoltâ)
    sentire un concerto = sintî un conciert

    v.tr. sintî Copia

    (ancje ass.)
    in fondo al teatro si sentiva poco = da pît dal teatri si sintive pôc

    v.tr. scoltâ, sintî Copia

    (in loc.pragm.)
    ma senti un po' che cosa inventa questo! = sint mo ce che al invente chel chi!

    v.tr. scoltâ, sintî Copia

    (par clamâ la atenzion di cui che al scolte)
    senti, e allora che facciamo? = scolte, ce vino di fâ?
    sentiamo, sentiamo, sono proprio curioso! = sintìn, sintìn, o soi propit curiôs!
  • 2b

    v.tr. scoltâ, sintî Copia

    [FO] (scoltâ e abadâ ce che cdn. al dîs di fâ)
    a sentirlo, è il più bravo = a sintîlu lui, al è il plui brâf
    stammi a sentire, per favore! = scoltimi, par plasê!
  • 2c

    v.tr. scoltâ, sintî Copia

    [FO] (consultâ)
    se non sta bene dovrebbe sentire un medico = se nol sta ben al varès di sintî un miedi
  • 3

    v.tr. sintî Copia

    [FO] (vignî strapaçât di cdn.)
    questa volta mi sente! = cheste volte mi sint!
  • 4

    v.tr. savê, sintî Copia

    [FO] (informâsi, vignî a savê)
    ho sentito che ti sposi = o ai sintût che tu ti maridis
  • 5

    v.tr. sintî Copia

    [FO] (vê une intuizion)
    sentivo che ce l'avremmo fatta = o sintivi che je varessin fate
    sento che andrà tutto bene = o sint che al larà dut ben
  • 6a

    v.tr. vê, sintî Copia

    [FO] (vê sintiments e reazions emotivis)
    sento pietà per la sua situazione = o ai dûl pe sô situazion

    v.tr. sintî Copia

    (spec. cuntun complement indeterminât, vê un sintiment di amôr)
    da quando lo ha conosciuto non sente più niente per nessun altro = di cuant che lu à cognossût no sint plui nuie par nissun altri
  • 6b

    v.tr. sintî Copia

    [FO] (sintî la impuartance di alc, spec. di une competizion sportive)
    i calciatori sentono sempre molto il derby = i zuiadôrs a sintin simpri un grum il derby
  • 7

    v.tr. sintî Copia

    [CO] (agradî, rimirâ, preseâ)
    sentire il bello = sintî il biel
  • 8

    v.tr. sintî Copia

    [CO] (sintî i efiets dal timp atmosferic)
    sento sempre molto la primavera = o sint simpri un grum la Vierte

locuzioni

    farsi sentire
  • fâsi valê, fâsi sintî, meti sù lis mostacjis, spiçâ lis mostacjis, meti sù lis moschetis, spiçâ lis moschetisCopia
    [CO] (difindi cun fuarce lis sôs resons)
    fatti sentire da chi di dovere = fasiti sintî di cui che al covente
  • dâ gnovis, fâsi sintîCopia
    [CO] (metisi in contat cun cdn., fâ savê cemût che si è)
    fatti sentire più spesso = fasiti sintî plui dispès
    • non sentire ragioni
  • no volê sintî il qui habitat, no volê capî resonCopia
    [CO] (no volê cambiâ idee, opinion)
    il medico gli ha detto di rimanere a casa, ma non sente ragioni = il miedi i à dite di restâ a cjase, ma nol vûl capî reson
    • non sentire volare una mosca
  • no sintî un cicCopia
    [CO] (no sintî nissun rumôr)
    a lezione non si sentiva volare una mosca = a lezion no si sintive un cic
    • sentire il peso degli anni
  • sintîsi a pesâ i carnevâi, pesâ i carnevâi, pesâ i agns, sintî a pesâ i agns, sintî i agns che a pesinCopia
    [CO] (sintîsi vieli)
    iniziava a sentire il peso degli anni = i scomençavin a pesâ i carnevâi su la gobe sento il peso degli anni = i agns mi pesin
    • sentire odore di polvere
  • sintî la bataie tal aiar, sintî aiar di bataieCopia
    [BU] (sintî la iminence di un combatiment)
    • sentire pizzicare le mani
  • [CO] (vedi prudere le mani)

