Hai cercato la parola
bilingue monolingue
Hai cercato la parola
toccare
Torna indietro

bilingue

toccare ,
  • 1a

    v.tr. tocjâ Copia

    [FO] (svicinâ une part dal cuarp o un imprest a alc o a cdn. fin che si à contat)
    non toccare la sedia, l'ho appena verniciata = no stâ a tocjâ la cjadree, le ai a pene vernisade
    se prima non tocco non credo = mai no tocji e mai no crôt
    toccando ho sentito che il termosifone era freddo = tocjant o ai sintût che il termosifon al jere frêt
  • 1b

    v.tr. tocjâ Copia

    [FO] (di sogjets inanimâts, jessi a contat cun alc)
    sposta un po' la tavola da questa parte, tocca il muro = pare un pôc incà la taule, e tocje il mûr
  • 2

    v.tr. tocjâ Copia

    [FO] (doprâ)
    non toccare i miei libri = no stâ a tocjâ i miei libris
  • 3

    v.tr. tocjâ Copia

    [FO] (meti man, cirî di mudâ alc in miôr)
    adesso il programma è a posto, non si tocca più = cumò il program al è a puest, no si tocje plui
  • 4

    v.tr. rivâ, tocjâ Copia

    [FO] (rivâ a di un ciert pont di altece, di distance e v.i.)
    i rami di quel salice toccano terra = i ramaçs di chel vencjâr a tocjin par tiere
    il soffitto era così basso che lo toccavo con la testa = il sofit al jere tant bas che i rivavi cul cjâf
    quella montagna tocca i duemila metri = chê mont e tocje i doi mil metris

    v.tr. rivâ, tocjâ Copia

    (rivâ a di un obietîf)
    è riuscito a toccare la vetta = al è rivât a tocjâ oppure al à rivade la spice
  • 5a

    v.tr. tocjâ Copia

    [FO] (fevelâ mâl, criticâ)
    non toccargli quell'attore, pensa che sia il migliore = no stâ a tocjâi chel atôr, al pense che al sedi il miôr
  • 5b

    v.tr. tocjâ Copia

    [FO] (ofindi, ferî tal spirt, tai sintiments)
    le sue critiche non mi toccano = lis sôs critichis no mi tocjin
    quella disgrazia lo ha toccato negli affetti più intimi = chê disgracie lu à tocjât tai afiets plui intims
  • 5c

    v.tr. tocjâ Copia

    [FO] (comovi)
    le sue parole ci hanno molto toccato = lis sôs peraulis nus àn tocjâts une vore
  • 6

    v.tr. tocjâ Copia

    [FO] (rivuardâ, interessâ)
    questo problema tocca tutti quanti = chest probleme al tocje ducj cuancj
  • 7

    v.tr. tocjâ Copia

    [FO] (frontâ, spec. in mût svelt, un argoment)
    il libro tocca molte questioni interessanti = il libri al tocje tantis cuistions interessantis
    toccare un tasto = tocjâ un cantin
  • 8

    v.intr. tocjâ Copia

    [FO] (sucedi, capitâ)
    cosa mi tocca vedere! = ce che mi tocje di viodi!
    mi è toccato di vedere una cosa stranissima = mi è oppure mi à tocjât di viodi une robe une vore stranie
    toccano tutte a me! = mi tocjin dutis a mi!
  • 9

    v.intr. tocjâ Copia

    [FO] (impers., scugnî)
    ho fretta, mi tocca andare = o ai premure, mi tocje di lâ
    se adesso ti tocca studiare, ci vediamo stasera = se cumò ti tocje studiâ, si viodìn usgnot
  • 10

    v.intr. tocjâ Copia

    [FO] (jessi di dirit, di dovê, par volte o sim.)
    ha vinto, il titolo di campione tocca a lui = al à vinçût, il titul di campion i tocje a lui
    la parola tocca a te = la peraule ti tocje a ti
    oggi tocca a te andare a prendere il pane = vuê ti tocje a ti di lâ a cjoli il pan
    secondo gli accordi ci tocca un compenso di un milione = daûr dai acuardis nus tocje oppure nus ven un compens di un milion

