Hai cercato la parola
bilingue monolingue
Hai cercato la parola
timore
Torna indietro

bilingue

timore
  • 1a

    s.m. pôre, ombre, timôr Copia

    [FO] (sintiment di ansime par un fat pericolôs, dolorôs, danôs e v.i. che al podarès sucedi)
    devi vincere i tuoi timori = tu âs di vinci lis tôs ombris
    il timore del compito = la pôre pal compit
    non ha nessun timore = nol à pôre di nuie
  • 1b

    s.m. pôre, scrupul Copia

    [FO] (preocupazion di fâ une robe che no plâs o che no pâr bon)
    avevo timore di spaventarti = o vevi pôre che tu ti spaurissis
  • 2

    s.m. sudizion, timôr Copia

    [FO] (sintiment di rispiet e sotanance)
    non ha timor di Dio = nol à nomine patris oppure nol à timôr di Diu
    provare timore verso la maestra = vê sudizion de mestre

monolingue

ombre s.f.
(om-bre)
Zone o part no iluminade de lûs
sinonimi
scûr, ombrene, ombrenûl, ombrie
esempi
"e tacà la rive ta la ombre frescje des cjasis, po, parsore, e tornà te batude direte dal soreli"
da "Cjase di Dalban" di Maria Forte
ombre s.f.
(om-bre)
Imagjin di un cuarp proietade in negatîf de lûs su di une superficie
sinonimi
ombrene
esempi
"il soreli al jere zaromai alt, i boscs no fasevin plui lis ombris lungjis sore i flancs de valade"
da "In Friûl, nossere" di Agnul di Spere
"lis ombris che ur cjaminavin da pâr, si scurtin a sbighet, si tirin sot lis ruedis cjochis di zirâ"
da "La aghe da pît la cleve" di Dino Virgili
ombre s.f.
(om-bre)
Segn scûr
sinonimi
scûr, ombrene
esempi
"vistidi da neri, cun chê ombri di stracura intor dai voi"
da "Cjasa da la mê zent" di Novella Cantarutti
ombre s.f.
(om-bre)
Persone o robe viodude in mût no clâr o che si viôt dome par jessi scure cuintri un fonts plui clâr
sinonimi
sacume, ombrene, figure
esempi
"une gnot trê ombris a sbrissarin vie di scuindon dilunc la cente dai Madiis, a voltarin li de torate che e fâs cjanton sul flum"
da "La aghe da pît la cleve" di Dino Virgili
"ogni om, pes stradis scuris, al deventave nome une ombre cence non"
da "Il muc" di Roberto Ongaro
"il dissen dal orizont dulà che a vignivin sù lis ombris di aeroplans bombardîrs"
da "Lis pinessis" di Checo Tam
ombre s.f.
(om-bre)
Spirt dai muarts
sinonimi
fantasime, spirt, parence
esempi
"si viodin ombris, mo in forme di om e mo in forme di femine, che a contin bêçs, grums di arint e di aur che a fasin vignî la aghegole"
da "Lis leiendis di Buie" di Pieri Menis
"lis ombris dai vons, se a varan fuarce di tornâ culenci, a restaran scaturidis viodint la cjase cence lûs e cence flât, cussì tasselade di pieris pusticis"
da "I arcs" di Maria Forte
ombre s.f.
(om-bre)
Persone che e à pierdût tant pês o tante fuarce o tantis capacitâts (fig.)
esempi
"tu mi viodis là che o soi ridusude di muse, di peraule… no soi plui se no la ombre di me"
da "Vieri e gnûf" di Pieri Piçul
ombre s.f.
(om-bre)
Presince o cuantitât une vore piçule, sedi di alc di materiâl che di imateriâl, spec. in espressions negativis cun valôr iperbolic (fig.)
sinonimi
olme, fregul
esempi
"te cjamare no jere nancje la ombre di une stue"
da "I forescj" di Alan Brusini, Gian Paolo Linda
"l'idrogjen, pûr jessint l'element chimic plui bondant tal univiers, inte forme molecolâr (H 2) si lu cjate tal aiar dome in ombris (0,5 part par milion!)"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"cence armis, cence mieçs, cence ordin, cence ombre di preparazion militâr"
da "Cuintristorie dal Friûl fin sot la Italie" di Josef Marchet
ombre s.f.
(om-bre)
Espression negative o indefinide o svelte che si impâr te muse o te cjalade
esempi
"al jere vignût blanc, sec, tombadiç, cuntune ombre di pôre tai voi e lis spalis pletis"
da "La aghe da pît la cleve" di Dino Virgili
"e cuant che encje jo i ai butât dintor / il risi, a à vût una ombra di ridi nervôs / una voglada di chês di un timp / che a mi à voltât par dret e par ledrôs"
da "Un picjât" di Giorgio Ferigo
ombre s.f.
(om-bre)
Sens di suspiet, di risintiment, di fastidi o in cualchi maniere di contrarietât (fig.)
esempi
"Pitin non veve un naturâl facil e, o par ombre o par scrupul, al cavilave cun ducj chei che a jerin a vivi cun lui"
da "Pre Pitin" di Antoni Beline
"le cjalavi cun ombre: masse robis mi veve scuindudis"
da "Dome la cjampanute di Sant Bortul" di Maria Forte
"il prin suspiet inmò crei, si jere pontât dentri vie. A pene une ombre, un scrupul di vê sbaliât il judizi su di lui"
da "Mabile la Lunghine" di Maria Forte
ombre inter.
(om-bre)
Tant che espression di maravee o di altris sensazions imburidis o tant che esclamazion o imprecazion gjeneriche
esempi
"vuê di matine o lei a fâ cuatri pas in zardin e mi rimpinai sù fin in cime de Rive. Ombre! e ce fature"
da "Florean dal Palaç, I, 13" di Guido Antonioli
proverbi
"l'Invier al fûc, l'Istât a la ombre"
"la bolp e à pôre de sô ombre"
Torna in Cima
Torna in Cima