Tu âs cirût la peraule
bilengâl monolengâl
Tu âs cirût la peraule
studiare
torne indaûr

bilengâl

studiare v.tr.
  • 1

    v.tr. studiâ Copie

    [FO] (imparâ alc cul jutori di libris, lezions)
    devo studiare ancora duecento pagine di storia = o ai ancjemò di studiâ dusinte pagjinis di storie
    sta studiando musica = al è che al studie musiche

    v.tr. studiâ Copie

    (imparâ ad a ments un test)
    studiare una parte teatrale = studiâ une part di teatri

    v.tr. studiâ Copie

    (ancje ass.)
    vuole studiare ancora un po' = al vûl studiâ ancjemò un pôc
  • 2

    v.tr. studiâ Copie

    [FO] (ass., frecuentâ cun regolaritât un cors di studi)
    gli piace studiare = i plâs di studiâ
    studia per diventare medico = al studie par deventâ miedi
  • 3a

    v.tr. stazâ, studiâ Copie

    [FO] (considerâ cdn. o alc par fâsi une opinion)
    studiare una causa = studiâ une cause
    studiare una questione = studiâ une cuistion
  • 3b

    v.tr. pensâ, studiâ, cjatâ fûr Copie

    [FO] (cirî fûr)
    le studia tutte per non lavorare = lis pense dutis par no lavorâ
    studiare un piano nei dettagli = studiâ un plan in ducj i detais
  • 4

    v.tr. stazâ, misurâ, studiâ Copie

    [CO] (controlâ peraulis e moviments)
    studia bene le parole che dirai di fronte a lei = studie ben ce che tu disarâs di front di jê

locuzions

    studiare il terreno
  • studiâ il terenCopie
    [CO] (cirî di capî la situazion)
    studiare il terreno prima di agire = studiâ il teren prin di movisi

monolengâl

pensâ v.intr., v.tr.
(pen-sâ)
Doprâ la ment, sedi in assolût, sedi dedicant la atenzion a alc di specific
esemplis
"pensâ, pesâ, calcolâ, prin di fevelâ - a racomandavin i vecjos"
gjavât fûr di "I furlans e il fevelâ" di Riedo Pup
"Laurinç al pensave a chê dì, aes ultimis oris prin di partî. Al pensave cjalant fûr tal scûr, lis ultimis oris cun jê, e lis oris de sere prin. Lis pocjis oris cun jê: la sere, la gnot, la matine"
gjavât fûr di "In viaç di domenie" di Agnul di Spere
"chei che a tegnin dûr a pensâ la unitât di Mazzini o dal Manzoni [...] o dal Fas Litori, a àn reson di vê pôre e di fâ profeziis apocalitichis; il lôr idul al è dut carulât"
gjavât fûr di "Chê biade unitât" di Josef Marchet
pensâ v.intr.
(pen-sâ)
Ocupâsi di cdn. o di alc, badâi
sinonims
viodi, badâ, cjalâ, tignî cont, proviodi
esemplis
"il conformist cence ideis e interès, che al pense dome che a fâ bêçs"
gjavât fûr di "Tal ospedâl" di Amedeo Giacomini
""Ce ti interessial, pense ai tiei fats [...]""
gjavât fûr di "Ursule" di Pieri Somede dai Marcs
""Pense a fâ il to dovê, tu""
gjavât fûr di "Trê feminis" di Gianni Gregoricchio
pensâ v.tr.
(pen-sâ)
Vê une idee, une opinion, un progjet, une intenzion e v.i.
sinonims
calcolâ, considerâ
esemplis
"Cavedalis al pensave che, stant che lis fuarcis austriachis a jerin ancjemò in moviment, al sarès stât il câs di butâ un puint di barcjis sul flum, puartâsi su chê altre spuinde e tentâ une azion ofensive"
gjavât fûr di "Zuan Batiste Cavedalis - Une vite esemplâr" di Giovanni Pillinini
"i miei gjenitôrs a pensin che il lavôr e je la prime robe te vite"
gjavât fûr di "Sul florî" di AAVV
"al pensà di metisi di bessôl, di vierzi un "studi fotografic" "
gjavât fûr di "Il mâl dal mûr" di Lucio Perès
"vô lu vês simpri pensât un sant, ma sant nol jere!"
gjavât fûr di "La foghere" di Luciano Rocco
pensâ v.tr.
(pen-sâ)
Par moderâ une declarazion, fasint capî che e je dome une opinion personâl o une pussibilitât di confermâ
sinonims
crodi, calcolâ, scrupulâ
esemplis
""[...] cheste vore [la Storie de art in Friûl] puedie judâ i furlans a jessi cussients de lôr identitât?" "O pensi di sì, ancje par vie che si scuvierzin lis nestris lidrîs cu la lenghe dal popul. [...]""
gjavât fûr di "O ai scrit pal gno popul" di Erika Adami
detulis
"a pensâ mâl, no si fale mai"
"a pensâ mâl, tropis voltis si induvine"
"al devente ce che Diu al vûl e no ce che il diaul al pense"
"bisugne pensâ prin di dî e prin di fâ"
"bisugne pensâ prin, par no pintîsi daspò"
"cjacarâ cence pensâ al è come trai cence smicjâ"
"cui che al è plui in alt nol pense che al po colà"
"cui che al è usât a fâ il mâl, lu pense"
"cui che al è usât a fâlis, lis pense"
"cui che al fevele trop, al pense pôc"
"cui che al mormore al pense di vê reson"
"cui che lis pense lis fâs, cui che lis fâs lis pense"
"cui che lis pense, lis sa"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"fate la leç, pensade la malizie"
"fate la leç, pensât l'ingjan"
"intant che si pense ai fats dai altris, si dismentee i siei"
"mâl si fâs, mâl si pense"
"no je mai fate la leç che pensât nol sei l'ingjan"
"no si pense mai a dutis lis peraulis che si dîs"
"ognidun che al pensi par se"
"ognidun le pense a so mût"
"pense prin par no pintîti daspò"
"pense vuê par doman"
"prin di fâ e di dî bisugne pensâ ce che al po vignî"
"se Zenâr nol zenare e Fevrâr nol fevrare, Març mâl al fâs e mâl al pense"
torne sù
torne sù