Hai cercato la parola
bilingue monolingue
Hai cercato la parola
tale
Torna indietro

bilingue

tale , , ,
  • 1

    adi.dimostr. cussì, dal gjenar, di cheste fate, di chê fate, di chest gjenar Copia

    [FO] (par marcâ la indicazion dimostrative, ancje a voltis cun intindiment di disaprovazion)
    vuoi una maglia tale? = vuelistu une maie di cheste fate oppure dal gjenar?

    adi.dimostr. cussì, dal gjenar, di cheste fate, di chê fate Copia

    (che al à la nature o lis carateristichis che si son benzà ditis o che si è daûr a dî)
    di tali problemi non mi va di discutere ancora = di problemis cussì no mi va di discuti ancjemò

    adi.indef. ciert, tâl Copia

    [FO] (metût daûr di un articul al indiche une persone o une robe in mût indefinît)
    ha telefonato un tale Andrea = al à clamât un tâl oppure un ciert Dree

    adi.indef. chel, tâl Copia

    (metût daûr dai sostantîf, al lasse la indicazion indefinide)
    ci vediamo al posto tale, con la persona tale = si viodìn intal puest tâl cu la persone tâl oppure in chel puest cun chê persone

    pron.dimostr. chel, tâl Copia

    [FO] (metût daspò dal articul definît, cun valôr indicatîf al riclame une persone za nomenade)
    è stato qui il tale che aveva chiamato ieri = al è stât achì chel che al veve clamât îr

    pron.indef. un, tâl Copia

    [FO] (metût daspò dal articul indefinît al indiche une persone no cognossude o di fantasie)
    ho incontrato un tale che vendeva fiori = o ai cjatât un tâl oppure un che al vendeve rosis
    mi ha telefonato un tale per una consulenza = mi à telefonât un par une consulence
  • 2

    adi.indef.

    [FO] (metût daspò di 'quello' cun valôr intensîf al clame in cause une robe o une persone cognossude)
    ho comprato quella tal maglia che da tanto dicevo di voler comprare = o ai cjolt propit chê maie che di tant o disevi di cjoli

    adi.indef.

    (denant di 'quale' cun valôr atenuatîf)
    avevo una tal qual paura = o vevi une cierte pôre

    pron.indef.

    [FO] (metût daûr di 'quello' par indicâ cence dî il non une persone che si cognòs o za nomenade prin)
    è stato qui quel tale che aveva chiamato ieri = al è stât achì chel siôr che al veve clamât îr
  • 2a

    adi.dimostr. tâl, cussì grant, tant grant Copia

    [FO] (denant di 'che' o 'da' cun valôr consececutîf, al pant spec. grande fuarce, intensitât, gravitât e sim.)
    è di una simpatia tale, da non potergli resistere = al è di une tâl simpatie, di no podêi resisti

    adi.dimostr.

    (cun la elissi de consecutive, par marcâ la grandece di une robe, di une situazion o di un jessi)
    ho una tale sete = o ai une sêt di chês oppure o ai une sêt

    adi.dimostr.

    (in corelazion cun 'quale' spec. in funzion comparative)
    ho un tal sonno quale non ricordavo da anni = o ai une sium che une compagne no me visavi di agns incà
  • 2b

    adi.dimostr. tâl, tâl cuâl, tâl e cuâl Copia

    [FO] (in funzion corelative, par esprimi someance, identitât)
    tale è la madre, tale è la figlia = tâl e je la mari, tâl e je la fie
    tale mi è stata data, tale la consegno = tâl che le ai vude, tâl che te doi
  • 3

    adi.dimostr. chel, chest Copia

    [FO] (cun valôr dimostratîf, par riclamâ alc di za nomenât)
    finito tale libro voglio iniziare questo = finît chel libri o vuei scomençâ chest
    quando è arrivata tale telefonata ero lì = cuant che e je rivade cheste telefonade o jeri li

locuzioni

    a tale segno che
  • [BU] (vedi a tal punto che)
    • tale e quale
  • tâl e cuâl, spudât, precîsCopia
    [CO] (propit compagn)
    è tale e quale suo zio = al è precîs so barbe oppure so barbe spudât
  • tâl e cuâl, precîs, ni plui ni manculCopia
    [CO] (in chel mût, compagn)
    mi ha detto così, tale e quale = mi à dite cussì, tâl e cuâl
    • tale quale
  • [CO] (vedi tale e quale)

monolingue

tâl adi.dim.
Fat in chel mût, che si intint dal contest o che al pues jessi sotintindût
sinonimi
di chê sorte, cussì
esempi
"fâ in maniere che une tâl situazion e vegni cambiade"
da "No sin contents!" di Josef Marchet
"nol podeve imagjinâ che i sarès tocjade une tâl"
da "Il muc" di Roberto Ongaro
"par che il boicotament al tachi a condizionâ une aziende al baste che lis venditis a calin dal 2-5%, ma une tâl riduzion e domande un impegn organizatîf fuarton"
da "Guide par un consum just e solidâl" di Buteghe dal Mont, Luche Nazzi
tâl adi.dim.
In corelazion cun costruzions consecutivis, al pant spec. grande fuarce, intensitât, gravitât e sim.
sinonimi
cussì grant, tant, tant grant
esempi
"mi à molât, a mut, un tâl scufiot te muse che mi cise ancjemò"
da "Sul florî" di AAVV
"la pesantece dai vincui militârs sul teritori furlan e je dal sigûr ben grande, tâl di comprometi ben e no mâl ogni progjet di ristruturazion economiche"
da "Memoriis di politiche linguistiche" di Adrian Cescje
"al cjapà un tâl spavent che i le in svierse il sanc"
da "Sot il puarti" di Pieri Menis
tâl adi.dim.
In corelazions, par esprimi someance, identitât
esempi
"tâl le ai sintude e tâl le conti"
tâl adi.indef.
Par dâ un sens di indeterminazion nomenâ o indicâ alc o cdn.
sinonimi
ciert
esempi
"in sumis, par fâle curte, chel lunis i rivai cuasi a puartâmi a cjase une tâl Made, fie di un dirigjent dal setour BF4R, o alc dal gjenar"
da "Kebar krossè" di Stiefin Morat
"l'è lât a trai a lodulis cul çus, / cu la buine intenzion chê sere istesse / di lâ a mangiâlis cun chê tâl contesse"
da "Il cjaçadôr" di Pieri Çorut
tâl s.m.
Persone che no si sa o che no si vûl definî di precîs
esempi
"adun cul poliziot al jere un tâl, in borghês, lunc e sec. Nol tignì a ments il non, ma dome il fat che al jere comissari de brigade criminâl"
da "Un piçul particolâr" di Fabian Ros
"Min al veve cognossût un tâl di Cussignà e la prime gnot a Verone sot de Pontificie lôr doi si fevelavin cuiets par furlan"
da "Storie di Min" di Ivano Urli
"ca si conte il pecjât no il pecjatôr / e no si dîs se è Luzie o se è Catine / une tâl che va in place la matine"
da "La spindidorie" di Pieri Çorut
proverbi
"tâl il pari, tâl il fi"
"tâl il pastôr, tâl il maiôr"
"tâl la mari e tâl la fie"
"tâl le ai dite, tâl e je stade"
"tâl si fâs, tâl si spiete"
"tâl si vîf, tâl si mûr"
"tâl tu sês, tal tu âs"
Torna in Cima
Torna in Cima