Hai cercato la parola
bilingue monolingue
Hai cercato la parola
tetragono
Torna indietro

bilingue

tetragono ,
  • 1c

    s.m. tetragon Copia

    [OB] (cubi o paralelepipet retangul)
  • 2

    adi. tetragon Copia

    [TS] (di fust o di altri orghin, slungjât cun cuatri spigui)
  • 3

    adi. cuadrât, cuadri Copia

    [LE] (fuart ma rigjit)

monolingue

cuadri s.m.
(cua-dri)
Figure cun cuatri angui compagns e cuatri lâts
sinonimi
cuadrât, cuadrilatar, retangul
cuadri s.m.
(cua-dri)
Sorte di façolet che si meteve tal cjâf tal costum di femine di une volte
sinonimi
cuadrel
cuadri s.m.
(cua-dri)
[CO] (zûcs) Intes cjartis francesis, un dai pâi, li che il motîf al è a losanghis rossis
esempi
"fâ colôr di cuadri"
cuadri s.m.
(cua-dri)
Piture, pal solit su tele, montade tune suaze di cuatri lâts
esempi
"stanziis che a vevin maraveis di cuadris, di sculturis, di mobii stîl Impero e Bidermeier, di tendis, di tapêts, l'orloi di mûr che al sunave lis oris"
da "Come tai romançs" di Alan Brusini
"Ghine e à viodût a svuedâ la cjamare ancje dai cuadris che a jerin sù pai mûrs, doi vecjos ritrats plens di polvar che a jerin stâts di un lôr antenât"
da "Il testament" di Pieri Menis
cuadri s.m.
(cua-dri)
Rapresentazion atente e significative di un sît, di une ete, di un popul e v.i. (fig.)
sinonimi
piture, ritrat
esempi
"tal 1963, Davide Maria Turoldo al zire il film “Gli ultimi”, cuadri realistic di un Friûl contadin une vore lontan de dimension bucoliche e idealizade che e faseve une vore comut ai sorestants politics"
da "Cuintristorie dal Nûfcent 1960-1970" di Angelo Floramo
cuadri s.f.
(cua-dri)
Sene, fat che al sucêt intun ciert puest (fig.)
esempi
"le veve lumade in chel viâl sui tacs alts che a batevin il marcjepît. Un cuadri elocuent, ma nol veve nissune reson di judicâle"
da "Un piçul particolâr" di Fabian Ros
cuadri s.m.
(cua-dri)
Persone particolâr, carateristiche, ancje strambe
esempi
"un cuadri di cjalâ chê baie foreste!"
da "Cjase di Dalban" di Maria Forte
"la puare frutate, sentade su la cjadree, cui pîts poiâts suntun scagnut, la muse imberlade, dute plete par vie de gobe, e jere deventade tal borc un cuadri familiâr di maluserie infinide"
da "Cui si jerial impaçât cun Modestute?" di Pieri Menis
"cjaliju li, ce cundizions che a van ator, ce cuadris!"
cuadri s.m.
(cua-dri)
Telâr fissât tal mûr, che al fâs di struture o di profîl a puartis o barcons
cuadri s.m.
(cua-dri)
Sorte di casse cun crics, botons e jevis di comant, dispositîfs di control di un aparât, di un sisteme e v.i.
sinonimi
panel
esempi
"al plan tiere dal fabricât des turbinis a son i gjeneradôrs eletrics diesel di emergjence (EDG) disfredâts cun aghe di mâr, come ancje i cuadris di comant des conessions e dai implants eletrics"
da "Il disastri de centrâl nucleâr di Fukushima Dai-ichi" di Alessandro Pascolini
cuadri s.m.
(cua-dri)
[TS] (burocr.) Bacheche o tabele pe esposizion al public di ats uficiâi
esempi
"dutis lis declarazions dai articui 3 e 4 ca parsore a son fatis publichis picjantlis tal cuadri pretori dal comun, par cuindis dîs seguitîfs"
da "Regolament dal Consei Comunâl dal Comun di Udin" di Aministrazion Publiche
cuadri s.m.
(cua-dri)
Complès di riferiment par une cierte dissipline o un ciert argoment e sim.
esempi
"se ben avonde articolât, ta chest setôr il cuadri normatîf al à garantît fin cumò une progressive presince de lenghe furlane inte Aministrazion Publiche"
da "Relazion dal Grup di lavôr “Planificazion linguistiche”" di Donato Toffoli
"o vin rivât a definî i obietîfs di une didatiche de lenghe furlane daûr dal Cuadri Comun di riferiment european pes lenghis "
da "Memoriis di politiche linguistiche" di Adrian Cescje
cuadri s.m.
(cua-dri)
Setôr che si cjape in considerazion
esempi
"il Friûl Orientâl al podarà sperâ che chestis aspirazions a vegnin sodisfatis plui facilmentri dentri di une Regjon furlane, che no dentri di une grande Regjon venite, che dal sigûr no otignarès un ordenament a part, tal cuadri des regjons talianis"
da "In cercje di democrazie" di Josef Marchet
cuadri s.m.
(cua-dri)
Cui che, intune organizazion jerarchiche, al è tune posizion a mieç jenfri la base e i sorestants
esempi
"al veve seguît un percors di studis avanzâts par chei timps ancje se suntun setôr di istruzion destinât ai cuadris di mieç e no ae classe dirigjente"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
cuadri adi.
(cua-dri)
Che al à cuatri angui compagns e cuatri lâts compagns, o compagns a doi a doi
sinonimi
cuadrât, cuadrangolâr, retangolâr
esempi
"Catine e passà il puarton dal cjistiel, sot de torate cuadre"
da "Trê feminis" di Gianni Gregoricchio
cuadri adi.
(cua-dri)
Di muse o part dal cuarp, che e à forme avonde largje e robuste, cun liniis marcadis
esempi
"la gramule cuadre, il nâs dret, i cjavei za un pêl sâl e pevar che i davin impuartance inmò di plui"
da "Il muc" di Roberto Ongaro
cuadri adi.
(cua-dri)
(metrol.) Di misure, che si dopre in dôs dimensions, par misurâ une superficie
sinonimi
in cuadri, par cuadri, cuadrât
esempi
"un apartament di 65 metris cuadris"
da "Un Friûl difarent: i 90 mhz di Onde Furlane" di Max Mauro
"un bosc di trê chilometris cuadris"
cuadri s.m.
(cua-dri)
[TS] (bot.) Jerbe di prât buine pai nemâi, lis sôs lidrîs si dopravin par fâ spacetis, lat. sient. Chrisopogon gryllus
Vedi anche: scuadri, scuari
proverbi
"cui che al nas cuadri al crepe taront"
Torna in Cima
Torna in Cima