Hai cercato la parola
bilingue monolingue
Hai cercato la parola
tornare
Torna indietro

bilingue

tornare ,
  • 1

    v.intr. tornâ Copia

    [FO] (lâ une altre volte tal lûc di dontri che si jere partîts o di li che si vevisi dislontanât)
    è stato ammalato due giorni e poi è tornato a scuola = al è stât malât doi dîs e po al è tornât a scuele
    sono tornato a casa dopo dieci minuti = o soi tornât a cjase dopo dîs minûts

    v.intr. tornâ Copia

    (cu la indicazion dal lûc di li che si torne)
    sono appena tornati dal viaggio di nozze = a son a pene tornâts dal viaç di gnocis
    torno dal lavoro alle sei = o torni di vore a sîs

    v.intr. tornâ Copia

    (cu la indicazion dal mieç di traspuart che si dopre)
    sono andato in aereo, ma pensavo di tornare in nave = o soi lât in avion ma o pensavi di tornâ cu la nâf
  • 2

    v.intr. tornâ Copia

    [FO] (lâ une altre volte intun puest li che si jere za stâts)
    sono andato in Irlanda l'estate scorsa e ci voglio tornare anche quest'anno = o soi lât in Irlande l'Istât passât e o vuei tornâ ancje chest an

    v.intr. tornâ Copia

    (ancje ass.)
    torna presto, ti aspetto = torne in curt, ti spieti
  • 3

    v.intr. tornâ Copia

    [FO] (meti une altre volte atenzion su alc, cjapâ une altre volte in esam)
    è meglio che tu torni sulle tue decisioni = al è miôr che tu tornis su lis tôs decisions
    siamo tornati sul solito discorso = o sin tornâts sul discors di simpri
    spesso gli piace tornare col ricordo ai tempi passati = dispès i plâs di tornâ cul ricuart ai timps stâts
  • 4

    v.intr. tornâ Copia

    [FO] (puartâsi, pensâ une altre volte intune maniere che si le veve lassade)
    tornare all'antico = tornâ al antîc
  • 5

    v.intr. tornâ Copia

    [FO] (di fat, capitâ une altre volte)
    anche quest'anno mi è tornata l'allergia = ancje chest an mi è tornade la alergjie
    è tornata la moda di vestirsi di grigio = al è tornât di mode vistîsi di grîs

    v.intr. tornâ Copia

    (di fenomen atmosferic, manifestâsi une altre volte)
    dopo la pioggia è tornato il sole = daspò de ploie al è tornât oppure tornât fûr il soreli
    è tornata la neve = e je tornade la nêf
  • 6

    v.intr. tornâ Copia

    [FO] (cun 'a' plui infinît, par pandi la ripetizion o iterazion di une azion)
    torna a raccontarmi la storia, mi sono distratto = torne a contâmi oppure torne contimi la storie, mi soi straviât
    torno a raccomandarti di stare attento = o torni a racomandâti di stâ atent

    v.intr. tornâ Copia

    (ancje impers.)
    è tornato a piovere = al à tornât a plovi
  • 7

    v.intr. tornâ Copia

    [FO] (di cdn., jessi une altre volte intune cierte cundizion)
    dopo la riabilitazione sono tornato più forte di prima = daspò de riabilitazion o soi tornât plui fuart di prime

    v.intr. tornâ Copia

    (di alc, cuistâ une altre volte une carateristiche che si veve prime)
    dopo il restauro i colori sono tornati vivi e puliti = daspò dal restaur i colôrs a son tornâts vîfs e nets
  • 8

    v.intr. lâ, tornâ, vignî Copia

    [CO] (cuntun complement predicatîf, risultâ)
    mi torna comodo partire un po' prima = mi torne comut oppure mi va ben di partî un pôc prime
    pare che torni utile fare così = al somee che al torni oppure che al risulti bon fâ cussì

