Tu âs cirût la peraule
bilengâl monolengâl
Tu âs cirût la peraule
spogliare
torne indaûr

bilengâl

spogliare v.tr.
  • 1

    v.tr. dispueâ, discrotâ, disvistî Copie

    (gjavâ ducj i vistîts o scuasit a cdn.)
    faceva caldo e la mamma ha spogliato il bambino = al faseve cjalt e la mari e à disvistût il frut

    v.tr. dispueâ, discrotâ, disvistî Copie

    [FO] (lassâ cdn. cence vistîts)
    spogliare un bambino per fargli il bagno = discrotâ un frut par fâi il bagn
  • 2

    v.tr. dispueâ Copie

    [CO] (gjavâ lis armis a un nemì vinçût o copât)
  • 3

    v.tr. sbroiâ Copie

    [CO] (taiâ lis ramascjis di une plante e cjapâ sù lis rosis o lis pomis)
    il vento ha spogliato l'albero di tutte le foglie = l'aiar al à sbroiât l'arbul di dutis lis fueis
    spogliare un albero = sbroiâ un morâr
  • 4a

    v.tr. spelâ Copie

    [CO] (spelâ une pome o une ortaie)
    spogliare le patate = spelâ lis patatis
  • 4b

    v.tr. discartossâ, scartossâ, scosolâ, discosolâ Copie

    [CO] (gjavâ ce che al involuce une pome)
    spogliare i piselli = discosolâ i cesarons
    spogliare le pannocchie = discartossâ lis panolis
  • 5

    v.tr. sbrumâ Copie

    [TS] gastr. (cuant che si cuei a fûc bas une salse, une cuince, il gjavâ vie cuntune cjace forade la sbrume o il scart che si formin parsore vie)
    spogliare la salsa = sbrumâ la salse
  • 6

    v.tr. dispueâ, sprivâ Copie

    [FO] (gjavâ alc a cdn. cu la violence o cul ingjan)
    fu spogliato di tutti i suoi averi = al fo sprivât di dute la sô robe

    v.tr. dispueâ Copie

    (gjavâ a un cadavar dut ce che al à intor)
    i profanatori spogliarono tutti i corpi = i profanadôrs a dispuearin ducj i cuarps
  • 7

    v.tr. dispueâ Copie

    [TS] dir. (dispossessâ cdn. de sô robe)

    v.tr. dispueâ Copie

    (gjavâ a cdn. alc che al è so e che al à dirit di vê)
  • 8a

    v.tr. fiscâ Copie

    [CO] (robâ dut di une citât, di un teritori)
    i soldati spogliarono il villaggio = i soldâts a fiscarin il paîs
  • 8b

    v.tr. svalisâ Copie

    [CO] (sachizâ une cjase, puartâ vie di un lûc robis bielis o che a coventin)
    i ladri gli hanno spogliato la casa = i laris i àn svalisade la cjase
  • 9

    v.tr. disfurnî, disaparâ Copie

    [CO] (gjavâ un furniment di un lûc)
    spogliare un altare dei paramenti = disfurnî un altâr dai furniments
  • 10a

    v.tr. disprivâ, dispossessâ Copie

    [FO] (gjavâ un dirit a cdn.)
    fu spogliato del diritto di voto = al fo disprivât dal dirit di vôt
  • 10b

    v.tr. dispueâ, dispossessâ Copie

    [CO] (gjavâ a cdn. un podê, une funzion)
    hanno spogliato il presidente della sua carica = a àn dispossessât il president de sô carghe
  • 11

    v.tr. dispueâ Copie

    [FO] (gjavâ a alc une carateristiche o un element util)
    una frase spogliata del suo vero messaggio = une frase dispueade dal so vêr messaç
  • 12

    v.tr. dispueâ, curâ Copie

    [CO] (gjavâ a alc dut ce che al è stât zontât e che nol covente)
    spogliare un testo dagli elementi superflui = curâ un test di ducj i elements in soreplui
  • 13

    v.tr. passâ, cerni Copie

    [CO] (lei e esaminâ cuntune vore di atenzion un o plui scrits par notâ cun ordin i elements che a interessin)
    spogliare un giornale = cerni un gjornâl

locuzions

    spogliare con gli occhi
  • discrotâ cui voi, mangjâ cui voi, disvistî cui voiCopie
    [CO] (cjalâ cdn. cun brame sessuâl e imagjinâlu o imagjinâle crot o crote)
    la spogliava con gli occhi = le disvistive cui voi

