Hai cercato la parola
bilingue monolingue
Hai cercato la parola
trovare
Torna indietro

bilingue

trovare
  • 1a

    v.tr. cjatâ, cjatâ fûr Copia

    [FO] (rivâ a une robe che si cîr, che si vûl)
    ho trovato il regalo giusto = o ai cjatât il regâl chel just
    trovare la casa di un amico = cjatâ la cjase di un amì
    trovare un libro in una libreria = cjatâ fûr un libri intune librarie
  • 1b

    v.tr. cjatâ Copia

    [FO] (viodi che al è)
    trovo che la tua idea sia ottima = o cjati che la tô idee e sedi strabuine
    trovo in lui un vero amore per la lettura = o cjati in lui un vêr amôr pe leture

    v.tr. cjatâ Copia

    (par indicâ che no si capìs cemût che cdn. o alc al puedi plasê)
    ma cosa ci trovi in lui? = ma ce cjatistu in lui?

    v.tr. cjatâ Copia

    (vê alc di obietâ)
    in ogni situazione trova qualcosa da ridire = in ogni situazion al cjate alc di dî
  • 2a

    v.tr. cjatâ, cjatâ fûr Copia

    [FO] (procurâsi, rivâ a vê)
    ho trovato casa = o ai cjatât fûr cjase
    non abbiamo trovato nemmeno una camera = no vin cjatade nancje une cjamare
    trovare i soldi per un viaggio = cjatâ fûr i bêçs par un viaç
    trovare un'occupazione = cjatâ un lavôr

    v.tr. cjatâ Copia

    (cun daûr 'da' e l'infinît di un verp)
    trovare da sedere = cjatâ di sentâ
  • 2b

    v.tr. cjatâ Copia

    [FO] (cuistâ la cundizion di spirt che si cîr)
    ha finalmente trovato quiete = finalmentri al à cjatade pâs
    non so se troverà la felicità = no sai se al cjatarà la felicitât

    v.tr. cjatâ Copia

    (ricevi di cdn. l'afiet o ce che si brame e si à bisugne)
    con lei ha trovato un po' di amore = cun jê al à cjatât un pôc di amôr
    trovare un appoggio = cjatâ une poie

    v.tr. gjavâ fûr Copia

    (vuadagnâ un cualchi vantaç)
    trovare beneficio = gjavâ fûr un benefici
  • 3a

    v.tr. cjatâ Copia

    [FO] (cjatâ fûr competencis professionâls che si à necessitât)
    è difficile trovare un infermiere = al è dificil di cjatâ un infermîr
    ho trovato l'idraulico = o ai cjatât l'idraulic

    v.tr. cjatâ Copia

    (cognossi une persone che si intint di maridâ)
    non ha ancora trovato la donna giusta = nol à ancjemò cjatade la femine juste
  • 3b

    v.tr. cjatâ, cjatâ fûr Copia

    [FO] (meti sù un rapuart personâl di afiet)
    ha trovato la ragazza = al à cjatade la morose
    ha trovato un amico per la vita = al à cjatât un amì par in vite
  • 3c

    v.tr. cjatâ, visitâ Copia

    [FO] (fâi visite a cdn.)
    passerò a trovarvi = o passarai a cjatâus
  • 4

    v.tr. cjatâ Copia

    [FO] (in locuzions pragmatichis, par indicâ che une robe o une persone che a rapresentin un valôr)
    ma dove la trovi una ragazza tanto speciale? = ma indulà le cjatistu une frute cussì speciâl?
    pensi davvero di trovare un'altra simile occasione? = pensistu pardabon di cjatâ une altre ocasion cussì?
  • 5

    v.tr. cjatâ, vê Copia

    (petâ intun ostacul, intun impediment e v.i.)
    a scuola ha trovato molte difficoltà di inserimento = a scuele al à cjatât une vore di dificoltâts di inseriment
    la mia idea ha trovato l'opposizione di tutti = la mê idee e à vût ducj cuintri

    v.tr.