monolingue

sintî v.tr.
(sin-tî)
Percepî un sun (ancje ass.)
sinonimi
scoltâ
esempi
"al veve sintût une vôs che lu clamave e une man si jere poiade su la sô spale"
da "Grivôr" di Franca Mainardis
"Mirco al jere lât sul barcon. Si sintivin là jù insom i rusignûi, chês vôs sbalçarinis che si corevin daûr"
da "Par stradis lungjis" di Alan Brusini
"Rico nol sint, tart di orele che al è; cussì jê i dîs al Vescul: «Nol sint chel alì ve, siôr, se no i berle te buse de orele»"
da "La visite dal vescul" di Meni Ucel
Vedi anche: sentî
sintî v.tr.
(sin-tî)
Vê percezions fisichis (ancje ass.)
esempi
"al sintive il frêt jentrâi tai vues plui di prime"
da "Prime di sere" di Carlo Sgorlon
"ce gust a sintî il soreli su la muse come une bussade"
da "La aghe da pît la cleve" di Dino Virgili
sintî v.tr.
(sin-tî)
Fâsi dâ un parê, fâsi conseâ o lassâsi conseâ
sinonimi
scoltâ
esempi
"il tribunâl, te sô prime udience, al à decidût une robe sole: rinviâ dut al 27 di Mai par podê sintî, in chê epoche, il parê di un espert"
da "Il furlan al jentre in tribunâl" di Riedo Pup
sintî v.tr.
(sin-tî)
Vê une percezion che e permet di capî o previodi
sinonimi
nasâ, presintî, savê, sintîsi, sintîse
esempi
"in chel moment ducj sintirin che si cjatavin denant de creazion di un grant artist"
da "La Madalene" di Zuan Lurinçon
"si jevave che i someave dut balarin. Al sintive che alc nol lave, nol lave, nol lave…"
da ""Nocent"" di Maria Forte
sintî v.tr.
(sin-tî)
Vê un ciert sintiment o une cierte sensazion emotive
sinonimi
vê
esempi
"[sot Pasche] il cristian nol po no sintî une ligrie, une gjonde tal fonts da la anime"
da "Crodi e mût di crodi" di Francesc Placerean
"dentri al sintive une pôre vuarbe, disperade"
da "Tal ospedâl" di Amedeo Giacomini
sintî v.tr.
(sin-tî)
Vivi cun partecipazion un moment, une circostance
sinonimi
vivi
esempi
"lui al sintive e al pative ducj i moments di chês zornadis. Par lui, Pasche, prime che Resurezion, e jere Passion e e començave miercus sant"
da "Zuan Jeremie" di Riedo Pup
"se al ves podût cjacarâ par furlan forsit al sarès rivât adore a gjavâ fûr alc, par vie che realmentri al sintive la impuartance de fieste"
da "Il discors" di Meni Ucel
sintî v.tr.
(sin-tî)
Vê e in câs mostrâ i efiets di alc
sinonimi
patî
esempi
"pre Nocent si cjate a sei in vene di tabaiâ piês des feminis cuant che e sintin el timp"
da "Viaç a Vignesie" di Arturo Feruglio
"jere gnervose e sfuarçade, a voltis strache e pegre; come se e ves sintût i striaments segrets de lune"
da "La tiere di Lansing" di Maria Forte
proverbi
"bisugne menâ il dint daûr la borse che si sint"
"cui che al è strac nol sint i pulçs"
"cui che al met il cûl sore la urtie al sint che i furmie"
"cui che al mint la sô borse lu sint"
"cui che al viôt, sint e tâs, al è segn che al vûl vivi in pâs"
"cui che al viôt, sint e tâs, al vûl vivi in pâs"
"dispès la bocje a spude fûr cemût che al judiche e che al sint il cûr"
"ducj sint cu lis orelis"
"i fruts ce che a sintin a ripetin"
"la lune no sint il baiâ dai cjans"
"nissun plui sort di cui che nol vûl sintî"
"ognidun al sint cu lis sôs orelis"
"par vê pâs sint e tâs"
"passade la cjoche si sint la bote"
"se pôc o sint, pôc o gjolt"
"si da jù pai cerclis par che la dove e sinti"
"sint prin di rispuindi"
"sintî ducj e po fâ a so mût"
"sintî e tasê"
Torna in Cima
Torna in Cima