    v.intr. tornâ, risultâ Copia

    (denant 'di' o 'a')
    dire la verità torna sempre a proprio vantaggio = dî la veretât al torne simpri cont oppure al risulte simpri di vantaç
  • 9

    v.intr. tornâ Copia

    [FO] (di calcul, resonament, jessi just)
    benissimo, i conti tornano = benon, i conts a tornin
    le sue ragioni non mi tornano = lis sôs resons no mi tornin

locuzioni

    andare e tornare
  • [CO] (vedi andare e venire)
    • tornare a bomba
  • tornâ sotCopia
    [CO] (tornâ sul vîf di une cuistion daspò di un straviament)
    torniamo a bomba sull'argomento più importante = tornìn sot cul argoment plui impuartant
    • tornare a galla
  • tornâ sù, tornâ a flôr, tornâ sore aghe, tornâ sul pêl da la agheCopia
    [CO] (tornâ a vignî sore aghe)
    il sottomarino è tornato a galla = il somerzibil al è tornât sore aghe
  • tornâ sù, tornâ fûrCopia
    [CO] (spec. di une cuistion dismenteade o platade, pandisi di gnûf)
    i dettagli del mistero stanno tornando a galla = i detais dal misteri a son daûr a tornâ sù
    • tornare all'ovile
  • tornâ dongje, tornâ incà, tornâ a cjase, tornâ tal nîtCopia
    [CO] (tornâ a cjase, in patrie o intun grup che si veve molât)
    sei tornato all'ovile finalmente! = tu sês tornât a cjase ae fin!
    • tornare alla carica
  • tornâ sot, tornâ a batiCopia
    [CO] (dâi sot par otignî alc)
    è tornato alla carica per avere i soldi = al è tornât a bati par vê i bêçs
    • tornare in gola
  • [CO] (vedi tornare su)
    • tornare in sé
  • dâ di ca, tornâ di ca, tornâ incà, tornâ tai sintiments, tornâ tal so jessi, tornâ om, rivignî, tornâ in seCopia
    [CO] (tornâ a cuistâ cussience di se)
    dopo lo spavento è tornato subito in sé = dopo dal spavent al è tornât subite in se è tornato in sé dal coma = al è tornât incà dal come
  • tornâ tai sintiments, tornâ tal so jessi, tornâ chel di prime, tornâ in se, vignî a seCopia
    (rinsavî)
    si è accorto di aver sbagliato ed è tornato in sé = si à visât di vê falât e al è tornât chel di prime
    • tornare in vita
  • resurîCopia
    [CO] (tornâ a vivi daspò che si jere muarts)
  • dâ di ca, ripiâsiCopia
    [CO] (ripiâsi, dopo di une malatie o di une crisi spirituâl)
    • tornare su
  • tornâ sùCopia
    [CO] (dal savôr dal mangjâ no ben digjerît, sintîlu ancje tant timp daspò dal past)
    non posso mangiare i peperoni, mi tornano su tutto il giorno = no pues mangjâ i pevarons, mi tornin sù dut il dì
    • tornare sui propri passi
  • tornâ indaûr, tornâ indaûr pe strade fateCopia
    [CO] (tornâ a fâ indaûr la stesse strade fate, par controlâ o par cjapâ une altre direzion, o par cjapâ altris decisions)
    ha deciso di tornare sui propri passi = al à decidût di tornâ indaûr pe strade fate

