Tu âs cirût la peraule
bilengâl monolengâl
Tu âs cirût la peraule
tutto
torne indaûr

bilengâl

tutto adi.indef., pron.indef., s.m.
  • 1

    s.m.

    [FO] (dome sing., complès)
    hanno spedito il tutto = a àn mandât dut
  • 1a

    adi.indef. dut Copie

    (riferît a une situazion, a un sintiment e v.i., al segne completece)
    avere tutta la fiducia = vê dute la fiducie
    ha fatto tutto quello che poteva = al à fat dut ce che al podeve

    adi.indef. dut Copie

    (par segnalâ la opare interie di un autôr)
    studiare tutto Hegel = studiâ dut Hegel

    adi.indef. dut Copie

    [FO] (cuntun sostantîf o cuntun pronon singolâr, al segne une cuantitât interie o une estension interie di spazi e timp)
    ballare tutta la sera = balâ dute la sere
    tutto il vocabolario = dut il vocabolari

    pron.indef. dut Copie

    [FO] (cun valôr indef., ogni cjosse)
    i ladri gli hanno portato via tutto = i laris i àn puartât vie dut
    il tempo cancella tutto = il timp al cancele dut
    lei non sapeva tutto = jê no saveve dut
    pensare a tutto = pensâ a dut
  • 1b

    adi.indef. dut Copie

    [FO] (in funzion predicative)
    la questione è tutta qui = la cuistion e je dute chi

    pron.indef. dut Copie

    [FO] (in loc.pragm.)
    a parte tutto = par altri
    e non è tutto = e no je finide
    ecco tutto = ve ca
    o tutto o niente = o dut o nuie
    questo è tutto = chest al è dut
    tutto qui? = vonde cussì?
    tutto sta a decidersi = dut al sta intal decidisi
  • 1c

    adi.indef. dut Copie

    [FO] (rinfuarcît di 'quanto' o 'intero')
    ha corso per tutto quanto il campo = al à corût pal cjamp dut intîr
    leggere tutto intero il libro = lei dut cuant il libri
  • 1d

    adi.indef. dut Copie

    [FO] (daûr di 'con', 'a', cjapât dentri)
    bisogna fare fino a tutto il quarto esercizio = si à di fâ fintremai dut il cuart esercizi
  • 1e

    adi.indef. dut Copie

    [FO] (daûr di 'con', cun valôr concessîf)
    con tutta la mia buona volontà non sono riuscito a capire = cun dute la mê buine volontât no soi rivât a capî
  • 2

    s.m. dut Copie

    [TS] filos. (massime cu la iniz. maiusc., la totalitât di ce che al è)
    una filosofia del Tutto = une filosofie dal Dut

    pron.indef. dut Copie

    [FO] (tal pl. cun valôr indef., par dî dutis lis personis)
    contento tu, contenti tutti = content tu, contents ducj
    fermi tutti = ducj fers
  • 2a

    adi.indef. dut Copie

    (denant o daûr di un pronon personâl)
    tutti noi ascolteremo = o scoltarìn ducj
    voi tutti siete pregati di studiare = o sês ducj preâts di studiâ

    adi.indef. dut Copie

    [FO] (cuntun sostantîf plurâl o coletîf al segne il complès des personis o des robis consideradis)
    tutte le montagne del mondo = dutis lis monts dal mont
    tutti i soldi del mese = ducj i bêçs dal mês
  • 2b

    adi.indef. dut Copie

    [FO] (in funzion predicative)
    i bambini sono tutti a scuola = i fruts a son ducj a scuele
  • 2c

    adi.indef. dut Copie

    [FO] (rinfuarcît di 'quanto' o 'intero')
    invitare alla festa tutti quanti gli amici = invidâ ae fieste ducj cuancj i amîs
  • 2d

    adi.indef. dut Copie

    [FO] (cun valôr concessîf)
    con tutti i problemi che ha è sempre allegro = cun ducj i problemis che al à al è simpri content
  • 2e

    adi.indef. dut Copie

    [FO] (cun daûr la coniunzion 'e' e un numar cardinâl al segnale un complès di robis o personis)
    ha mangiato tutte e tre le uova di Pasqua = al à mangjât ducj i trê ûfs di Pasche
    ha preso tutte e cinque le caramelle = al à cjoltis dutis cinc lis caramelis

