Hai cercato la parola
bilingue monolingue
Hai cercato la parola
strofinata
Torna indietro

bilingue

strofinata
  • 1

    s.f. passade, freade, sfreolade, freolade, sfreade Copia

    [CO] (il passâ freolant, massime a la svelte)
    dare una strofinata alle posate d'argento = dâ une freolade aes possadis di arint

monolingue

passade s.f.
(pa-ssa-de)
Il lâ svelt e par pôc par un puest
sinonimi
passaç
esempi
"a partî da la ultime passade dai Ongjars (951), fintremai cuant che al rivà chenti Grivôr di Montlungje (1252), a guviernarin il Friûl disesiet o disevot patriarcjis [...] ducj todescs"
da "Cuintristorie dal Friûl fin sot la Italie" di Josef Marchet
"i compits, une passade tal ort a viodi se dut al è a puest e vie a mateâ cul motorin"
da "Tornade al futûr" di Bete di Spere
passade s.f.
(pa-ssa-de)
Azion di passâ alc, soredut la man o un imprest, suntune superficie
esempi
"e davin une passade cul pietin ai cjavei par vê une onde che e ciapàs dut il cjâf"
da "Lis trê Cristinis" di Gjovanin Falescjin
"a chê cjamese i coventarès une passade di fier di sopressâ"
passade s.f.
(pa-ssa-de)
Il fâ passâ une sostance traviers di alc, soredut traviers di un tamês o sim.
passade s.f.
(pa-ssa-de)
Il cjalâ, il lei, il studiâ, il cirî alc, il controlâ e v.i. avonde a la svelte
sinonimi
cjalade, cucade, voglade, lumade, olmade, vualmade, cuc, lete
esempi
"nô culì o tornìn a dâur une passade [aes pagjinis di Ippolito Nievo] cuntun pinsîr di braùre pal Friûl"
da "Friuli, piccolo compendio dell'universo" di Dino Virgili
"dant une passade ai prins numars di "Friuli nel Mondo", nus è capitât di vê sot man, tal numar di Setembar dal 1963, une biele conte di pre Bepo Marchet"
da "Cuant che pre Bepo Marchet al decidè di lâ predi" di Eddi Bortolussi
passade s.f.
(pa-ssa-de)
Azion svelte di passâ in cualsisei acezion
esempi
"dôs fueis di lidric, une passade di Rosari e po sù “a slofen”"
da "Cjase di Dalban" di Maria Forte
passade s.f.
(pa-ssa-de)
Frase svelte, soredut di critiche, di ironie, di provocazion, di scherç e sim.
sinonimi
botonade, pontade, batude
passade s.f.
(pa-ssa-de)
Viertidure che e permet di passâ jenfri lis cisis
sinonimi
passaç, passadôr
passade s.f.
(pa-ssa-de)
[TS] (venat.) Rêt dople par cjapâ i uciei, li che la rêt daûr e à maiis une vore largjin, in maniere che la prime rêt plui fisse, li che al va a svolâ l'uciel, si impiri dentri e e formi come un sac
esempi
"e àn cjapât une trentine di moratulis tes passadis"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
passade s.f.
(pa-ssa-de)
Il murî, il moment che si mûr
esempi
"nome il respîr lizêr che al vignive fûr dai lavris turchins al dave a capî che la passade no jere lontane"
da "Sul agâr" di Pieri Menis
"Eme, di fat, dopo la passade dal Nono, e fevelave dai reams paurôs de muart come che a fossin scuasit la uniche realtât dal mont"
da "Il dolfin" di Carlo Sgorlon
Torna in Cima
Torna in Cima