Tu âs cirût la peraule
bilengâl monolengâl
Tu âs cirût la peraule
serranda
torne indaûr

bilengâl

serranda s.f.
  • 1

    s.f. sierande Copie

    [CO] (lamiere o persiane di metal che e pues srodolâsi par sierâ la puarte soredut grande, di une cjase, di une buteghe, di un magazen e v.i.)
    la serranda del negozio è rotta = la sierande dal negozi e je rote

    s.f. persiane, sierande Copie

    (sierament che si pues disrodolâ tai barcons)
    tirare giù la serranda = tirâ jù la persiane
  • 2

    s.f. tapon Copie

    [BU] (lastre di metal che e siere il for)
  • 3

    s.f. respîr Copie

    [TS] tecn. (dispositîf di regolazion de puartade dai fluits aeriformis, doprât massime par regolâ trop che al tire un cjamin)

locuzions

    serranda avvolgibile
  • [CO] (cjale avvolgibile)
    • serranda basculante
  • puarte a basculeCopie
    [CO] (puarte che e zire suntun as orizontâl par mieç di une jeve, par vierzisi e sierâsi cun facilitât)

monolengâl

respîr s.m.
(res-pîr)
Azion o singul at o ancje mût di tirâ dentri aiar tai polmons e butâlu fûr, in maniere di puartâ ossigjen tal organisim
sinonims
respirazion
esemplis
"Mariute e durmive cuiete, cun cualchi sustade tal respîr"
gjavât fûr di "Sul cjar di Pauli Gurin" di Maria Forte
"Alde e jere rivade pôc plui tart, cul respîr curt"
gjavât fûr di "Îr e doman" di Gianni Gregoricchio
respîr s.m.
(res-pîr)
Aiar butât fûr dopo di jessi stât cjapât tai polmons par puartâ ossigjen tal organisim
esemplis
"Tilio di Gjlie no le veve lassade un moment, al veve simpri balât cun jê, tignintle strente dongje di se tant che e sintive vicin il so respîr cjalt, il bati dal so cûr, il profum de sô zoventût"
gjavât fûr di "Chei di Muraie" di Pieri Menis
respîr s.m.
(res-pîr)
Aiar che si môf intun ambient
sinonims
aiar, vint, flât, corint, corentie
esemplis
"cussì sul fâ de sere, / fra il respîr benedet di Primevere, / tantis voltis mi met a contemplâ, / cuasi sence sfladâ, / e planure e montagnis e torents, / la armonie e la grandece del creât"
gjavât fûr di "Viaç da Trivignan a S. Lurinç" di Pieri Çorut
"o svuarbavi un voli, sì e no, sul cricâ da la albe; ma, subit, il respîr inglaçât dal nevâl mi sveave inmatît e imberlît"
gjavât fûr di "L'amôr vieri" di Ercole Carletti
"sot i puartis des cjasis nancje une bave di respîr, tal dopomisdì di scotôr"
gjavât fûr di "La aghe da pît la cleve" di Dino Virgili
respîr s.m.
(res-pîr)
Timp o situazion dulà che si pues polsâ o fâ alc cun comoditât, cence masse presse (fig.)
sinonims
flât, padin, pâs, polse
esemplis
"lassait un fregul di respîr aes lenghis e dialets, aes leteraturis locâls, ae culture storiche, demologjiche, filologjiche, artistiche di ognidune des regjons"
gjavât fûr di "Chê biade unitât" di Josef Marchet
respîr s.m.
(res-pîr)
Prospetive, implant, impuartance di alc che al sint o al prodûs efiets a di un ciert nivel, intune cierte aree, intun ciert setôr e v.i. (fig.)
sinonims
impuartance, nivel, pês, prospetive
esemplis
"la vore de "Patrie" no je preseade dome pe cuistion de lenghe, ma ancje pal respîr dai arguments"
gjavât fûr di "Informazion di cûr" di Federica Forgiarini
"il vêr pericul nol è il localisim ma il stât nazionâl, masse piçul pal respîr globâl e masse grant pal rispiet des minorancis etnichis e culturâls"
gjavât fûr di "De bello balcanico" di Antoni Beline
respîr s.m.
(res-pîr)
[TS] (tecn.) Dispositîf di regolazion de puartade dal aiar o di fluits aeriformis, doprât massime par regolâ trop che al tire un cjamin
esemplis
"Eliseo al viarzè il sportel [de stue]. Flame no 'nd jere plui, ma dome un côl di boris rossis. Al metè sù doi tocs di len e al vierzè il respîr par che a cjapassin miôr"
gjavât fûr di "Prime di sere" di Carlo Sgorlon
"il fornel al sfladave un fum di scjafoiâ, che, il vecjo al veve butât sù une cjarbonele vuaste e sierât il respîr"
gjavât fûr di "Cjase di Dalban" di Maria Forte
torne sù
torne sù