Hai cercato la parola
bilingue monolingue
Hai cercato la parola
serranda
Torna indietro

bilingue

serranda
  • 1

    s.f. sierande Copia

    [CO] (lamiere o persiane di metal che e pues srodolâsi par sierâ la puarte soredut grande, di une cjase, di une buteghe, di un magazen e v.i.)
    la serranda del negozio è rotta = la sierande dal negozi e je rote

    s.f. persiane, sierande Copia

    (sierament che si pues disrodolâ tai barcons)
    tirare giù la serranda = tirâ jù la persiane
  • 2

    s.f. tapon Copia

    [BU] (lastre di metal che e siere il for)
  • 3

    s.f. respîr Copia

    [TS] (dispositîf di regolazion de puartade dai fluits aeriformis, doprât massime par regolâ trop che al tire un cjamin)

locuzioni

    serranda avvolgibile
  • [CO] (vedi avvolgibile)
    • serranda basculante
  • puarte a basculeCopia
    [CO] (puarte che e zire suntun as orizontâl par mieç di une jeve, par vierzisi e sierâsi cun facilitât)

monolingue

respîr s.m.
(res-pîr)
Azion o singul at o ancje mût di tirâ dentri aiar tai polmons e butâlu fûr, in maniere di puartâ ossigjen tal organisim
sinonimi
respirazion
esempi
"Mariute e durmive cuiete, cun cualchi sustade tal respîr"
da "Sul cjar di Pauli Gurin" di Maria Forte
"Alde e jere rivade pôc plui tart, cul respîr curt"
da "Îr e doman" di Gianni Gregoricchio
respîr s.m.
(res-pîr)
Aiar butât fûr dopo di jessi stât cjapât tai polmons par puartâ ossigjen tal organisim
esempi
"Tilio di Gjlie no le veve lassade un moment, al veve simpri balât cun jê, tignintle strente dongje di se tant che e sintive vicin il so respîr cjalt, il bati dal so cûr, il profum de sô zoventût"
da "Chei di Muraie" di Pieri Menis
respîr s.m.
(res-pîr)
Aiar che si môf intun ambient
sinonimi
aiar, vint, flât, corint, corentie
esempi
"cussì sul fâ de sere, / fra il respîr benedet di Primevere, / tantis voltis mi met a contemplâ, / cuasi sence sfladâ, / e planure e montagnis e torents, / la armonie e la grandece del creât"
da "Viaç da Trivignan a S. Lurinç" di Pieri Çorut
"o svuarbavi un voli, sì e no, sul cricâ da la albe; ma, subit, il respîr inglaçât dal nevâl mi sveave inmatît e imberlît"
da "L'amôr vieri" di Ercole Carletti
"sot i puartis des cjasis nancje une bave di respîr, tal dopomisdì di scotôr"
da "La aghe da pît la cleve" di Dino Virgili
respîr s.m.
(res-pîr)
Timp o situazion dulà che si pues polsâ o fâ alc cun comoditât, cence masse presse (fig.)
sinonimi
flât, padin, pâs, polse
esempi
"lassait un fregul di respîr aes lenghis e dialets, aes leteraturis locâls, ae culture storiche, demologjiche, filologjiche, artistiche di ognidune des regjons"
da "Chê biade unitât" di Josef Marchet
respîr s.m.
(res-pîr)
Prospetive, implant, impuartance di alc che al sint o al prodûs efiets a di un ciert nivel, intune cierte aree, intun ciert setôr e v.i. (fig.)
sinonimi
impuartance, nivel, pês, prospetive
esempi
"la vore de "Patrie" no je preseade dome pe cuistion de lenghe, ma ancje pal respîr dai arguments"
da "Informazion di cûr" di Federica Forgiarini
"il vêr pericul nol è il localisim ma il stât nazionâl, masse piçul pal respîr globâl e masse grant pal rispiet des minorancis etnichis e culturâls"
da "De bello balcanico" di Antoni Beline
respîr s.m.
(res-pîr)
[TS] (tecn.) Dispositîf di regolazion de puartade dal aiar o di fluits aeriformis, doprât massime par regolâ trop che al tire un cjamin
esempi
"Eliseo al viarzè il sportel [de stue]. Flame no 'nd jere plui, ma dome un côl di boris rossis. Al metè sù doi tocs di len e al vierzè il respîr par che a cjapassin miôr"
da "Prime di sere" di Carlo Sgorlon
"il fornel al sfladave un fum di scjafoiâ, che, il vecjo al veve butât sù une cjarbonele vuaste e sierât il respîr"
da "Cjase di Dalban" di Maria Forte
Torna in Cima
Torna in Cima