    (murî dut a bot, spec. par un incident o sim.)
    ha trovato la morte in un modo spaventoso = al è muart intun mût spaventôs

    v.tr. cjatâ Copia

    [FO] (scuvierzi, e cuistâ alc cence vêlu cirût)
    trovare dei soldi per strada = cjatâ bêçs par strade
    trovare una sorpresa = cjatâ une sorprese
  • 6

    v.tr. cjatâ, viodi Copia

    [FO] (scuintrâ par câs, imbatisi in cdn.)
    al mercato ho trovato la zia = a marcjât o ai viodût oppure cjatât la agne

    v.tr. viodi Copia

    (par pandi sorprese intal scuintrâ un)
    guarda chi si trova in questi posti! = cjale cui che si viôt culì!
  • 7

    v.tr. cjatâ, cjatâ fûr Copia

    [FO] (scuvierzi daspò di une riflession, analisi, studi, ancje ass.)
    trovare una soluzione = cjatâ une soluzion

    v.tr. cjatâ Copia

    (calcolâ)
    il problema chiede di trovare l'area del rettangolo = il probleme al domande di cjatâ la aree dal retangul

    v.tr. cjatâ Copia

    (individuâ cui che al è stât a fâ il malfat)
    hanno trovato il responsabile = a àn cjatât il responsabil
  • 8

    v.tr. cjatâ, cjatâ fûr, tirâ fûr Copia

    [FO] (inventâ, ideâ)
    ha trovato il pretesto per vederla = al à tirât fûr il rimpin par viodile
    hai trovato la scusa per non andare a cena? = âstu cjatade fûr la scuse par no lâ a cene?
  • 9

    v.tr. cjatâ, cjatâ fûr Copia

    [FO] (rivâ a vê, podê disponi di alc)
    deve trovare il suo equilibrio in questa situazione = al à di cjatâ il so ecuilibri in cheste situazion
    trovare lo spazio per esprimersi = cjatâ il puest par esprimisi
  • 10a

    v.tr. cjatâ Copia

    [FO] (denant di un complement predicatîf o di espressions analighis, viodi che alc si presente intun ciert mût)
    ho trovato la macchina aperta = o ai cjatade la machine vierte
    trovare il letto fatto = cjatâ il jet fat
    trovare la tavola pronta = cjatâ la taule pronte

    v.tr. cjatâ, stimâ, pensâ Copia

    (pensâ un alc in forme di valutazion)
    trovare interessante une teoria = cjatâ interessante une teorie
  • 10b

    v.tr. cjatâ, viodi Copia

    [FO] (viodi che une persone si presente cun ciertis carateristichis, che e da une cierte impression)
    l'ho trovata subito carina = le à cjatade subit ninine
    li ho trovati molto stanchi = ju ai viodûts une vore stracs
    ti trovo bene oggi = ti viôt oppure ti cjati ben vuê
  • 11

    v.tr. cjatâ, pensâ Copia

    [FO] (pensâ che cdn. o alc al à une cierte cualitât)
    trovo che è simpatico = o pensi che al sedi simpatic

    v.tr. cjatâ, pensâ Copia

    (in loc.pragm., par cirî une conferme di ce che si è a pene dit)
    non trovi che sia una buona idea? = no pensistu che e sei une buine idee?
  • 12

    v.tr. cjatâ Copia

    [FO] (viodi cdn. che al fâs alc intun moment particolâr)
    l'ho trovato che mangiava caramelle = lu ai cjatât che al mangjave caramelis