    adi.indef. dut Copie

    (in costruzions elitichis)
    pensarle tutte = pensâlis dutis
  • 3

    adi.indef. dut Copie

    [FO] (cuntun sostantîf plurâl, ogni, cualsisei)
    aprire tutte le finestre = vierzi ducj i barcons
    mi chiama a tutte le ore = mi clame a dutis lis oris
  • 4

    adi.indef. dut Copie

    [FO] (cun valôr av.)
    è tutto capelli = al à dome cjavei
    è tutto il contrario di quello che pensavo = al è dut il contrari di ce che o pensavi
    è tutto sua madre = al è dut sô mari
    tutt'intorno c'è un giardino = dulintor al è un zardin
  • 5

    adi.indef. dut Copie

    [FO] (cun valôr av., dome)
    è tutta una montatura = e je dute une montadure
    è tutto merito suo = il merit i va dut a lui

locuzions

    a tutto andare
  • [CO] (cjale a tutto spiano)
    • a tutto campo
  • a dut cjampCopie
    [CO], [TS] sport (intal balon, di zûc che al cjape dut il cjamp)
    una squadra che fa pressione a tutto campo = une scuadre che e fâs pression a dut cjamp
  • a dut cjampCopie
    [CO] (ancje loc.av., inte bale tal zei, di difese che e tache cuant che i aversaris a metin in zûc la bale)
    difendere a tutto campo = difindi a dut cjamp
  • a dut cjampCopie
    [CO] (di ativitât puartade indenant cence limitazions)
    una ricerca a tutto campo = une ricercje a dut cjamp
    • a tutto gas
  • di buride, a plen, a ruede lavade, a dute corse, a plui podê, a dut podê, a piês podê, a otanteCopie
    [CO] (a grande velocitât)
    la barca è passata a tutto gas = la barcje e je passade a dute corse
    • a tutto servizio
  • a servizi plen, a dut serviziCopie
    [CO] (di persone, che e lavore in cjase di cdn. altri par dute la zornade)
    un infermiere a tutto servizio = un infermîr a servizi plen
    • a tutto spiano
  • a plen, a ruede lavade, a plui podê, a dut podê, a piês podê, a otante, a brene vierteCopie
    [CO] (il plui pussibil)
    lavorare a tutto spiano = lavorâ a plen podê
    • a tutto vapore
  • [CO] (cjale a tutto gas)
    • arco a tutto sesto
  • arc taront, arc semicircolârCopie
    [TS] arch. (arc che al à la forme di semicercli)
    • con tutto ciò
  • dut câs, tant e tant, cun dut achel, cun dut achestCopie
    [CO] (par introdusi une conclusion in oposizion a ce che si à dit prin)
    è stata dura, con tutto ciò è andata bene = e je stade dure, cun dut achel e je lade ben
    • con tutto comodo
  • biel a planc, ben planc, cence deventâ mats, cun dute la calme, ben planchin, ben plancuç, biel planchinCopie
    [CO] (cun calme e cjapantsi dut il timp che al covente)
    ce la faremo con tutto comodo = je fasarìn biel planchin è arrivato con tutto comodo due ore dopo = al è rivât cun dute la calme dôs oris dopo
    • con tutto il cuore
  • [CO] (cjale con tutta l'anima)
    • con tutto questo
  • [CO] (cjale con tutto ciò)
    • del tutto
  • dal dut, a plen, biel avuâl, a fin fat, a fin fonts, dut afat, avuâlCopie
    [CO] (sot ogni aspiet)
    è del tutto contrario = al è dal dut contrari
    • di tutto
  • di dutCopie
    [CO] (cualsisei robe)
    mangiare di tutto = mangjâ di dut
    • di tutto cuore
  • cun dut il cûr, di vêr cûrCopie
    [CO] (cun plene disponibilitât)
    accettare di tutto cuore = acetâ di vêr cûr
  • cul cûr in man, cun dut il cûrCopie
    (cun sinceritât)
    ti ringrazio di tutto cuore = ti dîs graciis cul cûr in man
    • di tutto punto
  • par fîl e par pont, ben e no mâlCopie
    [CO] (cun ogni robe tal so puest)
    vestirsi di tutto punto = vistîsi par fîl e par pont
    • di tutto rispetto
  • [CO] (di preseâ une vore, che al è degn di considerazion)
    è un lavoro fatto molto bene, di tutto rispetto = al è un lavôr fat une vore ben, di gjavâsi il cjapiel hai raggiunto un tenore di vita di tutto rispetto = tu âs rivât a di un tenôr di vite pardabon alt
    • donare tutto se stesso
  • dâsi dutCopie