monolingue

tornâ v.intr.
(tor-nâ)
Lâ une altre volte tal lûc di dontri che si jere partîts o di li che si vevisi dislontanât
sinonimi
tornâ incà, tornâ indaûr
esempi
"e partive in biciclete a buinore, e e tornave a cjase la sere"
da "Otavari a Madone" di Meni Ucel
""Bisugne propit che o vadi. O torni subit""
da "A passe la scalmane" di Anute Fabris
tornâ v.intr.
(tor-nâ)
Lâ une altre volte intun puest li che si jere za stâts
esempi
"«Milie o torni jù in Afriche… lunis o martars ae plui lungje… »"
da "Si disarès che e je inventade" di Pieri Menis
"une volte al motivà che i sarès plasût tornâ in Tiere Sante e restâ par simpri lenti jù"
da "Il dolfin" di Carlo Sgorlon
tornâ v.intr.
(tor-nâ)
Jessi di gnûf intune cierte cundizion, situazion, compagnie, relazion e v.i.
esempi
"cussì, la sô famee, la sô grande famee e tornà insiemi e chel al jere dut pal moment"
da "Cjase di Dalban" di Maria Forte
"Cino al è tornât inte mê vite dopo trentecuatri agns"
da "Trê feminis" di Gianni Gregoricchio
tornâ v.intr.
(tor-nâ)
Meti une altre volte atenzion su alc, cjapâ une altre volte in esam
sinonimi
lâ
esempi
"dopo cene, tal cuiet dal fogolâr, intant che la vecje e gucjave, la Ulive e tornà sul discors di prime"
da "La tiere di Lansing" di Maria Forte
"no mi plâs di tornâ cu la memorie a chê prime volte"
da "Trê feminis" di Gianni Gregoricchio
"Tornìn in argoment: / l'an al sarà abondant / di siale e di forment"
da "Pronostic del 1833" di Pieri Çorut
tornâ v.intr.
(tor-nâ)
Puartâsi, pensâ, fâ, vivi e v.i. une altre volte intune maniere che si le veve lassade
esempi
"il timp da lis decisions si faseve simpri plui dongje: tornâ a la vite di prime, a la sô buteghe, al drandran di ogni dì cence storie e cence glorie [in France], o restâ in Friûl"
da "Il sium di Lissandri" di Franca Mainardis
tornâ v.intr.
(tor-nâ)
Sucedi une altre volte
esempi
"i lens a butin fûr une altre volte e al torne il timp dai lavôrs tai vignâi"
da "Par stradis lungjis" di Alan Brusini
tornâ v.tr.
(tor-nâ)
Jessi une altre volte intune cierte cundizion, vê di gnûf une cierte carateristiche
esempi
"i bastave di viodi la muse di Ane, chê muse cence ingredeis di pinsîrs sbaliâts par tornâ legri"
da ""Nocent"" di Maria Forte
"al començave a visâsi di jessi leât a chê tiere cun dute la fuarce di un istint rabiôs che lu faseve tornâ zovin"
da "Sul agâr" di Pieri Menis
"dome cuant che la ore di gnot, cu la piçule, e srarì la place, dut al tornà cuiet"
da "Varc di confin" di Maria Forte
tornâ v.intr., v.tr.
(tor-nâ)
Cun "a" plui infinît, ripeti une cierte azion
esempi
"al veve let che la Kaiserpfalz le vevin slargjade, brusade, comedade, ruvinade, tornade a fâ sù un grum di voltis"
da "Un cidinôr todesc" di Agnul di Spere
"par dute la zornade, Annibale, al pensà e al tornà a pensâ cemût che al varès vût di svoluçâle e, a la fin, al decidè di contâje a la scletes"
da "Il muc" di Roberto Ongaro
"ce brut timp! al torne a plovi…"
da "Resurezion a Pontinie" di Pieri Somede dai Marcs
tornâ v.intr.
(tor-nâ)
Cuntun complement predicatîf, risultâ
sinonimi
vignî, jessi, risultâ
esempi
"vuê, intune clime culturâl dute diferente, la lôr leture [dai simbui dai mosaics] no torne nuie facile"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
tornâ v.intr.
(tor-nâ)
Di calcul, resonament, jessi just
sinonimi
cuadrâ, bati
esempi
