Hai cercato la parola
bilingue monolingue
Hai cercato la parola
venire
Torna indietro

bilingue

venire
  • 1

    v.intr. vignî Copia

    [FO] (lâ dulà che e je la persone che si fevele o chê che e fâs il discors)
    a che ora vieni a casa? = a ce ore vegnistu a cjase?
    è venuto da me un amico = al è vignût ca di me un amì
  • 2

    v.intr. vignî Copia

    [FO] (rivâ, di mieçs di traspuarts, di aiar, di temperadure, di suns, di odôrs e v.i.)
    dalla cucina viene un buon odore = de cusine al ven un bon odôr
    il treno viene da Milano = il tren al ven di Milan
    il vento freddo viene dal nord = l'aiar frêt al ven di tramontan
    se viene un temporale siamo bloccati = se al ven un temporâl o sin blocâts

    v.intr. vignî, capitâ Copia

    (dit di une zornade di calendari, o di un timp particolârs)
    è venuta la sua ora = e je vignude la sô ore
    il mese che viene = il mês che al ven
    Pasqua viene sempre di domenica = Pasche e capite simpri di domenie
  • 3

    v.intr. vignî, vignî dongje Copia

    [CO] (vignî puartât)
    dopo la pasta viene in tavola l'arrosto = daspò de pastesute al ven in taule il rost
  • 4

    v.intr. vignî Copia

    [CO] (cun daspò la preposizion 'di', vê une cierte origjin)
    questa camicia viene da Londra = cheste cjamese e ven di Londre
    viene da una famiglia di contadini = al ven di une famee di contadins

    v.intr. vignî Copia

    (derivâ)
    una parola che viene dal latino = une peraule che e ven dal latin
  • 5

    v.intr. vignî Copia

    [CO] (di licuits, vignî fûr)
    è acqua che viene dalla fonte = e je aghe che e ven de fontane
  • 6

    v.intr. vignî, vignî jù Copia

    [CO] (di ploie o nêf, colâ)
    è venuto un acquazzone = e je vignude jù une sglavinade
    l'anno scorso è venuta tanta neve = l'an passât e je vignude jù oppure e je vignude tante nêf
  • 7

    v.intr. vignî, vignî sù Copia

    [CO] (manifestâsi, presentâsi intal cjâf)
    mi è venuta un'idea = mi è vignude sù une idee
    mi viene un dubbio = mi ven un dubi

    v.intr. vignî, dâ fûr Copia

    (di curiositât, rabie e v.i.)
    gli venne un'allegria improvvisa = dal moment i de fûr la ligrie
    mi viene la curiosità di sapere = mi ven la curiositât di savê

    v.intr. vignî, saltâ sù, vignî sù Copia

    (dal manifestâsi di sintiments, emozions e v.i.)
    con quello che è successo non volete che mi venga la stizza? = cun chel che al è sucedût no volêso che mi salti sù la fote?

    v.intr. rivâ, vignî Copia

    (di un timp, sucedi daûr des previsions)
    dopo l'autunno viene l'inverno = dopo de Sierade al ven l'Invier

    v.intr. vignî, capitâ, vignî dongje Copia

    (di malans, tocjâ a cdn.)
    gli è venuto mal di stomaco = i è vignût mâl di stomi
    mi sta venendo il raffreddore = al è daûr a vignîmi dongje il rafredôr

    v.intr. vignî Copia

    (in escl.)
    ti venisse un colpo! = ti vignissial un colp! oppure folc che ti trai!
  • 8

    v.intr. vignî Copia

    [CO] (cun daûr la prep. 'di', sintî la bisugne)
    mi viene da piangere = mi ven di vaî
    mi viene da ridere = mi ven di ridi
  • 9

    v.intr. vignî sù Copia

    [CO] (jessi visât)
    non mi viene il suo nome = no mi ven sù il so non
  • 10

    v.intr. vignî Copia

    [CO] (riessi)
    non mi viene bene il sugo = la salse no mi ven ben
    non mi viene il solitario = no mi ven il solitari
  • 11

    v.intr. vignî, vignî fûr Copia

    [CO] (dâ tant che risultât)
    dovrebbe venire sei come risultato = al varès di vignî fûr sîs tant che risultât

    v.intr. vignî fûr Copia

    (coloc. intal zûc dal lot, de tombule e v.i., sei estrat)
    è venuto il quarantuno = al è vignût fûr il cuaranteun
  • 12

    v.intr. vignî Copia

    [CO] (costâ)
    quanto viene? = trop vegnial?
    viene tre euro = al ven trê euros

    v.intr. vignî Copia

    (costâ intal complès)
    quanto mi viene a costare in tutto? = ce mi vegnial in dut?