locuzioni

monolingue

cjatâ v.tr.
(cja-tâ)
Rivâ a alc o a cdn. che si cîr, che si vûl
sinonimi
burî fûr, discoviglî, recuperâ
esempi
"a son lâts tal bosc e a àn cjatât un biel zei di foncs"
"a contavin che Telo al veve cjatât l'aur in Americhe"
da "La aghe da pît la cleve" di Dino Virgili
"i dincj a son il repert fossil plui facil di cjatâ e a son une sorte di scjatule nere de vite"
da "Evoluzion umane: la sience e mostre i segrets des nestris origjins" di Claudio Tuniz
"ma, par strani, su la mantie de puarte o vês cjatât dome lis improntis [digjitâls] vuestris, chês dai impleâts e di nissun altri"
da "La rambe" di Fabian Ros
"lant daûr des tôs indicazions o ai cjatât la cjase dai vons"
da "Ricuarts e inlusions" di Enrico Martina
cjatâ v.tr.
(cja-tâ)
Jessi bon di viodi, osservâ, pensâ (fig.)
sinonimi
individuâ, obietâ, ricognossi, scuvierzi
esempi
"Meni, da rest, al jere fat cussì: al cjatave simpri alc di legri in dut, parfin te dutrine"
da "I furlans e la fam" di Riedo Pup
cjatâ v.tr.
(cja-tâ)
Procurâ, rivâ a vê par se stes o par cdn.
sinonimi
burî fûr, otignî, procurâsi, rivâ a vê, sgarfâ fûr
esempi
"[la femine e i fruts] saressin rivâts di li a cualchi mês: il timp, par lui, di cjatâ cjase"
da "Trê feminis" di Gianni Gregoricchio
"gno barbe fradi di mê mari mi à cjatât un lavôr a Udin intun distributôr di benzine"
da "Jo e Graziella" di Mario Beltramini
"i vin dit cussì, a lui che al à di cjatâ i bêçs, che se al cjate cent, si fâs par cent, se al cjate dome cincuante o mancul, si contentisi di fâ par cincuante o mancul"
da "Memoriis di politiche linguistiche" di Adrian Cescje
cjatâ v.tr.
(cja-tâ)
Rivâ ae cundizion di spirt che si cîr o che si varès bisugne
sinonimi
concuistâ, cuistâ, gjavâ, otignî, ricevi, rigjavâ, ripuartâ, rivâ, tirâ fûr, vê, vuadagnâ
esempi
"al varès, pluitost, cirût un varc par tornâ tal Friûl e cjatâ une gnove cuiete"
da "Cjase di Dalban" di Maria Forte
"o speravi di cjatâ finalmentri recuie al roseament di anime che mi à compagnade par scuasit trê agns"
da "Trê feminis" di Gianni Gregoricchio
cjatâ v.tr.
(cja-tâ)
Rivâ a vê un jutori, un servizi, une prestazion professionâl e v.i.
sinonimi
burî fûr, cjatâ fûr, cucâ, pescjâ, reperî
esempi
"aromai al è dificil di cjatâ un artesan che ti fasi un lavôr daurman"
"[i benandants] a vignivin clamâts dai parincj dai malâts che no cjatavin zovament tai miedis"
da "Jenfri vîfs e muarts" di Sandri Carrozzo
cjatâ v.tr.
(cja-tâ)
Meti sù un rapuart personâl di afiet
sinonimi
cognossi, scuintrâ, scuvierzi
esempi
"e cjate par morôs un grant princip"
da "La fie e la fiastre" di Andreina Nicoloso Ciceri
"tu cjatarâs une zovine brave par fâti une famee"
da "Puiesis" di Checo Tam
cjatâ v.tr.
(cja-tâ)
Fâi visite a cdn.
esempi
"e il mestri Tinicul? Chel al insegnave a cubâ i grums di savalon e di glerie, a taiâ i rôi su la lune juste, e tante contabilitât. Che anzit al è stât a cjatâlu a Martignà ancje Stringher"
da "I furlans e il mestri" di Riedo Pup
"cu la pazience al va jù a cjatâju a buinis"
da "Maletegne" di Andreina Nicoloso Ciceri
cjatâ v.tr.
(cja-tâ)
Scuvierzi cdn. o alc cence vêlu cirût
sinonimi
rinvignî, scuvierzi
esempi
"cjatâ bêçs par strade"
"mi capite daûr incorint la vuardie, dute sfladade, a visâmi che a vevin cjatât un muart su la strade che e mene a Sant Marc"
da "Bandiere" di Pieri Somede dai Marcs
cjatâ v.tr.
(cja-tâ)
Viodi cdn., vê un incuintri par câs
sinonimi
imbatisi, intivâsi, intopâsi, scuintrâ
esempi
"cuant che dopo cualchi mês lu ai cjatât par strade mi à saludât cun tante simpatie e mi à dite che o vevi fat ben a meti i pontins sui îs e mi augurave fortune pal avignî"
