Tu âs cirût la peraule
bilengâl monolengâl
Tu âs cirût la peraule
spennare
torne indaûr

bilengâl

spennare v.tr.
  • 1

    v.tr. splumâ Copie

    [AD] (gjavâ lis penis e lis plumis a un uciel, spec. muart, prime di fâlu di mangjâ)
    spennare una gallina = splumâ une gjaline
  • 2

    v.tr. netâ, spelâ Copie

    [AD] (fâ paiâ une vore)
    in quel negozio ti spennano per benino = in chê buteghe ti spelin ben e no mâl

monolengâl

netâ v.tr., v.intr.
(ne-tâ)
Fâ deventâ net, liberâ di alc che al sporcje
sinonims
dismaglâ, lavâ, lustrâ, mondâ, ramondâ, sborfinâ, smondeâ
esemplis
"l'infermîr al meteve in sest il jet restât vueit, al voltave il stramaç, al cambiave i bleons, al si sbassave par netâ sot vie"
gjavât fûr di "Il malât di Cime Undis" di Alan Brusini
"freiava un pâr di voltis la lama su la magna de la cjamesa par netâla dal pantan"
gjavât fûr di "Il me paîs" di Federigo Comelli
"lâ sul barcon a cjalâlu, magari fasint fente di bagnâ i canelons o di netâ i veris"
gjavât fûr di "Cretevierte" di Roberto Ongaro
"e cjol fûr de sachete [...] un di chei façolets di colôr che e use jê e e nete il nâs"
gjavât fûr di "La visite dal vescul" di Meni Ucel
netâ v.tr.
(ne-tâ)
Fâ che un orghin dal cuarp, al funzioni ben che si liberi di alc che al disturbe (ancje fig.)
esemplis
"al domandave un pocje di magnesie par netâ il stomi"
gjavât fûr di "Pre Pitin" di Antoni Beline
netâ v.tr.
(ne-tâ)
Gjavâ ce che nol è bon di mangjâ
sinonims
curâ, scuriâ
esemplis
"se o cjolês un folp fresc, netaitlu de robe di dentri e conzelaitlu: in cheste maniere la cjar e sarà plui tenare"
gjavât fûr di "Polbo á feira – Folp a la galiziane" di Sandri Carrozzo
"lis cuessis di purcit a vegnin selezionadis e netadis"
gjavât fûr di "Un persut unic par un lûc unic" di Oscar Puntel
netâ v.tr.
(ne-tâ)
Fâ che alc al sedi libar di elements che a dan fastidi.
sinonims
curiâ, scuriâ, disbratâ
esemplis
"Remo al netave de nêf puartis e barcons dal so ambient"
gjavât fûr di "I forescj" di Alan Brusini, Gian Paolo Linda
"par fâ un rocul o une bressane al jere prime di dut un grum di lavôr. Si veve di netâ il puest, di plantâ i çamars e lassâju cressi"
gjavât fûr di "Faliscjis" di Cristina Noacco
"oris di lavôr a gjavâ jerbe e a netâ strops"
gjavât fûr di "Lis predicjis dal muini" di Josef Marchet
netâ v.tr.
(ne-tâ)
Cjapâ sù dut o vuastâ sù dut (fig.)
sinonims
fâ fûr, netâ vie, puartâ vie, curâ, dispueâ, ramondâ, sfrancjâ, smondeâ, svalisâ, netâ fûr
esemplis
"dal '17, pe fam, i Mucs a vevin netâts i cjôts e la stale, puartade vie la robe di valôr cun chê di vendile"
gjavât fûr di "Mê none Miute" di Lucio Perès
"chel barabar [Atile] al jere là [a Aquilee], da pît des sôs muris, cuntune pice mate di netâ e di rafâ sù dut"
gjavât fûr di "Atile a Aquilee" di Josef Cjargnel
netâ v.tr.
(ne-tâ)
Mangjâ e bevi une vore o une vore svelt o dut ce che al è (fig.)
sinonims
lovâ, slapâ, slofâ, netâ vie, netâ fûr
esemplis
"al spartìs lis cuatri pagnochis in trentesîs tocs di chê istesse vualece, une fete di pan a dute la barache, netadis intun amen"
gjavât fûr di "Storie di Min" di Ivano Urli
"cetantis voltis che o scuen butâ la semence tal cjamp daûr des scuelis? E ogni volte me netin, chês sboentadis di passaris"
gjavât fûr di "La visite dal vescul" di Meni Ucel
netâ v.tr.
(ne-tâ)
Dispierdi e slontanâ
sinonims
netâ vie, netâ fûr
esemplis
"nus netarin da la Afriche e nus jemplarin di bombis cence lâ masse pal fin"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
netâ v.tr.
(ne-tâ)
Tornâ a doprâ in ativitâts legâls monede che e ven di azions criminosis (zerg.)
netâ v.tr.
(ne-tâ)
Copâ (zerg.)
sinonims
copâ, disbratâ, dispicjâ, eliminâ, fâ la fuee, licuidâ, maçâ, rangjâ, sfulminâ, tirâ jù di spese
esemplis
""Tornimi la cjase, ladron! - al zigà Telo cul revolvar in man - Tornimi la cjase se no o sfracassi sù dut, o fâs un plan, us neti ducj…""
gjavât fûr di "La aghe da pît la cleve" di Dino Virgili
"Une rafiche di metraie cuintri de aghe! Podopo nissun rumôr. Ju veve netâts…"
gjavât fûr di "La sentinele" di Checo Tam
detulis
"a cîl turchin si nete il cjamin"
torne sù
torne sù