    v.intr. vignî Copia

    (tocjâ)
    dividendo vengono mille euro a testa = se o dividìn a vegnin mil euros par om
  • 13

    v.intr. vignî Copia

    [CO] (nassi)
    prima ci si sposa poi vengono i figli = prime si maridisi daspò a vegnin i fiis

    v.intr. menâ, vignî, vignî sù Copia

    (di plantis, nassi, cressi ben)
    il radicchio non viene, dovremo comprarlo = il lidric nol ven sù, o varìn di comprâlu
  • 14

    v.intr. vignî Copia

    [CO] (rivâ al orgasmi)
  • 15

    v.intr. vignî Copia

    [CO] (jessî, distacâsi)
    il turacciolo non viene = il stropul nol ven
  • 16

    v.intr. vignî, jessi Copia

    [CO] (cun daûr il participi passât, al cjape il puest dal ausiliâr 'essere' inte coniugazion passive dai verps, ma dome intai timps sempliçs)
    il mobile vecchio verrà portato via domani = il mobil vieri al vignarà oppure al sarà puartât vie doman oppure lu puartaran vie doman
  • 17

    v.intr. lâ, jessi daûr Copia

    [CO] (denant di un gjerundi)
    veniva capendo il senso di quelle parole = e jere daûr a capî oppure al leve capint il sens di chês peraulis
  • 18

    v.intr. vignî Copia

    [TS] (di nâf, manovrâ viers une direzion stabilide)

