Tu âs cirût la peraule
bilengâl monolengâl
Tu âs cirût la peraule
tiranno
torne indaûr

bilengâl

tiranno s.m., adi.
  • 1

    s.m. tiran Copie

    [TS] stor. (inte Grecie antighe, cui che al veve in man dut il podê)
    i trenta tiranni ad Atene = i trente tirans a Atene
  • 2

    s.m. tiran Copie

    [CO] (cui che al esercite il podê politic in maniere autoritarie)
    lo spirito democratico si ribella ai tiranni = il spirt democratic si rivolte cuintri dai tirans
  • 3

    adi. tiran Copie

    [CO] (che, cui che al dopre la autoritât par imponi la sô volontât)
    fare il tiranno con i propri dipendenti = fâ il tiran cui lôr dipendents
  • 4

    s.m. paron, tiran Copie

    [CO] (robe che e condizione la libertât di compuartament e no permet di resisti o fâ cuintri)
  • 5

    s.m. paron, tiran Copie

    [CO] (ce che al è un limit e un condizionament)
    il tempo è il peggior tiranno = il timp al è il piês paron
  • 6

    s.m. tiran Copie

    [TS] teatr. (tes compagniis teatrâls talianis antighis, atôr tragjic che al faseve la part dal om madûr)
  • 7a

    s.m. tiran Copie

    [TS] ornit.com. (non comun di plui esemplârs de famee dai Tiranidis)
  • 7b

    s.m. tiran, tyrannus Copie

    [TS] ornit. (uciel dal gjenar Tyrannus, o dal sotordin dai Tirans)

    s.m. Tyrannus Copie

    (cu la iniz. maiusc., gjenar de famee dai Tiranidis)

    s.m. Tirans Copie

    (tal pl., cu la iniz. maiusc., sotordin dal ordin dai Passeriformis)