da "Piçulis storiis di mafie furlane" di Sandri Carrozzo
"Rasmo, cul document in man, si invie pendolant de bande di cjase. Li dal tei al cjate Doro e si ferme cun lui un marilamp. Doro: un om inzegnôs, intindidôr di dut"
da "I furlans e lis medisinis" di Riedo Pup
"no jere maravee che al cjatàs simpri cualchi tenteanimis a fâi pierdi timp"
da "L'aventari pal barcon" di Maria Forte
cjatâ v.tr.
(cja-tâ)
Viodi che alc o cdn. al è intune cierte posizion, azion, situazion e v.i.
sinonimi
becâ, cjapâ, cucâ
esempi
"tornade te cusine, e cjatà Menut e la Gjisute sentâts dongje che a fevelavin cuiets"
da "Dome la cjampanute di Sant Bortul" di Maria Forte
"Nadalin al va jù pe braide adasin e cidin, sore sere, a viodi cemût che si presente il racolt: ue…, blave… E al cjate il copari Min che al lave di une cumiere in chê altre a robâi panolis, cul sac"
da "Mangjativis" di Meni Ucel
cjatâ v.tr.
(cja-tâ)
Viodi che e je une cierte situazion
esempi
"cjalât il smaltin de svearine tal lusôr di un fulminant, al jevà e al cjatà la nêf sul puiûl"
da "L'avôt" di Maria Forte
cjatâ v.tr.
(cja-tâ)
Scuvierzi daspò di une riflession, analisi, studi, ancje ass.
sinonimi
burî, burî fûr, calcolâ, cjatâ fûr, discoviglî, individuâ, inventâ, scuvierzi, smascarâ
esempi
"un altri al è il câs di une [vît] Cordenosse, che o sin stâts daûr une vore tai ultins doi agns: tal imprin, o vevin falât l'incalm e nus son muartis dutis lis plantis. Po, o vin cjatât l'incalm just e al è vignût dut ben"
da "Il paleontolic dal vin furlan" di Redazion il Diari
"chei che a àn di cirî e cjatâ la soluzion dai problemis e il superament des dificoltâts a son i vincidôrs"
da "Il scandul dal Corpus Domini" di Riedo Pup
cjatâ v.tr.
(cja-tâ)
Inventâ, ideâ
sinonimi
ideâ, inventâ, mulinâ
esempi
"cjatâ un biel slogan no je mai une sielte facile"
da "Comunicâ la autonomie" di Sandri Di Suald
cjatâ v.tr.
(cja-tâ)
Denant di un predicatîf o sim., viodi che cdn. o alc si presente intun ciert mût
sinonimi
calcolâ, pensâ, ritignî, stimâ, viodi
esempi
"il paron nol capive il motîf di chel puar purcitut, che invezit di cressi al calave e nol veve nancje flât di rugnâ. Al clamà il veterinari che al cjatà la besteute sane di fisic ma tant deperide"
da "A gustâ dal plevan" di Angelo Covazzi
"al cjatà cressude la citât, fate ricje, fate biele; ma la int imbastardide a no jere plui chê di une volte"
da "Sant Marc" di Catarine Percude
cjatâ v.tr.
(cja-tâ)
Vê une cierte opinion, considerazion
sinonimi
calcolâ, ritignî, stimâ, tignî
esempi
"mi jere vignût dongje Lamuela, presentantsi par furlan, par fâ la mê cognossince e par dîmi che al veve studiade la mê propueste di grafie pe lenghe furlane tai documents di Scuele Furlane, che le cjatave interessante"
da "Memoriis di politiche linguistiche" di Adrian Cescje
"o fasevi une cuantitât di domandis a Jole, e jê e cjatave che o jeri daûr a deventâ sofistic e stufadiç tant che un vieli"
da "Il dolfin" di Carlo Sgorlon
cjatâ v.tr.
(cja-tâ)
In costruzions impersonâls, podê osservâ, notâ
esempi
"i drâcs plui famôs de tradizion furlane a jerin a Udin, a Tamau e a Osôf, ma si cjatin ancje altris, par esempli a Cordenons e a Muçane"
da "Friûl di Magance" di Sandri Carrozzo
"o crôt che in nissune part dal mont si cjati popui plui pacjifics dal nestri"
da "I furlans e la pâs" di Riedo Pup
"siei lavôrs [di Zuan di Udin] si puedin cjatâ intal cjistiel di Spilimberc e in chel di Colorêt di Montalban"
da "Zuan di Udin" di Luca De Clara
cjatâ v.tr.
(cja-tâ)