locuzioni

    a venire
  • che al ven, che al vignaràCopia
    [CO] (futûr)
    si vedrà negli anni a venire = si viodarà intai agns che a vignaran
    • andare e venire
  • lâ e vignîCopia
    (comparî e scomparî intun lamp)
    la luce andava e veniva = la lûs e leve e e vignive
  • lâ e vignîCopia
    (durâ pôc)
    un'idea che gli va e gli viene = une idee che i va e che i ven
  • lâ e tornâ, lâ sù e jù, lâ fûr e dentri, lâ indenant e indaûrCopia
    [CO] (movisi cun sveltece indenant e indaûr, di une bande in chê altre)
    andava e veniva coi pacchi della spesa = al leve indenant e indaûr cui pacs de spese andava e veniva da casa = al leve fûr e dentri cjase
  • lâ e tornâCopia
    [CO] (tornâ dal moment)
    esco un momento, vado e vengo = o jes un lamp, o voi e o torni
    • di là da venire
  • [CO] (di un fat che al podarà sucedi tun futûr indefinît)
    è un cambiamento di là da venire = al è un mudament che al vignarà cuissà cuant
    • far venire i brividi
  • fâ vignî i sgrisui, fâ sgrisulâ i claps, fâ sgrisulâCopia
    [CO] (spaventâ)
    quello che si legge in cronaca fa venire i brividi = ce che si lei in croniche al fâs sgrisulâ i claps
    • far venire i capelli bianchi
  • fâ vignî i cjavei blancsCopia
    [CO] (fâ vignî vieli cdn. prime dal timp cun preocupazions o displasês)
    quel figlio mi fa venire i capelli bianchi = chel fi mi fâs vignî i cjavei blancs
    • far venire i capelli dritti
  • [CO] (vedi far rizzare i capelli)
    • far venire il latte alle ginocchia
  • fâ vignî il lat tai zenoi, fâ colâ i cjalçutsCopia
    [CO] (espression par dî un efiet di delusion o di stufe di un fâ o di un discori)
    che noia questo discorso, fa venire il latte alle ginocchia = ce stufe chest discors, al fâs vignî il lat tai zenoi
    • far venire l'acquolina in bocca
  • fâ vignî la aghegole, fâ vignî la aghe in bocjeCopia
    [CO] (ingolosî)
    c'è un buon odore che mi fa venire l'acquolina in bocca = al è un nasebon che mi fâs vignî la aghegole
    • far venire la barba
  • fâ fete, fâ vignî la barbe, fâ vignî la barbe lungje, fâ cressi la barbeCopia
    [CO] (stufâ)
    mi ai fatto venire la barba con tutti i tuoi discorsi = tu mi âs fat vignî la barbe cun ducj i tiei discors
    • venire a capo
  • cjatâ il dret, vignî a cjâf, cjatâ il cjaveç, cjatâ fûr il cjaveç, cjatâ fûr il dretCopia
    [CO] (cjatâ une soluzion)
    è un problema nuovo e non credo sareste capaci di venirne a capo = al è un probleme gnûf e no crôt che o saressis bogns di cjatâi il dret la questione era complicata ma ne sono venuto a capo = la cuistion e jere intrigade ma i ai cjatât fûr il cjaveç non è venuto a capo di nulla = nol è vignût a cjâf di nuie possibile che non ne venga a capo! = pussibil che no i cjati fûr il dret!
    • venire a conoscenza
  • vignî a savêCopia
    [CO] (sei informât)
    • venire a contesa
  • cjatâ peraulis, cjatâ da dî, tacâle, begâCopia
    [CO] (tacâ a litigâ, a discuti cun violence)
    è venuto a contesa con suo fratello = al à cjatât da dî cun so fradi venire a contesa per niente = tacâle par nuie
    • venire a galla
  • vignî a flôr, vignî parsoreCopia
    [CO] (manifestâsi)
    la verità venne a galla = la veretât e vignì a flôr
    • venire a mancare
  • mancjâCopia
    [CO] (murî, spec. dal improvîs)
    il paziente è venuto a mancare questa mattina = il pazient al è mancjât vuê a buinore
    • venire a parole
  • cjatâ peraulis, cjatâ da dîCopia
    [CO] (litigâ, discuti cun cdn.)
    è venuto a parole con la suocera = al à cjatât peraulis cun sô madone
    • venire a patti
  • justâsi, vignî a pats, patizâCopia
    [CO] (metisi dacuardi)
    i due partiti sono venuti a patti per evitare la crisi = i doi partîts si son justâts par che no fos la crisi
    • venire a sapere
  • vignî a savê, savêCopia
    [CO] (cognossi par vie di informazions vudis di altris)
    sono venuto a sapere che te ne vai = o ai savût che tu vâs vie
    • venire a tiro
  • rivâ sot, capitâ sot man, vignî a tîr, capitâ a tîr, capitâ pes mans, vignî a butegheCopia
    [CO] (di alc o cdn. vignî dongje tant di podêur fevelâ, o sberlâ, o domandâ e v.i.)
    appena mi viene a tiro gli do due sberle = a pene che mi ven a tîr i moli doi scufiots
    • venire a, in taglio
