Hai cercato la parola
bilingue monolingue
Hai cercato la parola
tale
Torna indietro

bilingue

tale , , ,
  • 1

    adi.dimostr. cussì, dal gjenar, di cheste fate, di chê fate, di chest gjenar Copia

    [FO] (par marcâ la indicazion dimostrative, ancje a voltis cun intindiment di disaprovazion)
    vuoi una maglia tale? = vuelistu une maie di cheste fate oppure dal gjenar?

    adi.dimostr. cussì, dal gjenar, di cheste fate, di chê fate Copia

    (che al à la nature o lis carateristichis che si son benzà ditis o che si è daûr a dî)
    di tali problemi non mi va di discutere ancora = di problemis cussì no mi va di discuti ancjemò

    adi.indef. ciert, tâl Copia

    [FO] (metût daûr di un articul al indiche une persone o une robe in mût indefinît)
    ha telefonato un tale Andrea = al à clamât un tâl oppure un ciert Dree

    adi.indef. chel, tâl Copia

    (metût daûr dai sostantîf, al lasse la indicazion indefinide)
    ci vediamo al posto tale, con la persona tale = si viodìn intal puest tâl cu la persone tâl oppure in chel puest cun chê persone

    pron.dimostr. chel, tâl Copia

    [FO] (metût daspò dal articul definît, cun valôr indicatîf al riclame une persone za nomenade)
    è stato qui il tale che aveva chiamato ieri = al è stât achì chel che al veve clamât îr

    pron.indef. un, tâl Copia

    [FO] (metût daspò dal articul indefinît al indiche une persone no cognossude o di fantasie)
    ho incontrato un tale che vendeva fiori = o ai cjatât un tâl oppure un che al vendeve rosis
    mi ha telefonato un tale per una consulenza = mi à telefonât un par une consulence
  • 2

    adi.indef.

    [FO] (metût daspò di 'quello' cun valôr intensîf al clame in cause une robe o une persone cognossude)
    ho comprato quella tal maglia che da tanto dicevo di voler comprare = o ai cjolt propit chê maie che di tant o disevi di cjoli

    adi.indef.

    (denant di 'quale' cun valôr atenuatîf)
    avevo una tal qual paura = o vevi une cierte pôre

    pron.indef.

    [FO] (metût daûr di 'quello' par indicâ cence dî il non une persone che si cognòs o za nomenade prin)
    è stato qui quel tale che aveva chiamato ieri = al è stât achì chel siôr che al veve clamât îr
  • 2a

    adi.dimostr. tâl, cussì grant, tant grant Copia

    [FO] (denant di 'che' o 'da' cun valôr consececutîf, al pant spec. grande fuarce, intensitât, gravitât e sim.)
    è di una simpatia tale, da non potergli resistere = al è di une tâl simpatie, di no podêi resisti

    adi.dimostr.

    (cun la elissi de consecutive, par marcâ la grandece di une robe, di une situazion o di un jessi)
    ho una tale sete = o ai une sêt di chês oppure o ai une sêt

    adi.dimostr.

    (in corelazion cun 'quale' spec. in funzion comparative)
    ho un tal sonno quale non ricordavo da anni = o ai une sium che une compagne no me visavi di agns incà
  • 2b

    adi.dimostr. tâl, tâl cuâl, tâl e cuâl Copia

    [FO] (in funzion corelative, par esprimi someance, identitât)
    tale è la madre, tale è la figlia = tâl e je la mari, tâl e je la fie
    tale mi è stata data, tale la consegno = tâl che le ai vude, tâl che te doi
  • 3

    adi.dimostr. chel, chest Copia

    [FO] (cun valôr dimostratîf, par riclamâ alc di za nomenât)
    finito tale libro voglio iniziare questo = finît chel libri o vuei scomençâ chest
    quando è arrivata tale telefonata ero lì = cuant che e je rivade cheste telefonade o jeri li

locuzioni

    a tale segno che
  • [BU] (vedi a tal punto che)
    • tale e quale
  • tâl e cuâl, spudât, precîsCopia
    [CO] (propit compagn)
    è tale e quale suo zio = al è precîs so barbe oppure so barbe spudât
  • tâl e cuâl, precîs, ni plui ni manculCopia
    [CO] (in chel mût, compagn)
    mi ha detto così, tale e quale = mi à dite cussì, tâl e cuâl
    • tale quale
  • [CO] (vedi tale e quale)

