Tu âs cirût la peraule
bilengâl monolengâl
Tu âs cirût la peraule
spiegarsi
torne indaûr

bilengâl

spiegarsi v.pronom.intr., v.pronom.tr.
  • 1a

    v.pronom.intr. sclarîsi, spleâsi, fâsi capî Copie

    [CO] (esprimi, pandi a clâr ce che si pense)
    ha visto che gli altri non capivano e ha cercato di spiegarsi meglio = al à viodût che chei altris no capivin e al à cirût di sclarîsi oppure di spleâsi miôr
  • 1b

    v.pronom.intr. sclarîsi, spleâsi Copie

    [CO] (capîsi un cun chel altri)
    c'è stato qualche problema all'inizio della collaborazione, ma poi i tecnici si sono spiegati tra di loro e tutto è proseguito bene = al è stât cualchi probleme sul imprin de colaborazion, ma po dopo i tecnics si son sclarîts tra di lôr e dut al è lât indenant pulît
  • 2

    v.pronom.intr. displeâsi Copie

    [CO] (vierzisi a plen)
    la bandiera si è spiegata al vento = la bandiere si è displeade tal aiar
  • 3

    v.pronom.intr. slargjâsi Copie

    [CO] (fâsi viodi)
    il panorama si spiegava sotto il cielo sereno = il panorame si slargjave sot dal cîl seren
  • 4

    v.pronom.intr. sclarîsi, spleâsi Copie

    [CO] (deventâ clâr, facil di capî)
    il mistero gli si spiegava a poco a poco = il misteri i si sclarive a man a man
  • 5

    v.pronom.tr. dâsi reson Copie

    [CO] (capî)
    non mi spiego il suo comportamento = no mi doi reson dal so compuartament

monolengâl

slargjâsi v.pron.intr.
(slar-gjâ-si)
Deventâ plui larc
sinonims
vierzisi
esemplis
"a si jodeva la Miduna slargjâsi e deventâ fonda sot il pic di Grimau"
gjavât fûr di "Il Bolp" di Novella Cantarutti
"cori ad ôr da la aghe, discolç, cjapâ sù un clap e tirâlu dentri par viodi chei cerclis che si slargjin slusignant"
gjavât fûr di "Il cîl sot aghe" di Dino Virgili
"Temul e Biso a cjaminavin come simpri, ma il cercli dai pôi al pareve che si slargjàs di plui"
gjavât fûr di "L'avôt" di Maria Forte
slargjâsi v.pron.intr.
(slar-gjâ-si)
Vê une cierte estension
esemplis
"denant vie, fin dulà che al rivave il voli, si slargjave il parc"
gjavât fûr di "Tal ospedâl" di Amedeo Giacomini
"ve ca, o soi rivade. Plaza de Mayo si slargje come simpri pegre e supierbeose denant di nô"
gjavât fûr di "Ninin" di Antescûr
slargjâsi v.pron.intr.
(slar-gjâ-si)
Di une percezion o di un orghin di percezion, spec. dal cjalâ e dai voi, vê la pussibilitât di indreçâsi a larc (fig.)
esemplis
"sot vie il voli si slargje content su la plane di Pordenon"
gjavât fûr di "La basiliche di arint" di Michele Nadalini
"i siei pîts a son ben pontâts su la sô tiere furlane, ma il so voli si slargje par tant larc che al è l'orizont"
gjavât fûr di "Josef Marchet: un furlan difarent" di Antoni Beline
slargjâsi v.pron.intr.
(slar-gjâ-si)
Deventâ plui grant, profont, partecipât, condividût, difondût e v.i.
sinonims
cjapâ pît, imponisi, difondisi, spampanâsi
esemplis
"il progrès tecnologjic (come la invenzion de television) al à fat in mût che il model culturâl american si slargjàs dapardut"
gjavât fûr di "Autonomie e democrazie, i numars de Socializazion umane" di Franc Fari, Eric Pascul
slargjâsi v.pron.intr.
(slar-gjâ-si)
Fâ o vê un moviment che al puarte lontan, a larc
esemplis
"lis vongulis dal sun si slargjavin su la valade deserte"
gjavât fûr di "Cuel Valâr" di Dino Virgili
"aromai e montave sù la sere, e in cîl si slargjavin a planc nûi grîs e lizêrs"
gjavât fûr di "Prime di sere" di Carlo Sgorlon
slargjâsi v.pron.intr.
(slar-gjâ-si)
Lâ de bande esterne
sinonims
vierzisi, slargjâ
esemplis
"svoltant no si à di slargjâsi masse"
slargjâsi v.pron.intr.
(slar-gjâ-si)
Ancje impers., dal cîl o dal timp, deventâ seren
sinonims
slargjâ, vierzisi
esemplis
"la ploie e doventà mancul fisse, si slargjà e si viodè soreli"
gjavât fûr di "Fûr di timp" di Jolanda Mazzon
slargjâsi v.pron.intr.
(slar-gjâ-si)
Cjacarâ o scrivi tant (fig.)
sinonims
slungjâsi, slungjâle, lâ in lunc, fâle lungje, slumbriâsi, cincuantâ, cincuantâle
esemplis
"no intint slargjâmi su argoments di specialiscj, ma mi limiti a fâ cualchi considerazion "
gjavât fûr di "Il turisim in Cjargne al è di passaç" di Marino Plazzotta
slargjâsi v.pron.intr.
(slar-gjâ-si)
Cjapâ sù masse confidence o masse braùre (coloc.)
esemplis
"no stâ a slargjâti tant, sta tal to"
slargjâsi v.pron.tr.
(slar-gjâ-si)
Slargjâ alc di se stes, par se stes, alc che si à intor, alc in maniere reciproche e v.i. (ancje fig.)
sinonims
slargjâ
esemplis
"[sù tal decim plan] almancul tu rivis a stâ un tic parsore al rodolâsi dal aiar impolverât. E a slargjâti i voi. Ogni dì mi plaseve di slargjâmiju cjalant inlà"
gjavât fûr di "Kebar krossè" di Stiefin Morat
torne sù
torne sù