  • tornâ juste ben, colâ sul vergon, colâ sul braçâl, vignî a taiCopia
    [CO] (rivâ sul moment just)
    questa idea viene a taglio = cheste idee e ven a tai
    • venire ai fatti
  • vignî al struc, movi chel cantin, vignî adoremus, vignî a bon, rivâ al gropCopia
    [CO], [TS] (frontâ in concret une cuistion)
    adesso veniamo ai fatti = cumò o movìn chel cantin decidiamoci a venire ai fatti = risolvìnsi a vignî adoremus è il momento di venire ai fatti = e je la ore di rivâ al grop
    • venire al bisogno
  • tornâ juste ben, capitâ sul vergonCopia
    [CO] (tornâ bon par un fin)
    questo lavoro viene al bisogno = chest lavôr al torne juste ben vieni al bisogno per dirci chi ha ragione = tu capitis sul vergon par dînus cui che al à reson
    • venire al dunque
  • vignî al struc, vignî a bon, rivâ al gropCopia
    [CO] (rivâ al pont plui impuartant di un discors, di une cuistion e v.i.)
    speriamo venga presto al dunque = sperìn che al vegni a bon in curt vieni al dunque, altrimenti non capiamo niente = rive al grop, se no, no capìn nuie
    • venire al fatto
  • [CO] (vedi venire ai fatti)
    • venire al mondo
  • vignî al montCopia
    [CO] (nassi)
    era venuto al mondo il primo di tre fratelli = al jere vignût al mont il prin di trê fradis
    • venire al punto
  • vignî al struc, vignî a bon, rivâ al grop, rivâ al pontCopia
    [CO] (tratâ l'argoment plui impuartant)
    non cambiare argomento e vieni al punto = no stâ cambiâ argoment e rive al struc oppure ven al bon
    • venire alla conclusione
  • rivâ ae conclusionCopia
    [CO] (concludi)
    dopo un lungo discutere vennero alla conclusione = daspò di tant discuti a rivarin ae conclusion
    • venire alla luce
  • saltâ fûr, vignî a lûs, rompi il scusCopia
    [CO] (nassi)
    ieri sono venuti alla luce tre gemelli = îr a son vignûts a lûs trê zimui il suo nuovo libro sta per venire alla luce = il so gnûf libri al è par saltâ fûr oppure par rompi il scus
  • saltâ fûr, vignî fûr, vignî a lûsCopia
    [CO] (sei scuviert)
    i vasi sono venuti alla luce durante le ricerche archeologiche = i vâs a son vignûts a lûs tal mieç des ricercjis archeologjichis
  • saltâ fûr, vignî fûr, vignî a lûsCopia
    (sei rivelât)
    la verità viene sempre alla luce = la veretât e ven simpri a lûs
    • venire alla vita
  • vignî a lûsCopia
    [CO] (nassi)
    ieri è venuta alla vita una bella bambina = îr e je vignude a lûs une biele frutine
    • venire alle orecchie
  • vignî in oreleCopia
    [CO] (cognossi alc, spec. par vêlu scoltât)
    mi è venuto alle orecchie che ti sposi = mi è vignût in orele che tu ti maridis
    • venire alle prese
  • cjatâ peraulis, cjatâ di dîCopia
    [CO] (contindi cu lis peraulis)
  • fâ lis bracisCopia
    [CO] (tacâ a lotâ)
    • venire avanti
  • vignî indenant, vignî dentri, vignî indevant, avanzâCopia
    [CO], [TS] (jentrâ o fâsi indenant)
    vieni avanti, non rimanere sulla porta = ven indenant, no stâ a stâ su la puarte
    • venire dai monti
  • jessi un salvadi, vignî jù des monts, vignî fûr dal boscCopia
    [CO] (no vê nissune gracie)
    si comporta come uno che viene dai monti = al à la ande di un che al ven fûr dal bosc
    • venire dal mondo della luna
  • vignî jù dal mont de luneCopia
    [CO] (no vê cussience di une situazion, o mostrâ masse fiducie)
    vieni dal mondo della luna, che non capisci? = vegnistu jù dal mont de lune, che no tu capissis
    • venire dal niente
  • vignî dal nuie, vignî sù dal nuieCopia
    [CO] (jessi di famee puare)
    viene dal niente ma ha delle buone prospettive = al ven dal nuie ma al à buinis prospetivis
    • venire dal nulla
  • [CO] (vedi venire dal niente)
    • venire dalla gavetta
  • vignî sù dal pedalinCopia
    [CO] (di un uficiâl che nol à fat la academie, percori ducj i grâts de cariere militâr tacant di chel plui bas)
    il capitano è venuto dalla gavetta = il cjapitani al è vignût sù dal pedalin
  • vignî sù dal pedalin, vignî sù dal nuieCopia
    (rivâ a une posizion professionâl di rilêf tacant des mansions plui semplicis)
    quell'industriale è venuto dalla gavetta = chel industriâl al è vignût sù dal nuie
    • venire dalla Mecca
  • vignî jù dal mont de luneCopia
    (puartâsi in maniere fûr dal ordenari)