"fâ cori la pene sui libris contabii e fâ tornâ i conts"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
tornâ v.tr.
(tor-nâ)
Dâ o fâ vê di gnûf al paron o possessôr di prime alc che al jere stât dât o prestât
esempi
""Sint, Romeo, o sai che o ai di tornâti inmò chei bêçs che tu mi âs prestât [...]""
da "Cretevierte" di Roberto Ongaro
"lâ a tornâ un libri in biblioteche"
tornâ v.tr.
(tor-nâ)
Butâ fûr ce che si à mangjât o bevût
esempi
"no une peraule pai siei strabalçs in ostarie, e no vevin di dâ sù se lu viodevin a tornâ il vin pai cjantons"
da "La tiere di Lansing" di Maria Forte
tornâ v.tr.
(tor-nâ)
Cuintricambiâ (fig.)
sinonimi
cuintricambiâ, dâ indaûr, restituî, ricambiâ, rindi, ripaiâ, tornâ indaûr
esempi
"cualchidun i butave la botonade e jê le tornave biel sclete"
da "La fie çuete" di Maria Forte
"Casanova al mangje là che lu invidin, e al torne il plasê contant ai ospits di cuant che al jere scjampât dai Plomps o dal duel in Polonie"
da "Friûl e furlans te Histoire de ma vie di Giacomo Casanova" di Pierluigi Visintin
"a ti torni lis legnadis, e cul interès"
da "Il muc" di Roberto Ongaro
tornâ v.tr.
(tor-nâ)
[BF] Fâ jessi di gnûf intune cierte situazion, cundizion e v.i.
esempi
"se atrai lu fiar virtût di calamite, / cussì di biele bocje un sôl suspîr / si tornâmi è bastant, di muart a vite"
da "I, 20" di Ermes di Colorêt
tornâ s.m.
(tor-nâ)
Viaç fat par jessi di gnûf intun ciert puest
sinonimi
tornade
esempi
"i capitarin denant cun chel pac di libris che al varès fat un viaç dibant, tant tal lâ che tal tornâ"
da "La tiere di Lansing" di Maria Forte
"il soreli al jere calât daûr la mont e la int e impià lis falis, prin di scomençâ a incjaminâsi su la vie dal tornâ"
da "Cretevierte" di Roberto Ongaro
proverbi
"al pâr che la sô crôs a sedi la plui grande ma se si cjale chê di chei altris si torne a cjoli sù la sô"
"bisugne cjoli l'abûs e tornâ l'ûs"
"ce che al è stât al po tornâ"
"cjoli l'abûs al è tornâ l'ûs"
"cjolimi di grant e tornimi di piçul"
"cuant che lis vacjis a van e a tornin di mont, un montanon al è pront"
"cui che al da al torne a cjapâ"
"cui che al è di biele forme in avrîl al torne"
"cui che al va e torne al fâs bon viaç"
"daspò dal bon timp e torne la ploie"
"daspò de ploie al torne il bontimp"
"daspò tancj agns e tant timp la aghe a torne al so mulin"
"dulà che si è stâts si po tornâ"
"i viei a tornin fruts"
"in cent agns e cent dîs la aghe a torne ai siei paîs"
"l'ingjan al torne a cjase dal ingjanadôr"
"la aghe dulà che e je stade e po tornâ"
"la aghe dulà che e jere, e torne"
"la blesteme a va ator siet agns e po e torne a colâ su par cui che le da"
"la bramazion e ven, e va; po e torne su la schene di cui che le da"
"la caritât e jes pe puarte e e torne pai barcons"
"no je mai stade ploie che il bontimp nol sei tornât"
"passade la doie, tornade la voie"
"passâts i sessante agns si torne fruts"
"robe cjatade e no tornade e je tant che robade"
"robe cjatade, simpri tornade"
"robe dade mai tornade, cul curtìs insanganade"
"robe dade, mai plui tornade"
"se o lin a puartâ la nestre crôs in place, o tornìn a cjase cu la nestre"
"se si file dal nâs a la bocje, no torne su la rocje"
"se si file mai tant che al rivi dal nâs a la bocje, e je une glagn che no torne su la rocje"
"si sa di lâ ma no di tornâ"
"vite e stime scjampadis, no tornin sul vergon"
Torna in Cima
Torna in Cima