monolengâl

passâ v.intr.
(pa-ssâ)
Lâ par un puest o traviers di un o plui elements cence fermâsi, o ancje in sens gjeneric o cuntune relazion spaziâl che no je traviers, ma dongje, parsore, in bande e v.i.
esemplis
"e viôt e e sint a passâ par aiar i aeroplans. E sint a dî che a bombardin di sgrisulâsi"
gjavât fûr di "Storie di Vera" di Ivano Urli
"Pieri al montà su di un bus che al passave par li"
gjavât fûr di "Tal ospedâl" di Amedeo Giacomini
"a passavin autos che a menavin int in place, tai cafês, in glesie pe Messe"
gjavât fûr di "Vivi a Codroip" di Agnul di Spere
passâ v.intr.
(pa-ssâ)
Lâ intun puest par pôc timp prime di tornâ a lâ vie
sinonims
fâ un salt
esemplis
"Mine, prin di lâ in glesie, e passave in bancje"
gjavât fûr di "Il sium di Lissandri" di Franca Mainardis
""O ai viodude la femine dal Girlando: je passade in Preture par firmâ il ricognossiment dal so quondam""
gjavât fûr di "Ah! la provincie" di Sandri Di Suald
passâ v.intr.
(pa-ssâ)
Lâ indenant rispiet a une dificoltât, un ostacul, un esam e v.i. (fig.)
esemplis
"l'acuardi al jere che ducj i partîts a varessin presentât un sôl candidât comun, che al sarès automatichementri passât cul 100% dai vôts"
gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"Ricut al à dodis agns e nol è ancjemò passât di prime"
gjavât fûr di "Lis predicjis dal muini" di Josef Marchet
passâ v.intr.
(pa-ssâ)
[TS] (zûcs) Intai zûcs di cjartis, fâ di mancul di zuiâ la sô man
passâ v.intr.
(pa-ssâ)
Mudâ posizion, lâ di un puest, une cundizion, une compagnie e v.i. a une altre (ancje fig.)
sinonims
lâ
esemplis
"[Di Cjaurià] di sostignidôr de Dc tai agns 80 al jere passât cul Pci"
gjavât fûr di "Memoriis di politiche linguistiche" di Adrian Cescje
" i todescs, passâts di aleâts a nemîs, a copavin ducj chei che a cjatavin o ju depuartavin in Gjermanie"
gjavât fûr di "Faliscjis" di Cristina Noacco
passâ v.intr.
(pa-ssâ)
Jessi considerât intune cierte maniere
esemplis
"Milio Vuaraç al jere za anzian cuant che il Fassio, cuntune firme, lu fasè passâ par volontari e lu spedì a Rodi"
gjavât fûr di "I furlans e il mâr" di Riedo Pup
"in cierts moments, il vêr, si pues dîlu dome se al passe par matetât, tant di cjapâlu in ridi"
gjavât fûr di "Cjase di Dalban" di Maria Forte
"o sin rivâts al pont che si passe par stupits o par mats o par bausârs se no si fasisi paiâ su la brucje un plasê, un servizi"
gjavât fûr di "Lis predicjis dal muini" di Josef Marchet
passâ v.intr.
(pa-ssâ)
Mudâ di proprietât dilunc dal timp (ancje fig.)
esemplis
"la filande di Çampâr [...] agns daspò e passà a Josef Zanon, che al veve vierte une seconde filande, e plui tart al fi so Antoni"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"«Tenle cont… [une monede antighe]» i veve dit. «Al è un ricuart di famee, al è passât di man in man cuissà di cetantis gjenerazions […]»"
gjavât fûr di "Chei di Muraie" di Pieri Menis
passâ v.intr.
(pa-ssâ)
Di timp, no jessi plui tal presint
esemplis
"a jerin passâts doi mês da la ultime volte che Nardon al veve fevelât cun Vigjute"
gjavât fûr di "Nardon e Vigjute di Nani" di Pieri Somede dai Marcs
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
gjavât fûr di "Meni Fari" di Luigi Gortani
passâ v.intr.
(pa-ssâ)
Cessâ di lâ indevant, di esisti
sinonims
cessâ, finî, sparî, lâ vie
esemplis
"mi jere passade la voie di zuiâ"
gjavât fûr di "Il dolfin" di Carlo Sgorlon
"a Tunina a i era vignût un pô di matetât e che al coventava spetâ che a i fos passada"
gjavât fûr di "Li Anzuliti" di Novella Cantarutti