  • vignî jù dal mont de luneCopia
    [CO] (no savê ce che ducj a san)
    ma vieni dalla Mecca? = ma vegnistu jù dal mont de lune?
    • venire dalla zolla
  • vignî dai cjampsCopia
    [CO] (che al à origjins di contadin)
    • venire dentro
  • [CO] (vedi venire avanti)
    • venire dietro
  • vignî daûrCopia
    [CO] (lâ cun cdn.)
    la smetti di venirmi dietro? = le fermistu di vignîmi daûr? vienimi dietro = ven daûrmi
    • venire dopo
  • vignî dopo, vignî daûr, vignî daspòCopia
    [CO] (vê mancul impuartance)
    per lui qualunque cosa viene dopo il lavoro = par lui cualsisei cjosse e ven daspò dal lavôr
    • venire fatto
  • sucediCopia
    (riessi, capitâ)
    se mi vien fatto di incontrarlo te lo dico = se mi sucêt di cjatâlu tal dîs
  • sucediCopia
    [CO] (sucedi par câs)
    mi venne fatto di trovare le sue lettere = mi à vût sucedût di cjatâ lis sôs letaris
    • venire fuori
  • fâsi fûr, vignî fûr, dâ suCopia
    [CO] (jessî)
    dalla cantina viene fuori un buon profumo di vino = de cjanive al da sù un bon profum di vin è venuto fuori di casa per salutarmi = al è vignût fûr di cjase par saludâmi presto, venite fuori! = svelts, vignît fûr! oppure svelts, faitsi fûr!
  • vignî fûrCopia
    [CO] (pandisi)
    è venuto fuori che avevo ragione = al è vignût fûr che o vevi reson
  • vignî fûrCopia
    [CO] (tai zûcs di cjartis, in tombulis e lotariis, jessi trat)
    è venuto fuori il diciannove = al è vignût fûr il disenûf
  • vignî fûrCopia
    [CO] (fâ declarazions fûr dal ordenari o strambis o che no si spietavisi)
    è venuto fuori con una buona idea = al è vignût fûr cuntune biele idee
    • venire giù
  • vignî jù, rivâ jù, la jùCopia
    (colâ)
    per poco non veniva giù dalla finestra = dibot nol rivave jù pal barcon
  • vignî jù, rivâ jù, la jùCopia
    [CO], [TS] (dismontâ)
    vieni giù subito da lì! = ven jù di li dal moment!
    • venire in aiuto
  • dâ une man, socori, sovignî, vignî in jutoriCopia
    [CO] (puartâ un jutori, un socors)
    vennero in suo aiuto i pompieri = lu socorerin i pompîrs
    • venire in antipatia
  • [CO] (vedi venire in odio)
    • venire in mente
  • vignî sù, vignî tal cjâf, vignî a ments, vignî inimentsCopia
    [CO] (jessi pensât)
    mi è venuto in mente ora che dovevo telefonarti = mi è vignût sù cumò che o vevi di telefonâti
    • venire in odio
  • vignî in asseCopia
    [CO] (deventâ antipatic, fâ riviel)
    il nuovo direttore è venuto in odio a tutti in meno di un mese = il gnûf diretôr al è vignût in asse a ducj in mancul di un mês
    • venire in possesso
  • [CO] (vedi entrare in possesso)
    • venire meno
  • pierdi i sintiments, colâ in svaniment, vignî l'imbast, colâ in fastidiCopia
    [CO] (pierdi la cussience o fâsi colâ lis fuarcis a colp)
  • lâ al mancul, calâCopia
    [CO] (pierdi di valôr)
    il valore delle azioni viene meno = il valôr des azions al va al mancul
  • mancjâCopia
    [CO] (no tignî un impegn)
    venire meno alla parola = mancjâ di peraule
    • venire per le mani
  • vignî pes mans, vignî sot man, vignî a manCopia
    [CO], [TS] (colâ tes mans)
    appena mi viene per le mani lo distruggo! = a pene che mi ven pes mans lu fruci!
    • venire prima
  • vignî prime, contâ di pluiCopia
    [CO] (vê plui impuartance, sei un grât di plui)
    la salute viene prima del lavoro = la salût e ven prin dal lavôr
    • venire su
  • vignî sùCopia
    [CO] (lâ sù dulà che al è o che al va cdn.)
    vieni su, ti stiamo aspettando = ven sù, ti spietìn
  • vignî sù, menâCopia
    [CO] (di fruts, plantis, animâi piçui, cressi)
    il melo viene su bene = il miluçâr al mene ben oppure al ven sù ben sua nipote è venuta su bene = sô gnece e je vignude sù ben
  • vignî sù, tornâ sùCopia
    [CO] (sintî il savôr de digjestion oris daspò di vê mangjât)
    mi viene su la cena = mi ven sù la cene
    • venire via
  • vignî vie, gjavâsiCopia
    [CO] (lâ vie di un puest)
    vieni via da lì che è pericoloso = ven vie oppure gjaviti di li che al è pericolôs
  • vignî vieCopia
    [CO] (di alc, distacâsi, cedi, jessî)
    il tappo non viene via = il tapon nol ven vie
  • la jù, vignî vieCopia
    [CO] (scomparî daspò di trataments)
    una macchia che non viene via = une magle che no ven vie

