Tu âs cirût la peraule
bilengâl monolengâl
Tu âs cirût la peraule
smettere
torne indaûr

bilengâl

smettere v.tr., v.intr.
  • 1

    v.tr. fermâ, molâ, dismeti Copie

    [FO] (fermâ di fâ ce che si è daûr a fâ o a dî)
    smettere un lavoro = molâ un lavôr
    smettere una discussione = molâ une discussion

    v.tr. fermâ, molâ, lassâ Copie

    (cun daûr 'di' e un infinît)
    hanno smesso di litigare e hanno fatto la pace = a àn fermât di barufâ e a àn fate pâs
  • 2

    v.tr. dismeti Copie

    [FO] (fâ di mancul di puartâsi intune maniere)
    smettere una moda = dismeti une mode
  • 3

    v.tr. dismeti Copie

    [FO] (fâ di mancul di doprâ par vie che al è vieri e fûr di mode)
    smettere un vestito = dismeti un vistît
  • 4

    v.intr. fermâ, lassâ Copie

    [CO]
    la pioggia non smette da una settimana = la ploie no ferme di une setemane incà

monolengâl

fermâ v.tr.
(fer-mâ)
Fâ che une robe che si môf o che e pues movisi no si movi
sinonims
blocâ, tignî
esemplis
"jê, cul pâl di fier, e torne a fermâ la puarte"
gjavât fûr di "Trê sûrs" di Andreina Nicoloso Ciceri
"il miedi al tignive Fonso pal braç, il fi i fermave lis gjambis, une infermiere e tacà a sburtâ il jet bande de puarte"
gjavât fûr di "Tal ospedâl" di Amedeo Giacomini
"il Bulo al puartà une man a fermâ lis vissaris che a si spopeavin di un slambri de panze e cu la curtiele vierte ta chê altre man, si metè a cori daûr a chel nemì "
gjavât fûr di "Il Bulo di Crodio" di Maria Forte
fermâ v.tr.
(fer-mâ)
Fâ che cdn. nol puedi plui lâ indevant, vignî cuintri, lâ vie e v.i., ancje cu la autoritât o cu la fuarce
esemplis
"lis trupis talianis a jerin scjampadis di buride, passant sul puint di Pinçan che al jere inmò in pîts e che al fo fat saltâ subit dopo par fermâ il nemì"
gjavât fûr di "Il muc" di Roberto Ongaro
fermâ v.tr.
(fer-mâ)
Impedî, no permeti alc o no permeti a cdn. di fâ alc
esemplis
"al restà imbambinît e cence rispueste, scuasit vergognôs come un frut…, po al fermà altris domandis cu la sô ridade scjassose"
gjavât fûr di "Cjase di Dalban" di Maria Forte
"cundut che Cavedalis al fos contrari a cheste azion e al cirìs di fermâlu, Zucchi al decidè istès di lâ cuintri i todescs"
gjavât fûr di "Zuan Batiste Cavedalis - Une vite esemplâr" di Giovanni Pillinini
fermâ v.tr.
(fer-mâ)
[TS] (dir.) Meti in stât di fer
fermâ v.tr.
(fer-mâ)
Concentrâsi cu la atenzion o fâ che alc al deventi sigûr tal pinsîr, tal ricuart e v.i. (fig.)
sinonims
blocâ, inclaudâ, fissâ, tignî
esemplis
"e cirive, cun voi seneôs, il borc di lui, propit a ret dal tei de cjase dai Santins, e di chê bande e fermave il so pinsîr restîf"
gjavât fûr di "Cjase di Dalban" di Maria Forte
fermâ v.tr.
(fer-mâ)
Comunicâ l'interès par un ben o un serivizi, di maniere di tignîlu a disposizion, ancje paiant une capare o un anticip
sinonims
blocâ, prenotâ, risiervâ, impegnâ
esemplis
"«Sì, Herr Müller, o ai cambiât cuartîr e lu ai fermât par un pieç a Lansing, cence disturbâ la vuestre famee»"
gjavât fûr di "La tiere di Lansing" di Maria Forte
fermâ v.tr.
(fer-mâ)
Meti sot secuestri
esemplis
"i àn fermade dute la robe"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
fermâ v.tr.
(fer-mâ)
Fâ segn a un mieç di traspuart public che si vûl cjapâlu
esemplis
"fermâ un taxi"
fermâ v.intr.
(fer-mâ)
Lassâ di fâ ce che si è daûr a fâ
sinonims
molâ, lassâ, finî, smeti, dismeti, cessâ
esemplis
"maiôr, o stais copant i nestris, fermait subit di trai!"
gjavât fûr di "Chei de vuere dal '15" di Alan Brusini
"ancje o crôt che al vedi fermât di plovi"
gjavât fûr di "Donald dal Tiliment" di Stiefin Morat
"a fermavin un moment di lavorâ"
gjavât fûr di "Cjase Basse" di Dino Virgili
detulis
"il timp al passe e no si po fermâlu"
"ni par baiâ di cjan ni par ronâ di mus nol è stât mai fermât il cors de lune"
torne sù
torne sù