monolingue

chel adi.dim.
Simpri cun daspò il sostantîf che i si riferìs, al segne cdn. o alc lontan tal spazi o tal timp di cui che al fevele; al pues jessi infuarcît o specificât di averbis o locuzions che a van simpri dopo dal sostantîf indicât
esempi
"che mi disi, dulà menie chê puarte là?"
da "La rambe" di Fabian Ros
"viôt chê machine li in bande e resone, starlocj!"
da "Light my Fire" di Franco Marchetta
"viodêso chê cjase di contadin dongje il puint de Manganize?"
da "La brût" di Catarine Percude
Vedi anche: achel
chel adi.dim.
Soredut riferît a une part dal cuarp o a alc che si à intor, al pues vê valôr di possessîf di seconde o tierce persone
esempi
"cjo, jù chês mans, par cui mi âstu cjapade?"
da "Un pugn di moscjis" di Pieri Somede dai Marcs
"al jere di vuardie su chê alte e lungje montagne cun chês scarpis un fregul largjis e chel vistît che lu parave pôc dal aiar, voluçât però tune mantele"
da "Just, cence di" di Checo Tam
chel adi.dim.
Cun valôr enfatic, sedi par indicâ cdn. o alc di precîs che cdn. o alc di gjeneric o assolût, esemplâr e v.i.
esempi
"e dut par chê fete di polente"
da "I furlans e la blave" di Riedo Pup
"gnot e dì al fo in vore, Diu lu sa par cetant timp, a sbisiâ in chê benedete sachete, che come une risultive e continuave simpri a butâ"
da "Il solt dal Signôr" di Catarine Percude
"chel maledet di un timp nol vûl metisi a bon e intant ducj i lavôrs si ingrumin"
da "Resurezion a Pontinie" di Pieri Somede dai Marcs
""Di po, viôt di taponâti ben" "Sì, bon, nol è che al fasi chel frêt""
chel pron.dim.
Cdn. o alc o un pont, un concet e v.i. che al è a pene stât dit o che si è li li par dîlu
esempi
"la rudine sute no veve lassadis olmis, e chel al jere un ben"
da "Un piçul particolâr" di Fabian Ros
"tes stradis di fûr vie al dave une vôs al cjaval e chel al cresseve il pas cuntune batude nete tal cidin"
da "Il Bulo di Crodio" di Maria Forte
chel pron.dim.
Cdn. o alc lontan di cui che al fevele e di cui che al scolte
esempi
""Ce mont ise chê?" "Chel al è il Curanan" "
"Cui isal chel che al jere cun te? Cui isal chel che o jeris insiemi sul gno cesâr?"
da "Beput" di Meni Ucel
chel pron.dim.
In secuence cuntune relative, al pues indicâ une persone o une robe in gjenerâl, cence un rapuart di lontanance specific cun cui che al fevele e cun cui che al scolte
sinonimi
cui
esempi
"Jacum, ogni joibe, nol bandonave Udin e chel che al veve bisugne de sô marcjanzie al saveve indulà cjatâlu"
da "Il mierli" di Angelo Covazzi
chel pron.dim.
In funzion di predicât nominâl, la stesse robe o persone di prime, cun chês stessis carateristichis di prime
sinonimi
l'istès, compagn
esempi
"a Breçà il parc nol è plui chel: i cjastinârs, i laris, i teis, i faiârs a son srarîts"
da "Vigji Brusin" di Riedo Pup
chel pron.dim.
In costruzions partitivis, cun adietîfs o locuzions adietivâls, al pues ancje indicâ alc di sotintindût o clâr par vie dal contest
esempi
"cjocolate di chê nere"
"puartinus une butilie di chel bon"
"un tango di chei che ti cjapin il cûr, une di chês musichis che ti segnin come une sgrifade"
da "Milonghe" di Antescûr
chel adi., pron.
In corelazion o cuintriposizion, sedi ripetût che alternât cun altris dimostratîfs, in particolâ chun "chest"
esempi
"o chest pierçul o chel o chel altri, tu puedis cjoli ce che tu vuelis, a son ducj madûrs"
chel adi.dim., pron.dim.
Si dopre di preference, tal puest dal articul definît, devant di "altri"
esempi
"di une bande al viodeve la cassefuart, di chê altre une puarte"
da "La rambe" di Fabian Ros
"lis grandis oparis a son simpri un afaron di beçons là che pôcs a mangjin, cence preocupâsi des consecuencis te vite di chei altris"
da "Cuintristorie dal Nûfcent 2000-2010" di Angelo Floramo
proverbi
"al pâr che la sô crôs a sedi la plui grande ma se si cjale chê di chei altris si torne a cjoli sù la sô"
Torna in Cima
Torna in Cima