Tu âs cirût la peraule
bilengâl monolengâl
Tu âs cirût la peraule
territorio
torne indaûr

bilengâl

territorio s.m.
  • 1a

    s.m. teritori Copie

    [AU] (toc di teren une vore grant)

    s.m. teritori Copie

    (zone gjeografiche)
    territorio alpino = teritori alpin
    un territorio pianeggiante = un teritori plan
  • 1b

    s.m. teritori Copie

    [CO] (regjon gjeografiche cjalade tant che complès di risorsis fisichis e struturis economichis e sociâls)
    è necessario operare per lo sviluppo del territorio = si scuen lavorâ pal disvilup dal teritori

    s.m. teritori Copie

    (i contors a pet de citât)
    usciva dalla città in bicicletta a esplorare il territorio = e leve fûr de citât cu la biciclete par cognossi il teritori
  • 2a

    s.m. teritori Copie

    [AU] (zone sierade di un confin)
    uscire dal territorio nazionale = lâ fûr dal teritori dal stât

    s.m. teritori Copie

    (ancje tant che toponim, spec. cu la iniz. maiusc.)
    Territorio Antartico = Teritori Antartic
  • 2b

    s.m. teritori Copie

    [TS] dir. (element materiâl dal stât li che e je esercitade la ativitât di guvier)

    s.m. teritori Copie

    (in cualchi stât federâl, regjon sot aministrazion direte dal guvier federâl)
  • 3

    s.m. teritori Copie

    [TS] sport (intal baseball, cjamp di zûc)
  • 4

    s.m. teritori Copie

    [TS] embriol. (part dal embrion fate di plui celulis e delimitade di altris areis dongje su la base des proprietâts che ur tocjin)
  • 5

    s.m. teritori Copie

    [TS] etol. (zone di riproduzion, cove e alimentazion di un animâl o di un grup di animâi di une specie, che e je difindude cun segnâi acustics, visîfs e olfatîfs par che no 'ndi jentrin altris)

locuzions

    marcatura del territorio
  • marcjadure dai teritori, marcadure dal teritoriCopie
    [CO], [TS] etol. (delimitazion di un teritori di cjace o di riproduzion cun plui sistemis, daûr de specie)
    • politica del territorio
  • politiche dal teritoriCopie
    [CO], [TS] ecol. (politiche che e cîr di controlâ sul plan economic e sociâl e sul plan de struture formâl lis zonis urbanizadis e l'ambient li che si disvilupin)

monolengâl

teritori s.m.
(te-ri-to-ri)
Estension di tiere avonde grande, caraterizade di ciertis cundizions gjeografichis, antropichis, politichis, aministrativis e v.i.
sinonims
contrade, lûc, paîs, regjon, tiere, zone
esemplis
"tra l'Otubar dal 1944 e l'Avrîl dal ‘45 miârs di cosacs a son rivâts [...] par stanziâsi in Cjargne e ocupâ chel teritori, che ur jere stât prometût dai naziscj"
gjavât fûr di "Neveade" di Marisa Moretti
" la prime invistidure impuartante e fo chê dal imperadôr Oton I, che dal 967 al meteve tes mans dal patriarcje Rodoalt dut il teritori furlan tra la Stradalte e il mâr"
gjavât fûr di "Cuintristorie dal Friûl fin sot la Italie" di Josef Marchet
"il futûr dal vin furlan al è inte identificazion jenfri vin e teritori simpri plui strente"
gjavât fûr di "Storie curte de vît in Friûl" di Enrico Peterlunger
Viôt ancje: tiritori
teritori s.m.
(te-ri-to-ri)
Ambient li che a sucedin in concret i fenomens e dulà che si fasin in concret ciertis ativitâts, in oposizion cun ce che e je la teorie, la academie, la jerarchie politiche e v.i. (fig.)
esemplis
"nus interesse cjapâ sù i umôrs e lis tindincis sociâls, culturâls e artistichis che a rivin dal teritori e dâ ricet a chês vôs che par solit no àn acès al sisteme de informazion"
gjavât fûr di "Un Friûl difarent: i 90 mhz di Onde Furlane" di Max Mauro
"la direzion [dal partît] dal 1972 no si è organizade, e à trascurât il contat cul teritori"
gjavât fûr di "Memoriis di politiche linguistiche" di Adrian Cescje
teritori s.m.
(te-ri-to-ri)
[TS] (dir.) Spazi li che une istituzion e met in vore la sô sovranitât
esemplis
"il forest che si impedissii tal so paîs l'esercizi efetîf des libertâts democratichis garantidis de Costituzion taliane al à dirit di asîl tal teritori de Republiche"
gjavât fûr di "Nissun pericul dai forescj" di Guglielmo Pitzalis
teritori s.m.
(te-ri-to-ri)
[TS] (etol.) Zone di riproduzion, cove e alimentazion di un animâl o di un grup di animâi di une specie, che e je difindude cun segnâi acustics, visîfs e olfatîfs par che no 'ndi jentrin altris
esemplis
"i simpanzè a copin i lôr simii (agressivitât intraspecie) no par difese dal lôr teritori, ma in maniere intenzionâl, cemût che a fasin i umans intes vueris"
gjavât fûr di "Autonomie e democrazie, i numars de Socializazion umane" di Franc Fari, Eric Pascul
torne sù
torne sù