Hai cercato la parola
bilingue monolingue
Hai cercato la parola
trasportare
Torna indietro

bilingue

trasportare
  • 1a

    v.tr. menâ, puartâ, traspuartâ Copia

    [AU] (puartâ di un puest a di un altri, spec. alc di pesant e voluminôs)
    la nave ha trasportato i camion al di là dello stretto = la nâf e à traspuartât i camions di là de streture
  • 1b

    v.tr. menâ, puartâ, traspuartâ Copia

    [AU] (puartâ doprant un mieç di traspuart)
    abbiamo trasportato i letti con un furgone preso in affitto = o vin traspuartât i jets cuntun furgon a nauli

    v.tr. menâ, puartâ, traspuartâ Copia

    (puartâ cu la sô fuarce)
    il mulo trasportava un pezzo d'artiglieria su per la montagna = il mûl al puartave un toc di artiliarie sù pe mont

    v.tr. puartâ Copia

    (di traspuart, vê une cierte capacitât di cjame)
    la corriera trasporta fino a trenta persone = la coriere e puarte fin a trente personis
  • 1c

    v.tr. menâ, puartâ, traspuartâ Copia

    [AU] (di aiar, aghe e v.i., puartâsi daûr, puartâ vie)
    la piena trasportava a valle tronchi d'albero e carcasse = la montane e puartave jù troncs di arbul e cricums
  • 2a

    v.tr. puartâ, stramudâ Copia

    [CO] (movi di puest)
    l'ufficio sarà presto trasportato nella nuova sede = l'ufici al sarà stramudât in curt inte sede gnove
  • 2b

    v.tr. meti Copia

    [CO] (fâ une copie di un test, di un progjet, di une imagjin e v.i.)
    trasportare in bella copia = meti in biele copie
  • 2c

    v.tr. menâ, puartâ, traspuartâ Copia

    [CO] (mandâ cdn. di une altre bande, trasferîlu)
    il grosso dell'esercito era stato trasportato su un altro fronte = il grues de armade al jere stât puartât suntun altri front
  • 3

    v.tr. puartâ, traspuartâ Copia

    [CO] (figurâsi di puartâ di une altre bande)
    un ricordo che mi ha trasportato alla mia infanzia = un ricuart che mi à puartât indaûr ae mê infanzie

    v.tr. cjapâ, straviâ Copia

    (slontanâ de realtât materiâl)
    una canzone che trasporta = une cjançon che e stravie
  • 4

    v.tr. puartâ, cjapâ Copia

    [CO] (di sintiment, emozion e v.i., strissinâ, vinci)
    lasciarsi trasportare dall'innamoramento = lassâsi puartâ dal inamorament
  • 5

    v.tr. traspuartâ Copia

    [TS] (scrivi o eseguî un bocon di musiche doprant une scjale diferente di chê origjinâl)
  • 6

    v.tr. traspuartâ, trasferî Copia

    [TS] (puartâ i tiermins di une ecuazion di un membri a chel altri)