    [CO] (impegnâsi fin insom)
    ha donato tutto se stesso a quell'impresa = si è dât dut a chê imprese
    • dopo tutto
  • [CO] (cjale dopotutto)
    • il tutto per tutto
  • il dut par dut, dutisCopie
    [CO] (dut ce che si pues o si à)
    rischiare il tutto per tutto = riscjâ il dut par dut tentare il tutto per tutto = tentâlis dutis
    • in tutto
  • par ogni cont, in dutCopie
    [CO] (in complès)
    c'erano venti persone in tutto = par ogni cont, a jerin in vincj di lôr oppure a jerin in trente di lôr in dut
    • in tutto e per tutto
  • ad in plen, dal dut, di plante fûr, da pît insom, a plen, biel avuâlCopie
    [CO] (sot ogni aspiet)
    è un delinquente in tutto e per tutto = al è un delincuent di plante fûr
    • per tutto il tempo
  • dut il timp, dut a diluncCopie
    [CO] (in continuazion)
    ha parlato per tutto il tempo = e à cjacarât dut a dilunc ha rotto le scatole per tutto il tempo! = al à rot lis citis dut il timp!
    • per tutto l'oro del mondo
  • par nuie, par nissune reson, par nissun sant, nancje pai siet sintimentsCopie
    [CO] (in espressions negativis, par fâ il confront di alc cuntun valôr grandon)
    non ha voluto venire per tutto l'oro del mondo = no son stâts sants di fâlu vignî non lo farei per tutto l'oro del mondo = no lu fasarès nancje pai siet sintiments
    • prima di tutto
  • prin di dutCopie
    [CO] (par prime robe)
    prima di tutto pensa ai figli = prin di dut e pense ai fîs
    • pronto a tutto
  • parât a dut, disponût a dut, bon di cualsisei robeCopie
    [CO] (pront a cualsisei prove cun chê rivâ un risultât)
    • puntare tutto
  • zuiâsi dutCopie
    [CO] (impegnâsi une vore, avodâsi a alc)
    ha deciso di puntare tutto sulla sua intuizione = al à decidût di zuiâsi dut su la sô intuizion
    • regolazione tutto o niente
  • regolazion dut o nuieCopie
    [TS] tecn. (operazion li che une grandece fisiche e pues cjapâ o un ciert valôr, dut, o il valôr zero, nuie)
    • tutto considerato
  • in fin dai fats, insom insom, cjalant in plenCopie
    [CO] (in fin dai fats)
    tutto considerato penso sia meglio così = in fin dai fats o pensi che al sedi miôr cussì
    • tutto d'un colpo
  • di strabalç, a colp, bot e sclop, dut a colp, dut intun bot, dut tun colpCopie
    [CO] (a la improvise)
    • tutto d'un fiato
  • dut intune, dut intun colp, dut intun, dut di un tîr, dut intune volteCopie
    [CO] (intune volte sole)
    ha bevuto tutto d'un fiato = al à bevût dut intune
  • dut intune, dut intun colp, dut intun, dut di un tîr, dut intune volteCopie
    (cence polse)
    leggere il libro tutto d'un fiato = lei il libri dut intun
    • tutto d'un pezzo
  • dut di un tocCopie
    [CO] (di une persone, une vore rigorôs e salt)
    è un uomo tutto d'un pezzo = al è un om dut di un toc
    • tutto il santo giorno
  • di un scûr a chel altri, dute la mari dal dì, dut il sentenâl dal dìCopie
    [CM] (dut il dì)
    è abituato a lavorare tutto il santo giorno = al è usât a lavorâ di un scûr a chel altri
    • tutto il tempo
  • [CO] (cjale per tutto il tempo)
    • tutto in un colpo
  • [CO] (cjale tutto d'un fiato)
    • tutto in una volta
  • [CO] (cjale tutto d'un fiato)
    • tutto muscoli
  • dome muscuiCopie
    [CO] (di cdn., che al à dome fuarce fisiche e pocje inteligjence)
    è tutto muscoli e niente cervello = al è dome muscui e nuie cjâf
    • tutto ossa
  • [CO], [TS] (cjale pelle e ossa)
    • tutto pepe
  • pevarinCopie
    [CO] (di cdn., une vore dinamic e vivarôs)
    una ragazza tutta pepe = une fantate pevarine
    • tutto sommato
  • [CO] (cjale tutto considerato)
    • tutto un programma
  • dut un programCopie
    [CO] (di alc, che al è une vore significatîf)
    le sue lettere sono tutto un programma = lis sôs letaris a son dut un program
    • vedere tutto nero
  • [CO] (cjale vedere nero)

