Tu âs cirût la peraule
bilengâl monolengâl
Tu âs cirût la peraule
trasportare
torne indaûr

bilengâl

trasportare v.tr.
  • 1a

    v.tr. menâ, puartâ, traspuartâ Copie

    [AU] (puartâ di un puest a di un altri, spec. alc di pesant e voluminôs)
    la nave ha trasportato i camion al di là dello stretto = la nâf e à traspuartât i camions di là de streture
  • 1b

    v.tr. menâ, puartâ, traspuartâ Copie

    [AU] (puartâ doprant un mieç di traspuart)
    abbiamo trasportato i letti con un furgone preso in affitto = o vin traspuartât i jets cuntun furgon a nauli

    v.tr. menâ, puartâ, traspuartâ Copie

    (puartâ cu la sô fuarce)
    il mulo trasportava un pezzo d'artiglieria su per la montagna = il mûl al puartave un toc di artiliarie sù pe mont

    v.tr. puartâ Copie

    (di traspuart, vê une cierte capacitât di cjame)
    la corriera trasporta fino a trenta persone = la coriere e puarte fin a trente personis
  • 1c

    v.tr. menâ, puartâ, traspuartâ Copie

    [AU] (di aiar, aghe e v.i., puartâsi daûr, puartâ vie)
    la piena trasportava a valle tronchi d'albero e carcasse = la montane e puartave jù troncs di arbul e cricums
  • 2a

    v.tr. puartâ, stramudâ Copie

    [CO] (movi di puest)
    l'ufficio sarà presto trasportato nella nuova sede = l'ufici al sarà stramudât in curt inte sede gnove
  • 2b

    v.tr. meti Copie

    [CO] (fâ une copie di un test, di un progjet, di une imagjin e v.i.)
    trasportare in bella copia = meti in biele copie
  • 2c

    v.tr. menâ, puartâ, traspuartâ Copie

    [CO] (mandâ cdn. di une altre bande, trasferîlu)
    il grosso dell'esercito era stato trasportato su un altro fronte = il grues de armade al jere stât puartât suntun altri front
  • 3

    v.tr. puartâ, traspuartâ Copie

    [CO] (figurâsi di puartâ di une altre bande)
    un ricordo che mi ha trasportato alla mia infanzia = un ricuart che mi à puartât indaûr ae mê infanzie

    v.tr. cjapâ, straviâ Copie

    (slontanâ de realtât materiâl)
    una canzone che trasporta = une cjançon che e stravie
  • 4

    v.tr. puartâ, cjapâ Copie

    [CO] (di sintiment, emozion e v.i., strissinâ, vinci)
    lasciarsi trasportare dall'innamoramento = lassâsi puartâ dal inamorament
  • 5

    v.tr. traspuartâ Copie

    [TS] mus. (scrivi o eseguî un bocon di musiche doprant une scjale diferente di chê origjinâl)
  • 6

    v.tr. traspuartâ, trasferî Copie

    [TS] mat. (puartâ i tiermins di une ecuazion di un membri a chel altri)