monolingue

menâ v.tr.
(me-nâ)
Movi o tignî in moviment
esempi
"Ricut al jere daûr a menâ il sfuei par dâi flât a di un fûc di stancol"
da "Il muc" di Roberto Ongaro
"Ane, che e menave la polente, lu cjalà come par viodi se al veve pierdût i sintiments"
da ""Nocent"" di Maria Forte
"ogni tant al menave la scraçule pal gust di sintî colps secs come sclopetadis"
da "Prime di sere" di Carlo Sgorlon
menâ v.tr.
(me-nâ)
Movi svelte une part dal cuarp
sinonimi
bati
esempi
"Tilde e menà i braçs come une mate, clamant a plene vôs"
da "Trê feminis" di Gianni Gregoricchio
"al clame il cjan e chel al cor sot il barcon menant la code"
da "Il muc" di Roberto Ongaro
menâ v.tr.
(me-nâ)
Acompagnâ, puartâ cdn. di cualchi bande
sinonimi
puartâ, scuarzi, butâ
esempi
"so pari [...] al gji oreva un ben di vita a la sô Catinuta e la menava fûr pai cjamps di matina co al cricava al dì par mostrâgji simût che al si dismôf al mont e simût che al jeva al soreli daûr da monts"
da "Catinuta" di Ugo Pellis
"tal indoman i soldâts a menarin a Udin il mulinâr in cjadenis"
da "Madalene" di Franco Marchetta
menâ v.tr.
(me-nâ)
Tignî il control di un mieç di traspuart
sinonimi
pilotâ, vuidâ
esempi
"lui, ancje se al ves provât, nol varès mai imparât a menâ une machine"
da "Prime di sere" di Carlo Sgorlon
menâ v.tr.
(me-nâ)
Puartâ indevant une ativitât o ancje alc di imateriâl, spec. la esistence (fig.)
sinonimi
fâ, passâ
esempi
"al à menât une vite tant esemplâr, che al è deventât sant"
da "Sant Martin" di Luigi Gortani
menâ v.intr., v.tr.
(me-nâ)
Di strade, percors e sim., lâ di une cierte bande
sinonimi
condusi, lâ, lâ a finîle, rivâ
esempi
"a cjapavin la strade Bariglarie che ju menave su la Tresemane e, di li, subit a cjase"
da "Come tai romançs" di Alan Brusini
"al veve cjapât il troi che al menave sù tal bosc daûr dal paîs"
da "Il drâc" di Gianfranco Pellegrini
menâ v.tr.
(me-nâ)
[TS] (silv.) Puartâ taiis tun flum
menâ v.intr.
(me-nâ)
Di plante, cressi, disvilupâsi
esempi
"benon, la jerbe mene che al è un gust"
da "La furlane" di Dolfo Zorzut
"al pierdeve zornadis interiis pes stradis dal paîs a çoncjâ cu la ronconele baraçs e saût che a menavin pardut"
da "Il telegram" di Meni Ucel
menâ v.tr.
(me-nâ)
Dâ cun fuarce
sinonimi
dâ, dâ jù, petâ
esempi
"menâ pugns a bracevierte"
da "La aghe da pît la cleve" di Dino Virgili
"la Cavaleria scomençà a snudâ lis spadis e a menâ colps e stocs disperâts indistintamenti sora ju uns e sora ju altris"
da "Il grant citadin" di Giovanni Luigi Filli
menâ v.tr.
(me-nâ)
Puartâ tant che efiet, tant che consecuence (fig.)
sinonimi
menâ dongje
esempi
"chest [sfuarç di fâ jentrâ venit e piemontês sot de leç di tutele des minorancis] però al menarà confusion te definizion des minorancis linguistichis parcè che al va a distruzi la diference tra lenghis di minorance e dialets de lenghe taliane"
da "Memoriis di politiche linguistiche" di Adrian Cescje
menâ v.tr.
(me-nâ)
Fâ lâ intune cierte cundizion, massime negative (fig.)
esempi
"no stâ menânus in tentazion ma liberinus dal mâl"
da "Pari nestri" di
menâ v.intr.
(me-nâ)
Di aiar, soflâ
sinonimi
soflâ
esempi
"da lis monts, là sù daûr, al menave jù un tramontanin crût che al taiave"
da "La aghe da pît la cleve" di Dino Virgili
proverbi
"a menâ il cjar al vûl tamon"
"al mene la code il cjan no par te ma pal pan"
"al nas ce che si semene e ce che si insede al mene"
"ancje il cjan cul menâ la code si vuadagne la spese"
"bêçs a menin vuere"
"bisugne menâ il dint daûr la borse che si sint"
"ce che tu âs semenât, al è nassût; ce che tu âs insedât, al à menât"
"cui che al fâs al fale, cui che al mene al strucje"
"cui che al mene al strucje"
"cui che al mene il spêt nol tocje nancje un dêt"
"cui che nol à ce fâ che al meni la puarte"
"cul plui menâ, il pan al devente tenar"
"dome che il mus al mene la code par dibant"
"dutis lis stradis a menin a Rome"
"i dincj no stâ menâ se no tu âs bêçs di paiâ"
"i ocuts a menin cualchi volte a bevi i ocats"
"il cjan nol mene la code par dibant"
"il dint no stâ menâ, se no tu âs bêçs di paiâ"
"il timp al mene judizi"
"la cjar che e mene no sta mai ferme"
"la gnot e mene judizi"
"la tampieste no mene cjaristie"
"la tristerie a mene miserie, la miserie a mene pedoi e i pedoi a mangjin ancje i voi"
"lis disgraciis a menin judizi"
"Març al mene la code pal bearç"
"nancje il cjan nol mene la code dibant"
"nome il mus al mene la code par dibant"
"ogni famee al è un demoni e al mene la code pardut"
"ploie che e sune a mene bon timp"
"Sante Catarine e mene il frêt cu la caretine"
"se no tu menis i comedons, a cjase no menin lis gramulis"
"siroc e tramontan a menin vin e pan, buere e garbin a cjolin pan e vin"
"un disordin al mene un ordin"
"un reume mâl curât al mene intal sagrât"
"un vuarp che al mene un altri vuarp a colin ducj i doi te buse"
Torna in Cima
Torna in Cima