Tu âs cirût la peraule
bilengâl monolengâl
Tu âs cirût la peraule
tenore
torne indaûr

bilengâl

tenore s.m., s.m.inv.
  • 1a

    s.m. ande, tai, tenôr Copie

    [AU] (in gjenerâl, di une situazion, mût di lâ indenant)
    speriamo che la vicenda non proceda con questo tenore = sperìn che la robe no ledi indenant cun chest tai

    s.m. ande, tenôr Copie

    (di cdn., mût di fâ)
    con questo tenore non vai da nessuna parte = cun cheste ande no tu vâs di nissune bande
  • 1b

    s.m. tai, tenôr Copie

    [AU] (ton)
    il tenore della lettera è offensivo = il tai de letare al è di ofese
  • 2a

    s.m. tenôr Copie

    [TS] metal. (percentuâl di une sostance che e je intune soluzion o intune leghe)
  • 2b

    s.m. tenôr Copie

    [TS] mineral. (intune cerce di minerâl, percentuâl di presince di un element chimic)
  • 3a

    s.m. tenôr Copie

    [TS] mus. (intal cjant, la vôs masculine plui alte)

    s.m. tenôr Copie

    (cjantant che al à chê vôs)
  • 3b

    s.m.inv.

    [TS] st.mus. (cjale tenor)
  • 4

    s.m. tenôr Copie

    [TS] mus. (strument che al à une estension tant che chê dal tenôr, metût in funzion apositive)
    sassofono tenore = saxofon tenôr

locuzions

    tenore di vita
  • tenôr di vite, nivel di viteCopie
    [CO] (mût di vivi)
    un tenore di vita nella media = un tenôr di vite inte medie
  • tenôr di vite, nivel di viteCopie
    (nivel economic)
    il tenore di vita degli europei è cresciuto = il nivel di vite dai europeans al è cressût