"lu viodeve come vuarît di un mâl, la muse no plui ingropade, i voi une altre volte lusorôs, insome il piês al someave passât par simpri"
gjavât fûr di "Par stradis lungjis" di Alan Brusini
passâ v.intr.
(pa-ssâ)
Murî
sinonims
lâ, murî, spirâ
esemplis
"la bisnone è passade in un suspîr"
gjavât fûr di "La Ave" di Ercole Carletti
passâ v.intr.
(pa-ssâ)
Jessi sopuartât, perdonât
esemplis
"[Nino, l'om di Vera] dopo zuiât si pierdeve vie cui amîs de scuadre tornant dongje a straoris. Passe une volte, passin dôs, la tierce Vera lu clame adoremus"
gjavât fûr di "Veruska" di Ivano Urli
passâ v.tr.
(pa-ssâ)
Traviersâ, superâ, lassâ indaûr e v.i. (ancje fig.)
sinonims
lassâ, lassâ indaûr, superâ, traviersâ
esemplis
"a Chiasso no si viodè doganîrs, ni talians ni svuizars. Passât Chiasso, il tren aromai al coreve a lunc tal scûr"
gjavât fûr di "In viaç di domenie" di Agnul di Spere
"[un forest par lâ di Udin in "Jugoslavie"] al passe la Tor, Remanzâs, la ferade e al rive a Cividât"
gjavât fûr di "No impaçâsi" di Riedo Pup
"il Benevento al vinç e al passe l’Udin in classifiche"
gjavât fûr di "Udinese – Benevento 0-2" di Marc Stolf
passâ v.tr.
(pa-ssâ)
Rivâ o jessi là di là, parsore, superiôr e v.i. (ancje fig.)
sinonims
superâ
esemplis
" i vâs a vignivin cuets intun ambient ridutôr (vâl a dî cun pôc ossigjen) a temperaduris che no passavin i 700 grâts"
gjavât fûr di "La preistorie in Friûl" di Andrea Pessina, Gaetano Vinciguerra
"un “export” che al passe i sîscent milions di euros ad an"
gjavât fûr di "Dal setôr dal len un dramatic chivalì" di Redazion il Diari
passâ v.tr.
(pa-ssâ)
Movi o fâ movi a traviers, dentri o intune altre relazion spaziâl
sinonims
meti
esemplis
"il presonîr al mangjave une volte in dì di un plat che nus passavin a traviers i gatars de puarte"
gjavât fûr di "Storie di Min" di Ivano Urli
passâ v.tr.
(pa-ssâ)
Fâ lâ di une posizion, cundizion, funzion, di un sisteme e v.i. a di une altre o fâ rivâ a une cierte posizion, cundizion e v.i.
sinonims
meti
esemplis
"il plevan Vuarint [...] al vignì gjavât di Glemone e passât cjaluni a Cividât"
gjavât fûr di "Gran Dio benedite l' Italia" di Riedo Pup
"il furlan al à une scriture convenzionâl [...] che le àn passade a leç politics di diviersis crodincis politichis"
gjavât fûr di "Presentazion DOF piçul" di Zorç Cadorin
passâ v.tr.
(pa-ssâ)
Fâ vê
sinonims
dâ
esemplis
"i secjave che il predi nol lavoràs, e i rincresseve di passâi il cuartês"
gjavât fûr di "I furlans e i predis" di Riedo Pup
"Vignesie e rispuindè che [...] al plui e varès lassât al patriarcje il guvier temporâl di Sant Vît e di Sant Denêl e i varès passâts, come indenitât, trê mil ducâts ad an"
gjavât fûr di "Cuintristorie dal Friûl fin sot la Italie" di Josef Marchet
"une lenghe duncje no pues jessi considerade dome un imprest par passâ informazions"
gjavât fûr di "Pseudopragmatisim linguistic" di Sandri Carrozzo
passâ v.tr.
(pa-ssâ)
Fâ fevelâ cun cdn., meti in comunicazion
esemplis
"la sô assistente mi passe par telefon propit Sandra Pizzolitto Pupatello"
gjavât fûr di "Interviste a Sandra Pizzolitto Pupatello" di Christian Romanin
passâ v.tr.
(pa-ssâ)
Rivâ a frontâ cun sucès une prove, une dificoltât, un ostacul e v.i. (fig.)
sinonims
superâ
esemplis
"par rivâi [aes gnovis leçs di tutele dal furlan e dal solven] si à vût di passâ cuntun sfuarç no di pôc ducj i pidiments fats indenant massime di cierts rapresentants politics e sindicâi"
gjavât fûr di "Pai dirits linguistics in Friûl - Vignesie Julie 2008-2013" di Comitât 482
"passâ un esam di abilitazion par jentrâ intune tabele professionâl"
gjavât fûr di "Memoriis di politiche linguistiche" di Adrian Cescje
