Tu âs cirût la peraule
bilengâl monolengâl
Tu âs cirût la peraule
valentia
torne indaûr

bilengâl

valentia s.f.
  • 1

    s.f. valôr, bravece, abilitât Copie

    [CO] (il jessi valent, di grande capacitât)
    un artista di grande valentia = un artist di grande bravece

monolengâl

valôr s.m.
(va-lôr)
Ecuivalent in bêçs di un ben
esemplis
"il vescul Paulin di Aquilee al si ritirà a Grau cun dut ce che al veve di plui valôr"
gjavât fûr di "Cuintristorie dal Friûl fin sot la Italie" di Josef Marchet
"il turisim internazionâl al contribuìs cun cuasi il 30% al valôr des esportazions dai servizis mondiâi"
gjavât fûr di "Il rûl economic dal turisim in Italie" di Attilio Celant
valôr s.m.
(va-lôr)
[TS] (econ.) Carateristiche di un ben che e fâs che si puedi cambiâlu cuntune cierte cuantitât di altris bens o pûr che al puedi sei util tal sodisfâ ciertis bisugnis
esemplis
"i bens che a son vendûts e comprâts sul marcjât a puedin jessi valutâts tal lôr valôr su la fonde di presits che a nassin di une negoziazion"
gjavât fûr di "Dal Prodot Interni Lort aes misuris dal benstâ" di Marzi Strassolt
valôr s.m.
(va-lôr)
[TS] (econ.) Dut ce che si pues comprâ e vendi, p.e. monedis forestis, azions, obligazions e v.i.
esemplis
"vie dilunc dal ultin cuart di secul dal Votcent, a sucedin bruts fats inte economie mondiâl. Tal 1873 e va jù la Borse dai valôrs di Viene"
gjavât fûr di "Il Risorziment a Martignà" di Elio Varutti
valôr s.m.
(va-lôr)
Tal pl., robe preziose
sinonims
preziôs, zoie
esemplis
"la casse di nuvice adulà che a jerin i valôrs"
gjavât fûr di "Amîs come prime" di Alan Brusini
valôr s.m.
(va-lôr)
Complès di cualitâts personâls
esemplis
"«Se le à cjolte Mirco» a disevin, «al vûl dî che e à il so valôr»"
gjavât fûr di "Par stradis lungjis" di Alan Brusini
valôr s.m.
(va-lôr)
Domini de pôre o mancjance di pôre tal frontâ i pericui
sinonims
baldance, eroisim, fiât, olse
esemplis
"cualchidun lu clamave un «eroi» pal valôr e pal coragjo che al veve vût plui di une volte"
gjavât fûr di "Sul agâr" di Pieri Menis
"i soldâts lu àn fat saltâ [il puint] cun dut ce che al veve parsore: int cu la cosse, cjaruçs cjamâts di fruts e di viei [...]. Cui che al fevele di valôr militâr e di patrie, prime al à di fâ i conts cun chestis robis"
gjavât fûr di "Amîs come prime" di Alan Brusini
valôr s.m.
(va-lôr)
Complès di dotis morâls e inteletuâls che a fasin di riferiment tal compuartâsi, tal vivi, tal judicâ
sinonims
principi
esemplis
"il nestri mût di vivi, di lavorâ e di pensâ: cualitâts e difiets, virtûts e vizis, valôrs e sperancis"
gjavât fûr di "Fûr che al vegni cui che al è stât" di Riedo Pup
"la onestât, la peraule e il lavôr fat ben a jerin valôrs fûr di discussion"
gjavât fûr di "Il cjâf dai furlans" di Franc Fari
valôr s.m.
(va-lôr)
Capacitât professionâl di cdn. o cualitât di alc
sinonims
braùre, capacitât, sgrimie, snait
esemplis
"sienziâts dal valôr di Darwin, Mendel, Muller, Schröedinger"
gjavât fûr di "Recension di La scienza non ha bisogno di Dio" di Lorenzo Marcolini
"une des plui bielis publicazions di grant valôr didatic"
gjavât fûr di "Memoriis di politiche linguistiche" di Adrian Cescje
valôr s.m.
(va-lôr)
Impuartance di une cjosse, di une situazion, di une cundizion e v.i.
sinonims
afâr, pês, puartade, significance
esemplis
"l'interès dal mont universitari viers de emitente udinese al è conferme dal valôr che e veve cjapade la sô ativitât"
gjavât fûr di "Un Friûl difarent: i 90 mhz di Onde Furlane" di Max Mauro
valôr s.m.
(va-lôr)
Capacitât, ancje legâl o impositive, di vê efiet
sinonims
eficacie, validitât
esemplis
"i ordins che a jerin partîts di chenti a vevin vût valôr par dute la Europe"
gjavât fûr di "Un cidinôr todesc" di Agnul di Spere
"lis leçs [de Contee di Gurize e Gardiscje] a jerin in funzion dome dal teritori, ma a vevin valôr tant che chês statâls"
gjavât fûr di "Autonomie tal Friûl austriac" di Ferruccio Tassin
valôr s.m.
(va-lôr)
Significât
sinonims
significance, significât, sens
esemplis
"te sô definizion di dialet [...] «nol è un valôr semantic univoc, ni a nivel di ûs comun, ni a nivel vocabolaristic, ni a nivel sientific»"
gjavât fûr di "Minorancis linguistichis" di Marc Stolf
"il visc al à ancje altris valôrs simbolics parcè che no dome al reste vert su plantis che invezit a pierdin lis fueis ma ancje parcè che al vîf cence bisugne di tocjâ tiere"
gjavât fûr di "Nadâl" di Sandri Carrozzo
valôr s.m.
(va-lôr)
Di segns, simbui e v.i., informazion che e ven comunicade
esemplis
"o pensìn, par esempli, al x dal portughês, che al à valôrs diferents seont la storie de peraule dulà che si lu cjate"
gjavât fûr di "La grafie furlane normalizade – Introduzion" di Xavier Lamuela
valôr s.m.
(va-lôr)
Nivel, cuantitât, intensitât e v.i. che si puedin misurâ
esemplis
"Dogne, Resie e Scluse a mostrin valôrs di dispopolament dongje dal 70%"
gjavât fûr di "La mont furlane" di Mauro Pascolini, Andrea Guaran
"doprant i modei [...] al è pussibil valutâ i impats di gnûfs implants industriâi [...] cussì come sudividi i valôrs dal incuinament tes diviersis tipologjiis di sorzints"
gjavât fûr di "Modelistiche numeriche pe valutazion e gjestion de cualitât dal aiar" di Daniele Goi, Dario Giaiotti, Fulvio Stel
valôr s.m.
(va-lôr)
[TS] (fis.) Determinazion che une variabile e cjape sù
esemplis
"la probabilitât par un dât valôr di A o u e risulte indipendente di ducj chei altris valôrs di A e a"
gjavât fûr di "L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane" di Lorenzo Marcolini
"Shannon al à definît la capacitât dal canâl come massim de informazion che o rivìn a ricevi, di un valôr de probabilitât di erôr p"
gjavât fûr di "La societât de informazion: cirint lis origjins" di Valentino Castellani
detulis
"si cognòs il valôr de salût co si è malâts"
torne sù
torne sù