monolengâl

dut adi.indef.
Riferît a un sostantîf, ancje prime dal articul o dal dimostratîf, o a un pronon singolâr, al segne une cuantitât, estension, intensitât e v.i. interie
esemplis
"dute la campagne e buiave te plombe ferme dal soreli"
gjavât fûr di "La massarie" di Dino Virgili
"[i venezians a passavin] dut il dì in cjacaris e dute la gnot in fiestis e in moroseçs"
gjavât fûr di "Sant Marc" di Catarine Percude
"al berlà cun dute la vôs che al veve"
gjavât fûr di "Il discors" di Meni Ucel
dut adi.indef.
Daûr di "cun", cun valôr concessîf
esemplis
"cun ducj i fastidis che al veve, i vignì iniment istès che al podeve judâle"
gjavât fûr di "Un piçul particolâr" di Fabian Ros
"noaltris autonomiscj di ponte, cun dutis lis dificoltâts che o viodevin e che ogni dì ancjemò o scugnìn superâ, o vin volût un sfuei te nestre lenghe da cjâf a pîts"
gjavât fûr di "Un element fondamentâl dal moviment autonomistic" di Josef Marchet
dut adi.indef.
Cuntun sostantîf plurâl o coletîf al segne la totalitât des personis o des robis consideradis
esemplis
"dutis lis istituzions scolastichis – de infanzie, primariis e secondariis di prin e secont grât – a inmanein incuintris di pueste par presentâsi ai lôr potenziâi arlêfs e aes lôr fameis"
gjavât fûr di "Scuele vierte. Par dut, par ducj ma no pal furlan" di Marc Stolf
"ducj i dipendents a son stâts in casse integrazion e un gjornalist al è stât licenziât"
gjavât fûr di "La promozion de lenghe furlane sui mass media" di Erika Adami
"la roie e [...] cjape la sô strade, come dutis lis aghis che a vadin a cirî il mâr"
gjavât fûr di "Un riul tra Venit e Friûl" di Dino Virgili
dut adi.indef.
Cun valôr av., in maniere assolude, complete, totâl e v.i.
sinonims
di plante fûr, fûr par fûr, in dut e par dut
esemplis
"la piere dal fogolâr e je dute fruiade"
gjavât fûr di "La Gnot dai Sants" di Dino Virgili
"chel, dut sbarlufît nol saveve ce dî e al si gratave il cjâf"
gjavât fûr di "Bandiere" di Pieri Somede dai Marcs
dut adi.indef.
Cun valôr av., in maniere esclusive
sinonims
dome, nuie altri, sôl
esemplis
"la oposizion tra furlan e talian/inglês e je dute strumentâl: cui che al dîs che il furlan al va cuintri dal aprendiment di altris lenghis al dîs une bausie"
gjavât fûr di "Pseudopragmatisim linguistic" di Sandri Carrozzo
dut pron.indef.
Tal sing., ogni cjosse, cualsisei robe
esemplis
"un om inzegnôs, intindidôr di dut"
gjavât fûr di "I furlans e lis medisinis" di Riedo Pup
"i rispuindeve subit letaris lungjis; e i contave dut dal paîs, de stagjon, dai lavôrs"
gjavât fûr di "Dreute" di Riedo Pup
dut pron.indef.
Tal pl., dutis lis personis, o ducj obiets o subiets nomenâts za prime tal discors
sinonims
ognidun
esemplis
"nus tocje metisi ducj in vore a pale e pic "
gjavât fûr di "Storie di Min" di Ivano Urli
"cuant che al passave al veve la batude pronte par ducj"
gjavât fûr di "Domandait al paron" di Angelo Covazzi
dut s.m.
Ce che al ven fûr de union di plui elements o di ogni element
sinonims
aglomerât, aglomerazion, compuest, grup, intun, messedance, misturance, trop, totâl, sume
esemplis
"te teorie di Einstein “materie e cjamp a son viodûts come parts inseparabilis e interdipendentis di un dut unic”"
gjavât fûr di "Recension di The Tao of Physics " di Pauli Corelli
detulis
"a 'nd volarès di macarons par stropâur la bocje a ducj"
"a no vê voie, dut al pese"
"a scûr dutis lis ocjis a son neris"