monolingue

vignî v.intr.
(vi-gnî)
Lâ dulà che e je la persone che si fevele o dulà che e je la atenzion dal discors
sinonimi
capitâ, capitâ dongje, vignî dongje, rivâ
esempi
"ma l'avocat no vegnial vuê in ufici?"
da "L'avocat e la luianie" di Pieri Somede dai Marcs
"Gjovanin al mancje, al è malât e al è cualchi dì che nol ven a scuele"
da "Neveade" di Marisa Moretti
vignî v.intr.
(vi-gnî)
Jessî, distacâsi
sinonimi
distacâsi, jessî, saltâ fûr, vignî fûr
esempi
"il stropul al è incjastrât, o tiri ma nol ven"
vignî v.intr.
(vi-gnî)
Vê une cierte origjin, intindude tant che lûc
sinonimi
jessi, divignî, provignî
esempi
"ducj a ricuardin Agnul, il vecjo poete montagnâr che al vignive de Cjargne, a Nadâl, a cjatâ lis fameis dai amîs"
da "I furlans e i muarts" di Riedo Pup
""Isal, par câs, ancje lui di chei che a àn supât lis ideis che a vegnin di France... ?""
da "Int di masnade" di Alviero Negro
vignî v.intr.
(vi-gnî)
Di moment, timp e v.i., jessi presint, soredut dopo di une cierte spiete o di une altre dade di timp che e je stade prime
sinonimi
rivâ
esempi
"a vegnarà ben il dì che il Friul si inecuarzarà di vei na storia, un passât, na tradission!"
da "Dialet, lenga e stîl" di Pier Paolo Pasolini
"e ven la sabide e di sere lui si siere dentri [te barcje] e al spiete par viodi cui che le dispeave"
da "Lis striis" di Andreina Nicoloso Ciceri
vignî v.intr.
(vi-gnî)
Di cualsisei fat o event, sucedi, inverâsi
sinonimi
acjadê, avignî, sucedi, inverâsi, vignî a jessi, rivâ
esempi
"la preiere, ogni volte che si domande un plasê a Diu, che al vegni o che nol vegni, al è un mût di crodi che Lui al è bon"
da "La predicje di une domenie cualunche" di Francesc Placerean
"ogni gnot al vignive un burlaç e un frêt di cricâ"
da "I ribei" di Alan Brusini
"in chê volta al ven il taramot. Na roba come il farc che al mouf la cjera e al la buta sù"
da "Fat di voladia" di Novella Cantarutti
vignî v.intr.
(vi-gnî)
Di pinsîr, emozion e v.i., tacâ a jessi
sinonimi
vignî sù, saltâ sù, vignî intal cjâf
esempi
"al re i ven un suspiet e i domande: "Cui us à insegnât dut chest?""
da "Il re e la fantate furbe" di Andreina Nicoloso Ciceri
"i jere vignude une pôre che si jere bagnâts i bregons"
da "Par stradis lungjis" di Alan Brusini
"parcè vegnial mo chel alc, dentri, co si sint che doi voi a cjalin seneôs?"
da "Aghelusinte" di Dino Virgili
vignî v.intr.
(vi-gnî)
Di sensazion o manifestazion fisiche, malatie o sim., tacâ a jessi sintude, a vê efiet
esempi
"mi vignive la fiere e o scugnivi stâ tal jet"
da "Il zardin" di Alan Brusini
"al vieli i vignivin fin lis lagrimis tai voi"
da "La aghe da pît la cleve" di Dino Virgili
vignî v.intr.
(vi-gnî)
Nassi, cressi, vivi in ciertis cundizions, ancje cun averbis o predicatîfs
esempi
"al rivà il cjalt, e cun chel e cu la ploie la campagne e deventà in pôc timp un splendôr. [...] I contadins a jerin contents di cemût che e vignive la blave o la ue"
da "Prime di sere" di Carlo Sgorlon
""Pan e vin e bigatele che la blave e vegni biele, di lontan e di vicin e pan e vin""
da "La foghere" di Luciano Rocco
vignî v.intr.
(vi-gnî)
Cun averbis, predicatîfs o complements, jessi intune cierte forme o vê ciertis carateristichis tant che risultât di une azion o di une sucession di events
sinonimi
riessi, jessi, risultâ
esempi
"la opare e je vignude mâl"
da "Memoriis di politiche linguistiche" di Adrian Cescje