monolengâl

paron s.m.
(pa-ron)
Cui che al à la proprietât di alc
sinonims
proprietari
esemplis
"o soi Manfred Snaidar, fi dal paron di cheste cjase"
gjavât fûr di "X-Reihen" di Checo Tam
"chê pipe e à une storie che il so paron le à contade par dut e a ducj"
gjavât fûr di "Cretevierte" di Roberto Ongaro
paron s.m.
(pa-ron)
Cui che al ten di cont di une bestie
esemplis
"i cjans, che a stan cui oms, a somein vê disvilupât une capacitât minime di capî ce che a pensin i lôr parons"
gjavât fûr di "La evoluzion dal cerviel e de cussience tai vertebrâts" di Franc Fari
paron s.m.
(pa-ron)
Cui che al à proprietât di un stabiliment, di une imprese e v.i. e che al ten int a vore
esemplis
"si jere sfrancjât e dispatussât ben sui segrets di une fornâs e il fûc lu veve in confidence. Er Millar, il paron todesc, a voltis, al tratave diret cun lui"
gjavât fûr di "La tiere di Lansing" di Maria Forte
"al contave di jessi un industriâl di Milan, paron di une fabriche di tiessidure"
gjavât fûr di "Chei di Muraie" di Pieri Menis
"te lôr vite a vevin fat putrops lavôrs e mudât diviers mistîrs e parons"
gjavât fûr di "Cretevierte" di Roberto Ongaro
paron s.m.
(pa-ron)
Cui che al à il control su di un teritori, sore di un popul e v.i.
esemplis
"i imperiâi a podevin dreçâ dute la artiliarie cuintri la Citât, stant che no vevin plui nissun disturp te Tiereferme e che a jerin parons de cueste dongje l'inizi dal puint"
gjavât fûr di "Zuan Batiste Cavedalis - Une vite esemplâr" di Giovanni Pillinini
"e sarès ben biele e ridicule che chei di Cjaurêt - che te lôr vite a àn cambiât trê parons: i austriacs, i talians, i slovens - a vessin cambiât trê patriis!"
gjavât fûr di "I furlans e lis Falkland" di Riedo Pup
paron s.m.
(pa-ron)
Tant che titul di rispiet, ancje par un lavoradôr o per un om di classe sociâl basse
esemplis
"sintît mo, paron, o vês di fâmi un plasê: se us domandaran alc vô no savês nuie"
gjavât fûr di "Un macet di sanmartinis" di Pieri Somede dai Marcs
""E ce bevêso? E ce bevêso, paron?" / "O blanc o neri, baste che al sedi bon""
gjavât fûr di "Sul puint di Braulins" di Popolâr
paron s.m.
(pa-ron)
Om maridât (fam.)
sinonims
om, marît, cristian
esemplis
"agns indaûr jo e Zenco o sin lâts a cjatâ la mê puare agne Fauste. «E alore, gnagne, cemût?» «Graciant Idiu mancul mâl» «E il paron?» «Mancul mâl ancje lui. E voaltris?» «Ben»."
gjavât fûr di "Salams" di Meni Ucel
paron s.m.
(pa-ron)
In costruzions adietivâls, par pandi che si à domini, libertât, capacitât di se, di une part dal cuarp, di fâ alc, di sielzi e v.i.
esemplis
"lis personis intai insiums a pierdin la pussibilitât di agjî cun cussience, ven a stâi che la persone no je plui parone, cun cussience e intenzion, des sôs azions"
gjavât fûr di "Sui insiums di Aelius Aristides: une analisi neuropsicologjiche" di Anastasia Fabbro, Franc Fari
"la gjambe, dal dit al fat, si secjà, e si scurtà un tocut, e i pendolave cence comant che nol jere paron di jê"
gjavât fûr di "I zimuluts dal Çuet" di Riedo Pup
"ma no soi jo parone di volêi ben a di cui che vuei jo?"
gjavât fûr di "La furlane" di Dolfo Zorzut
paron adi.
(pa-ron)
[BF] Che al à capacitât di fâ alc
sinonims
bon, siôr
esemplis
"culì no si è parons di cjatâ un omp che al vegni a fâ une zornade, vie pal Unviar, par comedâ la stradele des Cumugnis, che si ribaltin i cjars par colpe des busis che e à"
gjavât fûr di "Lis predicjis dal muini" di Josef Marchet
detulis
"ai mats e ai parons nissun no ur comande"
"al è miôr paron di siessule che no famei di nâf"
"al è muart il paron: aial di restâ il famei?"
"al vûl rispietât il cjan dal paron"
"beât il paron se il contadin al puarte il cjapiel in bande"
"bisugne peâ il mus là che il paron comande"
"cuant che a 'nd è masse parons, si po fâ ce che si vûl"
"cuant che al cjante il ciuçau, il famei al mande il paron al diaul"
"cuant che il cjan al baie, il paron al à baiât"
"cuant che il paron al distude il lusôr, al fâs par dâje tal nâs al servidôr"
"cui che al è paron nol è famei"
"cui che al è servidôr nol è paron"
"cui che al onore i abits, i abits a onorin il paron"
"cui che al servìs Diu al à un bon paron"
"cui che al servìs doi parons nol servìs nissun"
"cui che si lasse cridâ al è paron dal so cûr"
"cui che si lasse vuidâ al è paron dal so cûr"
"cul domandâ paron si va a Rome"
"cul domandâ paron si va pardut, fûr che te lune"
"cul tignî cont si devente parons di mieç mont"
"i dîs il cuviert al paron: se no tu vegnis sù tu, o ven jù jo"
"il cjamp plen di jerbaç e il prât grintôs a palesin il paron oziôs"
"il cjamp plen di jerbatis e il prât grintôs a palesin il paron oziôs"
"il cjan di doi parons al mûr di fam"
"il famei nol à di scrusignâ i segrets dal paron"
"il fûc fin che al è sclâf al è biel e bon, ma vuai a lassâlu deventâ paron"
"il pan dai parons al à siet crostis"
"il plui bon mus al cope il paron"
"il servidôr al à di fâ ce che il paron al comande"
"il voli dal paron al ingrasse il cjaval"
"mats, feminis, paron, timp e cûl fâs ce che al vûl"
"miôr famei a cjase sô che no paron a cjase dai altris"
"miôr parons di une cjase che no servidôrs intun cjistiel"
"miôr sei parons intune siessule che no fameis intun bastiment"
"nissun nol po servî doi parons"
"no si po dâi al paron? une clapade al cjan"
"no si po servî doi parons"
"ognidun al è paron a cjase sô"
"pan di paron al à siet crostis e un croston"
"pari e paron a àn simpri reson"
"paron paie, paron comande"
"peâ il mus là che il paron comande"
"Sant Simon i da la clâf al so paron"
"se intor al svolete un avon: o letare o paron"
"se tu fasis debits tu cuistis parons, se tu fasis credits tu pierdis amîs"
"si lee il mus là che il paron comande"
"tes ideis si à di sei parons e no fameis"
"vin, aghe e fûc a son bogns, se no si ju lasse deventâ parons"
torne sù
torne sù