"aghe e vidriûl si fâs vin par dut il Friûl"
"al è impussibil di contentâ ducj"
"al è mâl tant crodi dut che no crodi nuie"
"al è miôr mangjâ dut ce che si à che no dî dut ce che si sa"
"al è râr di cjatâ une frute che di cuarp e di cûr e sedi sane dute"
"al vâl plui il cûr content che no dut l'aur di chest mont"
"al vûl mistîr in dut e lassâur cjapâ lis surîs ai gjats"
"amì di ducj, amì di nissun"
"avâr al è dut il mont"
"bocje e fum a consumin dut"
"bogns i parincj, bogns i amîs, ma cuant che no 'nd è nuie a son ducj triscj"
"ce che al fâs il Signôr al è dut ben fat"
"content jo, content dut il mont"
"copâ int, palâ nêf, sbroiâ morârs e spacâ coculis, al è dut timp pierdût"
"crodii a ducj e no fidâsi di nissun"
"cu la pazience si fâs dut"
"cuant che al è ben, al è ben par ducj"
"cuant che ducj à mangjât, si cjate sedons pardut"
"cuant che dutis lis puartis a son sieradis, si spalanche il puarton"
"cuant che e je la buine volontât di lavorâ, al è dut"
"cuant che la nêf e je su la mont Pinêt, par dut il mont al è frêt"
"cuant che no si rive a dî: "glorie di Diu!" al è finît dut"
"cuant che si à dut no si à nuie"
"cuant che si à fam, dut al è bon"
"cuant che si è cjocs, ducj a dan di bevi"
"cuant che si è muarts, al è finît dut"
"cuant che si mûr si lasse dut"
"cuant che un al è disfortunât, al è di ducj bandonât"
"cui bêçs dut no si compre"
"cui che al à bêçs al à dut"
"cui che al à biele muîr, no je dute sô"
"cui che al ame ducj nol ame nissun"
"cui che al dîs dut ce che al sa, al piert dut ce che al à"
"cui che al va a durmî cence cene dute la gnot si remene"
"cui che al va a durmî cence cene dute la gnot si remene e cuant che si è ben remenât nol à ni durmît ni cenât"
"cui che al vûl cjapâ ducj i uciei che a passin no 'nt cjape nissun"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"cui che dut al vûl di rabie al mûr"
"cui che i da il dêt al mat, al vûl il dêt cun dut il braç"
"cui che nol cene, dute la gnot si remene"
"cui che nol cene, dute la gnot si tarmene"
"cul timp al mûr il mus cun dut il peçotâr"
"cul timp dut si po superâ"
"cul timp si fâs dut: ancje il mont al è fat un pôc par volte"
"dai colps si vuarìs di ducj, fûr che dal prin"
"dal ben ducj a àn ben, dal mâl ducj a àn mâl"
"daspò muarts ducj a son galantsumign"
"daspò viodût ducj a son mestris"
"daspò viodût ducj sa conseâ"
"daûr vint ducj sa navigâ"
"de robe dai altris ducj a son gjenerôs"
"denant di maridâsi al pâr che al mancji alc, daspò al mancje dut"
"di gnot ducj i gjats a son grîs"
"di gnot dutis lis pioris a parin neris"
"di gnûf dut al è biel"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"di rive jù ducj i sants a judin"
"di robis a 'nd è une gucje par ducj, par ben che e ledi"
"Diu al è un bon infant, al viôt e nol pant, al paie ducj e no si sa cuant"
"Diu al po dut"
"ducj a àn coraç cuant che il lôf al scjampe"
"ducj a àn i lôr difiets"
"ducj a àn il cuart di ore dal mone"
"ducj a àn lis sôs"
"ducj a fevelin ben dal lôr mistîr"
"ducj à gust di viodi mats in place ma no dai siei"
"ducj à la mare dongje dal fiât"
"ducj a lavorin par vivi"
"ducj a messe in côr no si po lâ"
"ducj a vuelin dî la sô"
"ducj i agârs no son pes cuaiis"
"ducj i dêts no son compagns"
"ducj i grops a vegnin al pietin"
"ducj i guscj a son guscj"
"ducj i guscj a son guscj, al diseve il gjat che si lecave il cûl"
"ducj i guscj a son guscj, e diseve la gjate di Aquilee"
"ducj i mês no son di trente dîs"