"cun chês sôs mans miracolosis, e cusive, e pontave, e pleave, e sorepontave, e ricamave, [...]. Salacor i vignivin cussì ben, par vie che ta chel lavôr e meteve ducj i siei siums di fantate"
da "Il muc" di Roberto Ongaro
vignî v.intr.
(vi-gnî)
Vê un ciert presit (coloc.)
sinonimi
costâ
esempi
"Trop vegnial un implant solâr termic? Il presit plen di un implant par une cjase di 4 personis al è tra i 3.000 e i 5.000 euros"
da "Plan energjetic comunâl" di Aministrazion Publiche
vignî v.intr.
(vi-gnî)
Rivâ al orgasmi (pop.)
sinonimi
rivâ
vignî v.aus.
(vi-gnî)
Cun daûr il participi passât, al cjape il puest dal ausiliâr "jessi" inte coniugazion passive, ma dome intai timps sempliçs
sinonimi
jessi
esempi
"la aministrazion de justizie e vignive cjolte al Parlament e metude tes mans dal Lutignint o dai Tribunâi di Vignesie"
da "Cuintristorie dal Friûl fin sot la Italie" di Josef Marchet
"il tesaur cjatât al vignarà consegnât ae comune, al tornarà di ducj"
da "La aghe da pît la cleve" di Dino Virgili
"une famee, indulà che il lavôr di vincj braçs al po vignî straçât di dôs mans solis, e scuen lâ in malore"
da "Trê parabulis" di Alan Brusini
proverbi
"a ce che al ven di adalt nol è ripâr"
"a cui che no si inzegne, i ven la tegne"
"a fâ chel che no si devi, al ven chel che no si credi"
"a Sant Barnabà la ue e ven e e va"
"a spandi sâl a vegnin disgraciis"
"a sta dibant e ven la fiere"
"a stâ fers e ven la mufe"
"a volê contentâ une nuvice e ven la stice"
"al ven ben sant paiarìn che nol rispiete nissun"
"amôr vieri nol ven di rusin"
"ben, ven di ben; mâl, ven di mal"
"bisugne cjoli il ben cuant che al ven e il mâl cuant che si scuen"
"bisugne fâ la roste denant che e vegni la aghe"
"bisugne volêi ben a la tiere parcè che o vignìn di li"
"ce che al ven cence fadie, in pôc timp ancje al va vie"
"ce che al ven di buf in baf, al va di ruf in raf"
"ce che al ven di ruf al va di raf"
"ce che si brame nol ven mai"
"chê persone che no ten la mortificade, no vignarà mai ni buine ni brave"
"cjantâ no si po ben se dal cûr nol ven"
"cjoli il ben cuant che al ven e il mâl cuant che si scuen"
"cuant che a starnudin i mus al ven bon timp"
"cuant che a vegnin i sivilots a finissin i uciei"
"cuant che a ven la burascje, il diaul al trabascje"
"cuant che al è cjalt a vegnin lis moscjis"
"cuant che al ven il mâl si cognòs il ben pierdût"
"cuant che dal cûr nol ven, cjantâ no si po ben"
"cuant che e cjante la rane, a ven la ploie"
"cuant che e je scure la buse di Pinçan, e ven la ploie, co e je clare al ven bon timp"
"cuant che la joibe il soreli al va tal sac, no ven domenie che nol peti un vuac"
"cuant che la prime nêf e ven al plan, pocje nêf in chel an"
"cuant che lis urtiis a àn la rose fin da pît, e ven une vore di nêf ancje al plan"
"cui che al è cence bêçs che no si lassi vignî voiis"
"cui che al gjolt dal mâl dai altris co a vegnin lis disgraciis al vai di bessôl"
"cui che al vûl vivi e che al vûl stâ ben che al cjoli il mont come che al ven"
"dal bon vin al ven bon asêt"
"dal pôc al ven il trop"
"daspò dal burlaç al ven il soreli"
"daspò dal dolç al ven l'amâr"
"daspò dal ridi al ven il vaî"
"daspò dal seren a ven la ploie"
"daspò dal trist al ven il bon"
"daspò dal trist timp al ven il soreli"
"daspò di une grande ligrie e ven une grande malinconie"
"daspò: vite dulcedo, a ven: vite suspiremo"
"di ben al ven ben, di mâl al ven mâl"
"di mâl acuist al ven l'agnel, di mâl acuist e ven la piel"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"ducj i grops a vegnin al pietin"