locuzioni

    non toccare cibo
  • no mangjâ fregul, no mangjâ nuieCopia
    [CO] (no mangjâ)
    non ha toccato cibo in tutto il giorno = nol à mangjât fregul in dut il dì
    • toccare con mano
  • meti il nâs, viodi cui siei voiCopia
    [CO] (sigurâsi di persone)
    non ci credo finché non tocco con mano = no crôt fin che no viôt cui miei voi
    • toccare ferro
  • tocjâ lenCopia
    [CO] (dislontanâ la sfortune)
    tocchiamo ferro, ma la situazione non è delle migliori = tocjìn len ma la situazion no je des miôr
    • toccare il cielo con un dito
  • tocjâ il cîl cul dêtCopia
    [CO] (jessi contenton)
    quando ha saputo che aveva passato l'esame ha toccato il cielo con un dito = cuant che al à savût che al veve passât l'esam al à tocjât il cîl cul dêt
    • toccare il cuore
  • lâ al cûr, tocjâ il cûr, striçâ il cûrCopia
    [CO] (comovi)
    una storia che tocca il cuore = une storie che e tocje il cûr
    • toccare il fondo
  • tocjâ fontsCopia
    [CO] (di une imbarcazion, sgriâ cu la carene tal fonts)
  • tocjâ il fonts, tocjâ fontsCopia
    [CO] (rivâ al colm de disperazion o de tristerie)
    questa volta abbiamo toccato il fondo! = cheste volte o vin tocjât il fonts! oppure cheste volte o vin tocjât fonts!
  • tocjâ il fonts, tocjâ fontsCopia
    [CO] (di persone te aghe, tocjâ cu pîts)
    non aver paura, qui si tocca il fondo = no stâ a vê pôre, chi si tocje il fonts oppure no stâ a vê pôre, chi si tocje fonts
    • toccare nel, sul vivo
  • [CO] (vedi pungere nel, sul vivo)
    • toccare terra
  • tocjâ tiere, rivâ a tiere, rivâ a riveCopia
    [CO] (di barcje, rivâ)
  • cjapâ tiere, tocjâ tiereCopia
    (di velivul, rivâ a tiere)