"ducj i nâs si somein e no 'nd è nissun compagn"
"ducj i principis a son debii"
"ducj i pulçs a àn la tos"
"ducj i salms a van a finîle in glorie"
"ducj i sants a son sants ma sant Filip e Facum, uhiu"
"ducj i sants no fasin miracui"
"ducj i studis no stan intune crepe"
"ducj misure sul so braçolâr"
"ducj si à la sô pecje"
"ducj sint cu lis orelis"
"ducj tire la aghe al so mulin"
"ducj use e ducj met la buse"
"dut a timp e lûc"
"dut al à un fin"
"dut al passe fûr che il mani dal furducjin"
"dut al sta tal metisi"
"dut ce che al è di plui al vanze"
"dut chel che di gjat al nas surîs al cjape"
"dut il mont al è paîs"
"dut si comede fûr che il grop dal cuel"
"dut si comede fûr che il vues dal cuel"
"dut si fâs pe fabriche dal pitic"
"dut si juste fûr che il grop dal cuel"
"dut si juste fûr che il vues dal cuel"
"dut si mangje ma no il mistîr"
"dut si po justâ fûr che la muart"
"dut si po onzi fûr che il Signôr"
"dute chê blave che si semene tart e ven cincuantìn"
"dute la int no je compagne"
"dutis lis bocjis a son sûrs"
"dutis lis cuaiis no van par un agâr"
"dutis lis flôrs a son buinis fûr che chês dal vin"
"dutis lis letaris no van a la pueste, dutis lis peraulis no mertin rispueste"
"dutis lis malatiis a son malsanis"
"dutis lis maraveis a durin trê dîs"
"dutis lis moscjis i dan aduès al cjaval magri"
"dutis lis rosis a van in fen"
"dutis lis sepis no stan intune cavoce"
"dutis lis stradis a menin a Rome"
"dutis no puedin lâ ben"
"fâ e disfâ al è dut un lavorâ"
"fâ e disfâ e je dute vore"
"falade la prime buse si lis fale dutis"
"Fevrarut: piês di dut"
"fidâsi di ducj e di nissun"
"fiditi di pôcs e vuarditi di ducj"
"i bogns bocons ur plasin a ducj"
"i câs a son come i nâs: ducj si somein e no 'nd è nissun compagn"
"i pintûts e i scuintiâts a van ducj par une strade"
"i siei carantans a plasin plui di ducj"
"il biel e il bon ur plâs a ducj"
"il biel ur plâs a ducj"
"il bon al crôt ducj bogns, il trist al crôt ducj compagns di lui"
"il brût de pite al va par dute la vite"
"il cîl al è dut a lane, la ploie no je lontane"
"il franc ur sta tal cjâf a ducj"
"il maridâsi nol è di ducj"
"il maridâsi nol è par ducj"
"il mont al è dut une manovre"
"il Signôr al à aghe par bagnâ ducj"
"il Signôr al à dut in man: se nol paie vuê al paie doman"
"il Signôr ind à di dânt a ducj"
"il Signôr no i vûl mai mâl a ducj"
"il soreli al jeve par ducj"
"il soreli al scjalde par ducj"
"il timp al consume dut"
"il timp al juste dut"
"il timp al spieghe dut"
"il timp che al cor a Sant Suan al cor dut l'an"
"il timp che si fâs di gnot nol dure trop, chel che si fâs a misdì al dure dut il dì"
"il timp fat di misdì al dure dut il dì; il timp fat di gnot al dure tant che un cjaval di trot"
"il tradiment al è dut velen"
"il tuart nol è mai dut di une bande"
"in chest mont a son ducj utii, nissun nol è necessari"
"in chest mont al è dut un intivâsi"
"in chest mont dut al jude"
"in dut la temperance e à di vê la sô stanzie"
"in dutis lis robis une robe di mieç"
"l'om laboriôs nol dipent di nissun, al è libar; l'om poltron al è sogjet a ducj, al è sclâf"
"l'ozi al è il pari di ducj i vizis"
"l'ultin mâl al è il piês di ducj"
"la aghe a lave dut"
"la bocje le vin ducj par traviers"
"la etât e costume ducj"
"la farine dal diaul a va dute in cinise"
"la farine dal diaul a va dute in semule"
"la femine di mâl fâ, al è dut dibant di fâle vuardâ"
"la muart e fâs ducj compagns"