"dute chê blave che si semene tart e ven cincuantìn"
"e ven la fin dal mont par cui che al mûr"
"i bêçs dai predis a vegnin cjantant e a van vie sivilant"
"i bêçs no vegnin pe lade dal tet"
"i cjatîfs: cjapâju cuant che a vegnin e lassâju lâ cuant che a van"
"i plui grancj fai a vegnin dai plui grancj sapients"
"il lat al ven pe bocje"
"il lat nol ven dai vues"
"il mâl al ven a cjars e al va vie a oncis"
"il mâl al ven a funts e al va vie a oncis"
"il passût al crôt che no i vegni mai plui fam"
"il pitic al ven mangjant"
"il prin miâr di florins al è dificil di fâ, chei altris daspò a vegnin bessôi"
"il timp al passe e la muart e ven"
"il timp al ven par chel che al sa spietâ"
"impare la art e metile de bande, il timp al vignarà che la art e valarà"
"joibe vignude setemane jessude, ma cui che nol à ce mangjâ al à trê dizuns di contâ"
"joibe vignude, setemane jessude; ma cui che nol à ce mangjâ al à trê disons di contâ"
"l'amôr al ven dal util"
"l'arc di Sant Marc la sere, bon timp si spere, l'arc di Sant Marc la doman, no ven mai sere che nol sedi pantan"
"la bielece e va e e ven, e je la bontât che si manten"
"la bramazion e ven, e va; po e torne su la schene di cui che le da"
"la cise mâl vignude e je piês che no metude"
"la cjar e ven buine cuant che e je frole"
"la muart e ven cuant che mancul si le spiete"
"la muart e ven simpri cun cualchi scuse"
"la prudence a ven cui agns"
"la robe e ven e a va"
"la tegne no i ven mai a di un sôl cjâf"
"Nadâl al ven di ogni dì"
"Nadâl al ven dome une volte ad an"
"ni il tentôr ni il muredôr nol vignarà mai siôr"
"no mi cjalâ di Avrîl che o soi intal covîl, cjalimi di Mai e se no ven, vai"
"no si po volê ben cuant che dal cûr nol ven"
"no tu sâs il ben, se il mâl nol ven"
"no ven la fiere in chê dì che si mangje i brugnui"
"o murî zovins o vignî viei"
"o tart o adore la bausie tant che il vueli e ven parsore"
"ogni dì al cjante il gjal e ogni dì al ven dì"
"ogni dì e ven gnot"
"ogni dì la muart e ven"
"ogni grop al ven al pietin"
"ogni setemane e ven sabide"
"pal dolôr di cjâf no lasse di vignî la fiere"
"par che e vegni biele ue e biele blave a vuelin cjantadis lis implorazions de ciale"
"par stâ ben: cjoli il mont come che al ven"
"passûts che si è, nissun nol ven a viodi ce che si à te panze"
"prin di fâ e di dî bisugne pensâ ce che al po vignî"
"prin di nô a jerin altris, po a vignaran ancjemò altris"
"puar chel che si lasse vignî un pedoli"
"Sant Matie se al cjate glace le pare vie, se no 'nt cjate ind fâs vignî"
"scove gnove a scove ben, viodarìn chest an cu ven"
"se a 'nd ves e se a 'nt fos a jerin doi fradis e no si vignivin nuie"
"se a 'nt fossin, se a 'nd vignissin, se a 'nd vessin, a son fradis"
"se a 'nt fossin, se a 'nd vignissin, se a 'nd vessin, a son trê sants che a durin dut l'an"
"se e ves di vignî la murie dai stupits, si disvuedarès il mont"
"se no lis àn, a son daûr a vignî"
"se no si capìs che si à di volêsi ben in chest mont, no si capìs ce che si è vignûts a fâ"
"si à di fâ la roste prin che a vegni la aghe"
"si cognòs il ben co al è finît e plui nol ven"
"spietâ e no vignî a son robis di murî"
"sul cjâf a ven la tegne"
"tant alt al va il scriç, tant alte e ven la nêf"
"tic tic tic, il muredôr nol vignarà mai ric"
"une volte ad an e ven pasche"
"vegnie tarde la Pasche o a buinore, di là a durmî daspò gustât e je simpri ore"
Torna in Cima
Torna in Cima