Tu âs cirût la peraule
bilengâl monolengâl
Tu âs cirût la peraule
strisciare
torne indaûr

bilengâl

strisciare v.intr., v.tr.
  • 1a

    v.intr. strissâ Copie

    [AD] (movisi sbrissant su di une superficie)
    una biscia strisciava fra l'erba = un madrac al strissave te jerbe
  • 1b

    v.intr. cjaminâ, strissâ Copie

    [AD] (di plante, slungjâsi par tiere)
    quella qualità di edera striscia = chê cualitât di elare e strisse oppure e cjamine par tiere
  • 2a

    v.intr. radâ Copie

    [AD] (passâ dilunc di une superficie)
    ci sono dei lavori, per passare si deve strisciare contro il muro = a son lavôrs, par passâ si à di radâ il mûr
  • 2b

    v.intr. sfrissâ, gratâ, strissâ Copie

    [AD] (di veicul, passâ cuintri alc)
    la macchina ha strisciato contro il palo = la machine è à strissât oppure gratât cuintri dal pâl
  • 2c

    v.intr. strissâ Copie

    [TS] milit. (dit di tîr di canon, rasintâ la face di une opare fortificade)
  • 3

    v.intr.

    [CO] (lustrâ, adulâ, umiliâsi par fâ plasê a cdn.)
    striscerebbe ai piedi di chiunque per fare carriera = i lecarès i pîts a cualsisei par fâ cariere oppure al strissinarès la panze par fâ cariere
  • 4

    v.tr. strissinâ Copie

    [CO] (movi cence tirâ sù)
    non strisciare le scarpe per terra = no stâ a strissinâ lis scarpis par tiere
  • 5

    v.intr. sfrissâ, sgriâ Copie

    [CO] (fâ riis o sgrifs)
    ha strisciato la macchina contro il muretto = al à sfrissade la machine cuintri dal muret

monolengâl

strissinâ v.tr.
(stri-ssi-nâ)
Cambiâ di puest alc cence tirâlu sù di tiere
esemplis
"a lerin jù tal lavio a cjoli i claps, ju strissinarin ca pal troi cu lis leandis di blaudinarie, intun grum"
gjavât fûr di "La aghe da pît la cleve" di Dino Virgili
"lu strissinin [il cjaval muart], pe strade plene di polvar, fin tal curtîl dal becjâr"
gjavât fûr di "La cavalarice" di Pieri Somede dai Marcs
Viôt ancje: strassinâ, strissjinâ, strassjinâ, trassinâ, trassjinâ
strissinâ v.intr.
(stri-ssi-nâ)
Tocjâ par tiere
esemplis
"chei bregons a zampa che a levin di mode e che a strissinavin fin par tiere"
gjavât fûr di "Joe Tex e Joe Cocker" di Checo Tam
strissinâ v.tr.
(stri-ssi-nâ)
Movi o puartâ vie cun fuarce o ancje cun violence
esemplis
"come une furie al cjape di gnûf Meni pal stomi, lu strissine e lu bute fûr de puarte"
gjavât fûr di "Vilie di Nadâl" di Pieri Somede dai Marcs
"[i fassiscj] a tornarin fûr strissinant mestri Checo che al cirive di dî lis sôs resons e che si cjapave une manganelade pe schene ogni volte che al vierzeve bocje"
gjavât fûr di "Cretevierte" di Roberto Ongaro
strissinâ v.tr.
(stri-ssi-nâ)
Rivâ a convinci, fâ che cdn. al fasi une cierte robe ancje se bessôl no le fasarès (fig.)
sinonims
indusi, sburtâ
esemplis
"cun Pieri, un tai daûr chel altri e o soi rivât parfin a strissinâlu a cene al Valmontane"
gjavât fûr di "I forescj" di Alan Brusini, Gian Paolo Linda
""Al à peraulis che a strissinin…""
gjavât fûr di "Vieri e gnûf" di Pieri Piçul
strissinâ v.tr.
(stri-ssi-nâ)
Tirâ alc in lunc, davuelzilu intun timp che nol finìs mai (fig.)
sinonims
distirâle, slumbriâle, slungjâle, tirâle in lunc
esemplis
""Viôt di stâ sù president fin che tu âs finide cheste vore. Slumbriile, strissinile, fâs ce che tu vûs, ma no stâ jessî di sene fin che la comission no ti à consegnadis lis sôs soluzions""
gjavât fûr di "Memoriis di politiche linguistiche" di Adrian Cescje
"mi someave scuasit che al strissinàs la conte par stratignîmi plui a lunc"
gjavât fûr di "Il dolfin" di Carlo Sgorlon
strissinâ v.tr.
(stri-ssi-nâ)
Fâ alc cun fadie, cun dificoltât e v.i. (fig.)
esemplis
"sclagns e simpri plui dirocâts, o strissinìn la zornade lavorant"
gjavât fûr di "Storie di Min" di Ivano Urli
"la Pasca strissinava la vita lavorant cuant che podeva, e cirint la caritât cuant che no gji jera pussibil di vodegnâ cul so sudôr onorât"
gjavât fûr di "Il me paîs" di Federigo Comelli
strissinâ v.tr.
(stri-ssi-nâ)
Pronunziâ slungjant i suns (fig.)
esemplis
"si sintivin lis preieris strambidis di Agnul Falon e chês di Carli Moscjit che al strissinave i “Amen” plui a lunc di chei altris"
gjavât fûr di "Cjase di Dalban" di Maria Forte
"i lu scoltavi che al fevelava strassinant li peravali cu la anda navarunsina ridusuda come una cantilena lungja"
gjavât fûr di "Un pitour par me" di Novella Cantarutti
detulis
"il diaul une volte al puartave e cumò che al è vieli al strissine"
"se la crôs no si vûl che e pesi, si à di puartâle e no di strissinâle"
torne sù
torne sù