passâ v.tr.
(pa-ssâ)
Stâ intune cierte maniere par une cierte dade di timp o intune cierte situazion
sinonims
fâ, stâ, lâ
esemplis
"al jere zovin, e al veve gust di passâ cualchi ore di libertât la sere"
gjavât fûr di "Orazions" di Meni Ucel
"i siôrs a passavin lis lôr vacancis in culine là che a vevin cjistiei e coloniis cun vignâi e zardins, cun boscs e roiuçs"
gjavât fûr di "I furlans e lis feriis" di Riedo Pup
passâ v.tr.
(pa-ssâ)
[CO] (gastr.) Fâ lâ par un tamês o tratâ cuntun imprest di cusine par fâ vê une consistence fine e vualive
esemplis
"bulî lis patatis, passâlis e messedâ cun farine, ûfs e sâl"
gjavât fûr di "Jerbis salvadiis inte cusine furlane" di Giorgio Pascoli
passâ v.tr.
(pa-ssâ)
[CO] (gastr.) Someti a un cualchi tratament che al compuarte une azion svelte, cun moviment e contat
esemplis
"passâ la cjar in padiele"
"fâ a daduts un pet di poleç e passâju te farine"
gjavât fûr di "Cusine etniche, parinte strete de cusine furlane" di Margherita Timeus
passâ v.tr.
(pa-ssâ)
Movi mantignint il contat
sinonims
freâ, sfreâ, freolâ, sfreolâ
esemplis
"cun man lizere, e scomençà a netâlu: i passave il peçotut su lis feridis"
gjavât fûr di "Il muc" di Roberto Ongaro
passâ v.tr.
(pa-ssâ)
Someti a un cualchi tratament
esemplis
"passâ un test cul coretôr"
passâ v.tr.
(pa-ssâ)
Someti ae atenzion par cjatâ ce che al interesse
sinonims
cjalâ, spulzinâ, lei
esemplis
"al passave cul dêt ogni non, par sigurâsi di no dismenteâ nuie"
gjavât fûr di "Il Bide di Miot" di Maria Forte
"o vin provât a passâ cun calme dute la sfilze dai manifescj che a forin publicâts an par an, cun decrets e proviodiments dal guvier"
gjavât fûr di "Cuintristorie dal Friûl fin sot la Italie" di Josef Marchet
detulis
"a Sant Benedet la cisile e passe sot il tet, passe no passe, il frêt nus lasse"
"a volê trai il ves plui grant de buse o che il ves nol passe o che la buse si sprece"
"al è passât il timp che a colave la mane"
"al è passât il timp di lâ a moris"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"ce che al passe al ingrasse"
"cuant che a passin i codons, i uciei a finissin"
"cui che al vûl cjapâ ducj i uciei che a passin no 'nt cjape nissun"
"dal dâ al vê e passe une biele diference"
"dal dit al fat al passe un grant trat"
"Diu mieze zornade le passe a fâlis, e chê altre mieze a dâlis"
"dulà che si passe la etât biele ogni piere a fevele"
"dut al passe fûr che il mani dal furducjin"
"i è passade ancje a Napoleon che al veve i spirons di aur"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"i passarà se i è passade ancje a napoleon che al veve i spirons di aur"
"i vedui il prin dì a vain, il secont se passin, il tierç se ridin"
"il timp al passe e la muart e ven"
"il timp al passe e no si po fermâlu"
"joibe stade, setemane passade"
"miôr passâ par stupits che par masse svelts"
"misdì di vile o che al passe o che nol rive"
"ogni an al passe un an"
"ogni dì e passe chê zornade"
"passade la cincuantine a 'nd è une ogni matine"
"passade la cjoche si sint la bote"
"passade la doie, tornade la voie"
"passade la trentine a van in vuaìne"
"passât il glotidôr, passât ogni savôr"
"passât il trenteun no lis vûl plui nissun"
"passât il volt di Clement, nissun no ti à iniment"
"passâts i sessante agns si torne fruts"
"passe un, passe cent"
"prin di Nadâl il frêt nol è rivât, daspò Nadâl il frêt al è passât"
"Sant Gregori pape la cisile a passe la aghe, passâ o no passâ e je ore di arâ"
"se no passe, metii un stec a la volte"
"un bon avocat al fâs passâ par cjan ancje il gjat"
"voltât il cjanton, passade la passion"
torne sù
torne sù