monolingue

rivâ v.intr.
(ri-vâ)
Movisi fin a jessi intun lûc a la fin di un percors, di un viaç
sinonimi
jonzi
esempi
"e sarès stade lungje la talpinade, tant che al rivà a cjase scanât"
da "Un piçul particolâr" di Fabian Ros
"iI tren al rivà te stazion cuntun intart di uns dîs minûts"
da "In viaç di domenie" di Agnul di Spere
"Luziute e il so om a saressin rivâts cu la coriere des sîs e mieze"
da "Il muc" di Roberto Ongaro
Vedi anche: arivâ
rivâ v.intr.
(ri-vâ)
Jessi a un ciert pont o nivel tant che risultât di une dinamiche, di une dade di timp, di un sfuarç, di une prove, di une ativitât e v.i. (fig.)
sinonimi
jonzi, lâ
esempi
"Catine, a pene che e rivà insom a di chês riis, e sintì un asei intal cûr"
da "Trê feminis" di Gianni Gregoricchio
"Mirco al jere rivât al ultin an di scuele"
da "Par stradis lungjis" di Alan Brusini
rivâ v.intr.
(ri-vâ)
Cu la prep. "a" e un infinît, vê une capacitât o un risultât
sinonimi
cjatâ il dret, jessi bon, rivâ adore
esempi
"al pensà che ce che nol jere rivât a fâ in chel martars al varès podût fâlu la joibe dopo"
da "Rosaris" di Meni Ucel
"la muse ridinte e veve mudât a colp di espression e no jere rivade a finî il discors"
da "Aiar di cjase" di Franca Mainardis
"Antoni Cossâr cul todesc nol jere mai rivât a lâ plui innà di un tant"
da "L'avignî di Antoni Cossâr" di Agnul di Spere
rivâ v.intr.
(ri-vâ)
Capitâ dilunc dal timp o par câs o par causis che no son sot dal control de persone
sinonimi
vignî, capitâ, sucedi
esempi
"e jere rivade la ore di lâ"
da "Trê feminis" di Gianni Gregoricchio
"il frêt al rive di sere co al ven jù de mont e al plombe sul paîs, il frêt che culì al è il vêr paron"
da "I forescj" di Alan Brusini, Gian Paolo Linda
"la muart a rivava, nera jê, tremenda che a lu scjafoava e a lu riduseva tun guluç di poura"
da "Barba Fodo e la muart" di Novella Cantarutti
"al rivà il cjalt, e cun chel e cu la ploie la campagne e deventà in pôc timp un splendôr"
da "Prime di sere" di Carlo Sgorlon
rivâ v.intr.
(ri-vâ)
Vê un contat, une comunicazion, une influence e v.i. intune cierte sede, cuntun ciert personaç, a di un ciert nivel
esempi
"Baracêt al è disponibil a fâ in mût che e rivi a Rome ogni nestre manifestazion pe tutele des minorancis, a procurânus audizions, a realizâ pressions"
da "Memoriis di politiche linguistiche" di Adrian Cescje
rivâ v.intr.
(ri-vâ)
Otignî une posizions economiche, sociâl, professionâl e v.i. (ancje ass.)
sinonimi
fâ strade, imponisi, lâ lontan, rivâ lontan
esempi
"Begot al rivà president cuant che la Cod e veve inviadis lis voris par un dissen di leç regjonâl pal insegnament de lenghe furlane"
da "Memoriis di politiche linguistiche" di Adrian Cescje
"«Rivâ a ducj i coscj» al diseve, «eco la politiche di vuê»"
da "Par stradis lungjis" di Alan Brusini
rivâ v.intr.
(ri-vâ)
Jessi suficient par alc o par cdn.
esempi
"foncs no 'nd' è tancj, [...] no rivin par ducj"
da "Amîs come prime" di Alan Brusini
rivâ v.intr.
(ri-vâ)
Vivi fin a un ciert moment, vê une cierte etât
sinonimi
resisti, tignî dûr, vivi
esempi
"o jeri rivât ancje a dîs agns e, a chê etât, in chê volte, bisugnave scomençâ «a movi il poleâr, a viodi di ce bande che e ven», a disevin"
da "A scuele" di Pieri Menis
"Zili Mus, che i mancjavin pôcs mês par rivâ ai cent, si lagnave di sintîsi vecjo"
da "Amîs come prime" di Alan Brusini
rivâ v.tr.
(ri-vâ)
Tocjâ alc o un ciert puest, movisi fin a jessi a ret di alc o a pâr di cdn.
sinonimi
jonzi
esempi
"ll prin scjalin al jere un veri [dut glaçât] e ancje il secont al jere un veri, e Meni ju fasè planchin, tignintsi tal pilastri. Ma dopo no 'nd jere plui scjalins, e al jere dut un veri intor, e Meni il pilastri no lu rivà plui. Al colà tun svol"
da "Meni Elar" di Riedo Pup
"al torna indavour, al rebalta il jet, al sburinea li govali, al palpa il mûr par rivâ il cuadri da la Madona"
da "I cjans di not" di Novella Cantarutti
proverbi
"a pas a pas si rive a Rome"
"altri al è cori, altri al è rivà"
"baste che si rivi, ogni strade e je buine"
"bisugne lâ adasi planc par rivâ prest"
"bisugne lâ planc par rivâ prest"
"bramazion di mus no rive in cîl"
"ce zovial volê là che no si rive?"
"cuant che e rive la fuarce, la justizie si slontane"
"cuant che no si rive a dî: "glorie di Diu!" al è finît dut"
"cui che al è mâl instradât, mâl al rivarà"
"cui che al rive prin tal mulin al masane"
"cui che al sta indaûr no i rivin i claps ma i rive l'odôr"
"cui che nol ten cont dal centesim nol rive a fâ il solt"
"cuntune man sole no si rive nancje a bati lis mans"
"Diu al rive pardut"
"dulà che il diaul nol po rivâ al met la code"
"dulà che nol rive il len nol rive il fros"
"il Signôr al à la scorie lungje e al rive pardut"
"il Signôr al rive di lontan"
"l'arbul si sglove prin di rivâ al cîl"
"la mê scjale no rive ai tiei barcons"
"la supierbie e partìs in caroce e e rive a pît"
"la tô scjale no rive ai miei barcons"
"miôr rivâ un cuart di ore daspò e lâ sigûrs"
"misdì di vile o che al passe o che nol rive"
"nol conte jevâ adore, baste rivâ su la ore"
"par rivâ a ciertis altecis o bisugne fâsi cais o ben jessi acuilis"
"prin di Nadâl il frêt nol è rivât, daspò Nadâl il frêt al è passât"
"se si à salût si rive a scombati"
"se si file mai tant che al rivi dal nâs a la bocje, e je une glagn che no torne su la rocje"
"si sa dulà che si è ma no dulà che si larà a rivâ"
"si sa dulà che si è, ma no dulà che si rive"
"un pas daûr chel altri si rive a Rome"
"vôs di mus no rive in cîl"
Torna in Cima
Torna in Cima