monolengâl

puartâ v.tr.
(puar-tâ)
Movi alc o cdn. di pês di une bande a di une altre
sinonims
menâ
esemplis
""Signour, a tornin i nustris fantats..." [...] "Ducjus?" [...] "Ducjus, ducjus, a son, sì, zent. Ma un a lu puartin. Un a lu puartin ta un jetut di ramassis [...]""
gjavât fûr di "I Turcs tal Friûl" di Pier Paolo Pasolini
"il camarîr [...] al puartave guantieris di cjicaris di cafè"
gjavât fûr di "Messe di misdì a Varsavie" di Agnul di Spere
"o vevi di puartâi jo la bocjade te sô bocje, par vie che lui nol rivave bessôl"
gjavât fûr di "Storie di Min" di Ivano Urli
Viôt ancje: partâ
puartâ v.tr.
(puar-tâ)
Tignî cun se intant di un viaç
sinonims
puartâsi, puartâ daûr, puartâsi daûr
esemplis
"o ven a cognossi che el benedet omp nol à puartât nissun fagot cun lui"
gjavât fûr di "Viaç a Vignesie" di Arturo Feruglio
puartâ v.tr.
(puar-tâ)
Traspuartâ par fâ cumierç o par furnî cdn. di alc.
esemplis
"a Sant Denêl, che i siôrs a tignivin platât il gran disint che no 'nt vevin, cuant che lu puartarin sul marcjât, l'an dopo, la int si inacuarzerin che al jere patît e a volevin copâ i siôrs"
gjavât fûr di "La aghe da pît la cleve" di Dino Virgili
puartâ v.tr.
(puar-tâ)
Fâ vê tant che regâl
esemplis
"a ti ce ti aie puartât chest an sante Luzie?"
gjavât fûr di "Il dolfin" di Carlo Sgorlon
puartâ v.tr.
(puar-tâ)
Fâ vê un servizi, meti a disposizion une risorse
sinonims
menâ
esemplis
"il Comun al veve impegnât par 30 agns intal 1852 la Societât Roucher e Favier [...] di puartâ la iluminazion a gas inte citât"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
puartâ v.tr.
(puar-tâ)
Controlâ un mieç di traspuart, un veicul e v.i. (coloc.)
sinonims
menâ, vuidâ
esemplis
"«Ce che al vûl dî savê puartâ une machine» dissal l'operari, mostrant il fantat"
gjavât fûr di "Prime di sere" di Carlo Sgorlon
puartâ v.tr.
(puar-tâ)
Direzi il compagn, o pal solit la compagne, tal bal in doi (ancje ass.)
sinonims
menâ
puartâ v.tr.
(puar-tâ)
Rivâ a sostignî o a tignî dentri une cierte cjame
sinonims
tignî
esemplis
"il so cjar, cu lis ruedis di camion, fuart e lizêr, che al puartave come nuie une cjame di trente cuintâi"
gjavât fûr di "Prime di sere" di Carlo Sgorlon
puartâ v.tr.
(puar-tâ)
Mostrâ intorsi cierts segns, improntis, olmis
sinonims
vê
esemplis
"[i paîs] a puartin i segns evidents dal ultin disastrôs taramot dal 1976"
gjavât fûr di "La culine furlane" di Luigina Di Giusto, Andrea Guaran e Mauro Pascolini
puartâ v.tr.
(puar-tâ)
Vê intor o usâ a vê intor un vistît o sim.
sinonims
vê, vê intor, vê sù
esemplis
"o zurarès che in ciertis cocis, che a puartin il cjapiel, al sedi plui dificil di fâ jentrâ une idee, che no tal mio cjâf di piere"
gjavât fûr di "Florean dal Palaç, I, 1" di Guido Antonioli
"a puartavin su la petorine de cjamese blancje une ponte verde di ruscli cu lis balutis rossis, par fâ la bandiere taliane"
gjavât fûr di "La aghe da pît la cleve" di Dino Virgili
puartâ v.tr.
(puar-tâ)
Vê la barbe o i cjavei taiâts intune cierte maniere
sinonims
vê
esemplis
"il Signôr al ordenà a sant Pieri di petenâlu. Al puartave i cjavei a la nazarene e sant Pieri cul disgredei i faseve la rie"
gjavât fûr di "Il voli del Signôr" di Catarine Percude
puartâ v.tr.
(puar-tâ)
Vê un non o sorenon, une denominazion, une cualifiche, un titul e v.i.
sinonims
vê
esemplis
"se a puartassin un non che nol oblee, alore sì che a podaressin lâ pes Gjermaniis e ancje jo o finirès di strussiâmi, ma a son di une famee che e scuen tignîsi sù"
gjavât fûr di "Cjase di Dalban" di Maria Forte
"cheste creaturute no à nissune colpe, e je dal vuestri sanc, e puarte il vuestri non…"
gjavât fûr di "Une butule verde" di Pieri Somede dai Marcs
puartâ v.tr.
(puar-tâ)
Comunicâ, riferî, trasmeti, fâ savê
sinonims
pandi, dî
