Tu âs cirût la peraule
bilengâl monolengâl
Tu âs cirût la peraule
somma bontà
torne indaûr

bilengâl

somma bontà
  • 1

    loc.s.f. cîl Copie

    [CO] (par anton., spec. cun iniz. maiusc., titul di Diu)
    rivolgersi alla Somma Bontà = avodâsi al Cîl

monolengâl

cîl s.m.
Spazi alt parsore de superficie terestre, che viodût de tiere al pâr come un volt limitât dal orizont, li che a parin movisi lis stelis
esemplis
"la Bielestele, sù, tal cîl, e visave che prest al varès cricât il dì"
gjavât fûr di "Il muc" di Roberto Ongaro
"al jere propit un dì celest; un altri frêt mês di Març cul cîl di un blu stupent e la nêf su lis monts"
gjavât fûr di "Il dì celest" di Checo Tam
"al prin ramaç di un lamp, al prin ton che si scjaveçave tal cîl, lui al cjalave pui atent, al spiçave la orele"
gjavât fûr di "La rive di Sant Pieri" di Maria Forte
"vâs di canelons in butul e basili fresc sui barcons, emolârs florîts, svoi di cisilis sui cjamps a grandis strissis di zâl lusint di ravice o di ros infogât dal cerfuei in flôr: dut une grande fantasie di colôrs sot un cîl trasparent come un lambri"
gjavât fûr di "Clâr e scûr" di Pieri Somede dai Marcs
"e jere une zornade di paradîs; net il cîl come un voli di uciel, cjants e profums tal aiar"
gjavât fûr di "Lis âfs" di Catarine Percude
"il soreli là vie al insanganave za il cîl a mont e il colôr grîs de sere al començave a cucâ fûr dai sgoifs dal flum, abàs, e tal bosc daûr dal cimitieri cidin"
gjavât fûr di "La aghe da pît la cleve" di Dino Virgili
cîl s.m.
Complès dal spazi cosmic
sinonims
cosmi, firmament, spazi, univiers, volt celest
esemplis
"al jere un dissen formât di un trapezi cuntune stele celestine une vore luminose, tra lis plui sflandorosis dal cîl… insome … chê stele che nô europeans o clamìn REGULUS"
gjavât fûr di "Regulus" di Checo Tam
cîl s.m.
Tal sisteme tolemaic e in altris sistemis presientifics, ogni volt o sfere concentriche che si pensave che al fos ator de tiere, dominât di un planet o di altris elements
esemplis
"daûr di Pistis Sophia la trasmigrazion de anime e sucêt passant par cinc cîi: Cron, Ares, Ermes, Afrodite, Zeus. Parsore di chei al è il cîl des costelazions, là che la anime e rive dome cu la tindince al ben, dopo che si à diliberade tai cîi parsot de tindince al mâl"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
cîl s.m.
Sît des divinitâts, di Diu
sinonims
paradîs
esemplis
"Crist al è il Salvadôr, parcè che al è sentât a la diestre dal Pari, parcè che al è lât sù in cîl"
gjavât fûr di "Il popul furlan al à ancjemò nostalgjie des robis bielis e santis" di Francesc Placerean
cîl s.m.
Part parsore di un spazi vueit, di un ambient e v.i., che e fâs di cuviertidure o di sufit
esemplis
"il cîl dal for"
"il cîl de nape [dal fogolâr]"
"il cîl de sale"
"il cîl de glesie"
detulis
"a cîl turchin si nete il cjamin"
"bisugne dâsi lis mans ator e no spietâ la mane dal cîl"
"bramazion di mus no rive in cîl"
"ce che al è scrit in cîl, nissun no lu disfe in tiere"
"cîl a piorelis, aghe a fontanelis; cîl a piorons, ploie a selons"
"cjar di cûl no va in cîl"
"cuant che il cîl al è dut a lane, la ploie no je lontane"
"cuant che la fam e je a mieç il cîl, la polente a sa di mîl"
"cuant che la lodule e va in cîl, il pan di sorc al sa di mîl"
"il cîl al è dut a lane, la ploie no je lontane"
"l'arbul si sglove prin di rivâ al cîl"
"nissun mestri nol è colât dal cîl"
"par seren che al sedi il cîl, al è simpri un bâr di nûl"
"pêl ros e pêl di flôr, sot dal cîl no 'nd è piôr"
"preiere di mus no va in cîl"
"si scomence ben nome dal cîl"
"vôs di mus no rive in cîl"
"vôs di mus no va in cîl"
torne sù
torne sù