Tu âs cirût la peraule
bilengâl monolengâl
Tu âs cirût la peraule
spazioso
torne indaûr

bilengâl

spazioso adi.
  • 1a

    adi. larc, vast, spaziôs Copie

    [AU] (che si slargje par un grant spazi)
    un parco spazioso = un parc vast
    una pianura spaziosa = une planure spaziose
  • 1b

    adi. larc, vast, spaziôs Copie

    [AU] (di un ambient, lûc, edifici e v.i., che al permet di movisi cun libertât, une vore grant)
    una casa spaziosa = une cjase spaziose
  • 2

    adi. larc, spaziôs Copie

    [AU] (di cerneli, alt, larc)
    fronte spaziosa = cerneli larc oppure spaziôs

monolengâl

larc adi.
Che al è avonde o une vore grant te dimension largjece, vâl a dî te dimension che no je ni lungjece ni altece
sinonims
ampli
esemplis
"i flums imburîts e salvadis cul gravâr largjonon a ûs il Tiliment, o come chei strents e plens di aghe cuiete come la Livence"
gjavât fûr di "Il Friûl al è nassût cussì" di Josef Cjargnel
"la strade e scomençave a lâ in rive jù e si tignive simpri plui dongje dal flum e e jere avonde largje"
gjavât fûr di "In Friûl, nossere" di Agnul di Spere
"un cjapelat cu lis alis largjissimis"
gjavât fûr di "Il diau sul Studeniz" di Giovanni Luigi Filli
"Sant Zuan. Na glisiona largja largja, un paisut strent strent"
gjavât fûr di "Peneladis" di Pier Paolo Pasolini
larc adi.
Che al è grant in gjenerâl, in dutis lis dimensions, che al à tant puest
sinonims
ampli, grant, vast, viert
esemplis
"il tinel, larc e plen di mobilie, al someave pront a scjafoiâti di baroc, tapêts e coltrinis"
gjavât fûr di "La salamandrie tal fûc" di Carlo Tolazzi
larc adi.
Che al à puest a disposizion, che al sta comut
sinonims
comut, asiât
esemplis
""Ti fasìno plui puest?" "Nol covente, o soi za larc ca""
larc adi.
Tignût viert, lontan di alc altri, spec. di elements che a van insiemi e che a podaressin stâ dongje tra di lôr o dongje di alc altri
sinonims
slargjât, viert
esemplis
"al lave mostrant la sô marcjanzie cui braçs larcs"
gjavât fûr di "I colaçs" di Meni Ucel
larc adi.
Pront a dâ, gjenerôs (fig.)
sinonims
gjenerôs, ladin, liberâl, magnanim
esemplis
"“I contadins no son mai di “datimis”” e diseve jê ridint “no son mai larcs…”"
gjavât fûr di "Cjase di Dalban" di Maria Forte
"a era ladina di cour e largja tal dâ via"
gjavât fûr di "Se i tu mi voul, tu mi voul" di Novella Cantarutti
larc adi.
Di alc di imateriâl, che al cjape dentri, che al tocje tancj elements, argoments e v.i. (fig.)
sinonims
bondant, grant, grues, penç, ampli, slargjât
esemplis
"dâ al Friûl une forme di autonomie plui largje che no aes altris regjons talianis"
gjavât fûr di "Cuarde e savon" di Josef Marchet
"i unics riferiments ae lenghe furlane in tescj normatîfs [...] a vevin caratar incidentâl o ben a jerin di tutele de lenghe tune suaze plui largje di promozion culturâl"
gjavât fûr di "Relazion dal Grup di lavôr “Planificazion linguistiche”" di Donato Toffoli
"si sintive distacât dal presint e al viodeve lis robis intune prospetive plui alte e plui largje"
gjavât fûr di "Prime di sere" di Carlo Sgorlon
larc adi.
Che no si ferme al significât leterâl (fig.)
sinonims
ampli
esemplis
"Crist nus à insegnât a domandâ ogni dì il pan che nus covente, te plui largje acezion"
gjavât fûr di "Sant Jacum, là che al finìs il mont" di Antoni Beline
larc s.m.
Estension frontâl, dimension che no je ni la altece, ni la lungjece
sinonims
largjece
esemplis
"su la cjarte gjeografiche la isule e someave une sclese di ongule [...] che e faseve 30 Km di larc par 15 di lunc"
gjavât fûr di "Eivissa mon amour" di Fabian Ros
larc s.m.
Spazi viert e libar, spec. rispiet a alc che al siere ator o a alc che pal rest al è stret
sinonims
slarc
esemplis
"al veve scuviert che là che i sterps a lassavin un spêl di larc, il teren al jere dut sflorît di piçulis rosis blancjis"
gjavât fûr di "La liende dal riûl" di Franca Mainardis
"si cjatà te sale di spiete: un larc jenfri dôs riis di cjamaris tal mieç dal repart là che e tacave la chirurgjie dai umigns"
gjavât fûr di "Tal ospedâl" di Amedeo Giacomini
larc s.m.
[TS] (agr.) Striche di tiere jenfri doi filârs
sinonims
mitât, plagne, plane, peçâl, fîl
esemplis
"un larc dal cjamp"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
larc s.m.
Mâr viert, mâr lontan de rive
esemplis
"vevin scoviart un on che vogava al larc intuna barcja"
gjavât fûr di "Gnot di Sant Silvestri" di Ranieri Mario Cossâr
detulis
"il rimiedi pai cais e je la scarpe largje"
"larc di bocje, strent di borse"
"larc di bocje, strent di man"
"tal larc al sta il pôc e il trop"
torne sù
torne sù