esemplis
"cui che al torne dal Venezuela, al puarte di sigûr i salûts di Dreute Citòs. Dreute al mande a saludà ducj, ma soredut i vecjos"
gjavât fûr di "Alpin jo mame!" di Alan Brusini
"al funerâl, al puartà la sô preiere di cûr"
gjavât fûr di "Cjase di Dalban" di Maria Forte
puartâ v.tr.
(puar-tâ)
Doprâ intun discors, intun confront, intun resonament
sinonims
puartâ indevant, puartâ fûr, presentâ
esemplis
"al scrîf di vêi fevelât mieze ore, puartant un grum di buinis resons, «ma resons dal gjenar no àn mai fat prese [...]»"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
puartâ v.tr.
(puar-tâ)
Causionâ, provocâ
sinonims
menâ, menâ dongje
esemplis
"«Il taramot» ur diseve Mirco, «come che al à fat disastris, al puartarà culì bêçs a paladis». E nissun i crodeve. «Ben miserie al puarte»"
gjavât fûr di "Par stradis lungjis" di Alan Brusini
puartâ v.tr.
(puar-tâ)
Determinâ ciertis cundizions atmosferichis
sinonims
menâ
esemplis
"i aiars jù [...] di Est Nordest; a menin aiar sut, che al puarte biel timp, ma vie pal Invier l'aiar al pues jessi ancje une vore frêt"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
puartâ v.tr.
(puar-tâ)
Di strade o sim, lâ intune cierte direzion (ancje ass.)
sinonims
menâ
esemplis
"a cjaminavin svelts pal troi che al puarte su la Montgrande"
gjavât fûr di "La cjase di Toni" di Tarcisio Venuti
detulis
"a chel mus che nol puarte bast, no si dai vene"
"a fuarce di puartâ, ancje un scarpin di lache al devente une çavate"
"a prometi no dûl la schene, ma ben a puartâ il fas"
"aghe cidine e puarte ruvine"
"aiar di fressure al puarte in sepulture"
"al è un trist uciel chel che nol puarte cun se la plume"
"ambassadôr nol puarte pene"
"bisugne scomençâ a puartâ il jôf a buinore"
"chê che al da il Signôr si le puarte vulintîr, chê che si fâs di bessôi e je plui pesante di puartâ"
"cuant che il fûc al busine: o forescj o amîs a puartâ pueste"
"cuant che la femine e nas l'om al à di savê puartâ il fas"
"cuant che la femine si spose, l'om al à di puartâ la crôs"
"cui che al puarte la crôs nol po cjantâ messe"
"cui che al tire il cuartês che al puarti il pês"
"cul perdonâ ai triscj si puarte dam ai bogns"
"darandan il malât al puarte il san"
"difiet di nature si puarte in sepulture"
"dulà che il cûr al tire lis gjambis a puartin"
"fortune in amôr e puarte fortune al zûc"
"i bêçs no si puartiju cun se"
"i façolets a puartin lagrimis"
"il diaul une volte al puartave e cumò che al è vieli al strissine"
"il just al puarte la pene dal pecjadôr"
"il mus al puarte il sac ma al mangje ancje la semule"
"il timp nol puarte spade"
"l'om la sô sorte le puarte tai comedons"
"l'uciel al puarte e al ven puartât"
"la aghe corinte no puarte sporcjetât"
"la puarte e dîs: puarte"
"la robe no si le puarte là vie di là"
"la tampieste no puarte mai cjaristie ma puar chel che i tocje"
"la tampieste no puarte miserie"
"lis gjambis a puartin là che il cûr al tire"
"lis gusielis a puartin pinsîrs"
"ni in taule ni in jet no si puarte rispiet"
"no si da pan che nol puarti ancje un insegnament"
"no si po cjantâ e puartâ il sant"
"no si po cjantâ e puartâ la crôs"
"no si po puartâ simpri la mascare"
"nol è mai un mâl che nol puarti un ben"
"nol è negozi in tiere che al puarti plui dam de vuere"
"ogni intardament al puarte pericul"
"puartâ aghe al mâr"
"puarte al vûl dî puarte a cjase"
"se dutis lis vacjis a puartassin il sampogn"
"se la crôs no si vûl che e pesi, si à di puartâle e no di strissinâle"
"se o lin a puartâ la nestre crôs in place, o tornìn a cjase cu la nestre"
"se tu i puartis afiet a la tô prole, atint a la campagne"
"si puarte la barete par cuvierzi la tegne"
"uciel che no si puarte la plume daûr, nol è uciel"
"vizi di nature si puarte in sepulture"
torne sù
torne sù