monolengâl

tai s.m.
Il taiâ e il so risultât
sinonims
taiade
esemplis
"[lis viciniis] a decidevin cemût sfrutâ il teritori, cemût distribuî lis tieris comunis aes fameis, il gjenar di culturis, i timps di aradure e di seseladure. A controlavin il tai dai lens"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"un pît cuntun segn, un tai fat di piçul"
gjavât fûr di "Faliscjis" di Cristina Noacco
"la Parche cundun tai, / la mandarà a fâ tiare di bocâi"
gjavât fûr di "Pronostic del 1821" di Pieri Çorut
tai s.m.
Toc, cuantitât o estension di robe taiade
esemplis
"un tai di cjar di vidiel cuet intun pestât di cevole e, in câs, altris verduris, che dopo a vegnin passadis par fâ une salse"
gjavât fûr di "Frico un plat furlan cuntun non di origjin foreste" di Sandri Carrozzo
"Ta chel templi dal tiessût, imerzût tal cupeç e tal nulôr de bombasine e des lanis de Fuline, a jentrarin, cun sudizion, Guido e Nene. "Bundì, chei siôrs! Puedio servîju in alc?" "O varessin voie di viodi di un tai par une mude." e disè Nene"
gjavât fûr di "Cretevierte" di Roberto Ongaro
tai s.m.
Forme, figure, struture, proiezion e sim. che si somee cu la linie lassade di une lame che e taie
esemplis
"ancjemò gnot su lis cjasis: dome incà e inlà un tai di lûs jenfri i scûrs"
gjavât fûr di "La aghe da pît la cleve" di Dino Virgili
tai s.m.
Division nete e fonde (fig.)
esemplis
"propit in chest moment, inte gjestion de cooperative si pant un tai net cul passât"
gjavât fûr di "Un Friûl difarent: i 90 mhz di Onde Furlane" di Max Mauro
tai s.m.
Part di alc che e taie
esemplis
"tirada via da la muela la roncea [...] e provant il tai cul poleiâr, cjalava come distrat traviars il balcon de la cusina"
gjavât fûr di "Il me paîs" di Federigo Comelli
tai s.m.
Part strete di alc
esemplis
"mi buti in zenoglon e tiri un colp di tai cul fûr dal pît te sô gjambe"
gjavât fûr di "Ah! la provincie" di Sandri Di Suald
tai s.m.
[TS] (artes.) Ingjâf sul cjâf di une vît là che si ponte il menevîts
tai s.m.
Tecniche di taiâ i tocs di tiessût par fâ vistîts
esemplis
" fin che une sô compagne de scuele di tai, in pinsîr che e fos malade, no rivà [...] a viodi di jê"
gjavât fûr di "Trê feminis" di Gianni Gregoricchio
tai s.m.
Maniere che un vistît al è taiât e efiet che al fâs
sinonims
linie, stîl
esemplis
"magari a saran vistîts fats in cjase, cun chel tai perfet, cun chel gust sorefin, cun chê pieçamente di prime cualitât che si po spietâsi tun Gargagnà"
gjavât fûr di "Lis predicjis dal muini" di Josef Marchet
tai s.m.
Forme che a son taiâts i cjavei
sinonims
petenadure
esemplis
"mi plâs il tai di cjavei agns '30, une vore di mode a Leipzig jenfri i cultôrs dal folk apocalitic"
gjavât fûr di "La maree nere" di Checo Tam
"si meteviur sul cjâf une scudiele e i cjavei si ju tosave ator ator, daûr l'ôr de scudiele. Si diseve, di fat, che al jere un tai a scudiele"
gjavât fûr di "Sul florî" di AAVV
tai s.m.
Forme di alc in gjenerâl
sinonims
fate, linie
esemplis
"il tai de muse e il cuel di une sante [piturade] involuçade tun linzûl latisin"
gjavât fûr di "I arcs" di Maria Forte
"o olmavi lis piçulis grispis che i segnin il cjanton dai voi; il tai dai lavris ancjemò frescs"
gjavât fûr di "Trê feminis" di Gianni Gregoricchio
tai s.m.
Impostazion di un discors, di une opare, di un test e v.i. (fig.)
sinonims
ande, implant, ton
esemplis
"il tai che o ai dât ae mê ricercje nol permeteve di meti dentri dut chel che al è passât pes stanziis di Vie Volturno e di Plaçâl Cella dal 1980 incà"
gjavât fûr di "Un Friûl difarent: i 90 mhz di Onde Furlane" di Max Mauro
"la retoriche di pre Checo e veve un tai a ûs chê dai profetis de Biblie"
gjavât fûr di "Memoriis di politiche linguistiche" di Adrian Cescje
"poesiis di tai sociâl o esistenziâl"
gjavât fûr di "Visions di scoltâ. Ideis di furlan e di Friûl inte produzion musicâl contemporanie" di Marc Stolf
tai s.m.
[TS] (becj.) Ognidune des parts che si use taiâ une bestie macelade
esemplis
"par fâ un bon brût si doprin, par solit, tais di cjar avonde puars"
gjavât fûr di "E dopo il brût… i vanzums, une miniere di aur" di Margherita Timeus
tai s.m.
[TS] (enol.) Il messedâ dôs o plui cualitâts di vin par miorâ la gradazion alcoliche
tai s.m.
Tace di vin
sinonims
taiut, tace
esemplis
"si contentave di passâ la place e di lâ a bevisi un tai o un cafè coret"
gjavât fûr di "Pre Pitin" di Antoni Beline
"al le in ostarie a bevi un tai e a viodi a zuiâ di balis tal curtîl, poiât a un grant morâr"
gjavât fûr di "Prime di sere" di Carlo Sgorlon
tai s.m.
Eliminazion, riduzion o interuzion di alc
esemplis
"i tais tal belanç decidûts dal Guvier talian pal 2006 a àn puartât a sbassâ dal 40% i bêçs pe ferovie Udin – Cividât"
gjavât fûr di "Tais pe ferovie Udin - Cividât" di Redazion Radio Onde Furlane
"cu la fusion [des bancjis] al jere di spietâsi che e vignìs fûr une ristruturazion cun tant di tais. Si lu capive cuant che a àn mandât in pension prime de ore Bergnach e Petin"
gjavât fûr di "La rambe" di Fabian Ros
torne sù
torne sù