Tu âs cirût la peraule
bilengâl monolengâl
Tu âs cirût la peraule
sguardo
torne indaûr

bilengâl

sguardo s.m.
  • 1

    s.m. voli, cjalade, voglade, cucade Copie

    [FO] (zirâ i voi bande di alc o di cdn., massime cun chê di pandi un umôr, un estri, un sintiment)
    cogliere uno sguardo d'intesa = cjapâ sù une voglade di cunvigne
    lo ha fulminato con lo sguardo = lu à sbilfât cui voi
    rivolgere uno sguardo sprezzante = dreçâ une voglade disdegnose

    s.m. cuc, cjalade, cucade Copie

    (une voglade di buride)
    dare uno sguardo al testo = dâ un cuc oppure une passade al test
    non rivolgere nemmeno uno sguardo al lavoro = no dreçâ nancje une cjalade ae vore
  • 2

    s.m. voli, cjalade, voglade Copie

    [FO] (espression, muse che e pant un sintiment, maniere di cjalâ)
    ha uno sguardo dolce = al à une cjalade dolce
    lo sguardo quieto della mucca e quello minaccioso del toro = i voi mugnestris de vacje e la cjalade menaçose dal taur
  • 3

    s.m. viste, viodude, vedê Copie

    [FO] (ce che si è in câs di viodi)
    estendere lo sguardo = slargjâ la viodude
    impedire lo sguardo = inderedâ la viste

    s.m. voli, viste Copie

    (i voi stes)
    aguzzare lo sguardo = spiçâ i voi

locuzions

monolengâl

cjalade s.f.
(cja-la-de)
Il zirâ i voi bande di alc o di cdn.
sinonims
calumade, cjaladure, cjalon, olmade, voglade, cuc, cucade
esemplis
"sô mari lu cjalave stant te lûs e scûr dal seglâr, cul voli smaraveât, come se lu cjalàs la prime volte e Beput al sintive a pesâ la cjalade lungje di sô mari"
gjavât fûr di "Dôs feminis e un frut" di Dino Virgili
"il basalisc al è une bestie che si cjate za intes crodincis di ete classiche: al è mieç gjal e mieç sarpint e la sô cjalade e pues fintremai copâ"
gjavât fûr di "Friûl di Magance" di Sandri Carrozzo
cjalade s.f.
(cja-la-de)
Espression, muse che e pant un sintiment, maniere di cjalâ
sinonims
cjaladure, olmade, voglade
esemplis
"si fermave plui dispès dongje la vecje none sentade a gucjâ fra barcon e fogolâr, e i domandave “None mi vûstu ben? ” e si contentave de sô cjalade buine"
gjavât fûr di "Cjase di Dalban" di Maria Forte
"Pieri i le daûr cui voi intant che al jesseve, cuntune cjalade cjamade di dute la ricognossince che al jere bon"
gjavât fûr di "Tal ospedâl" di Amedeo Giacomini
"la cjalade di Eve e deventà plui striade dal solit. E pareve che e tiràs saetis cui voi"
gjavât fûr di "Ombris tal infinît" di Carlo Sgorlon
"al cirive di mostrâ une sigurece che nol veve, ma ogni tant al deve une cjalade plene di preocupazion dulintor"
gjavât fûr di "Il dolfin" di Carlo Sgorlon
cjalade s.f.
(cja-la-de)
Il cjalâ, massime in maniere svelte, par câs, cence masse atenzion e v.i.
sinonims
voglade, cuc, cucade, cjalon
esemplis
"al bastave che e tornàs a cjapâ in man un dai siei libris di scuele, che e des une cjalade, par che dut i tornàs iniment"
gjavât fûr di "Il dolfin" di Carlo Sgorlon
"al pareve che si metès a bon, cuant che jerin tai nestris paîs al bastave che ves dât une cjalade al cîl par savê ce timp che al varès fat, ma culì ai propit pierdût la tramontane"
gjavât fûr di "Resurezion a Pontinie" di Pieri Somede dai Marcs
cjalade s.f.
(cja-la-de)
Il tignî di voli alc, par garantî sigurece
sinonims
voli
esemplis
"dami une cjalade ae borse intant che o jes un moment"
cjalade s.f.
(cja-la-de)
Azion di verifiche svelte
esemplis
"dâ une cjalade tal tacuin par viodi se a son avonde bêçs pe compre"
"dâ une cjalade di ca e di là prime di traviersâ la strade"
cjalade s.f.
(cja-la-de)
Scandaiade di un test, leture svelte, par cjatâ informazions o ancje par corezi erôrs o fâ piçulis mendis
sinonims
voglade, cuc, passade, lete, revision
esemplis
"tancj libris di vuê o pues lassâ stâ di comprâju, tant plui che, aromai, o 'nd ai tancj che no sai dulà metiju; e cussì lis rivistis, i sfueis, che si ur da une cjalade in premure, e che a disin tant pôc"
gjavât fûr di "Culumiis" di Meni Ucel
"no forin dificoltâts a cjatâ cunvigne sul test de jentrade [...]. Cualchi limade e vonde. Si varès vût di tornâ a cjatâsi a Zenâr, ai 10, par une ultime cjalade e pe firme dai comissaris"
gjavât fûr di "Memoriis di politiche linguistiche" di Adrian Cescje
cjalade s.f.
(cja-la-de)
Maniere di viodi, di intindi lis robis
esemplis
"ricognossi lis particolaritâts che a segnin i “popui” di chest mont, intune cjalade che e rive fin sul globâl a traviers dal locâl, te protezion e te valorizazion di dutis lis comunitâts diferentis"
gjavât fûr di "Guide par un consum just e solidâl" di Buteghe dal Mont, Luche Nazzi
"la opare artistiche e je simpri une cjalade sul mont cuntun intindiment paradigmatic, universâl"
gjavât fûr di "Viaç aes origjins dal Logos" di Adrian Cescje
cjalade s.f.
(cja-la-de)
Panoramiche
esemplis
"il Cuarnan (1.372 m), che al fâs part de cjadene des Prealps Juliis, al è une largje piramide di prât di là che la cjalade e pues slargjâsi su dut il Friûl"
gjavât fûr di "Tabelis turistichis de Provincie di Udin 5" di AAVV
torne sù
torne sù