"la robe dal comun e je di ducj e di nissun"
"la robe di chest mont e à di fâur lis spesis a ducj"
"la vendete no sane dutis lis plaiis"
"lagrimuçs di femine, sudôr di cjaval e vaî di plevan nol è di crodi, che al è dut ingjan"
"lis botis no colin mai dutis intune volte"
"lis cicimbelis no son dutis cu la buse"
"lis cjavris là che e va une a van dutis"
"lis clâfs di aur a vierzin dutis lis puartis"
"lis feminis che a nassin in an bisest a son dutis cence sest"
"maridâ nol è par ducj"
"miôr patafâ la bocje che no mangjâ dute la robe"
"muart jo, muart dut il mont"
"nancje i dêts no son ducj compagns"
"nancje il mont nol è stât fat dut intune dì"
"no bisugne cjapâ dutis lis moscjis che a svolin"
"no si pense mai a dutis lis peraulis che si dîs"
"no si vent dutis lis pioris che a van a marcjât"
"no spindi dut ce che si à ni dî dut ce che si sa"
"no stâ vendi co ducj a vendin, no stâ comprâ co ducj a comprin"
"no van mai dutis pes pensadis"
"nol è aur dut ce che al lûs"
"nol è dut aur ce che al lûs"
"nol è dut rost ce che al fume"
"nol è rost dut ce che al fume"
"o ducj di diu o ducj dal diaul"
"o sin ducj abii a falâ"
"o sin ducj di cjar"
"o timp o tart si pailis dutis"
"o vin ducj dibisugne un dal altri"
"o vin ducj dirit di vivi"
"o vin ducj il sanc ros"
"ognidun par se e Diu par ducj"
"ognidun sa di se e Diu sa di ducj"
"pan di une dì, ûf di une ore, lat di un minût e vin dut l'an"
"pan e gaban a stan ben dut l'an"
"pan e Signôr a 'nd è par ducj"
"par dut Avrîl no jessî dal covîl"
"par no lavorâ, i poltrons a profitin di dutis lis ocasions"
"pes vuedis ducj i poleçs a son compagns"
"ploie di misdì, ploie dut il dì"
"pluitost di fâ savê dut ce che si sa, al è miôr mangjâ dut ce che si à"
"pomâr masse cjamât nol ten sù dutis lis pomis"
"riscjâ un pôc par no pierdi dut"
"robe robade e va dute in fum"
"Sant Blâs e sante blasiole che a preservin il cuel cun dute la gole"
"Sant Josef al plante la cuche, Sant michêl le gjave dute"
"Sant Matie cu la manariute se al cjate glace le fruce dute"
"Sant Valantin al inglace la roie cun dut il mulin"
"se a 'nt fossin, se a 'nd vignissin, se a 'nd vessin, a son trê sants che a durin dut l'an"
"se a Sant Bartolomiu al è bon timp, al è bon timp dute la vendeme"
"se al è ars vinars sant, al è ars dut l'an"
"se al è bon timp il prin martars di lune, al è bon timp dute la lune"
"se al tone il dì di Sant Zorç, dutis lis coculis a van te cort"
"se dutis lis vacjis a puartassin il sampogn"
"se si podès filâ ducj i fîi, si tirarès dongje ancje lis telis di ragn"
"se tu amis a son ducj bogns, se tu odeis a son ducj triscj"
"se tu ur crodis a ducj tu restis burlât"
"si po comedâ dut fûr che la muart"
"sintî ducj e po fâ a so mût"
"soreli a mont tal sac, di ploie dut un slavuac"
"studât il lusôr a àn ducj chel savôr"
"su la Val di Josafat si salde ducj i conts"
"tai paîs dai laris ducj a son galantoms"
"tal cjalt dut fûr che la glace"
"un vuarp che al mene un altri vuarp a colin ducj i doi te buse"
"une man e lave chê altre e dutis dôs a lavin la muse"
"une robe daspò vendude ducj volarès comprâle"
"une tace di vin ros di vinars sant, al va dut in sanc"
"une vacje daspò vendude ducj volarès comprâle"
"une vacje scuintiade e sporcje dut l'armentâr"
"une volte parom si scuen fâle ducj"
"une volte si je fâs a ducj, dôs a cualchidun, trê a dinissun"
"vuardilu ben, vuardilu dut: l'om cence bêçs tant che al è brut"
torne sù
torne sù