In costruzions e espressions tipichis dal lengaç gjornalistic e divulgatîf, in cualchi câs retoric, vê
esempi
"i disocupâts a jerin 70.000, la emigrazion stagjonâl no cjatave sbroc inniò"
da "La seconde Irlande" di Carli Pup
"lis concezions nazionalistis, che a cjatin un biel spieli te frase tant innomenade “l'Italia è fatta, adesso bisogna fare gli italiani”, a àn simpri viodût te diference linguistiche taliane no une ricjece, ma un difiet di mendâ"
da "Il Friûl tra conflit invisibil e alienazion" di Sandri Carrozzo
"la pussibilitât di cjalâ lis robis un tic “di fûr” [...] o pensi che mi permetarà di dâ inmò une biele man ae Patrie, in acuardi – o disevi – cul sucessôr, che al cjatarà la mê plene disponibilitât par cualsisedi dibisugne"
da "Un mandi" di Dree Venier
proverbi
"a àn cjatât scrit te sacre scriture: che a lavorin i viei che a àn la piel dure"
"a fâ ben in chest mont, si lu cjate in chel altri"
"a fâ mâl, si lu cjate; a fâ ben, si lu piert"
"a lâ pal mont no si cjate lis luianiis picjadis"
"a Trave e Vinai, a Lauc e Davai, un galantom no si cjate mai"
"al è râr di cjatâ une frute che di cuarp e di cûr e sedi sane dute"
"chês che a mangjin crostis e lat, no cjataran un biel fantat"
"cuant che ducj à mangjât, si cjate sedons pardut"
"cuant che si vûl bastonâ, si cjate simpri un len"
"cui che al à buine volontât al cjate ce fâ pardut"
"cui che al cîr al cjate"
"cui che al fâs ben al cjate ben e cui che al fâs mâl al cjate mâl"
"cui che al fâs ben lu cjate"
"cui che al fâs il mâl lu cjate"
"cui che al lasse la strade viere pe gnove al sa ce che al lasse ma nol sa ce che al cjate"
"cui che al sta ben di une bande al cjate il mâl pront daûr de puarte"
"cui che al va a gnocis cence invidâ nol cjate cjadree par sentâ"
"cui che al va a gnocis cence jessi clamât nol cjate cjadree di sentâsi"
"cui che al va cirint al cjate"
"cui che al vûl fâ ce che nol po al cjate ce che nol vûl"
"cui che ben al siere al cjate"
"cui che le cîr le cjate"
"cui che nol cjate bêçs tes sôs sachetis int cjate mancul in chês di chei altris"
"cui che nol cjate donzelis al bale cun putanis e cui che nol cjate putanis al bale cun massariis di predi"
"cui le fâs, cui le cjate fate e cui le disfe"
"cul bati il martiel si cjate la magagne"
"fumate e lasse il timp che e cjate"
"garbin al lasse il timp che al cjate"
"i fals amîs a son come lis moscjis: fin che a cjatin di mangjâ a stan in cusine"
"il timp pierdût no si lu cjate plui"
"ingrume vuê, ingrume doman, si cjate alc insom dal an"
"la canicule se e cjate bagnât e lasse bagnât, se e cjate sut e lasse sut"
"la canicule se e cjate vueits i agârs ju implene, se ju cjate plens ju disvuede"
"la cjase dai contents e je ancjemò di fâ, e no cjatin claps di fabricâ"
"la robe si le vent là che no 'nd è e si le compre là che si cjatile"
"lavôr fat si lu cjate"
"lavôr fat si lu cjate fat"
"no si cjate lis luianiis picjadis"
"pal mont no si cjate lis luianiis picjadis"
"prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean"
"robe cjatade e no tornade e je tant che robade"
"robe cjatade, mieze robade"
"robe cjatade, simpri tornade"
"Sant Blâs se al cjate glace le disfâs, se no 'nt cjate ind fâs"
"Sant Matie cu la manariute se al cjate glace le fruce dute"
"Sant Matie se al cjate glace le pare vie, se no 'nt cjate ind fâs vignî"
"sant Vît cjataitmi il marît, Sant Modest cjataitmal di sest, Sante Cressence no stait a lassâmi cence"
"scrite la letare, cjatât l'incuintri"
"se si cjate une gusiele, si cjate pecots"
"tes causis a vuelin trê robis: vê reson, savêle dî e cjatâ cui che le dedi"
Torna in Cima
Torna in Cima